آج کی دلچسپ خبر!

محمد عدنان اکبری نقیبی نے 'آج کی خبر' کی ذیل میں اس موضوع کا آغاز کیا، ‏دسمبر 22, 2017

  1. عبدالقیوم چوہدری

    عبدالقیوم چوہدری محفلین

    مراسلے:
    16,355
    جھنڈا:
    Pakistan
    موڈ:
    Relaxed
    چند دن پہلے ہی کہیں پڑھا تھا کہ صرف ناروے کی 43 فیصد آبادی ملحد ہے۔ یہ کس کے درویش ہیں؟
     
  2. جاسم محمد

    جاسم محمد محفلین

    مراسلے:
    7,317
    روزانہ نئی یادداشت کے ساتھ بیدار ہونے والی خاتون
    ویب ڈیسک 2 گھنٹے پہلے
    [​IMG]
    کیٹلِن لِٹل کی یادداشت رات کو ختم ہوجاتی ہے اور وہ بیدار ہوکر کہتی ہیں کہ آج اکتوبر 2017 ہے۔ (فوٹو: انٹرنیٹ)


    نارتھ کیرولائنا: امریکہ میں ایک خاتون ایسی ہیں جو کم مدت کی یادداشت کی شکار ہیں اور رات کو سوتے ہی ان کی دن بھر کی یادداشت محو ہوجاتی ہے۔ اگلے دن وہ بیدار ہوکر یہ سمجھتی ہیں کہ آج بھی اکتوبر 2017 ہے۔

    نارتھ کیرولائنا، امریکہ کی کیٹلِن لِٹل ڈیڑھ سال قبل کھیل کے دوران سر پر چوٹ لگنے کے بعد ایک نادر کیفیت میں گرفتار ہیں جس کے بعد وہ ایک روز کی یادداشت کی کیفیت میں شکار ہیں۔

    اگرچہ ماضی پر اس کیفیت پر بہت کچھ لکھا اور پڑھا گیا ہے لیکن پہلے اسے ’گولڈبرگ سنڈروم‘ نامی ایک فرضی بیمار کا نام دیا گیا۔ اس کے بعد ڈاکٹروں نے طبی طور پر اسے ’اینٹروگریڈ ایمنیسیا‘ کا نام دیا ہے۔

    کوئی 17 ماہ پہلے 12 اکتوبر 2017 کو اپنے کالج میں کھیل کے دوران کیٹلن کا سر ایک اور ساتھی لڑکی کے سر سے ٹکرایا تھا جس کے بعد وہ بے ہوش ہوگئی تھیں۔ دماغی معالجین نے چوٹ کو شدید قرار دیتے ہوئے کہا تھا کہ وہ بتدریج نارمل ہوجائیں گی مگر ایسا نہ ہوا اور اب یہ حال ہے کہ صبح اس کے والدین اسے جگا کر کہتے ہیں کہ دو سال قبل اسے حادثہ پیش آیا تھا اوراب یہ حال ہے کہ وہ روزانہ نئی یادداشت کو اپنے ذہن میں بٹھاتی ہیں لیکن رات کو سوتے ہوئے وہ بھی محو ہوجاتی ہیں۔

    کیٹلن کے والد نے بتایا کہ مجھے روزانہ یہ خوف رہتا ہے کہ وہ میری بات کو جھوٹ قرار نہ دیدے۔ لیکن یہ میرا کام ہے کہ روزانہ صبح اسے حقیقت سے آگاہ رکھوں۔

    [​IMG]

    جب کیٹلن اپنے والد سے یہ پوچھتی ہیں کہ ایسا کیوں ہوا تو وہ اس کے بستر کے پاس رکھا جرنل دکھاتے ہیں جس پر واقعے کی تمام تفصیل تحریر کی گئی ہے اور اسے پڑھنے میں صرف 15 سے 20 منٹ لگتے ہیں۔ اس کی خصوصی استانی کا بیان ہے کہ وہ ہرصبح کیٹلن سے اس طرح ملتی ہیں کہ وہ ایک دوسرے کے لیے اجنبی ہیں۔

    کیٹلن کے والد اسے کئی ڈاکٹروں کے پاس لے کر گئے ہیں لیکن کوئی افاقہ نہیں ہوا ہے ۔ فی الحال اس کے علاج پر روزانہ 1000 ڈالر خرچ ہورہے ہیں جس کے اخراجات والدین کے بس سے باہر ہیں اور اب انہوں نے گو فنڈ می کے ذریعے انٹرنیٹ سے چندہ لینا شروع کردیا ہے۔
     
  3. عبدالقیوم چوہدری

    عبدالقیوم چوہدری محفلین

    مراسلے:
    16,355
    جھنڈا:
    Pakistan
    موڈ:
    Relaxed
    ’اینٹروگریڈ ایمنیسیا‘ سے فلم ’ففٹی فرسٹ ڈیٹس‘ یاد آ گئی۔ :)
     
