غزل برائے اصلاح : ہمیں تیری محبت کی ادائیں مار دیتی ہیں

جناب محترم الف عین اور دیگر اساتذہ اکرام سے اصلاح کی گذارش ہے۔

مفاعیلن مفاعیلن مفاعیلن مفاعیلن

ہمیں تیری محبت کی ادائیں مار دیتی ہیں
ترے معصوم چہرے کی خطائیں مار دیتی ہیں
زمانے کے ستم ہم نے جوانمردی سے جھیلے ہیں
مگر تیری رقیبوں سے وفائیں مار دیتی ہیں
ہمیں خود پر تو قابو ہے مگر کوئی اسے روکے
نشیلی شرم سے بھیگی نگاہیں مار دیتی ہیں
کریں غیروں کا کیوں شکوہ ہمیں یاروں نے لوٹا ہے
محبت سے جو ملتی ہیں سزائیں مار دیتی ہیں
دکھی دل سے نکلتی ہیں جوآہیں بھی دعا بن کر
کبھی ایسا بھی ہوتا ہے دعائیں مار دیتی ہیں
رہیں دل میں تو اچھا ہے وفائیں بن کے خاموشی
بچا لیتی ہے گمنامی صدائیں مار دیتی ہیں
ملی ہے جن کو محرومی انھیں معلوم کیسے ہو
یہ حسرت ایک نعمت ہے عطائیں مار دیتی ہیں

غزل تو زبر دست ہے پر آخری شعر کا مفہوم ہی مجھے سمجھ نہیں آیا!

محرومی اور حسرت کا استعمال سمجھ نہیں آ رہا !

حماد علی نے کہا:

غزل تو زبر دست ہے پر آخری شعر کا مفہوم ہی مجھے سمجھ نہیں آیا!

مزید نمائش کے لیے کلک کریں۔۔۔

بہت شکریہ حماد علی بھائی

حماد علی نے کہا:

محرومی اور حسرت کا استعمال سمجھ نہیں آ رہا !

مزید نمائش کے لیے کلک کریں۔۔۔

اب قاری کی سمجھ میں نہیں آیا تو خطرہ ہے کہ اساتذہ کی طرف سے بھی اعتراض ہو گا ۔ شاید ابلاغ نہیں کرپایا۔ کہنا یہ ہے کہ احساس محرومی (یعنی حسرت) بھی ایک نعمت ہوتی ہے کہ اکثر انسان طلب میں لگا رہتا ہے، فائدے نقصان سے بے نیاز ہو کر۔ لیکن اگر وہی شے جس کی اسے طلب ہو مل جائے اور وہ اس کے لیے نقصان دے ہو تو دہرا نقصان ہوتا ہے، کہ انسان خواہش، طلب اور دعا سے بھی گیا اور نقصان علیحدہ۔ اور اگر فائدہ مند ہوتب بھی دعا اور جستجو تو چھوڑہی بیٹھتا ہے۔
اب احتیاطاً اساتذہ کے رائے سے قبل متبادل سوچ کے رکھتا ہوں۔ بہت مہربانی۔

ہمیں تیری محبت کی ادائیں مار دیتی ہیں
ترے معصوم چہرے کی خطائیں مار دیتی ہیں

'چہرے کی خطائیں' سے آپ کی کیا مراد ہے یہ میں سمجھ نہیں پایا ۔

زمانے کے ستم ہم نے جوانمردی سے جھیلے ہیں
مگر تیری رقیبوں سے وفائیں مار دیتی ہیں

دوسرا مصرع مجھے یوں رواں محسوس ہو رہا ہے ۔
÷رقیبوں سے مگر تیری وفائیں مار دیتی ہیں ۔

