آنگن کی رونق

شمشاد نے 'آپ کی تحریریں' کی ذیل میں اس موضوع کا آغاز کیا، ‏اکتوبر 16, 2020

  1. شمشاد

    شمشاد لائبریرین

    مراسلے:
    205,188
    جھنڈا:
    Pakistan
    موڈ:
    Relaxed
    یہ میری شروع سے ہی عادت رہی ہے کہ صبح کو سہیل جب دفتر جانے لگتے ہیں تو میں ان کی تیاری میں ان کو مدد دیتی ہوں۔ ان کو کوٹ پہناتی ہوں، ان کی ٹائی کی گرہ کو ٹھیک کرتی ہوں۔ پھر ان کا بریف کیس ان کے ہاتھ میں تھما کر ان کو دروازے تک رخصت کرنے جاتی ہوں۔ واپسی پر بھی جب وہ گھر آتے ہیں، تو دروازے کی گھنٹی بجاتے ہیں۔ حالانکہ ان کے پاس باہر کے دروازے کی چابی موجود ہے۔ لیکن میں چاہتی ہوں کہ وہ گھنٹی بجائیں اور میں جا کر ان کے لیے دروازہ کھولوں۔ ان کے ہاتھ سے بریف کیس پکڑوں۔ ان کا استقبال کروں۔ وہ بھی میری اس عادت سے بہت خوش ہوتے ہیں۔

    اُس دن بھی میں ان کے دفتر جاتے وقت ان کو تیاری میں مدد دے رہی تھی، کہ دفعتاً میری دونوں بیٹیاں کسی بات پر ایک دوسری کے پیچھے بھاگتی ہوئی اپنے کمرے سے نکلیں اور میرے کمرے میں گھس گئیں۔ ہنس بھی رہیں تھیں، اور ہلکی پھلکی ہاتھا پھائی بھی جاری تھی، شاید ثمینہ نے شاہینہ کی کوئی چیز زبردستی لے لی تھی اور وہ واپس لینے کے لیے بے چین تھی۔

    سہیل نے ان دونوں کو دیکھا، جبکہ میں ان کی ٹائی کی گرہ ٹھیک کر رہی تھی، اور کہنے لگے۔ یہ میرے گھر کی رونق ہیں۔ ایک دن کوئی الو کا پٹھا شیروانی پہن کا آئے گا اور میرے گھر کو بے رونق کر کے میرے گھر کی رونق لے جائے گا۔

    میں نے نجانے کس خیال سے کہہ دیا، "سہیل آپ بھی تو آئے تھے ناں ایکدن ہمارے گھر شیروانی پہن کر۔"

    سہیل ایکدم چُپ ہو گئے اور میرا انتظار کیے بغیر خود ہی بریف کیس اٹھا کر دفتر کےلیے روانہ ہو گئے۔ بعد میں مجھے اتنا محسوس ہوا کہ میں نے بلا سوچے سمجھے کیا کہہ دیا۔

    اس دن جب وہ واپس گھر آئے تو پھر وہی روٹین سے انہوں نے گھنٹی بجائی، میں نے دروازے پر جا کر ان کا استقبال کیا۔ ان کے ہاتھ سے بریف کیس لیا۔ اور یہ محسوس کر کے کہ صبح کی بات کا اب اثر زائل ہو چکا ہے، اللہ کا شکر ادا کیا۔
     
    • پسندیدہ پسندیدہ × 5
    • پر مزاح پر مزاح × 2
    • دوستانہ دوستانہ × 1
  2. سیما علی

    سیما علی لائبریرین

    مراسلے:
    7,970
    جھنڈا:
    Pakistan
    موڈ:
    Cool
    حقیقت سے بے حد قریب تحریر، بلکہ بہت سارا رولا دیا۔بھیا آپ کی اس تحریر نے - میرے گھر کی دونوں رونقیں جی بھر کے یاد آگیں ۔اُنکا گذارا ہوا ایک ایک لمحہ میری آنکھوں کے سامنے پھر گیا۔انسان کتنا بے بس ہے اس جگہ اپنی نازوں پلی غیروں کے حوالے ایسے کر دیتے ہیں کہ جیسے ہمارا اِن سے کوئی واسطہ نہیں ۔ایک تو سات سمندر پار ہیں اور دوسری ایک شہر میں رہتے ہوئے بھی بہت دور بھری پرُی سسرال نبھانا ہر بچی کے بس کی بات نہیں۔اللّہ سب بچیوں کو قدر دان لوگوں سے واسطہ دے۔اور جو قدردان ہوں ۔کیونکہ قدردانی وہ وصف ہے جو ہر تکلیف کو ہنستے ہنسے سہنے کی ہمت و حوصلہ دیتا ہے ۔اور ناقدری وہ اذیت ہے جو جینا بے حد مشکل بنادیتی ہے ۔
    مالک ہمیں آسانیاں بانٹنے والا بنادے ۔اور یہ سمجھ کہ جب ہم آسانیاں بانٹ رہے ہوتے ہیں تو ہم اپنے لئیے ہی بہتری کر رہے ہوتے ہیں ۔
     