  4. م حمزہ

    م حمزہ محفلین

    مراسلے:
    4,235
    موڈ:
    Cool
    Gajni
     
    • دوستانہ دوستانہ × 1
  5. عبدالقیوم چوہدری

    عبدالقیوم چوہدری محفلین

    مراسلے:
    16,355
    جھنڈا:
    Pakistan
    موڈ:
    Relaxed
    یہ بھی کوئی فلم ہے ؟
     
    • متفق متفق × 1
  6. جاسم محمد

    جاسم محمد محفلین

    مراسلے:
    7,317
    Ghajini (2008) - IMDb
     
    • متفق متفق × 1
  7. عبدالقیوم چوہدری

    عبدالقیوم چوہدری محفلین

    مراسلے:
    16,355
    جھنڈا:
    Pakistan
    موڈ:
    Relaxed
    اوہ۔۔۔اچھا بھارتیہ فلم۔
     
    • متفق متفق × 1
  8. جاسم محمد

    جاسم محمد محفلین

    مراسلے:
    7,317
    انگریزی فلم کی کاپی ہے (ظاہر ہے)
     
  9. عبدالقیوم چوہدری

    عبدالقیوم چوہدری محفلین

    مراسلے:
    16,355
    جھنڈا:
    Pakistan
    موڈ:
    Relaxed
    اچھا۔۔۔کون سی فلم کی کاپی ہے ؟
     
  10. جاسم محمد

    جاسم محمد محفلین

    مراسلے:
    7,317
    Memento (2000) - IMDb
     
  11. جاسم محمد

    جاسم محمد محفلین

    مراسلے:
    7,317
    جنگی طیاروں کے ذریعے سحری میں لوگوں کو جگانے کا اعلان
    [​IMG]
    انڈونیشین ائیرفورس کے زیراستعمال F-16 طیارہ— فائل فوٹو
    انڈونیشیا کی ائیر فورس نے اعلان کیا ہے کہ وہ رمضان المبارک کے دوران شہریوں کو سحری میں جگانے کے لیے اپنے جنگی طیارے اڑائے گی۔

    ائیرفورس نے اپنے ٹوئٹر اکاؤنٹ کے ذریعے اعلان کیا ہے کہ وہ جزیرہ جاوہ کے مختلف شہروں سورابایا، سوراکارتا، کلاٹن، سراجن اور یوگیاکارتا میں جنگی طیاروں کی تربیتی مشقیں شروع کرے گی۔

    ٹوئٹ میں لکھا گیا کہ ،"انشااللہ، ہم جنگی طیاروں کو استعمال کرکے سحری میں لوگوں کو جگانے کی اپنی روایت برقرار رکھیں گے"۔

    ائیرفورس کے ترجمان نے اس حوالے سے کہا کہ طیارے اڑانے کا مقصد صرف روایت کو برقرار رکھنا نہیں ہے بلکہ اس بات کو بھی یقینی بنانا ہے کہ پائلٹ روزے کی حالت میں ٹریننگ نہ کریں۔

    جکارتہ پوسٹ نے اپنی رپورٹ میں لکھا ہے کہ طبی ماہرین کے مطابق طلوع آفتاب کا وقت پائلٹوں کے لیے جنگی طیارے اڑانے کے لیے بہترین تصور کیا جاتا ہے کیونکہ صبح 10 بجے کے بعد لوگوں کے خون میں شوگر کی مقدار گرنا شروع ہو جاتی ہے۔

    ائیرفورس ترجمان کے مطابق جنگی طیاروں کے پائلٹوں کو خون میں شوگر کی مقدار کم کے دوران طیارے اڑانے کی اجازت نہیں ہوتی ہے اس لیے یہ ایک 'مشترکہ مشن" ہے جس میں ٹریننگ کے دوران لوگوں کو سحری میں جگانے کا بھی مقصد حاصل کیا جا رہا ہے۔
     
  12. جاسم محمد

    جاسم محمد محفلین

    مراسلے:
    7,317
    وھیل نے سمندر میں گرجانے والا اسمارٹ فون مالک کو واپس کردیا
    ویب ڈیسک ہفتہ 11 مئ 2019
    [​IMG]
    ناروے میں ایک وھیل نے پانی میں گرنے والا فون خاتون کو واپس کردیا، فوٹو: اوڈٹی سینٹرل

    ناروے: چند روز قبل ناروے میں ایک عجیب و غریب واقعہ پیش آیا جب ایک خاتون کا فون سمندر میں گرگیا تو ایک بیلوگا وھیل کچھ دیر میں اسے منہ میں دباکر خاتون کو واپس کرنے آئی۔