ہمیں خود پر تو قابو ہے مگر کوئی اسے روکے
نشیلی شرم سے بھیگی نگاہیں مار دیتی ہیں

'ادائیں' اور 'خطائیں کے ساتھ آپ 'نگاہیں' قافیہ نہیں لا سکتے ۔

کریں غیروں کا کیوں شکوہ ہمیں یاروں نے لوٹا ہے
محبت سے جو ملتی ہیں سزائیں مار دیتی ہیں

تھوڑا سا دو لختی کا احساس ہو رہا ہے مجھے ۔

دکھی دل سے نکلتی ہیں جوآہیں بھی دعا بن کر
کبھی ایسا بھی ہوتا ہے دعائیں مار دیتی ہیں

یہ شعر تھوڑا مبہم سا ہو گیا ہے ۔ شاید کہنا یہ چاہتے ہیں کہ دکھی دل سے اگر آہیں دعا بن کر نکلتی ہیں تو کبھی ایسا بھی ہوتا ہے کہ یہی دعائیں یعنی 'آہیں' مار دیتی ہیں ۔ اگر اس مطلب کو راست ادا کر بھی لیا جائے تب بھی بے معنی سا ہی لگے گا یہ شعر ۔

رہیں دل میں تو اچھا ہے وفائیں بن کے خاموشی
بچا لیتی ہے گمنامی صدائیں مار دیتی ہیں

'صدائیں' یوں لگ رہا ہے جیسے صرف قافیہ ہی لایا گیا ہے ۔

ملی ہے جن کو محرومی انھیں معلوم کیسے ہو
یہ حسرت ایک نعمت ہے عطائیں مار دیتی ہیں

شاید یوں درست کیا جا سکتا ہے اس شعر کو ۔

ملی ہے جن کو محرومی انہیں معلوم ہے یہ بات
کہ حسرت ایک نعمت ہے عطائیں مار دیتی ہیں

لیکن یہاں بھی 'عطائیں' کا ستعمال کچھ کھٹک رہا ہے ۔

شکریہ عظیم متفق ہوں تم سے

محمد عظیم الدین نے کہا:

زمانے کے ستم ہم نے جوانمردی سے جھیلے ہیں
مگر تیری رقیبوں سے وفائیں مار دیتی ہیں

مزید نمائش کے لیے کلک کریں۔۔۔

محمد عظیم الدین نے کہا:

کریں غیروں کا کیوں شکوہ ہمیں یاروں نے لوٹا ہے
محبت سے جو ملتی ہیں سزائیں مار دیتی ہیں

مزید نمائش کے لیے کلک کریں۔۔۔

محمد عظیم الدین نے کہا:

ملی ہے جن کو محرومی انھیں معلوم کیسے ہو
یہ حسرت ایک نعمت ہے عطائیں مار دیتی ہیں

مزید نمائش کے لیے کلک کریں۔۔۔

بہت زبردست ۔ مزہ آیا پڑھ کے ۔ ڈھیروں داد بھیا

الف عین نے کہا:

شکریہ عظیم متفق ہوں تم سے

مزید نمائش کے لیے کلک کریں۔۔۔

جی بابا ۔

عظیم نے کہا:

ملی ہے جن کو محرومی انہیں معلوم ہے یہ بات

مزید نمائش کے لیے کلک کریں۔۔۔

تسبیغ ہزج سالم میں جائز ہے اور نظائر بھی بے شمار مل سکتے ہیں مگر روانی کو عروضی سقم کے بعد جو چیز سب سے زیادہ مجروح کرتی ہے وہ یہی ہے۔

الف عین نے کہا:

شکریہ عظیم متفق ہوں تم سے

مزید نمائش کے لیے کلک کریں۔۔۔

بہت شکریہ جناب محترم الف عین صاحب اور جناب محترم عظیم صاحب

عظیم نے کہا:

