پہلی سالگرہ آپ سب کو محفل فورم کی پہلی سالگرہ مبارک

قیصرانی

لائبریرین
شکریہ نبیل بھائی کہ اس قابل سمجھا۔ میں نے زکریا بھائی کے صفحے پر، شمشاد بھائی کے صفحے پر اور آپ کے صفحے پر پیغام لکھے تھے۔ لیکن اب اس صفحے پر وہ دکھائی نہیں‌دے رہا۔ مبارکباد کا ہی تھا۔
بےبی ہاتھی
 

جہانزیب

محفلین
آج اردو محفل کے ایک سال کی تکمیل پر دل کو ازحد خوشی ہو رہی ہے، صرف ایک سال کی تکمیل ہی نہیں بلکہ ایک شاندار آغاز کہنا بہتر ہو گا، جب محفل کا آغاز ہوا تب مجھے یاد ہے نئے زمرے بنانے اور انکا نام سوچنے میں بھی وقت لگتا تھا لیکن اس ایک سال میں اردو محفل نے ماشااللہ ویب پر اردو کے فروغ کے لئے ایک مقام بنا لیا ہے، جس میں اردو کے چاہنے والوں نے لائیبریری پراجیکٹ ، اردو میں مقامیائے گئے سافٹ وئیرز اور اردو استعمال کرنا چاہنے والوں کے لئے ایک ایسا پلیٹ فارم مہیا کر دیا ہے جہاں وہ ایک نا محسوس طریقے سے آسانی سے حصہ لے لیتا ہے اور ویب پر آگے یہی صارف اردو پھیلانے کا ذریعہ بن سکتا ہے، جب قدیر احمد رانا نے اپنے بلاگ پر پی ایچ پی مقامیانے کی بات کی تو اس طرح کی محفل ایک خواب ہی تھی، شروع میں سست روی سے کام ہوا، ترجمہ مکمل ہوا، نبیل نے اس میں ویب پیڈ نصب کیا، اور میرے خیال میں اس ویب پیڈ کی تنصیب ہی اس محفل میں ایک زبردست اور تاریخی کامیابی تھی جس کی مدد سے صارفین آسانی سے اردو عبارت لکھنے کے قابل ہوئے نہیں تو اگر صارفین کو اردو اپنے کمپیوٹر سے لکھنا پڑتی یا پھر بات سے بات فورم کی طرح ایک الگ صحفے پر جا کر پیڈ میں لکھ کر اسے کاپی کر کے پیسٹ کرنا پڑتا تو شاید اس محفل میں ہمیں اتنے اردو خطوط نہیں ملتے جتنے کہ رومن، میں اس پیڈ کی تنصیب پر نبیل کو مبارکباد پیش کرتا ہوں، اسکے بعد جب اردو ویب پر پہلی دفعہ اس محفل کو جاری کیا گیا تو اگلے تمام مسائل جیسے پی ایچ پی اور یونیکوڈ ڈیٹا بیس کے مسائل اور جیسے مجھے یاد ہے کہ شروع میں کچھ اراکین کے لمبے نام نہیں بنائے سکتے تھے ان تمام مسائل کو زکریا نے حل کیا اور مجھے سمجھ نہیں آتی کہ زکریا کو ان مسائل کی کیسے سمجھ آ جاتی تھی۔(مذاق ہے) اس سب کے بعد بھی جب شروع شروع میں میں اس محفل میں آتا تھا تو ایسا ہی خیال تھا کہ یہ ایک ایسی محفل ہو گی جو دیگر لا تعداد انگریزی فورمز کی طرح ہو گی جہاں اراکین آئیں گےایک دوسرے کا حال احوال پوچھیں گے، آج کیا کیا؟ وغیرہ وغیرہ مگر وقت کے ساتھ نہ صرف محفل نے اپنے آپ کو اس عمومی طریقے کے فورم سے علیحدہ کیا بلکہ ایک ایسا لائحہ عمل اختیار کیا جس سے محفل نے ایک انفرادی حثیت اختیار کر لی، آج اگر کوئی ویب پر اردو کی تلاش کرے اور اس میں مدد درکار ہو تو ہو ہی نہیں سکتا کہ وہ محفل پر نہیں آئے، نئے نئے منصوبے نہ صرف بنے بلکہ ان پر عمل کیا گیا، چاہے لائبیریری ہو، ورڈ پریس کا مقامیانہ، یا جملہ کا مقامیانہ، اس سب کے لئے تمام اراکین مبارکباد کے مستحق ہیں، لیکن خصوصی طور پر دوست، مہوش، راجہ فار حریت، ماوراء، محب علوی، شمشاد، نعمان جنہوں نے ان تمام منصبوبوں پر عملی حصہ لیا، اور ڈاکٹر افتحار راجہ، قیصرانی، منہاجین، بوچھی، اور تمام اراکین جنہوں نے اس محفل پر گفتگو کا ایسا سلسلہ جاری رکھا جس سے اراکین کی تعداد دن بدن بڑھتی رہی، اور محفل کے نئے نئے رنگ اور ڈھنگ بنتے گئے،
تمام اراکین کو محفل کی سالگرہ مبارک ہو اور ہماری محفل دن دوگنی رات چوگنی ترقی کرے۔۔
 

