رہ کر بھی دور مجھ سے دل کے قریب ہو تم

ارشد چوہدری نے کہا:

تیرے ہے پاس تیرے غم کا علاج ارشد
دکھ جانتے ہو اپنا ، اپنے طبیب ہو تم

مزید نمائش کے لیے کلک کریں۔۔۔

محمد خلیل الرحمٰن نے کہا:

اگر تو تڑاق سے بات کررہے ہیں ۔

مزید نمائش کے لیے کلک کریں۔۔۔

سید عاطف علی نے کہا:

خلیل بھائی ! تو "تڑاق" کے لیے تو بیس نمبر کا چھوٹا والا ہلکا پھلکا "کاف ہی کافی" تھا ۔اس کے لیے ق کو کیوں زحمت دی اس کی تو "ڑ سے ازلی لڑائی" ہے ۔
مزید یہ کہ اس سو نمبر کے بھاری ق کو دو نقطے بھی ساتھ گھسیٹ کر لانے پڑتے ہیں ۔

مزید نمائش کے لیے کلک کریں۔۔۔

محمد خلیل الرحمٰن نے کہا:

حضرت! برا نہ مانیں تو کہیں کہ یوں محسوس ہوتا ہے جیسے آپ پر شُتر گُربہ کا راز ابھی نہیں کھُل پایا ہے۔ دراصل غزل کے کسی ایک شعر میں تو، تم یا آپ اکٹھے استعمال نہیں کرسکتے۔ اگر تو تڑاق سے بات کررہے ہیں تو دونوں مصرعوں میں ہی تو تڑاق ہونی چاہیے ، یہ نہیں کہ پہلے مصرع میں تو تڑاق اور دوسرے مصرع میں آپ جناب۔ آپ کے پہلے مصرع میں آپ نے تیرے پاس ، تیرے غم استعمال کیا ہے تو دوسرے مصرع میں بھی ’’تم ہو‘‘ کی جگہ ’’تو ہے‘‘ استعمال کرنا چاہیے، لیکن ردیف و قافیے کی بندش کی وجہ سے دوسے مصرع میں تم ہو آنا چاہیے لہٰذا پہلے مصرع میں بھی تم استعمال ہونا چاہیے ، تو ہے یا آپ ہیں استعمال نہیں ہوسکتا۔
چونکہ یہ غلطی آپ باربار دہرا رہے ہیں اس لیے یہ تمہید باندھی کہ اگر ذہن میں شتر گربہ کا تصور واضح نہ ہوتو ہماری اس بے وقت کی راگنی پر توجہ کرلیجیے ۔

مزید نمائش کے لیے کلک کریں۔۔۔

ارشد چوہدری نے کہا:

خلیل بھائی آپ میری راہنمائی کرتے ہیں ،میں کیوں بُرا محسوس کروں گا۔ ہاں شتر گربہ کی اب بھی غلطی ہو جاتی ہے کوشش کروں گا بار بار چیک کر لیا کروں

مزید نمائش کے لیے کلک کریں۔۔۔

الف عین نے کہا:

کچھ وقت دیا کریں اپنی غزلوں کو تو ایسی غلطیاں بار بار نہیں ہوں گی
رہ کر بھی دور مجھ سے دل کے قریب ہو تم
میں جانتا ہوں اتنا میرے حبیب ہو تم
------------ یہ قافیہ بہتر ہے، لیکن 'میں اتنا جانتا ہوں' زیادہ رواں ہو گا

بس سوچتے ہو اپنا اوروں کا حق بُھلا کر
ایسی ہے سوچ ناقص اپنے رقیب ہو تم
------------- پہلے مصرع کی روانی ہہتر ہے لیکن تنافر پیدا ہو گیا ہے، الفاظ کی ترتیب بدکو
بس اپنا سوچتے ہو
دوسرے مصرعے میں 'گویا' لانا ضروری محسوس ہوتا ہے
جیسے: یہ سوچ یوں ہے گویا. ... '

تحریر میں جو اپنی لکھتے ہو فُحش باتیں
ڈرتے نہیں خدا سے کیسے ادیب ہو تم
------------- ٹھیک

تقریر میں جو اپنی کیچر اُچھالتے ہو
------
ہے بُغض تیرے دل میں کیوں دوسروں سے اتنا
حامی ہو نفرتوں کے کیسے خطیب ہو تم
------------ ہے بغض دوسروں سے دل میں تمہارے اتنا
کیا جا سکتا ہے

اپنے غموں کا خود ہی کر لو علاج ارشد
دکھ جانتے ہو اپنے ، خود کے طبیب ہو تم
------------یا
کرتے ہیں بات سچی کچھ دوسرے بھی ارشد
سمجھا ہے تم نے خود کو سچ کے نقیب ہو تم
------------ پہلا متبادل مقطع تو ٹھیک نہیں لگتا
دوسرا مصرع بھی یوں بہتر ہو گا
سمجھے ہو کیا اکیلے........ آخر میں سوالیہ نشان ضرور دیں۔ اکیلے لفظ کے بغیر بات بنتی نہیں

مزید نمائش کے لیے کلک کریں۔۔۔