'چہرے کی خطائیں' سے آپ کی کیا مراد ہے یہ میں سمجھ نہیں پایا ۔

مزید نمائش کے لیے کلک کریں۔۔۔

جناب چہرے کے مختلف اعضا یعنی آنکھ، ابرو وغیرہ سے جو اشارے ہیں ان کو خطا سے تعبیر کیا تھا، شاید بات واضح نہیں کرپایا۔ اگر مناسب نہیں تو دوسرا مصرع یوں بدل سکتے ہیں؟
نگاہوں میں بھری ہیں جو خطائیں مار دیتی ہیں

عظیم نے کہا:

دوسرا مصرع مجھے یوں رواں محسوس ہو رہا ہے ۔
÷رقیبوں سے مگر تیری وفائیں مار دیتی ہیں ۔

مزید نمائش کے لیے کلک کریں۔۔۔

جی بہتر ہے۔

عظیم نے کہا:

'ادائیں' اور 'خطائیں کے ساتھ آپ 'نگاہیں' قافیہ نہیں لا سکتے ۔

مزید نمائش کے لیے کلک کریں۔۔۔

یہ غلطی تلفظ کی وجہ سے کر گیا۔ نشاندہی کے لیے شکریہ۔ مصرع بدل کر یہ شعر یوں مناسب ہوگا؟
ہمیں خود پر تو قابو ہے مگر کوئی تجھے روکے
کہ بھیگی تیری خوشبو میں ہوائیں مار دیتی ہیں

عظیم نے کہا:

کریں غیروں کا کیوں شکوہ ہمیں یاروں نے لوٹا ہے
محبت سے جو ملتی ہیں سزائیں مار دیتی ہیں
تھوڑا سا دو لختی کا احساس ہو رہا ہے مجھے ۔

مزید نمائش کے لیے کلک کریں۔۔۔

تھوڑا رحم بھی کیا کریں عظیم بھائی ، خیردوسرا مصرع یوں کیسا رہے گا؟
جو اپنوں سے ملی ہوں وہ سزائیں مار دیتی ہیں

عظیم نے کہا:

دکھی دل سے نکلتی ہیں جوآہیں بھی دعا بن کر
کبھی ایسا بھی ہوتا ہے دعائیں مار دیتی ہیں
یہ شعر تھوڑا مبہم سا ہو گیا ہے ۔ شاید کہنا یہ چاہتے ہیں کہ دکھی دل سے اگر آہیں دعا بن کر نکلتی ہیں تو کبھی ایسا بھی ہوتا ہے کہ یہی دعائیں یعنی 'آہیں' مار دیتی ہیں ۔ اگر اس مطلب کو راست ادا کر بھی لیا جائے تب بھی بے معنی سا ہی لگے گا یہ شعر ۔

مزید نمائش کے لیے کلک کریں۔۔۔

جناب معنی تو آپ صحیح سمجھے ہیں یعنی ابلاغ تو ہوگیا۔ بے معنی والی بات سمجھ نہیں آئی۔ خیراگر دوسرا مصرع یوں کہیں تو کچھ بہتری ہو پائے گی؟
جفائیں کرنے والوں کو دعائیں مار دیتی ہیں

عظیم نے کہا:

رہیں دل میں تو اچھا ہے وفائیں بن کے خاموشی
بچا لیتی ہے گمنامی صدائیں مار دیتی ہیں
'صدائیں' یوں لگ رہا ہے جیسے صرف قافیہ ہی لایا گیا ہے ۔

مزید نمائش کے لیے کلک کریں۔۔۔

ہائے ہائےکتنا آسان ہےیہ کہہ دینا (مذاق)۔ اگر شعر یوں بدل دیں تو مناسب رہے گا؟
رہے دل میں تو اچھا ہے محبت بن کے خاموشی
زمانے پر عیاں ہوں تو وفائیں مار دیتی ہیں

عظیم نے کہا:

شاید یوں درست کیا جا سکتا ہے اس شعر کو ۔

ملی ہے جن کو محرومی انہیں معلوم ہے یہ بات
کہ حسرت ایک نعمت ہے عطائیں مار دیتی ہیں

