بلعون صناع مکین و مکاں بفضل خلاق زمین و زماں
السلام علیکم، یاد بخیر آج کچھ وقت ملا تو سافٹ وئیر پر کچھ کام کیا ہے۔ دور حاضر کے دوسرے سافٹ وئیرز کی طرح اس ایڈیٹر میں ٹیبز کی سپورٹ شامل کر دی ہے ایک ہی وقت میں جتنی مرضی فائلیں اوپن کریں۔ کام کافی زیادہ لمبا تھا سافٹ وئیر کے کوڈ کے ایک بڑے حصے کو دوبارہ لکھنا پڑا کیونکہ بناتے وقت اس کا سوچا نہیں تھا مگر خود امتحانات کی تیاری کرتے وقت ایڈیٹر کو جب ڈکشنری کے طور پر استعمال کیا تو ایک سے زیادہ فائلوں پر کام کرنا، پڑا اور ٹیبز کے آپشن کی ضرورت شدت سے محسوس کی۔ اور الحمد للہ اس کو بنانے میں کامیاب رہا۔ بناتے وقت خیال تھا شاید کچھ آپشن کام نہ کریں مگر یہ کام بخوبی پایا تکمیل کو پہنچا۔
لائن سپیسنگ کا آپشن بھی ڈیفالٹ کنٹرول میں موجود نہیں یہ بھی شامل کر دیا گیا ہے۔
فونٹس کے بہتر استعمال کے لیے فونٹس کمبو باکس بنایا ہے۔ یہ نا صرف فونٹ کی وضع کو واضح کرتا ہے بلکہ اس میں اپنی مرضی کے فونٹ سر فہرست کیے جا سکتے ہیں، سافٹ وئیر چلتے وقت دیکھ لے گا اگر یہ فونٹس انسٹال ہوئے تو ٹھیک ورنہ ان کو لسٹ سے نکال دے گا۔ اور پھر اس کے بعد سسٹم پر انسٹالڈ فونٹس کی لسٹ تیار کرے گا۔
تصویر ملاحظہ کریں۔
فائل ایکسپلورر کے نام سے نیا ایڈ آن شامل کیا ہے۔ تاکہ سافٹ وئیر میں نئی فائلیں کھولنے کی سہولت بہتر ہو۔
تصویر:
ڈرگ ایڈ ڈراپ باسکٹ کے نام سے نیا آیڈ آن شامل کیا ہے۔ دور حاضر کے ڈاؤنلوڈرز کی باسکٹ کی طرح اس کو استعمال کیا جا سکے گا۔ باسکٹ کو اپنی مرضی کی جگہ پر رکھ دیں۔ اس میں ایک سرخ اور ایک سبز خانہ ہے۔ ونڈوز میں کسی بھی جگہ سے ٹیکسٹ کو سلیکٹ کر کے سبز خانے میں پہنچا دیں۔ تو ایڈیٹر کی ایک نئی ٹیب اوپن ہو گی اور منتخب کیا ہو متن وہاں ملے گا۔ دوسرا سرخ خانہ ڈکشنری کے لیے ہے لفظ کو منتخب کر کے سرخ خانے میں ڈالنے سے سسٹم ٹرے میں لفظ کی تفصیلات نظر آئیں گی۔
