لینکس اردو سلیکس 2 کا اجراء
- صاحب لڑی مکی
- تاریخ ابتداء
-
- ٹیگ
- اردو سلیکس
live CD بنانے کا ایک مقصد یہ بھی ہوتا ہے کہ جن بد قسمتوں نے لینکس نہیں آزمایا وہ اس سے تعارف حاصل کریں۔ اردو سطح البین آزمانے کا بھی یہ اچھا طریقہ ہے کہ صارف کو پسند آتا ہے یا نہیں۔ سلیکس کی خوبی یہ ہے کہ پرانے شمارندوں پر بھی خوب بھاگے ہے۔ ابنتو وغیرہ کی live CD نہیں چلتی اگر آپ کی "تصادفی رسائی حافظہ" کم ہو۔
torrent
اس ٹورنٹ سے کوشش کر کے دیکھیں
http://torrents.thepiratebay.org/4934162/slax.4934162.TPB.torrent
اس ٹورنٹ سے کوشش کر کے دیکھیں
http://torrents.thepiratebay.org/4934162/slax.4934162.TPB.torrent
مکی
معطل
آپ نے ٹورنٹ فراہم کر کے زبردست کام کیا ہے.. بہت شکریہ..
خرم شہزاد خرم
لائبریرین
بہت شکریہ مکی بھائی اللہ تعالیٰ آپ کو اس کا اجر عطا فرمائیں
پہلے مجھے ان چیزیں میں کوئی دلچسپی نہیں تھی جب سے ابوظہبی میں آیاہوں اور کمپیوٹر کی فیلڈ میں پڑا ہوں تو میرا دل بھی کرتا تھا کہ اردو میں سب کچھ ہو۔ یہاں میں نے دیکھا ونڈو تک عربی میں ہوتی ہے عربیوں کے لیے ہر چیز عربی میں ہوتی ہے تو پھر اردو بولنے والوں کے لیے اردو میں کیون نہیں بہت شکریہ
پہلے مجھے ان چیزیں میں کوئی دلچسپی نہیں تھی جب سے ابوظہبی میں آیاہوں اور کمپیوٹر کی فیلڈ میں پڑا ہوں تو میرا دل بھی کرتا تھا کہ اردو میں سب کچھ ہو۔ یہاں میں نے دیکھا ونڈو تک عربی میں ہوتی ہے عربیوں کے لیے ہر چیز عربی میں ہوتی ہے تو پھر اردو بولنے والوں کے لیے اردو میں کیون نہیں بہت شکریہ
نبیل
تکنیکی معاون
جیسبادی کچھ تفصیل سے بتائیں کہ اس سلسلے میں کیا کیا جانا چاہیے۔ کیا اس کے لیے علیحدہ ویب سائٹ تشکیل دی جانی چاہیے یا پھر کسی جگہ نام درج کروانے کی ضرورت ہے؟
نبیل
تکنیکی معاون
جزاک اللہ، یہ آپ نے بہت اچھا کام کیا ہے۔
ترجمہ کا کام تو معلوم ہوتا ہے کہ ماشاللہ مکی صاحب نے پہلے ہی لے رکھا ہے،
http://i18n.xfce.org/stats/?lang=ur&branch=xfce/trunk
اس طرح کے منصوبوں میں آغاز کرنے کے ساتھ اتنا ہی ضروری ہوتا ہے کہ اسے ایک بار کر کے چھوڑ نہ دیا جائے، بلکہ XFCE کا جو بھی نیا اخراجہ آئے اس کا ترجمہ بھی ساتھ ہی ہو۔ اس سے صارفین کو تسلی رہے گی وہ یہ اپنا کر کوئی غلطی نہیں کر رہے۔
بہت سے لوگ مکی صاحب کو مشورہ دے رہے ہیں کہ ابنتو یا کوئی اور لینکس زیادہ بہتر ہے۔ میری نظر میں زیادہ اہم یہ ہے کہ سلیکس کو ہی یکسو ہو کر آگے بڑھایا جاَئے تا کہ اردو صارفین اعتماد سے اس کو اپنا سکیں۔ جس کام کا پتہ نہ ہو کہ اسے آگے چلانے والا کوئی ہو گا بھی یا نہیں وہ تو لوگ وقتی واہ واہ ہی کریں گے، اپنائیں گے نہیں۔