لیکن یہاں بھی 'عطائیں' کا ستعمال کچھ کھٹک رہا ہے

مزید نمائش کے لیے کلک کریں۔۔۔

نہ کھٹکائیں جناب، ہم تو پہلے ہی کھٹکے ہوئے ہیں، بلکہ کھڑکے ہوئے ہیں۔ یہ دیکھیے کیسا رہے گا؟
فقط محرومیوں کا ہی گلہ جن کی زباں پر ہو
انھیں معلوم کیسے ہو عطائیں مار دیتی ہیں

محمد ریحان قریشی نے کہا:

تسبیغ ہزج سالم میں جائز ہے اور نظائر بھی بے شمار مل سکتے ہیں مگر روانی کو عروضی سقم کے بعد جو چیز سب سے زیادہ مجروح کرتی ہے وہ یہی ہے۔

مزید نمائش کے لیے کلک کریں۔۔۔

جناب محمد ریحان قریشی صاحب اب معلوم ہوا کہ آپ عام طور پر اپنی رائے کا اظہار ہم مبتدیوں کے لیے کیوں نہیں کرتے۔ یہ تو سرکے بہت ہی اوپر سے گزر گئی ہے۔ کئی مرتبہ آپ کا جملہ پڑھا ہے کچھ کچھ سمجھنے کی کوشش کررہا ہوں۔

ڈاکٹرعامر شہزاد نے کہا:

بہت زبردست ۔ مزہ آیا پڑھ کے ۔ ڈھیروں داد بھیا

مزید نمائش کے لیے کلک کریں۔۔۔

بہت شکریہ ڈاکٹر صاحب

مجھے تو ساری غزل کا بہت مزا آیا۔

لئیق احمد نے کہا:

مجھے تو ساری غزل کا بہت مزا

مزید نمائش کے لیے کلک کریں۔۔۔

بہت شکریہ لئیق صاحب

محمد عظیم الدین نے کہا:

بہت شکریہ حماد علی بھائی

اب قاری کی سمجھ میں نہیں آیا تو خطرہ ہے کہ اساتذہ کی طرف سے بھی اعتراض ہو گا ۔ شاید ابلاغ نہیں کرپایا۔ کہنا یہ ہے کہ احساس محرومی (یعنی حسرت) بھی ایک نعمت ہوتی ہے کہ اکثر انسان طلب میں لگا رہتا ہے، فائدے نقصان سے بے نیاز ہو کر۔ لیکن اگر وہی شے جس کی اسے طلب ہو مل جائے اور وہ اس کے لیے نقصان دے ہو تو دہرا نقصان ہوتا ہے، کہ انسان خواہش، طلب اور دعا سے بھی گیا اور نقصان علیحدہ۔ اور اگر فائدہ مند ہوتب بھی دعا اور جستجو تو چھوڑہی بیٹھتا ہے۔
اب احتیاطاً اساتذہ کے رائے سے قبل متبادل سوچ کے رکھتا ہوں۔ بہت مہربانی۔

مزید نمائش کے لیے کلک کریں۔۔۔

وضاحت کا بہت شکریہ!
اب بات کچھ کچھ سمجھ آ گئی ہے!

جناب چہرے کے مختلف اعضا یعنی آنکھ، ابرو وغیرہ سے جو اشارے ہیں ان کو خطا سے تعبیر کیا تھا، شاید بات واضح نہیں کرپایا۔ اگر مناسب نہیں تو دوسرا مصرع یوں بدل سکتے ہیں؟
نگاہوں میں بھری ہیں جو خطائیں مار دیتی ہیں

÷یہاں بھی تقریباً وہی صورتحال ہے ۔ خطائیں کس طرح نگاہوں میں بھری ہو سکتی ہیں ؟
اور نگاہ سے تو کوئی اشارہ وغیرہ بھی ممکن نہیں ۔ جس کی صورت میں کوئی خطا سرزد ہو ۔