    • پسندیدہ پسندیدہ × 3
    • متفق متفق × 2
  3. سیما علی

    سیما علی لائبریرین

    مراسلے:
    7,970
    جھنڈا:
    Pakistan
    موڈ:
    Cool
    بہت ساری دعائیں آپ کی اتنی پیاری تحریر لکھنے پہ۔سلامت رہیے شادوآباد رہیے۔
     
    • پسندیدہ پسندیدہ × 2
    • متفق متفق × 1
  4. شمشاد

    شمشاد لائبریرین

    مراسلے:
    205,188
    جھنڈا:
    Pakistan
    موڈ:
    Relaxed
    بہت شکریہ آپی۔ اصل میں آپ بہت حساس دل رکھتی ہیں جو یہ پڑھ کر رو دیں۔
    اللہ تعالٰی سے دعا ہے کہ گھر کی رونقیں اپنے اپنے گھروں میں خوش و خرم رہیں۔ والدین کے لیے اس سے بڑھ کر اور بھلا کیا راحت کی بات ہو گی۔
     
    • پسندیدہ پسندیدہ × 1
    • دوستانہ دوستانہ × 1
    • متفق متفق × 1
  5. سیما علی

    سیما علی لائبریرین

    مراسلے:
    7,970
    جھنڈا:
    Pakistan
    موڈ:
    Cool
    آمین الہی آمین
    بچیاں ہنستی بستی رہیں اپنے گھروں میں ۔۔آپ نے جو لفظ استعمال کیا ہے وہ اتنا بر جستہ ہے اور بے ساختہ ہے کہ میرا بیٹا جسکی بیٹی ابھی دو سال کی ہے ۔استعمال کرتا ہے اور میں ڈانٹتی ہوں ۔کہ ایسا نہیں کہتے۔۔۔۔۔
     
    • پسندیدہ پسندیدہ × 3
  6. مومن فرحین

    مومن فرحین لائبریرین

    مراسلے:
    760
    جھنڈا:
    India
    موڈ:
    Psychedelic
    آپ یہ تشنگی کیوں باقی رکھتے ہیں ۔۔۔۔ اتنی خوبصورت تحریر کے بعد جب اچانک الفاظ ختم ہو جاتے ہیں تو بے چینی ہوتی ہے
     
    • پسندیدہ پسندیدہ × 3
  7. سیما علی

    سیما علی لائبریرین

    مراسلے:
    7,970
    جھنڈا:
    Pakistan
    موڈ:
    Cool
    یہی انکی تحریر کا حسن ہے ۔۔۔۔۔
     
    • متفق متفق × 2
    • پسندیدہ پسندیدہ × 1
  8. سیما علی

    سیما علی لائبریرین

    مراسلے:
    7,970
    جھنڈا:
    Pakistan
    موڈ:
    Cool
    شمشاد بھیا بہت شکریہ ہم سے متفق ہونے پر کیونکہ تشنگی باقی رہنا ہی ہر بڑے لکھنے والے کی تحریر کا حسن ہے۔
    منٹو صاحب کو اب تک اُنکی کچھ کہانیا ں جنکا حُسن اُنکی تحریر کی تشنگی ہی ہے۔بہت سی کہانیاں میں کئی کئی بار پڑھنے کے بعد سوچتی اسکا اختتام یہاں کیوں ہوا لیکن اُسکا اصل حاصل وہی ہے اسی طرح انتظار حسین صاحب کے یہاں بھی یہی بات منفرد ہے۔۔
     
    • پسندیدہ پسندیدہ × 2
    • متفق متفق × 1
  9. شمشاد

    شمشاد لائبریرین

    مراسلے:
    205,188
    جھنڈا:
    Pakistan
    موڈ:
    Relaxed
    آپی تشنگی ہر حال میں باقی رہنی چاہیے۔ تشنگی نہیں رہے گی تو آگے بڑھنے کا حوصلہ جاتا رہے گا۔
     
    • متفق متفق × 3
  10. جاسمن

    جاسمن مدیر

    مراسلے:
    14,433
    جھنڈا:
    Pakistan
    موڈ:
    Fine
    خوبصورت اور حق سچ تحریر۔
    دل میں اترتی، خلوص و احساس سے لبریز ۔
     
