آرٹیکل باسٹھ تریسٹھ: چند بنیادی حقائق
- صاحب لڑی یوسف-2
- تاریخ ابتداء
یوسف-2
محفلین
ہم مسلمانوں میں ایسے ”منافقین“ کی کمی نہیں جنہیں اسلام اور اسلام کی تعلیمات ”پسند“ نہیں لیکن چونکہ وہ بوجوہ اسلام (اللہ اور اللہ کے رسول صلی اللہ علیہ وسلم) کے فرمان کو براہ راست بُرا بھلا نہیں کہہ سکتے، لہٰذا وہ اپنے دل کی بھڑاس ”مولوی“ کو گالیاں دے کر نکالتے ہیں۔ 
اسی طرح مملکت خداد داد پاکستان میں جب کبھی بھی اسلام اور اسلام کے نفاذ کی بات ہو تو یہ نام نہاد سیکولر اور دین بیزار لوگ ضیاء الحق کو گالیا دینے لگتے ہیں کیونکہ ضیاء الحق نہ صرف یہ کہ پنج وقتہ نمازی تھا بلکہ اس نے قرآن کے فرمان کے مطابق سرکاری دفاتر میں ”نظام صلوٰۃ“ اور مملکت میں نظام زکؤٰۃ قائم کیا، جو منکرین زکوٰۃ، تارکین نماز اور شراب و شباب کے عادی عوام و خواص کو ”پسند“ کیسے آ سکتا ہے۔ بھٹو نے بھی اپنے اقتدار کی ڈوبتی نیا کو بچانے کے لئے شراب پر پابندی لگائی اور جمعہ کی سرکاری چھٹی کا اعلان کیا۔ ورنہ کون نہیں جانتا کہ بھٹو کو اسلامی تعلیمات سے کتنا شغف تھا اور شراب و شباب سے کتنا۔ آرٹیکل باسٹھ تریسٹھ پر شور مچانے والے دین سے بیزار لوگوں بالخصوص اسمبلی کے انتخابات میں کھڑے ہونے والے عوام کو گمراہ کرنے کی کوشش کررہے ہیں کہ یہ آریٹلکز صرف اور صرف ”مولوی ضیاء الحق“ کا کارنا مہ ہے حالانکہ اس کی موجودہ شکل کو تسلیم کرنے اور ووٹ دینے والوں میں کود ایاز میر بھی شامل ہیں۔ سینیٹر پروفیسر خورشید کا مذکورہ بالا مضمون آنکھیں کھول دینے کے لئے کافی ہے۔ ذیل کے ایک اور کالم میں ایاز میر کا ”احوال“ بھی پڑھئے اور سر دھنئے کہ ہم میں کیسے کیسے لوگ ”معزز“ بنے بیٹھے ہیں۔
اسی طرح مملکت خداد داد پاکستان میں جب کبھی بھی اسلام اور اسلام کے نفاذ کی بات ہو تو یہ نام نہاد سیکولر اور دین بیزار لوگ ضیاء الحق کو گالیا دینے لگتے ہیں کیونکہ ضیاء الحق نہ صرف یہ کہ پنج وقتہ نمازی تھا بلکہ اس نے قرآن کے فرمان کے مطابق سرکاری دفاتر میں ”نظام صلوٰۃ“ اور مملکت میں نظام زکؤٰۃ قائم کیا، جو منکرین زکوٰۃ، تارکین نماز اور شراب و شباب کے عادی عوام و خواص کو ”پسند“ کیسے آ سکتا ہے۔ بھٹو نے بھی اپنے اقتدار کی ڈوبتی نیا کو بچانے کے لئے شراب پر پابندی لگائی اور جمعہ کی سرکاری چھٹی کا اعلان کیا۔ ورنہ کون نہیں جانتا کہ بھٹو کو اسلامی تعلیمات سے کتنا شغف تھا اور شراب و شباب سے کتنا۔ آرٹیکل باسٹھ تریسٹھ پر شور مچانے والے دین سے بیزار لوگوں بالخصوص اسمبلی کے انتخابات میں کھڑے ہونے والے عوام کو گمراہ کرنے کی کوشش کررہے ہیں کہ یہ آریٹلکز صرف اور صرف ”مولوی ضیاء الحق“ کا کارنا مہ ہے حالانکہ اس کی موجودہ شکل کو تسلیم کرنے اور ووٹ دینے والوں میں کود ایاز میر بھی شامل ہیں۔ سینیٹر پروفیسر خورشید کا مذکورہ بالا مضمون آنکھیں کھول دینے کے لئے کافی ہے۔ ذیل کے ایک اور کالم میں ایاز میر کا ”احوال“ بھی پڑھئے اور سر دھنئے کہ ہم میں کیسے کیسے لوگ ”معزز“ بنے بیٹھے ہیں۔ 
حسان خان
لائبریرین
معصوم لوگوں کو بس کسی بھی آمر میں مذہبی عقیدت نظر آنی چاہیے، وہ پھر اُس کے سارے برے افعال نادیدہ رکھ لیتے ہیں۔
یوسف-2
محفلین
__________________________
ایک برطانوی ادارے نے پاکستانی انتخابات میں دفعہ64,63 کے اطلاق پر تنقید کی ہے۔ کہا جاتا ہے جو اپنے لئے پسند ہو، وہی دوسروں کے لئے ہونا چاہئے۔ کیسی عجیب خلاف ورزی ہے کہ اپنے لئے تو یورپی ممالک اور امریکہ63,62کی دفعہ پسند کریں اور پاکستان کے لئے ناپسند۔امریکہ اور یورپ میں کوئی ایسا آدمی الیکشن نہیں لڑ سکتا جو مالی یا اخلاقی کرپشن میں ملوث ہو اور اسی لئے یہ ملک ترقی کر گئے۔ کوئی رُکن پارلیمنٹ بن جائے یا حکومتی عہدہ حاصل کر لے اور پھر پتہ چلے کہ کسی سکینڈل میں ملوث ہے تو وہاں ایسا نظام ہے کہ مقدمہ چلنے کی نوبت ہی نہیں آتی، ’’ملزم ‘‘ خود ہی استعفیٰ دے دیتا ہے او رپاکستان کے لئے یہ حضرات چاہتے ہیں کہ ہر قسم کے ’’دیوالیے ‘‘منتخب ہو جائیں۔ پاکستان دیوالیہ پارٹی نے پانچ برسوں میں ملک کا جو حشر کیا ہے۔شاید برطانوی ادارہ چاہتا ہے کہ اگلے پانچ سال بھی ایسا ہی رہے۔
دفعہ64,63 مرحوم ضیاء الحق کا گاڑا گیا ’’کلّا‘‘ ہے اور مرحوم نے کہا تھا، میرے کلّے بہت مضبوط گڑے ہیں۔ اب دیکھ لیجئے، یہ گڑا ہوا کلّا پیپلزپارٹی کے دور میں کیسا برآمد ہوا۔ مولانا قادری جب اپنا کینٹینر لے کر اسلام آباد پہنچے تو جو ڈرامہ سٹیج ہوا، سب نے دیکھا ۔ڈرامے کا بھرم بھار رکھنے کے لئے حکومت نے کاغذی معاہدہ کیا جس میں ایک وعدہ یہ بھی تھا کہ63,62پر عمل ہوگا۔ کسے خبر تھی کہ یہ کاغذی وعدہ لوہے کا کلّا بن کر نکلے گا۔
بحث میں زور تب آیا جب اس دفعہ کے تحت ایاز امیر کے کاغذ ات مسترد ہوئے۔