یہ غلطی تلفظ کی وجہ سے کر گیا۔ نشاندہی کے لیے شکریہ۔ مصرع بدل کر یہ شعر یوں مناسب ہوگا؟
ہمیں خود پر تو قابو ہے مگر کوئی تجھے روکے
کہ بھیگی تیری خوشبو میں ہوائیں مار دیتی ہیں

÷پہلے مصرع میں 'تجھے' کی بجائے' اسے' ہی بہتر تھا ۔ اور دوسرے مصرع میں بھی 'بھیگی' کی جگہ 'رچی بسی ہوئی' یا ' خوشبو سے مہکتی ہوئی ہوائیں' استعمال کیا جائے تو زیادہ خوبصورت لگے گا ۔ ایک بات اور کہ 'ہوائیں' کے ساتھ کسی طرح 'یہ' یا 'ہوئی' جیسے الفاظ لے آئیں ۔


تھوڑا رحم بھی کیا کریں عظیم بھائی ، خیردوسرا مصرع یوں کیسا رہے گا؟
جو اپنوں سے ملی ہوں وہ سزائیں مار دیتی ہیں

÷مجھے لگتا ہے کہ اگر پہلے مصرع میں 'یاروں' کی جگہ 'اپنوں' کا استعمال کریں اور دوسرے میں 'سزائیں' کس بات کی ملتی ہیں اس کی وضاحت کر دیں تو شعر درست ہو سکتا ہے ۔

جناب معنی تو آپ صحیح سمجھے ہیں یعنی ابلاغ تو ہوگیا۔ بے معنی والی بات سمجھ نہیں آئی۔ خیراگر دوسرا مصرع یوں کہیں تو کچھ بہتری ہو پائے گی؟
جفائیں کرنے والوں کو دعائیں مار دیتی ہیں

÷ابھی بھی واضح نہیں لگ رہا ۔ دعاؤں کا اثر تو مثبت ہونا چاہیے نا ؟


ہائے ہائےکتنا آسان ہےیہ کہہ دینا (مذاق)۔ اگر شعر یوں بدل دیں تو مناسب رہے گا؟
رہے دل میں تو اچھا ہے محبت بن کے خاموشی
زمانے پر عیاں ہوں تو وفائیں مار دیتی ہیں

÷پہلا مصرع اچھا ہے لیکن دوسرا اس کے جوڑ کا نہیں ہو پا رہا ۔ یہاں بھی 'وفائیں' بھرتی کا محسوس ہو رہا ہے مجھے ۔

نہ کھٹکائیں جناب، ہم تو پہلے ہی کھٹکے ہوئے ہیں، بلکہ کھڑکے ہوئے ہیں۔ یہ دیکھیے کیسا رہے گا؟
فقط محرومیوں کا ہی گلہ جن کی زباں پر ہو
انھیں معلوم کیسے ہو عطائیں مار دیتی ہیں

÷'عطائیں' کے معاملے میں ابھی بھی میری رائے وہی ہے ۔ اس بات کی کوئی وضاحت نہیں کہ کس طرح کی عطائیں اور کس کی جانب سے ۔

محمد ریحان قریشی نے کہا:

تسبیغ ہزج سالم میں جائز ہے اور نظائر بھی بے شمار مل سکتے ہیں مگر روانی کو عروضی سقم کے بعد جو چیز سب سے زیادہ مجروح کرتی ہے وہ یہی ہے۔

مزید نمائش کے لیے کلک کریں۔۔۔

مجھے عروض نہیں آتی محمد ریحان قریشی بھائی ۔ کچھ بحروں کے افاعیل یاد ہیں اور یہ معلوم ہے کہ کسی بحر کے آخری رکن کو گھٹایا یا بڑھایا جا سکتا ہے ۔ اور 'رکن' کی تعریف بھی مبہم ہے میرے ذہن میں ۔

