فرحت کیانی
لائبریرین
حالانکہ میں خود بھی محفل پر اکثر غیر فعال ہی رہی ہوں لیکن اس کے باوجود محفل کی سالگرہ پر مجھے بہت سے لوگ یاد آ رہے ہیں۔
تیشہ : جتنا میں ان کو جان پائی ہوں مجھے ان کی بظاہر چلبلی شخصیت کے پیچھے ایک حساس اور بہت خیال رکھنے والی انسان نظر آئی ہیں۔ باقی سب خوبیوں سے قطع نظر سیدہ شگفتہ مجھ سے اتفاق کریں گی کہ شازیہ جی کا بھی لائبریری پراجیکٹ میں بلواسطہ حصہ ہے ۔ یاد ہے شگفتہ جب آپ کام کرتے کرتے سو جاتی تھیں تو وہ کیسے آپ کو جگایا کرتی تھیں
ماوراء : میں جب جب محفل پر آتی ہوں مجھے ماوراء کا خیال آتا ہے۔ she's a gem of person
سارا : جب سارا محفل پر ایکٹو تھیں تو میں غیر فعال تھی لیکن پھر بھی ان کی پوسٹس پڑھنا میں نہیں بھولتی تھی۔
زیک : مجھے معلوم ہی نہیں ہوا اور زکریا نے یہاں آنا ختم کر دیا ۔ چاہے زیک چیزوں کو ایک مختلف نظر سے دیکھتے ہیں لیکن ان کی ہر پوسٹ پڑھنے سے تعلق رکھتی تھی۔
امن ایمان : امن کی شخصیت بہت دلچسپ تھی اور پوسٹس دلچسپ تر۔ اسی لئے وہ محفلین کو اکثر یاد آتی ہیں۔
قیصرانی : جب قیصرانی باقاعدگی سے آیا کرتے تھے تو ادھر آپ کو مدد کی ضرورت ، ادھر وہ موجود۔ اب کم کم آتے ہیں کیوں یہ مجھے معلوم نہیں۔ لیکن ان کو زیادہ آنا چاہئیے۔
بدتمیز : میں نے محفل پر تو ان کی زیادہ پوسٹس نہیں دیکھیں۔ میرے آنے سے پہلے شاید ایکٹو ہوتے ہوں لیکن محفل کے ہی حوالے سے انہوں نے ہمیشہ بہت مدد کی۔ مجھ سمیت بہت سے لوگوں کا بلاگ اپنی ویب سائٹ پر سیٹ کیا اور پھر جب جب مدد کی ضرورت پڑی فوراً سے پیشتر مسئلہ حل کیا۔
بلال : بلال کا نام تو کسی تعارف کا محتاج نہیں۔ ماشاءاللہ بلال بھی انہی لوگوں میں شامل ہیں جو انٹرنیٹ پر اردو کے فروغ میں اپنا اپنا حصہ بہ احسن ڈال رہے ہیں۔ ذاتی طور پر میں بدتمیز کے ساتھ ساتھ بلال کی بھی قرضدار ہوں جنہوں نے صرف اردو محفل کے حوالے سے جانتے ہوئے میری اور مجھ سمیت نہ جانے کتنے لوگوں کی مدد کی۔
جہانزیب : جہانزیب کا نام پڑھتے ہی 'اردو جہاں والے' ذہن میں آتا ہے۔ جہانزیب اردو کی دنیا میں میرے پہلے باقاعدہ والے استاد ہیں۔ اگرچہ ان کو معلوم ہی نہیں کہ میں ان کی شاگرد ہوں۔
یہ ان دنوں کی بات ہے جب مجھے بھی دوسروں کی طرح ورڈ پریس تھیم کو اردوانے کا شوق ہوا تھا جو کہ میرے جیسی ہائیلی نان ٹیکنیکل بندی کے لئے ایسا ہی ناممکن اور مشکل کام تھا جیسے پاکستانی عوام کے لئے قابل اور مخلص قیادت کا انتخاب کرنا 
۔ بہرحال جہانزیب کی لکھی ہوئی ہدایات پر عمل کر کے میں نے بھی یہ معرکہ سر کر ہی لیا ۔ اردو محفل کے ٹیوٹوریل سیکشن میں جہانزیب کے لکھے ہوئے کتنے ہی ٹیوٹوریل موجود ہیں جو مجھ جیسے کتنے ہی لوگوں کے لئے سیکھنے کا بہترین ذریعہ ہیں اور جہانزیب کے لئے بہت سی دعاؤں کا باعث بھی۔ کہ میرا ماننا ہے آپ اگر کسی کو ایک لفظ بھی سکھا رہے ہیں تو وہ آپ کے لئے صدقہ جاریہ بن جائے گا۔
ان سب لوگوں کے بہت سی دعائیں اور یقیناَ دیگر محفلین بھی کسی نہ کسی رکن کو کسی نہ کسی حوالے سے ضرور یاد اور مس کرتے ہوں گے۔ تو چلیں سب مل کر ان کو یاد بھی کرتے ہیں، ان کے لئے دعائیں بھی کرتے ہیں بشمول اس دعا کے کہ انہیں اتنی فرصت مل جایا کرے کہ کبھی کبھی محفل کا چکر لگا لیں۔
