ایک غزل برائے اصلاح

الف عین نے کہا:

پہلے چاروں اشعار درست اور خوب ہیں، لیکن
کیا جئیں گے ترے دیدار کی خواہش کے اسیر
انتظاری کی گراں باری-زنجیر کے ساتھ
... دوسرے مصرعے کی ترکیب پسند نہیں آئی۔ انتظار بھی درست لفظ نہیں

تیری غیبت کا ہےغم، اور ترے ہونے کی خوشی
عارضہ جیسے ہو رکھا ہوا اکسیر کے ساتھ
... غیبت کا کیا ذکر؟

ان کے دیدار کی فائق نہ ہوئی کوئی سبیل
نا امید ہوگئی تدبیر بھی تقدیر کے ساتھ
ہو گئی کی ہ قابل تقطیع ہے، اسے الف کی طرھ وصل نہیں کیا جا سکتا
نا امی دو گئی
تقطیع ہوتا ہے

مزید نمائش کے لیے کلک کریں۔۔۔

عاطف ملک نے کہا:

خوبصورت اشعار ہیں بھئی۔۔۔۔بہت داد

مزید نمائش کے لیے کلک کریں۔۔۔

محمد فائق نے کہا:

ظلمتِ شب کو رکھوں صبح کی تنویر کے ساتھ؟
اپنی تصویر لگاؤں تری تصویر کے ساتھ؟

صرف کوتاہی نہیں پہنچی مری تیرے حضور
ایک احساسِ ندامت بھی ہے تقصیر کے ساتھ

تاکہ اخلاص کی گہرائی کا اندازہ ہو
اپنا دل بھیج رہا ہوں تجھے تحریر کے ساتھ

بخت کو اپنے برا کیسے کہوں تو ہی بتا
میری تقدیر جڑی ہے تری تقدیر کے ساتھ

کیا جئیں گے ترے دیدار کی خواہش کے اسیر
انتظاری کی گراں باری-زنجیر کے ساتھ

تیری غیبت کا ہےغم، اور ترے ہونے کی خوشی
عارضہ جیسے ہو رکھا ہوا اکسیر کے ساتھ

ان کے دیدار کی فائق نہ ہوئی کوئی سبیل
نا امید ہوگئی تدبیر بھی تقدیر کے ساتھ

مزید نمائش کے لیے کلک کریں۔۔۔