آپ جن کے قریب ہوتے ہیں

[Wasiq Khan]

آپ جن کے قریب ہوتے ہیں​

وہ ہمارے رقیب ہوتے ہیں​

اُن کو میک اپ کا نور چہ معنی​

جن کے دل ہی مہیب ہوتے ہیں​

بل جو دیکھا تو بلبلا اٹھا​

کتنے قاتل طبیب ہوتے ہیں​

بولتے ہیں جو دورِ نو میں سچ​

وہ عجیب و غریب ہوتے ہیں​

کتنے کوؤں کو ہے غلط فہمی​

روکشِ عندلیب ہوتے ہیں​

جاب ملتی ہے اُن کو کسٹم میں​

جو ذراخوش نصیب ہوتے ہیں​

ڈھیٹ پن ہے کہ اِس زمانے میں​

لوگ شاعر ادیب ہوتے ہیں​

 

[نایاب]

واہہہہہہہہہہہ
صبح صبح مسکراہٹ پھیل گئی

بل جو دیکھا تو بلبلا اٹھا​

کتنے قاتل طبیب ہوتے ہیں​

 

[شمشاد]

ہنستی مسکراتی غزل۔

بہت شکریہ شریک محفل کرنےکا۔

 

[محسن وقار علی]

 

[یوسف-2]

بولتے ہیں جو دورِ نو میں سچ​

وہ عجیب و غریب ہوتے ہیں​

​

ڈھیٹ پن ہے کہ اِس زمانے میں​

لوگ شاعر ادیب ہوتے ہیں​

​

 

[فرخ منظور]

واہ! بہت عمدہ۔ اگر اس شعر کو یوں کر دیں تو اور بہتر ہو جائے۔​

​

اُن کو میک اپ کا نور چہ معنی​

جن کے چہرے مہیب ہوتے ہیں​

​

 

[محمد بلال اعظم]

ڈھیٹ پن ہے کہ اِس زمانے میں
لوگ شاعر ادیب ہوتے ہیں
ہاہاہا

 

[نویدظفرکیانی]

شکریہ وثیق خان صاحب ۔۔۔۔۔۔۔۔۔ میری شاعری کو پوسٹ کرنے کا

 

[زبیر مرزا]

جن کے رقیب تو شاید بھوت ہوتے ہیں

 

[نویدظفرکیانی]

اُنہیں کا تذکرہ ہے ۔۔۔۔۔۔۔۔۔