اردو محفل فورم

حیرت نہ کر بدن کو مرے چُور دیکھ کر
ان رفعتوں کو دیکھ جہاں سے گرا تھا میں

یعنی محفل میں "من ترا حاجی بگویم تو مرا ملا بگو" چل رہا ہے!!

بالکل درست بات، آج کل محفل کے ہر کونے میں کہیں مشتاق احمد یوسفی، کہیں رجب علی بیگ سرور، کہیں ابنِ سینا، کہیں رازی۔ استغفراللہ۔

لگتا ہے دھاگے کھنگالنے پڑیں گے.

چڑھی ہے یہ آندھی اتر جائے گی

محمد وارث بھائی :) یہ تو تسلیمات و تبریکات کا خوش آئند مقام ہے ۔ حاشاللہ ! اور آپ استغفار پڑھ رہے ہیں ۔ :) :) :) ۔

ارے سید صاحب محترم، استغفار اپنی کم مائیگی پر پڑھ رہا ہوں۔

عبید بھائی ، یہ تو آپ زخموں پر بینڈ ایڈ رکھنے کی کوشش کر رہے ہیں ۔
ویسے شعر بہت پسند آیا ۔

وارث صاحب قبلہ ، پھر تو ہم سب کو مل کر باجماعت استغفار پڑھنا چاہئے ۔

اشارہ کنایہ میں مزید واضع فرمادیں کہ ان مہلک ہتھیاروں کا بے دریغ استمعال کر کون رہا ہے تا کہ مذکور ہوش کے ناخن لیں۔

مزید یہ کہ (بشمول آپ سب) تمام قابلِ قدر اساتذہ اور اہلِ علم محفلین سے گذارش ہے کہ مجھ جیسے نالائق کو تو اندازہ بھی نہیں ہوتا کہ کہاں کیا نامناسب بات یا حرکت کر دی ہے لہٰذا جہاں بھی کوئی غلطی نوٹ فرمائیں تو برملا دانٹ ڈپٹ فرما کر رہنمائی کیا کریں تا کہ اصلاح کے مواقع وافر میسر آ سکیں۔

شکر ہے اور بھی محفلین نے محسوس کیا۔ ورنہ مجھے لگتا تھا کہ میں ہی شائد اکیلی ان چیزوں کو نوٹ کئے جا رہی ہوں۔ بیزار ہو کر پہلی بار چند افراد کو نظر انداز کیا لیکن خیر اب اگنور لسٹ ختم کر دی ہے۔ اب کوشش کرتی ہوں کہ وہ لڑی پڑھوں ہی نہیں جس میں مذکورہ افراد کے نام نظر آئیں۔

یہ سب اتنا بڑھ گیا ہے کہ مجھے تو لگتا ہے ایک نئی قسم کی ٹرولنگ ایجاد ہو گئی ہے۔

احمد محمد بالکل آپ ہی کا ذکرخیر ہورہا تھا ۔ اس دفعہ معاف کیا لیکن آئندہ ایسی حرکت مت کریں ۔ توبہ کریں ، کان پکڑیں اور ناک رگڑیں ۔ اگر دوبارہ ایسا کیا تو آپ کواٹھارہ غزلیں بحرمتصوف مظلوم مجہول محذوف مضاعف میں پڑھوائی جائیں گی ۔