    ناروے کےعلاقے ہیمرفیسٹ میں ایک خاتون اینا مانسیکا اپنے دوستوں کے ساتھ سمندر کے کنارے موجود تھیں تاکہ وہاں موجود وھیل کا نظارہ کرسکیں ۔ اتنے میں انہیں ایک بیلوگا وھیل دکھائی دی لیکن اسی دوران ان کی جیب میں رکھا اسمارٹ فون پانی میں گرگیا۔

    ’مجھے جیسے ہی وھیل دکھائی دی میں نیچے بیٹھ کر جھک کر اسے دیکھنے لگی اور میں اسے پیار سے تھپکنا چاہتی تھی۔ لیکن اتنے میں میری جیکٹ کی اوپری جیب میں رکھا فون باہرنکل کرسیدھا پانی میں گرگیا۔ میں یہ سمجھتی رہی کہ اب یہ چلا گیا لیکن کچھ دیر بعد وہی وھیل فون منہ میں دبائے سطح تک آئی اور مجھے واپس کردیا،‘ مانیسکا نے کہا۔

    تاہم خاتون نے اس فون کو کچے چاولوں کے برتن میں دبا کر اس کا پانی خشک کرنا چاہا لیکن وہ سمندر کے پانی کی وجہ سے ٹھیک نہیں ہوسکا اور اب خراب ہوچکا ہے۔

    بعض ماہرین نے اس ویڈیو اور تصاویر کی سچائی پراعتراض کرتے ہوئے کہا ہے کہ یہ وھیل اتنی جلدی مانوس نہیں ہوتیں لیکن بیلوگا ماہرین کہتے ہیں کہ اگر ان وھیلوں کے ٹھوڑی کے نیچے والے حصے کو سہلایا جائے تو یہ جلد دوست بن جاتی ہیں۔ تاہم یہ ویڈیو دنیا بھر میں مقبول ہورہی ہے۔
     
    • معلوماتی معلوماتی × 1
  13. جاسم محمد

    جاسم محمد محفلین

    مراسلے:
    7,317
     
    • پسندیدہ پسندیدہ × 1
  14. جاسم محمد

    جاسم محمد محفلین

    مراسلے:
    7,317
    اسکول بند ہونے سے بچانے کیلئے بھیڑوں کو بھی داخلہ دے دیا گیا
    ویب ڈیسک پير 20 مئ 2019
    [​IMG]
    فرانس میں اسکول کی بندش روکنے کے لیے 15 بھیڑوں کو بھی داخلہ دیا گیا ہے۔ فوٹو: فائل

    پیرس: فرانس کے دور افتادہ اور سرد علاقے میں طلبا و طالبات کی کمی کی وجہ سے ایک اسکول بند ہونے کے قریب تھا کہ والدین اور انتظامیہ نے ایک انوکھی تدبیر سوچی جس کے تحت بھیڑ بکریوں کو بھی اسکول میں رجسٹر کرکے داخلہ دیدیا گیا۔

    فرانس میں یہ اسکول ایسے علاقے میں واقع ہے کہ جو برف کی پہاڑی سلسلے ایلپس کے پاس موجود ہے اور یہاں آبادی بہت کم ہے۔

    یہاں ایک گاؤں کی آبادی 4000 کے لگ بھگ ہے اور پرائمری اسکول میں صرف 261 بچے ہیں جن کی تعداد تیزی سے کم ہورہی ہے۔ یہاں تک کہ طالبعلموں کی کمی کی وجہ سے یہ اسکول بند ہونے کے کنارے جاپہنچا تھا۔ اس مسئلے کے حل کے لیے اسکول انتظامیہ اور والدین نے مشترکہ طور پر علامتی طور پر ایک درجن سے زائد بھیڑوں کو داخلہ دیدیا تاکہ بچوں کی مناسب تعداد کو دکھایا جاسکے اور اسکول بند ہونے سے بچایا جاسکے۔

    اس سلسلے میں ایک خاص تقریب منعقد کی گئی جس میں بھیڑوں کو بھی شامل کروایا گیا اور یوں ان کے نام بھی لکھوائے گئے۔ اس موقع پر اسکول میں داخل ایک بچے کے والد نے کہا کہ قومی تعلیمی پالیسی میں بچوں کی بجائے ان کی تعداد زیادہ اہمیت رکھتی ہے اور اسی بنا پر ہم نے اب بھیڑوں کو شامل کرکے بچوں کی تعداد بڑھادی ہے۔
     
    • پر مزاح پر مزاح × 1
  15. جاسم محمد

    جاسم محمد محفلین

    مراسلے:
    7,317
    ایک طرف فرانس میں اسکول کو بند ہونے سے روکنے کیلئے جانور داخل کر دئے گئے ہیں۔ تو دوسری طرف پاکستان میں اسکول بند کرنے کیلئے جانور باندھ دئے جاتے ہیں۔
    [​IMG]
    [​IMG]
     

اس صفحے کی تشہیر