اردو محفل فورم یاد یہ رکھنا ہر دم (نظم از محمد اسامہ سَرسَری)

[محمد اسامہ سَرسَری]

اردو کا جب استشہاد کیا جاوے گا
تیری لڑیوں کو استاد کیا جاوے گا

جانے تجھ کو کتنا یاد کیا جاوے گا
یاد تجھے بس لا تعداد کیا جاوے گا

جس محفل میں تجھ محفل کے شعر پڑھیں گے
محفل بھر ”ارشاد ارشاد“ کیا جاوے گا

اے آئی سے تیری لڑیاں سرچ کرا کر
ہر اک کو ذی استعداد کیا جاوے گا

اردو محفل فورم! یاد یہ رکھنا ہر دم
ہر محفل میں تجھ کو یاد کیا جاوے گا

تیرے آنگن کی ہر خوشبو ساتھ چلے گی
بزمِ نو کو جب آباد کیا جاوے گا

اردو کی جو بھی نئی کوشش ہوگی اسامہ!
اردو محفل کو بنیاد کیا جاوے گا

محمد اسامہ سَرسَری

 

[محمد اسامہ سَرسَری]

یہ نظم اس لڑی میں وجود پذیر ہوئی ہے۔

 

[مریم افتخار]

اور اس میں 7% شئیر ہمارا ہے بھئی! 😅

 

[محمد اسامہ سَرسَری]

اور اس میں 7% شئیر ہمارا ہے بھئی! 😅

بنیادی اینٹ وہی سات فیصد ہے، یہ اور بات ہے کہ اس اینٹ کے لیے خام مواد بھی میرا ہی دیا ہوا تھا۔ 🙂

 

[صریر]

بنیادی اینٹ وہی سات فیصد ہے، یہ اور بات ہے کہ اس اینٹ کے لیے خام مواد بھی میرا ہی دیا ہوا تھا۔ 🙂

کیسے ہیں اسامہ سر؟ بہت دنوں بعدمحفل پر آپ کا تازہ مراسلہ دیکھنے کو ملا! اردو اور اردو محفل کے لئے آپ کی خدمات بھی قابلِ قدر ہیں، میں بھی آپ کا ممنون ہوں، آپ سے بہت کچھ سیکھنے کو ملا، اللہ آپ کو جزائے خیر عطا فرمائے!

 

[مریم افتخار]

بنیادی اینٹ وہی سات فیصد ہے، یہ اور بات ہے کہ اس اینٹ کے لیے خام مواد بھی میرا ہی دیا ہوا تھا۔ 🙂

اپنے جملے کو گارے سے سے تشبیہہ دی بھی تو کیا خوب دی!

 

[محمد اسامہ سَرسَری]

کیسے ہیں اسامہ سر؟ بہت دنوں بعدمحفل پر آپ کا تازہ مراسلہ دیکھنے کو ملا! اردو اور اردو محفل کے لئے آپ کی خدمات بھی قابلِ قدر ہیں، میں بھی آپ کا ممنون ہوں، آپ سے بہت کچھ سیکھنے کو ملا، اللہ آپ کو جزائے خیر عطا فرمائے!

جی میں خیریت سے ہوں۔ آپ سنائیے، کیا مصروفیات ہیں آج کل؟ 🙂

 

[محمد اسامہ سَرسَری]

اپنے جملے کو گارے سے سے تشبیہہ دی بھی تو کیا خوب دی!

اب پتا نہیں یہ عمدہ تشبیہ ہے یا عجز بیان۔ 🙂

 

[صریر]

جی میں خیریت سے ہوں۔ آپ سنائیے،

الحمد ، میں بھی خیریت سے ہوں۔

کیا مصروفیات ہیں آج کل؟

بس وہی، گھر ، آفس اور مسجد۔ اینڈرائیڈ ڈیویلپمنٹ اور اے آئی کے متعلق کچھ نہ کچھ سیکھنا چلتا رہتا ہے۔

 

[محمد اسامہ سَرسَری]

الحمد ، میں بھی خیریت سے ہوں۔

بس وہی، گھر ، آفس اور مسجد۔ اینڈرائیڈ ڈیویلپمنٹ اور اے آئی کے متعلق کچھ نہ کچھ سیکھنا چلتا رہتا ہے۔

ماشاءاللہ بارک اللہ فی اوقاتک۔