مزید مکی صاھب ہی بتا سکتے ہیں کہ انہیں اس منصوبہ کو جاری رکھنے میں محفلین سے کس طرح کا تعاون درکار ہو گا۔
محمد سعد
محفلین
بات کچھ یوں ہے کہ سلیکس کے ساتھ ہی چپکے رہنے کی کوئی ضرورت نہیں۔ ڈسٹربیوشن ایسی منتخب کی جائے جو صرف لائیو سی ڈی کے طور پر ہی چلانے کے لیے تیار نہ کی گئی ہو کیونکہ ایسی ڈسٹربیوشن کو ہارڈ ڈسک پر نصب کرنا یا تو ناممکن ہوتا ہے، یا پھر اتنا پیچیدہ کہ زیادہ تر لوگ ناممکن سمجھ کر چھوڑ دیتے ہیں۔ ویسے بھی جب Xfce کا ترجمہ ہو گیا ہے تو اسے استعمال کرنے والی کسی بھی ڈسٹربیوشن کو اردو سلیکس ہی کی طرز پر ڈھالا جا سکتا ہے۔ اور اگر Xfce کے ساتھ عام طور پر استعمال ہونے والے دیگر اطلاقیوں، مثلاً GNumeric وغیرہ کا ترجمہ کر لیا جائے تو کسی بھی ڈسٹربیوشن پر استعمال کرتے ہوئے ترجمہ اور بھی زیادہ مکمل لگے گا۔ میں نے خود فیڈورا پر Xfce کا ترجمہ استعمال کیا ہے۔ اردو سلیکس کے مقابلے میں فرق صرف اتنا ہے کہ فیڈورا پر دیگر اطلاقیوں کی بڑی تعداد کے باعث ترجمہ شدہ حصہ بہت کم محسوس ہوتا ہے۔
جب Xfce اور اس کے ساتھ عام طور پر استعمال ہونے والے اطلاقیوں کا ترجمہ دستیاب ہو، تو چاہے پھر سلیکس ہو، ابنٹو ہو، یا کوئی بھی اور ڈسٹربیوشن ہو، ترجمہ تو سبھی کے لیے دستیاب ہوگا۔ تو ایسے میں سلیکس جیسی اوکھی ڈسٹربیوشن کے ساتھ چپکے رہنا محض حماقت ہوگی کہ تیار کرنے والے کا بھی اچھا خاصا وقت لگ جایا کرے گا اور صارف کو بھی اسے سمجھتے سمجھتے اور اس کا عادی ہوتے ہوتے ایک آدھ سال گزر جایا کرے گا۔
محمد سعد
محفلین
سب سے پہلے تو ہمیں مناسب حد تک بڑی رضاکاروں کی فوج چاہیے جو صرف رضاکار ہی نہ ہوں بلکہ ان کے پاس تھوڑا بہت فارغ وقت بھی ہو۔
سب سے بڑا مسئلہ یہ ہے کہ جن کے پاس وقت کی کوئی کمی نہیں ہوتی، وہ عموماً اسے یوں ہی ضائع کر دینے کو ترجیح دیتے ہیں۔ چنانچہ نتیجہ یہ ہوتا ہے کہ رضاکار کم اور کام زیادہ ہوتا ہے۔ تو ایسے میں کسی بھی منصوبے کو مناسب حد تک توجہ نہیں مل پاتی ہے۔
ویسے الگ ویب سائٹ کا خیال بھی اچھا ہے۔ اگر اس سے کسی قسم کی مدد ملتی ہو تو۔
مکی
معطل
گڈیز کا ترجمہ بھی مکمل ہے:
http://i18n.xfce.org/stats/?lang=ur&branch=goodies/trunk
صرف سکرین شوٹر کو اپڈیٹ کی ضرورت ہے، میں آج ہی اسے اپڈیٹ کرتا ہوں.
arifkarim
معطل
شکریہ مکی۔ اتار کر چیک کرتا ہوں!
