مہمان اس ہفتے کے مہمان "زیک"

[تعبیر]

تعبیر اپیا ایسا نہیں ہے۔ زکریا بھائی تو کئی بار مہمان بن چکے ہیں۔

خیر پچھلے قرض چکا کر یہاں بھی کچھ لکھتا ہوں۔

سعود مجھے پہلا جملپ سمجھ نہیں آیا
آپ کو یو کیا گیا ہے آخر لکھنے میں ہی اتنی سستی جبکہ مجھے آپ کو مہمان بنانے کی فرمائشیں آرہی ہیں اور میں وہ اس دفعہ اس لیے گول کر گئی ہوں کہ آپ مصروف ہیں شاید

اس تعبیرسسٹر کو تو پورے 3 دن کے لیے یہاں سے بین کیا جائے سزا کے طور پر۔۔۔۔۔۔۔۔توبہ اتنا خطر ناک مہمان لائی ہیں سارے میزبان مجھ سمیت بھاگ نکلیں‌گی پتلی گلی سے

دو دن سے تو میں اپ ہی بین ہوں یہاں کہ ٹائم ہی نہیں مل رہا یہاں آنے کو

زیک کے متعلق میری رائے دوں گا لیکن ابھی دماغ فیوز چل رہا ہے لہذا معذرت

کیوں خیریت تو ہے نا

جہانزیب آپ کہاں ہیں اس دفعہ کیا پوٹس کی تعداد نہیں بڑھانی

 

[تعبیر]

1۔مہمان شخصیت کے بارے میں پہلا تاثر کیا تھا۔کیا اب بھی وہی رائے ہے یا اب رائے بدل چکی ہے ۔
(یعنی اب تک ویسا ہی پایا جیسا پہلا تاثر تھا یا اب خیالات بدل چکے ہیں)


پہلا تاثر ایک مغرور بزرگ تب اوتار ہی ایسا تھا اس پر زیک صرف دو لفظ بولتے تھے
ان کے دو لفظ بولنے کی عادت کی وجہ سے کچھ ایسا ہی تاثر ملتا تھا اس پر زیک کوئی سمائلی بھی استعمال نہیں کرتے تھے

تاثر اب بلکل بدل چکا ہے کہ جب جب زیک سے بات ہوئی میں نے انہیں کافی دوستانہ اور مددگار پایا ہے


2۔پہلی دفعہ مہمان شخصیت سے جان پہچان/بات چیت کا آغاز کب اور کیسے ہوا یا ابھی تک بات چیت نہیں ہوئی
( اگر سیکشن اور تھریڈ یاد ہو تو اسکا حوالہ بھی دے سکتے ہیں)

ہاہاہا کافی دلچسپ ہے پہلی بار کی بات چیت بھی
ہوا یہ کہ میں نے ایک ٹاپک پر جواب دیا تھا جو کہ پوسٹ کرنے کے باوجود پورا نظر نہیں آرہا تھا دوسرے دن وہاں لکھا نظر آیا کہ زیک نے اسے ایڈٹ کیا ۔ شروع شروع میں، میں یہاں ===> کے بجائے ===> موڈ میں زیادہ ہوا کرتی تھی
سو مجھے آگیا غصہ اور میں نے ایک جواب طلب ذپ لکھا زیک کو کہ مجھے بتائیں کہ میرا پیغام کس وجہ سے ڈلیٹ کیا اور مجھے یہ کافی انسلٹنگ لگ رہا ہے اس پر زیک کا جواب آیا ایک لائن کا کہ میں نے ایسا کچھ نہیں کیا بلکہ اسے ٹھیک کرنے کی کوشش کی یوں زیک سے ڈاریکٹ بات ہوئی پہلی بار
جن دنوں میں یہاں بالکل نئی نئی تھی تب زیک بہت حصہ لیا کرتے تھے اور کافی ٹاپکس پر انکے مزے کے جوابات ملتے تھے پڑھنے کو
آپ میں کہ سکتی ہوں کہ زیک میرے اچھے دوست ہیں

3۔مہمان شخصیت کی کونسی عادت بہت پسند ہے ۔(انکی پسندیدہ عادت)

مدد کرنے کے لیے ہر وقت تیار اور اچھے مشورے دیتے ہیں
میں شروع شروع میں یہاں ٹاپکس پوسٹ کرتے ہوئے ڈرتی تھی اس لیے پہلے زیک سے پی ایم میں مشورہ لیتی تھی اور یہ ٹاپک بھی میں نے زیک کی اجازت اور کچھ ترمیم کے بعد یہاں پوسٹ کیا ہے ۔
شکریہ زیک