بہت خوب محمد عظیم الدین صاحب

پہلی بات تو یہ ہے کہ جناب محترم الف عین صاحب آپ خود ہوم ورک چیک کیا کریں، یہ مانیٹر(عظیم) صاحب، بہت سختی کرتے ہیں۔ (مذاق)
مذاق اپنی جگہ پر عظیم صاحب، آپ کی محنت اور شفقت کا ممنون ہوں۔ امید ہے آپ اسی طرح اپنے مفید مشوروں سے نوازتے رہیں گے۔ اللہ تعالی آپ کو خوش رکھے۔

عظیم نے کہا:

÷یہاں بھی تقریباً وہی صورتحال ہے ۔ خطائیں کس طرح نگاہوں میں بھری ہو سکتی ہیں ؟
اور نگاہ سے تو کوئی اشارہ وغیرہ بھی ممکن نہیں ۔ جس کی صورت میں کوئی خطا سرزد ہو ۔

مزید نمائش کے لیے کلک کریں۔۔۔

جناب دوسرا مصرع یہ درست ہو گا؟
ادا کے نام پر تیری خطائیں مار دیتی ہیں

عظیم نے کہا:

÷پہلے مصرع میں 'تجھے' کی بجائے' اسے' ہی بہتر تھا ۔ اور دوسرے مصرع میں بھی 'بھیگی' کی جگہ 'رچی بسی ہوئی' یا ' خوشبو سے مہکتی ہوئی ہوائیں' استعمال کیا جائے تو زیادہ خوبصورت لگے گا ۔ ایک بات اور کہ 'ہوائیں' کے ساتھ کسی طرح 'یہ' یا 'ہوئی' جیسے الفاظ لے آئیں ۔

مزید نمائش کے لیے کلک کریں۔۔۔

یہ مشکل میں ڈال دیا ہے آپ نے، اب مجھ سے تو یہ ہی بن پایا ہے
تری بُو سے مہکتی یہ ہوائیں مار دیتی ہیں
یا پھر
مہکتی تیری خوشبو سے ہوائیں مار دیتی ہیں

عظیم نے کہا:

÷مجھے لگتا ہے کہ اگر پہلے مصرع میں 'یاروں' کی جگہ 'اپنوں' کا استعمال کریں اور دوسرے میں 'سزائیں' کس بات کی ملتی ہیں اس کی وضاحت کر دیں تو شعر درست ہو سکتا ہے ۔

مزید نمائش کے لیے کلک کریں۔۔۔

یہ دیکھیے جناب
کریں غیروں کا کیوں شکوہ ہمیں اپنوں نے لوٹا ہے
ہمیں رشتے نبھانے کی سزائیں مار دیتی ہیں

عظیم نے کہا:

÷ابھی بھی واضح نہیں لگ رہا ۔ دعاؤں کا اثر تو مثبت ہونا چاہیے نا ؟

مزید نمائش کے لیے کلک کریں۔۔۔

اچھا جی ہم نہیں دیتے دعائیں
دعاؤں کے صلے میں یہ جفائیں مار دیتی ہیں

عظیم نے کہا:

÷پہلا مصرع اچھا ہے لیکن دوسرا اس کے جوڑ کا نہیں ہو پا رہا ۔ یہاں بھی 'وفائیں' بھرتی کا محسوس ہو رہا ہے مجھے ۔

مزید نمائش کے لیے کلک کریں۔۔۔

دوسرا مصرع اگر یوں ہو تو؟
صدا بن کر یہ گونجے تو صدائیں مار دیتی ہیں

عظیم نے کہا:

÷'عطائیں' کے معاملے میں ابھی بھی میری رائے وہی ہے ۔ اس بات کی کوئی وضاحت نہیں کہ کس طرح کی عطائیں اور کس کی جانب سے ۔

مزید نمائش کے لیے کلک کریں۔۔۔

شعر اگر یوں بدل دیں تو کیسا رہے گا؟
انھیں سے پوچھ کر دیکھو یہ محرومی بھی نعمت ہے
جنھیں محبوب کے در کی عطائیں مار دیتی ہیں