ایاز امیر اسلام اور پاکستان اور نظریہ پاکستان پر خاصی مدت سے مہربان ہیں۔ ان تینوں پر ان کی ’’کالم باری‘‘ ایک عرصے سے جاری ہے۔ بہرحال، اب اکھنڈ بھارت تو بننے سے رہا نہ ہی اسلام پر پابندی لگانا کسی کے بس میں ہے اور نہ ہی بال ٹھاکرے کو پاکستان کا بانی قرار دیا جا سکتا ہے اور یہ بھی ممکن نہیں کہ کرسٹائن کیلر کی ’’سوانح حیات‘‘ کو خواتین کے لئے ’’رول ماڈل‘‘ بنا دیا جائے۔ اس سب پر ایاز میر سے پوری ہمدردی ہے لیکن اصل بات جو بحث کاروں نے چھپا دی ،وہ یہ ہے کہ موصوف کو نظریہ پاکستان کا تمسخر اڑانے پر یا اسلام اور پاکستان کے لئے اپنے ’’دلی جذبات‘‘ کے پھپھولے پھوڑنے پر نااہل نہیں قرار دیا گیا۔ ان کے خلاف جو ہوا وہ ان کے اعترافِ مے نوشی پر ہوا۔ ان کا ہر دوسر اکالم اسلام، پاکستان اور نظریہ پاکستان کے باب میں ’’گریہ‘‘ ہوتاہے تو ہر تیسرا کالم ولایتی شراب نہ ملنے کا نوحہ!
بحث کار تو کیا درست کریں گے لیکن جن قارئین کو پوری معلومات نہیں، وہ اپنا ریکارڈ البتہ صحیح فرمالیں۔
ربط: عبداللہ طارق سہیل کا کالم، روزنامہ نئی بات
حسان خان
لائبریرین
کوئی مجھے یہ بتائے کہ جو قدیم مسلمان ممالک 'اسلامی' جمہوریہ نہیں ہیں، یا جہاں کوئی 'اسلامی نظریہ' سرکاری نظریہ نہیں ہے وہ کیا پاکستان سے کم مسلمان ہیں؟ مسلمانوں کے ملک کو کسی اسلامی نظام سے نتھی کرنا کیوں لازمی مانا جاتا ہے؟ ترکی کو میں کسی بھی لحاظ سے پاکستان سے کم 'مسلم' نہیں سمجھ سکتا، کیونکہ سیکولر جمہوریہ ہونے کے باوجود وہاں اسلام اور اسلامی روایات اپنی پوری آب و تاب کے ساتھ موجود ہیں۔
یوسف-2
محفلین
کچھ ”معصوم“ لوگوں کو مشرف جیسے آمر بھی پسند آتے ہیں
جو شراب بھی پیتا ہو۔ طبلہ بھی بجاتا ہو، پاکستانیوں کو ڈالر کے عوض امریکہ کو بھی بیچتا رہا ہو، اور جو اپنی خود نوشت میں اپنی والدہ ماجدہ کے کلب میں ڈانس مقابلہ میں فتح کو فخر یہ بیان کرتا ہو۔ جس کا نماز روزہ جیسے بنیادی اسلامی شعائر سے دور کا بھی واسطہ نہ ہو۔ 
پسند اپنی اپنی، ظرف اپنا اپنا
حسان خان
لائبریرین
کچھ ”معصوم“ لوگوں کو مشرف جیسے آمر بھی پسند آتے ہیں
مجھے اور بہت سے لوگوں کو مشرف صرف اسی وجہ سے ناپسند ہے کہ وہ غیر آئینی آمر تھا اور بس۔ اُس کے ذاتی اعمال سے مجھے تو کچھ نہیں لینا دینا۔ نیز طبلہ اور دوسرے موسیقی کے ساز مجھے خود اچھے لگتے ہیں۔
ویسے ابھی مشرف نے اپنے فیس بوک پر عمرے کی تصاویر لگائی تھیں۔ میں تو اسے اتنا ہی مسلم سمجھتا ہوں جتنا ایک عام دنیاوی شخص مسلم ہو سکتا ہے۔