تیشہ : جتنا میں ان کو جان پائی ہوں مجھے ان کی بظاہر چلبلی شخصیت کے پیچھے ایک حساس اور بہت خیال رکھنے والی انسان نظر آئی ہیں۔ باقی سب خوبیوں سے قطع نظر سیدہ شگفتہ مجھ سے اتفاق کریں گی کہ شازیہ جی کا بھی لائبریری پراجیکٹ میں بلواسطہ حصہ ہے ۔ یاد ہے شگفتہ جب آپ کام کرتے کرتے سو جاتی تھیں تو وہ کیسے آپ کو جگایا کرتی تھیں
ماوراء : میں جب جب محفل پر آتی ہوں مجھے ماوراء کا خیال آتا ہے۔ she's a gem of person
سارا : جب سارا محفل پر ایکٹو تھیں تو میں غیر فعال تھی لیکن پھر بھی ان کی پوسٹس پڑھنا میں نہیں بھولتی تھی۔
زیک : مجھے معلوم ہی نہیں ہوا اور زکریا نے یہاں آنا ختم کر دیا
۔ چاہے زیک چیزوں کو ایک مختلف نظر سے دیکھتے ہیں لیکن ان کی ہر پوسٹ پڑھنے سے تعلق رکھتی تھی۔امن ایمان : امن کی شخصیت بہت دلچسپ تھی اور پوسٹس دلچسپ تر۔ اسی لئے وہ محفلین کو اکثر یاد آتی ہیں۔
قیصرانی : جب قیصرانی باقاعدگی سے آیا کرتے تھے تو ادھر آپ کو مدد کی ضرورت ، ادھر وہ موجود۔ اب کم کم آتے ہیں کیوں یہ مجھے معلوم نہیں۔ لیکن ان کو زیادہ آنا چاہئیے۔
بدتمیز : میں نے محفل پر تو ان کی زیادہ پوسٹس نہیں دیکھیں۔ میرے آنے سے پہلے شاید ایکٹو ہوتے ہوں لیکن محفل کے ہی حوالے سے انہوں نے ہمیشہ بہت مدد کی۔ مجھ سمیت بہت سے لوگوں کا بلاگ اپنی ویب سائٹ پر سیٹ کیا اور پھر جب جب مدد کی ضرورت پڑی فوراً سے پیشتر مسئلہ حل کیا۔
بلال : بلال کا نام تو کسی تعارف کا محتاج نہیں۔ ماشاءاللہ بلال بھی انہی لوگوں میں شامل ہیں جو انٹرنیٹ پر اردو کے فروغ میں اپنا اپنا حصہ بہ احسن ڈال رہے ہیں۔ ذاتی طور پر میں بدتمیز کے ساتھ ساتھ بلال کی بھی قرضدار ہوں جنہوں نے صرف اردو محفل کے حوالے سے جانتے ہوئے میری اور مجھ سمیت نہ جانے کتنے لوگوں کی مدد کی۔
جہانزیب : جہانزیب کا نام پڑھتے ہی 'اردو جہاں والے' ذہن میں آتا ہے۔ جہانزیب اردو کی دنیا میں میرے پہلے باقاعدہ والے استاد ہیں۔ اگرچہ ان کو معلوم ہی نہیں کہ میں ان کی شاگرد ہوں۔
یہ ان دنوں کی بات ہے جب مجھے بھی دوسروں کی طرح ورڈ پریس تھیم کو اردوانے کا شوق ہوا تھا جو کہ میرے جیسی ہائیلی نان ٹیکنیکل بندی کے لئے ایسا ہی ناممکن اور مشکل کام تھا جیسے پاکستانی عوام کے لئے قابل اور مخلص قیادت کا انتخاب کرنا ۔ بہرحال جہانزیب کی لکھی ہوئی ہدایات پر عمل کر کے میں نے بھی یہ معرکہ سر کر ہی لیا ۔ اردو محفل کے ٹیوٹوریل سیکشن میں جہانزیب کے لکھے ہوئے کتنے ہی ٹیوٹوریل موجود ہیں جو مجھ جیسے کتنے ہی لوگوں کے لئے سیکھنے کا بہترین ذریعہ ہیں اور جہانزیب کے لئے بہت سی دعاؤں کا باعث بھی۔ کہ میرا ماننا ہے آپ اگر کسی کو ایک لفظ بھی سکھا رہے ہیں تو وہ آپ کے لئے صدقہ جاریہ بن جائے گا۔ان سب لوگوں کے بہت سی دعائیں اور یقیناَ دیگر محفلین بھی کسی نہ کسی رکن کو کسی نہ کسی حوالے سے ضرور یاد اور مس کرتے ہوں گے۔ تو چلیں سب مل کر ان کو یاد بھی کرتے ہیں، ان کے لئے دعائیں بھی کرتے ہیں بشمول اس دعا کے کہ انہیں اتنی فرصت مل جایا کرے کہ کبھی کبھی محفل کا چکر لگا لیں۔
۔ مقدس میں اصل میں لکھنے میں بالکل بھی اچھی نہیں ہوں تو میں بھی یہی انتظار کر رہی تھی کہ شاید کوئی اور لکھ دے۔ یہ تو بیٹھے بیٹھے برین ویو آئی اور چند جملے پوسٹ کر دیئے۔ 