دوست

محفلین
بس اب اس سپرٹ کو قائم رکھنا ہے۔ کام شروع کر لینا مسئلہ نہیں اسے جاری رکھنا اور انجام تک لے جانا اصل مسئلہ ہے۔
دعا کیجیے گا اور دوا بھی۔
اللہ توفیق دے۔
 
بہت عمدہ جہانزیب اور بڑی عمدگی سے اردو محفل کی تاریخ کے چند پہلوؤں پر روشنی ڈالی ہے ۔ مجھے انتظار تھا تمہاری پوسٹ‌کا اور اب تم آنا کیوں کم ہوگئے ہو یہ بھی بتاتے جاؤ نہ ۔ کیا کیک اور جوس لیے تم نے سالگرہ کے ، ابھی بھی کئی مزے مزے کے کھانے چل رہے ہیں۔
 

الف عین

لائبریرین
مبارک ہو ہم سب کو۔
اور ادھر نبیل ہیں کہ ایسے مبارکباد وصول کر رہے ہیں جیسے وہی اب ایک سال کے ہوئے ہیں۔ ارے بھئ یہ تو ہم سب کے جشن کا موقعہ ہے۔ خود کو مبارکباد دینے کا۔ خیر یہ تو مذاق ہوا۔ لیکن اس میں واقعی نبیل کے ویب پیڈ کا زیادہ عمل دخل رہا ہے۔ اس لئے سب سے پہلے مبارکباد کے وہی مستحق ہیں۔
اور میرے لئے جو نیک جذبات کا اظہار کیا ہے احباب نے، ان کے لئے میں اپنے کو مستحق نہیں سمجھتا۔
 
بہت خوب کیا عمدہ پوسٹ کی ہے اعجاز صاحب آپ نے اور جتنا آپ کے لیے کہا گیا ہے وہ ابھی کافی کم ہے آپ کا کام اس سے کہیں زیادہ ہے ۔ آپ کی شفقت سے یہ محفل اور ترقی کرتی رہے گی ۔
 

رضوان

محفلین
گو کہ مجھے تاخیر ہوگئی ہے لیکن اپنی سالگرہ میں تو ایسا ہو جاتا ہے۔ مجھے اس محفل میں آئے تقریباً چھ ماہ ہونے کو ہیں لیکن پہلے دن ہی ایسا محسوس ہوا کہ میں اپنے حلقہ دوستاں میں آگیا ہوں۔ مجھے نبیل نے بڑھاوا اور حوصلہ دیا۔ پھر سیدہ شگفتہ کی لائبریری ٹیم کا حصہ بنا اور یوں چل سو چل آج اتنے پُر خلوص (نٹ خلوص) ساتھیوں کے درمیان ہوں اور کبھی اپنے آپ کو تنہا نہیں پایا۔ اپنی دفتری اور گھریلو ذمہ داریوں سے وقت نکال کر ہم باہمی احترام کے ساتھ ایک دوسرے سے مل بیٹھتے ہیں اور اپنے غم اور خوشیاں شیئر کرتے ہیں یہ نعمت کیا کم ہے۔
یہ اردو محفل جیے ہزار برس اور ہر برس کے دن ہوں پچاس ہزار
سبکو سالگرہ مبارک :birthday:
 

F@rzana

محفلین
‘دیر آید درست آید‘ کے مقولے پر عمل کرتے ہوئے میری جانب سے آپ سب کو محفل کی سالگرہ مبارک ہو۔

نبیل صاحب خصوصی تہنیت آپ کے نام۔

محنت میں عظمت ہے اور یہ کام اپنے عظیم ہونے کا خود ثبوت ہے، مجھے خوشی ہے کہ میں بھی آپ کی اس قابل تحسین محفل کی ایک رکن ہوں۔

اللہ تعالی آپ کو مزید کامیابوں سے آسانیوں کے ہمراہ نوازیں۔ ۔ ۔ آمین
 

قیصرانی

لائبریرین
قیصرانی، منہاجین، بوچھی، اور تمام اراکین جنہوں نے اس محفل پر گفتگو کا ایسا سلسلہ جاری رکھا جس سے اراکین کی تعداد دن بدن بڑھتی رہی، اور محفل کے نئے نئے رنگ اور ڈھنگ بنتے گئے،
ماوراء، آپ نے کتنی سچی بات کہی تھی :( اس پیغام کر پڑھ کر یقین آیا ہے
 
Top