یوسف-2
محفلین
بانی جدید ترکی کمال اتاترک کی ”اسلام دشمنی“ کی وجہ سے
سنا ہے کہ کمال اتاترک کے مزار پر یہ لکھا ہوا ہے کہ یہاں ”فاتحہ پڑھنا منع ہے“
حسان خان
لائبریرین
بانی جدید ترکی کمال اتاترک کی ”اسلام دشمنی“ کی وجہ سے
اسی اتاترک کی وفات پر جناح فرماتے ہیں کہ ہندوستان کے مسلمانوں کو اپنی پستی کی حالت سے بیدار ہونے کے لیے اس عظیم انسان کو مشعلِ راہ بنا لینا چاہیے۔ میں ذاتی طور پر اتاترک کو زیادہ عظیم تو نہیں مانتا، لیکن جناح کے الفاظ یہی ہیں۔
حوالہ
یوسف-2
محفلین
پھر ”آئینی آمر“ ذوالفقار علی بھٹو تو یقیناناً پسند ہوگا، جو ملک کو توڑ کر حکمران بنا، ویسے نہیں بن سکتا تھا نا۔ جو دنیا کا پہلا سول مارشل لاء ایڈمنسٹریٹر تھا۔ جس نے برسر اقتدار آتے ہی اپنی ہی پارٹی کے بانیوں تک پر تشدد کروایا اور اپنے ہی پارٹی کے رہنما کو قتل کروایا، جس کی ایف آئی آر اسی کے دور حکومت میں اسی کے خلاف درج ہوئی اور اسی مقدمہ میں وہ پھانسی چڑھا۔
ویسے اسی ”آئینی آمر“ نے پاکستان کو ایک اسلامی آئین بھی دیا، ایٹمی پروجیکٹ کی بنیاد بھی ڈالی اور اسی کی اسمبلی نے قادیانیوں کو سرکاری طور پر غیر مسلم قرار دیا۔ میں اپنے ناپسندیدہ حکمرانوں کی اچھی باتوں کا بھی اعتراف کرلیا کرتا ہوں۔
حسان خان
لائبریرین
اس کا سیدھا سا جواب یہ ہے کہ لازمی نہیں کہ جو شخص فوجی آمر نہ ہو اُسے پسند کرنا بھی ضروری ہو۔
سید اسد محمود
محفلین
آج کے جنگ میں عامر لیاقت نامی فتنہ کے ایک پروگرام کے کچھ "علما" یہ کہتے پائے گئے کہ صرف نبی کریم صلی اللہ علیہ وسلم کے سوا کوئی صادق و امین نہیں۔۔۔ یعنی کوئی عام انسان اس میعار پر پورا نہیں اُتر سکتا۔۔۔یہ اصطلاحات صرف اور صرف رسول کریم صلی اللہ علیہ وآلہ وسلم کی ذات اقدس پر صادق آتی ہیں۔۔۔
بڑی گول مول اور مبہم سے بات ہے یعنی بات کہہ بھی دی اور نہیں بھی کہیں ۔۔۔ کچھ سمجھ نہیں آیا۔۔۔ کہ ان حضرات کا مقصد یہ تھا کہ ان اصطلاحات کو آئین سے خارج کردیا جائے اور کوئی اور کسوٹی یا پیمانہ بنایا جائے امیدواروں کو پرکھنے کا۔۔۔
بڑی گول مول اور مبہم سے بات ہے یعنی بات کہہ بھی دی اور نہیں بھی کہیں ۔۔۔ کچھ سمجھ نہیں آیا۔۔۔ کہ ان حضرات کا مقصد یہ تھا کہ ان اصطلاحات کو آئین سے خارج کردیا جائے اور کوئی اور کسوٹی یا پیمانہ بنایا جائے امیدواروں کو پرکھنے کا۔۔۔
حسان خان
لائبریرین
