1. اردو محفل سالگرہ پانزدہم

    اردو محفل کی پندرہویں سالگرہ کے موقع پر تمام اردو طبقہ و محفلین کو دلی مبارکباد!

    اعلان ختم کریں

اردو سائنس بورڈ کا سائنسی انسائیکلو پیڈیا

وہاب اعجاز خان نے 'برقیانے کیلئے کتب کی فرمائش' کی ذیل میں اس موضوع کا آغاز کیا، ‏جولائی 20, 2011

  1. وہاب اعجاز خان

    وہاب اعجاز خان محفلین

    مراسلے:
    1,587
    دو سال پہلے ہمیں معلوم ہوا تھا کہ چھ جلدوں میں اس کی اشاعت ہوئی ہے اور ملک کے تمام یونیورسٹیوں اور ڈگری اور پوسٹ گریجویٹ کالجوں میں اس کی مفت تقسیم کا طریقہ کار بھی وضع کیا گیا ہے۔ ہم نے اردو سائنس بورڈ پشاور کو کالج کی جانب سے خط ارسال کیا اور جب کاپی لینے کے لیے ان کے دفتر پہنچے تومعلوم ہوا کہ یہ قیمتی انسائکلو پیڈیا کالج ہذا کے نام سے کوئی جن بھوت نجانے کب ایشو کروا چکا ہے۔ (جیو پاکستانی کلرک تیرے کیا کہنے ) لاکھ ہاتھ پیر مارے اردو سائنس بورڈ کے مرکزی دفتر لاہور خط ارسال کیا۔ جہاں سے اس معاملے کی تحقیقات کی یقین دہانی کرائی گئی مگر بات نہیں بنی۔ اس پوری تمہید کا مقصد یہ تھا کہ اردو میں سائنس مواد کے حوالے سے یہ ایک بہترین کاوش ہے اس کو آن لائن کرنے کی اشد ضرورت ہے ۔ جہاں تک مجھے معلوم ہے اردو سائنس بورڈ والوں نے اس کو انٹرنیٹ کا حصہ بنانے کے بھی دعوے کر رکھے ہیں مگر حال یہ ہے کہ ان کی ادارے کی ویب سائٹ سالوں سے فنڈز نہ ملنے کی وجہ سے تاحال منظر عام پر نہیں آسکی ہے۔ حالانکہ ان کے لیٹر پیڈ پر اس کا پتہ باقاعدگی سے چھاپا جارہا ہے۔ ایسے میں اگر ان کے مرکزی دفتر لاہور سے رابطہ کیا جائے یا لاہور کے دوستوں میں سے کوئی خود وہاں جاکر ادارے کے سربراہ کو اس بات پر آمادہ کر سکے کہ کسی نہ کسی طرح اس انسائیکلو پیڈیا کو اردو ویب کی مدد سے انٹرنیٹ پر منظر عام پر لایا جائے تو یہ ایک بہت بڑی کامیابی ہوگی اور سائنسی مواد کے حوالے سے اردو انٹرنیٹ پر موجود خلا کو کچھ حد تک کم کیا جاسکے گا۔
     
    • پسندیدہ پسندیدہ × 8
    • زبردست زبردست × 1
  2. نبیل

    نبیل محفلین

    مراسلے:
    16,709
    جھنڈا:
    Germany
    موڈ:
    Depressed
    وہاب، معلومات فراہم کرنے کا شکریہ۔ اگر لاہور کے کوئی دوست اس سلسلے میں تعاون کر سکیں تو اچھا ہوگا۔ کچھ دنوں میں میرا بھی پاکستان جانے کا ارادہ ہے۔ اگر ممکن ہوا تو میں بھی اس کا سراغ لگانے کی کوشش کروں گا۔
     
    • پسندیدہ پسندیدہ × 3
  3. ابوشامل

    ابوشامل محفلین

    مراسلے:
    3,253
    جھنڈا:
    Pakistan
    موڈ:
    Cheerful
    آپ کو بہت دیر میں علم ہوا ہے شاید۔ میں تو گزشتہ دو سال سے اردو سائنس بورڈ کا انسائیکلوپیڈیا کراچی میں ہونے والے بین الاقوامی کتب میلے میں دیکھ رہا ہوں۔ شاید آپ کی تاخیر کی وجہ سے ہی کوئی بھوت آپ کے کالج کے نام سے لے جانے میں کامیاب ہوا۔ بہرحال، یہ انسائیکلوپیڈیا بہت خاصے کی چیز ہے۔ کتب میلے میں 40 فیصد رعایت پر دستیاب تھا لیکن میں لے نہ سکا۔ البتہ کوشش ہوگی کہ اگلی مرتبہ موقع ملے تو ضرور لوں۔ اگر یہ انٹرنیٹ پر دستیاب ہو تو یہ بہت بڑا کارنامہ ہوگا۔
     
    • پسندیدہ پسندیدہ × 2
  4. وہاب اعجاز خان

    وہاب اعجاز خان محفلین

    مراسلے:
    1,587
    محترم ابوشامل شاید آپ نے پوسٹ کو صحیح پڑھا نہیں ۔ میں دو سال پہلے کا ہی ذکر کر رہا ہوں۔ کتابی صورت میں اس کا حصول مشکل نہیں ۔ اصل کامیابی اس صورت میں ملے گی جب اس کی سافٹ کاپی تک رسائی ممکن ہو سکے۔ ادارے کے سربراہ سے ملاقات کی اصل وجہ سافٹ کاپی کا حصول ہے۔ جس سے کام بہت آسان بنایا جاسکتا ہے۔
     
  5. طارق راحیل

    طارق راحیل محفلین

    مراسلے:
    448
    جھنڈا:
    Pakistan
    موڈ:
    Angelic
    آپ لوگوں نے جناب سید قاسم محمود کے سائنسی انسائیکلو پیڈیا کو شائد نظر انداز کر دیا ہے یا دیکھا ہی نہیں ہے
    بچپن میں اپنے انکل کی لائبریری مین انکل کو پڑھتے دیکھنے کا اتفاق ہوا تھا ہاتھ لگانے کی اجازت نہین تھی

    بڑے ہوئے تو انکل وفات پا چکے تھے ناہنجار بیٹوں نے جان کیا کیا ان کتابون گا مجھے سخت غصہ آتا تھا تب سے وہ تلاش کر رہا ہوں

    ، اسلامی انسائیکلوپیڈیا، انسائیکلوپیڈیا پاکستانیکا، سائنس انسائیکلوپیڈیا اور سیرت انسائیکلوپیڈیا۔

    کیا ان کتابوں کو برقیایہ نہیں جا سکتا؟؟

    ان کی صحت مین کوئی شک کی گنجائش نہین کر سکتا جس نے سید قاسم محمود کا نام سنا ہوگا

    کچھ کریں گے؟؟
     
  6. محمد وارث

    محمد وارث لائبریرین

    مراسلے:
    26,162
    جھنڈا:
    Pakistan
    موڈ:
    Depressed
    طارق صاحب سید قاسم صاحب کا کام واقعی لاجواب ہے، ان کے کاپی رائٹس کی اجازت آپ لا دیں، برقیا ہم لیں گے :)
     
    • پسندیدہ پسندیدہ × 1
    • متفق متفق × 1
  7. الف نظامی

    الف نظامی لائبریرین

    مراسلے:
    15,741
    جھنڈا:
    Pakistan
    موڈ:
    Amused

اس صفحے کی تشہیر