واہ جی واہ ایڈا سوہنا کلام - امرتا پریتم دے اج اکھا وارث شاہ نوں دے جوڑ دا کلام اے اج ویہڑے ہوگئے سُنجرے اج سُکیا ویکھ چناء اج پھرن آزردہ رانجھنڑے اج کھیڑے کردے چاء
سرجی ودھیاکلام آجاؤ پڑھن واسطے تلمیذ صاحب سید زبیر سرکار فلک شیر پھا جی محمود احمد غزنوی پھا جی نیرنگ خیال سوہنیوں
اپنی زبان دا دوھڑا اے ایسے تاں سدھا دل اتے اثر کردا اے ۔ اج کل میں اپنی پنجابی دی املاء سدھی کر ریا واں تے تد کر کے ہی ایہہ شاعری نوں ٹائپ کرن لگا ہویا آں ۔
انج ای تہاڈی لکھت ول ہوو ے گی۔ مشق ای ایس دا راز اے۔ بہت اعلیٰ کلام ڈھونڈیا جے، سرکار۔ جداں مرزا صاحب نے آکھیا اے، ایدے وچ امرتا ہوراں دا رنگ اے۔ غلام حسین ندیم نوں پہلی وار پڑھیا اے۔ ایہہ تے دسو پئی فونٹ کیہڑا ورتیا اے تساں؟ جہانزیب
فونٹ شہرزادے اے، ایہدے نال پنجابی تاں نئیں البتہ سرائیکی دا اڑنون ٹھیک لکھیا جاندا اے، پنجابی دا دو نقطیاں آلا اڑنون تے ہجے تیکر یونی کوڈ اسٹینڈرڈ وچ ہے ہی نئیں، پر فیر وی گزارہ ہو جاندا اے ایدھے نال وی ۔
تسی جے یو ٹیوب اتے ماں بولی لکھ کے لبھو گے تاں مڈھلا لنک ہی ندیم صاحب ہوراں دا نکلے گا، اوتھوں ای سن کے میں ایہہ سب کلام ہولی ہولی لکھ ریا واں ۔
لکھت نالوں ودھ جہیڑی گل اتے مینوں حیرانی ہو رئی اے او ایہہ وے کہ پڑھن نال تہاڈے بھلے حرف فیر چیتے آون لگ جاندے نے، جنہاں نوں اسی ورتنا چھڈ دتا اے ۔
شکریہ۔ انج تے سرائیکی تے پنجابی دونویں اک طراں وی لکھی جاسکدیاں نیں تے پڑھن والیاں نوں سمجھ وی آ جاندی اے۔ پر ایس' اڑنون' دا ورتاوا سرائیکی وچ بہتا اے۔ پنجابی دے لکھاریاں وچ، میرا وچار اے، ایہہ طرز اینی مقبول نئیں ہوئی۔