کلیم گورمانی نے کہا:

بہت خوب محمد عظیم الدین صاحب

مزید نمائش کے لیے کلک کریں۔۔۔

بہت شکریہ بھائی۔

پہلی بات تو یہ ہے کہ جناب محترم الف عین صاحب آپ خود ہوم ورک چیک کیا کریں، یہ مانیٹر(عظیم) صاحب، بہت سختی کرتے ہیں۔ (مذاق)

مذاق اپنی جگہ پر عظیم صاحب، آپ کی محنت اور شفقت کا ممنون ہوں۔ امید ہے آپ اسی طرح اپنے مفید مشوروں سے نوازتے رہیں گے۔ اللہ تعالی آپ کو خوش رکھے۔

جناب دوسرا مصرع یہ درست ہو گا؟
ادا کے نام پر تیری خطائیں مار دیتی ہیں

÷مجھے لگتا ہے کہ آپ کو مطلع ہی دوسرا کہنا پڑے گا ۔ چہرے کے تاثرات کو خطاؤں سے تعبیر کرنا شاید بہت سے الفاظ کا متقاضی ہے ۔ اس خیال کے لیے الگ سے ایک شعر ہو سکتا ہے ۔

یہ مشکل میں ڈال دیا ہے آپ نے، اب مجھ سے تو یہ ہی بن پایا ہے
تری بُو سے مہکتی یہ ہوائیں مار دیتی ہیں
یا پھر
مہکتی تیری خوشبو سے ہوائیں مار دیتی ہیں

÷واقعی یہ مشکل ہے ۔ دراصل 'ہوائیں' بھرتی کا محسوس ہو رہا تھا اس لیے میں نے ان الفاظ کے استعمال کا مشورہ دیا تھا ۔ اگر کسی طرح 'فضائیں' بھی لے آ جائے تب بھی درست کیا جا سکتا ہے اس شعر کو ۔
÷تری بو سے مہکتی یہ ہوائیں مار دیتی ہیں ۔
بہتر لگ رہا ہے لیکن صرف 'بُو' اچھا نہیں لگ رہا ۔


یہ دیکھیے جناب
کریں غیروں کا کیوں شکوہ ہمیں اپنوں نے لوٹا ہے
ہمیں رشتے نبھانے کی سزائیں مار دیتی ہیں

÷ابلاغ کے اعتبار سے کچھ بہتر معلوم ہو رہا ہے ۔ لیکن ایک سوال یہ پیدا ہوتا ہے کہ رشتے نبھانے پر مجبور کون کر رہا ہے ۔ یعنی یہ سزائیں کس طرف سے ملیں ؟ پہلے مصرع کی ایک صورت یہ بھی ذہن میں آ رہی ہے ۔
÷کریں کیوں غیر کا شکوہ ہمیں لوٹا ہے اپنوں نے ۔

اچھا جی ہم نہیں دیتے دعائیں
دعاؤں کے صلے میں یہ جفائیں مار دیتی ہیں

÷'جفائیں' بھرتی کا لگ رہا ہے ۔ میرے خیال میں اس شعر کو نکال ہی دیجیے ۔

دوسرا مصرع اگر یوں ہو تو؟
صدا بن کر یہ گونجے تو صدائیں مار دیتی ہیں

÷نہیں بھائی 'صدائیں' فٹ نہیں ہو پا رہا ۔

شعر اگر یوں بدل دیں تو کیسا رہے گا؟
انھیں سے پوچھ کر دیکھو یہ محرومی بھی نعمت ہے
جنھیں محبوب کے در کی عطائیں مار دیتی ہیں

÷یہ بات تو واضح ہو گئی کہ کس جانب سے عطائیں ہیں لیکن کس طرح کی یہ معاملہ ویسا ہی ہے ۔