پروفیسر خورشید صاحب کی اس بات سے متفق ہوں کہ امیدوار کو ایماندار اور بدعنوانی سے پاک ہونا چاہیے۔ لیکن مسئلہ یہ ہے کہ ان آئینی شقوں میں اسے لوگوں کی مذہبیت سے جوڑ کر دیکھا جا رہا ہے کہ جو شخص جتنا زیادہ باعمل مسلمان ہوگا یا جس کی دین کے بارے میں معلومات زیادہ ہوگی، اُس کے بارے میں تصور قائم کر لیا جائے کہ وہ بدعنوانی، جھوٹ، غبن اور دیگر برائیوں سے بھی پاک ہوگا۔ ان برائیوں کے کسی بندے میں ہونے یا نہ ہونے کا کسی کی مذہبی زندگی سے کیا تعلق؟ کیا حامد سعید کاظمی جیسے باعمل مذہبی اشخاص مالی بدعنوانی میں نہیں پائے گئے؟
سید اسد محمود
محفلین
ارے بھائی کیوں پریشان ہو رہیں ہیں کچھ نہیں ہوگا کوئی اس ملک کو یرغمال بنانے نہیں جارہا وہی لوگ آئیں گے اور وہی لوگ فیصلے کریں گے جن کے اباواجداد ساٹھ پینسٹھ سال سے اس ملک کے ساتھ کھلواڑ کر رہے ہیں۔۔۔۔ آپ ٹینشن نا لیں۔۔۔ اسلام، اسلامی اصطلاحات اور علما وں کو تو صرف ڈرانے کے لئے استعمال کیا جاتا ہے کبھی اپنوں کو کبھی غیروں کو فیصلے تو۔۔۔ انہوں نے ہی کرنے۔۔۔ روحانی بابا کی کمپنی کے لوگوں نے۔۔
حسان خان
لائبریرین
پینسٹھ سالوں سے ملک کے ساتھ کھلواڑ کرنے والے ناہنجار بھی اُس مولویوں کی حکومت سے بہرحال بہتر ہیں جس کے بر سرِ اقتدار آتے ہی سب سے پہلے کافروں، 'مسلم نما' کافروں، غلط مسلمانوں اور بے عمل مسلمانوں پر چابک برسائے جائیں گے۔
رہی بات یرغمال ہونے کی، وہ تو روزِ روشن کی طرح ظاہر ہے۔ آپ نہیں جانتے کس طرح مولوی پریشر گروپ کے ہاتھوں زچ ہو کر بھٹو جیسے غیر مذہبی شخص کو بھی احمدیوں کو غیر مسلم قرار دینا پڑا تھا؟
یوسف-2
محفلین
اور مسرت شاہین بھیایاز امیر تو خیر شرابی ثابت ہو گیا لیکن یہ میرا کس پیمانے پر پارسا مومنہ ثابت ہو گئی کہ جس کے کاغذاتِ نامزدگی بغیر کسی مسئلے کے منظور کر لیے گئے؟
جس طرح لوگوں نے ایاز میر کے خلاف متعلقہ اتھاریٹی کے سامنے آواز بلند کی، اسی طرح اگر میرا اور مسرت شاہین کے خلاف بھی اٹھ کھڑے ہوں تو وہ بھی یقیناً نااہل قرار پائیں۔ کاش کہ کوئی اٹھے اور ان کے خلاف بھی آواز بلند کرے۔
حسان خان
لائبریرین
کیوں جناب ؟ اُن کا ذاتی کردار جیسا بھی ہو، اگر وہ خود کو ملک کے لیے مناسب نمائندہ سمجھتی ہیں تو اُنہیں انتخابات میں کھڑا ہونے کی اجازت کیوں نہ ملے؟ یقینا میری طرح آپ کی نظر میں بھی میرا کی کوئی انتخاباتی حیثیت نہیں ہوگی، تو جناب آپ اُسے ووٹ نہ دیں۔ کون آپ پر زبردستی کر رہا ہے۔