1. احباب کو اردو ویب کے سالانہ اخراجات کی مد میں تعاون کی دعوت دی جاتی ہے۔ مزید تفصیلات ملاحظہ فرمائیں!

    ہدف: $500
    $453.00
    اعلان ختم کریں

فیض آج یوں موج در موج غم تھم گیا، اس طرح غم زدوں کو قرار آگیا

فرحان محمد خان نے 'پسندیدہ کلام' کی ذیل میں اس موضوع کا آغاز کیا، ‏اگست 5, 2017

  1. فرحان محمد خان

    فرحان محمد خان محفلین

    مراسلے:
    2,077
    جھنڈا:
    Pakistan
    موڈ:
    Cheeky
    آج یوں موج در موج غم تھم گیا، اس طرح غم زدوں کو قرار آگیا
    جیسے خوشبوئے زلفِ بہار آگئی، جیسے پیغامِ دیدارِ یار آگیا

    جس کی دید و طلب وہم سمجھے تھے ہم، رُو بُرو پھر سرِ رہگزار آگیا
    صبحِ فردا کو پھر دل ترسنے لگا ، عمرِ رفتہ ترا اعتبار آگیا

    رُت بدلنے لگی رنگِ دل دیکھنا ، رنگِ گلشن سے اب حال کھلتا نہیں
    زخم چھلکا کوئی یا کوئی گُل کِھلا ، اشک اُمڈے کہ ابرِ بہار آگیا

    خونِ عُشاق سے جام بھرنے لگے ، دل سُلگنے لگے ، داغ جلنے لگے
    محفلِ درد پھر رنگ پر آگئی ، پھر شبِ آرزُو پر نکھار آگیا

    سر فروشی کے انداز بدلے گئے ، دعوتِ قتل پر مقتل شہر میں
    ڈال کر کوئی گردن میں طوق آگیا ، لاد کر کوئی کاندھے پہ دار آگیا

    فیض کیا جانیے یار کس آس پر ، منتظر ہیں کہ لائے گا کوئی خبر
    میکشوں پر ہُوا محتسب مہرباں ، دل فگاروں پہ قاتل کو پیار آگیا​
    فیض احمد فیض
     
    • پسندیدہ پسندیدہ × 1
  2. فرخ منظور

    فرخ منظور لائبریرین

    مراسلے:
    12,631
    جھنڈا:
    Pakistan
    موڈ:
    Cold
    سکھوندر سنگھ کی آواز اور مظفر علی کی موسیقی میں یہی غزل سنیے۔

     
    • پسندیدہ پسندیدہ × 1
  3. فرحان محمد خان

    فرحان محمد خان محفلین

    مراسلے:
    2,077
    جھنڈا:
    Pakistan
    موڈ:
    Cheeky
    واہ لاجواب سر کیا کہنے
     
    • دوستانہ دوستانہ × 1

اس صفحے کی تشہیر