    • پسندیدہ پسندیدہ × 2
    • دوستانہ دوستانہ × 1
  11. ماہی احمد

    ماہی احمد لائبریرین

    مراسلے:
    13,065
    جھنڈا:
    Pakistan
    موڈ:
    Happy
    آئی ایم سوری اگر یہ ایموشنل تحریر تھی اور مجھے ہنسی آ گئی۔۔۔۔ :p
     
    • پسندیدہ پسندیدہ × 1
    • دوستانہ دوستانہ × 1
  12. شمشاد

    شمشاد لائبریرین

    مراسلے:
    205,188
    جھنڈا:
    Pakistan
    موڈ:
    Relaxed
    یہ تمہیں آخر ہنسی کس بات پر آئی بھلا؟

    ذرا فاطمہ اور ہدی کو بڑی ہونے دو، میں بھی ادھر ہی ہوں اور تم بھی ادھر ہی ہو گی۔ پھر پوچھوں گا۔
     
    • پسندیدہ پسندیدہ × 1
    • دوستانہ دوستانہ × 1
  13. ماہی احمد

    ماہی احمد لائبریرین

    مراسلے:
    13,065
    جھنڈا:
    Pakistan
    موڈ:
    Happy
    نہیں مجھے اس الو کے پٹھے پر ہنسی آئی جو شیروانی پہن کر آتے ہیں۔۔۔۔
     
    آخری تدوین: ‏اکتوبر 20, 2020
    • پر مزاح پر مزاح × 1
  14. سیما علی

    سیما علی لائبریرین

    مراسلے:
    7,970
    جھنڈا:
    Pakistan
    موڈ:
    Cool
    بٹیا یہ بے ساختہ اور برجستہ منہ سے نکلتا ہے اور اُسی طرح لکھا گیااور پوری طر ح جملے میں جان ڈال گیا ۔
     
  15. شمشاد

    شمشاد لائبریرین

    مراسلے:
    205,188
    جھنڈا:
    Pakistan
    موڈ:
    Relaxed
    آپی ساری تحریر ہے ہی اسی جملے پر۔

    سعید صاحب کا بیان لینا اب تو بہت ضروری ہو گیا ہے۔
     
    • پر مزاح پر مزاح × 2
    • پسندیدہ پسندیدہ × 1
    • دوستانہ دوستانہ × 1
  16. سیما علی

    سیما علی لائبریرین

    مراسلے:
    7,970
    جھنڈا:
    Pakistan
    موڈ:
    Cool
    بالکل درست بات ہے یہ۔:flower::flower::flower::flower::flower:
     
    • پسندیدہ پسندیدہ × 2
  17. ماہی احمد

    ماہی احمد لائبریرین

    مراسلے:
    13,065
    جھنڈا:
    Pakistan
    موڈ:
    Happy
    ان کا بیان لیجیے گا وقت آنے پر۔۔۔۔ اس جملے سے مختلف نہ ہوگا۔۔۔۔ تب سب مان جاتے ہیں کہ کون کون الو کا پٹھا ہے یا تھا :rollingonthefloor:
     
    • پسندیدہ پسندیدہ × 1
  18. لاريب اخلاص

    لاريب اخلاص محفلین

    مراسلے:
    22,296
    سادہ اور پیاری تحریر:)
     
    • پسندیدہ پسندیدہ × 2
    • متفق متفق × 1
  19. شمشاد

    شمشاد لائبریرین

    مراسلے:
    205,188
    جھنڈا:
    Pakistan
    موڈ:
    Relaxed
    مثال مشہور ہے کہ سجے سجائے دولہے کو سجے سجائے گھوڑے پر ہی کیوں بٹھاتے ہیں، گدھے پر کیوں نہیں بٹھاتے، جبکہ وہ بھی تو اسی قد کاٹھ کا جانور ہے۔ اس کو بھی تو سجایا جا سکتا ہے۔ تو بھائی نے جواب دیا، اگر دولہے کو گدھے پر بٹھا دیا جائے تو پھر پتہ نہیں چلتا کہ کس گدھے کی شادی ہو رہی ہے، اس لیے فرق رکھنے کے لیے گھوڑے پر بٹھاتے ہیں۔ اس لیے فی الحال "الو کا پٹھا" کی گردان رہنے دو۔
     
    • پر مزاح پر مزاح × 3
  20. ماہی احمد

    ماہی احمد لائبریرین

    مراسلے:
    13,065
    جھنڈا:
    Pakistan
    موڈ:
    Happy
    :rollingonthefloor::rollingonthefloor::rollingonthefloor:
     
    • پسندیدہ پسندیدہ × 2

اس صفحے کی تشہیر