ترجمہ جب دستیاب ہو تو آپ کی بات درست ہے کہ کہیں بھی استعمال ہو سکتا ہے۔ مگر ایک بنی بنائی Live CD کی ضرورت تو بحرحال رہے گی۔ اس وقت slax ایک بہترین liveCD نظام سمجھا جاتا ہے جس کی باقی ڈسٹرو (جیسے suse, ubuntu) کی بنسبت کئی خوبیاں ہیں، جو آپ جالبین پر پڑھ سکتے ہیں۔
محمد سعد
محفلین
سلیکس بلاشبہ ایک طاقتور نظام ہے۔ لیکن جس مقصد کے لیے ہم اردو لینکس ڈسٹربیوشن تیار کر رہے ہیں، یعنی عام لوگوں کے استعمال کے لیے، اس کے لیے یہ اپنی پیچیدگیوں کے باعث مجھے مناسب معلوم نہیں ہوتا۔ کیونکہ جن کے لیے اسے تیار کیا جا رہا ہے، ان میں سے بیشتر نے تو پہلے لینکس نظام کا نام تک نہیں سنا۔ چنانچہ انہیں یکدم اتنی بڑی چھلانگ لگوانے میں ان کی ہڈیاں ٹوٹنے کا خطرہ ہے۔ اسی لیے میں کہہ رہا ہوں کہ اگلی بار کسی نسبتاً آسان ڈسٹربیوشن کو بنیاد بنایا جائے جو کہ لائیو بھی چل سکے اور ہارڈ ڈسک پر بھی آسانی سے بغیر کسی جادو ٹونے کے نصب ہو جائے۔ اس کے علاوہ روز مرہ کے معاملات بھی اس میں آسانی سے انجام پا سکیں (اس بات کو بہتر طور پر سمجھنے کے لیے سلیکس کی ہارڈ ڈسک پر تنصیب کا سبق دیکھ لیں)۔ تاکہ زیادہ سے زیادہ لوگ اس سے فائدہ حاصل کر سکیں۔
ہاں اگر سلیکس کو بھی استعمال میں اتنا آسان بنایا جا سکے تو کوئی حرج نہیں۔ لیکن اس میں زیادہ محنت اور وقت کی ضرورت پڑے گی جبکہ اس طرح کے کاموں کے لیے رضاکاروں کی تعداد پہلے ہی کم ہے۔ چنانچہ اگر آسان طریقہ اپنایا جائے تو اس میں سے بچے ہوئے وقت کو مزید تراجم کے لیے استعمال کیا جا سکتا ہے۔ جو کہ میرے خیال میں بہتر راستہ ہے۔
صارفین کی کثیر تعداد ونڈوز چھوڑنے پر آمادہ ہی نہیں، اور نہ ہی وہ اپنی ڈسک پر کچھ نصب کرنے کا خطرہ مول لینے کے لیے تیار ہیں۔ ایسے لوگوں کے لینکس سے تعارف کے لیے liveCD یا USB ہی بہترین طریقہ ہے۔
جو لوگ لینکس پر آمادہ ہیں وہ تو پہلے ہی استعمال کر رہے ہیں، اردو ہو یا نہ۔
محمد سعد
محفلین
میں نے پایا ہے کہ فیڈورا سے بھی یہی کام لیا جا سکتا ہے اور اس کے نمایاں فوائد میں سے دو تو یہ ہیں کہ اول اسے لائیو چلانے کے ساتھ ساتھ ہارڈ ڈسک یا فلیش ڈرائیو پر نصب کرنا بھی بہت آسان ہوگا۔
اس کے ساتھ ساتھ فیڈورا کے ہر نئے نسخے کی آمد کے کچھ ہی دن بعد اس کا اردو نسخہ جاری کرنا بھی آسان ہو جائے گا (اگر ترجمہ اپڈیٹ نہ کرنا پڑے تو)۔ یعنی اپڈیٹ کا عمل تیز تر اور آسان تر ہو جائے گا۔ جس سے بہت وقت اور محنت کی بچت ہوگی۔
مجھے یاد پڑتا ہے کہ ایک دفعہ فیڈورا اور سوسے کی liveCD زیر اثقال کر CD پر ڈالیں۔ دونوں نے کام کرنے سے انکار کر دیا۔ وجہ یہی سمجھ میں آتی تھی کہ شمارندہ میں RAM کچھ کم تھی, 256K۔ ایک ڈسٹرو نے تو ایسی پارٹیشن جو کہ کسی اور مقصد کے لیے تھی کو mount کر کے اس کا بیڑا غرق کر دیا۔ واقع یہ ہے کہ اکثر ڈسٹرو کی liveCD صرف دکھاوے کے لیے بنائی جاتی ہے، استعمال کے لیے نہیں۔
محمد سعد
محفلین
حیرت کی بات ہے۔ میں نے تو آج تک کوئی ایسی لائیو سی ڈی نہیں دیکھی جو محض دکھاوے کے لیے ہو۔ بہرحال، آپ بے فکر رہیں۔ میرے پہلے تجربے کے نتائج کافی حوصلہ افزا ہیں۔