4۔مہمان شخصیت سے ابتک کیا سیکھا /کیا سبق سیکھا

کچھ اچھا کر کے جتانا نہیں چاہیے۔ نیکی کر دریا میں ڈال


5۔ مہمان شخصیت کو کوئی پیغام ، سوال ،مشورہ/ رائے

سوال یہ کہ اب آپ پھر کم کم حصہ کیوں لیتے ہیں یہاں

6۔اور کچھ خاص جو کہنا چاہیں یا کوئی ایسی بات جو آپ نے ابھی تک نہ کہی ہو، لیکن کہنا چاہتے ہوں تو آج کہنا چاہیں گے؟

زیک آپ بہت اچھے انسان ہیں ۔ ہر مہربانی کا بہت بہت شکریہ
خوش رہیں ہمیشہ
ایک سوال جگری دوست اور نیٹ فرینڈ میں کیا فرق ہوتا ہے

ابھی کے لیے اتنا ہی

 

[جہانزیب]

جہانزیب آپ کہاں ہیں اس دفعہ کیا پوٹس کی تعداد نہیں بڑھانی

نہیں‌ ۔۔۔۔۔

 

[جہانزیب]

1۔مہمان شخصیت کے بارے میں پہلا تاثر کیا تھا۔کیا اب بھی وہی رائے ہے یا اب رائے بدل چکی ہے ۔
(یعنی اب تک ویسا ہی پایا جیسا پہلا تاثر تھا یا اب خیالات بدل چکے ہیں)

مہمان شخصیت کو محفل کی پیدائش سے پہلے ان کے بلاگ کی بدولت جانتا تھا، اور شخصیت کے بارے میں رائے ان کے بلاگ سے ہی بنی تھی، جس میں تھوڑی سی تبدیلی آئی ہے، لیکن زیادہ فرق نہیں پڑا ۔

2۔پہلی دفعہ مہمان شخصیت سے جان پہچان/بات چیت کا آغاز کب اور کیسے ہوا یا ابھی تک بات چیت نہیں ہوئی
( اگر سیکشن اور تھریڈ یاد ہو تو اسکا حوالہ بھی دے سکتے ہیں) ۔

بلاگ پر کہیں تبصرے میں بات چیت ہوئی ہو گی ۔ یاد نہیں اور مجھے حیرت ہے کیونکہ مجھے اپنی یاداشت پر بڑا ناز ہے ۔

3۔مہمان شخصیت کی کونسی عادت بہت پسند ہے ۔(انکی پسندیدہ عادت) ۔

دلائل کے ساتھ بحث کرنا ۔

4۔مہمان شخصیت سے ابتک کیا سیکھا /کیا سبق سیکھا ۔

بال لمبے نہیں رکھنا کبھی بھی ۔ لوگ ہپی کہنا شروع ہو جاتے ہیں ۔

5۔ مہمان شخصیت کو کوئی پیغام ، سوال ،مشورہ/ رائے ۔

سوال یہ ہے، کہ گھومنے پھرنے کے لئے وقت کیسے نکالتے ہیں ۔ میں تو سوچتا رہ جاتا ہوں اور وقت گزر جاتا ہے، اکثر سوتے سوتے ۔

6۔اور کچھ خاص جو کہنا چاہیں یا کوئی ایسی بات جو آپ نے ابھی تک نہ کہی ہو، لیکن کہنا چاہتے ہوں تو آج کہنا چاہیں گے؟ ۔

بھئی اب ایسی بھی کیا کہنی سننی۔

 

[زین]

کچھ اچھا کر کے جتانا نہیں چاہیے۔ نیکی کر دریا میں ڈال

لیکن کوئٹہ میں کوئی دریا نہیں‌ اگر یہی سبق میں سیکھنا چاہوں تو اس پر کیسے عمل کرسکتا ہوں

 

[فہیم]

پتہ نہیں کیا غلطی ہوگئی کہ زیک کے بلاک پر پہنچ گیا

ہوووووووووووووووووووو!

صرف ایک سیکشن میں گیا تھا۔ وہی اتنا طویل ثابت ہوا کہ پسینے چھوٹ‌ گئے

 

[زینب]

مہمان کی اتنی دہشت توبہ توبہ۔۔۔میزبان ہی سرے سےغائب

 

[تعبیر]

نہیں‌ ۔۔۔۔۔

یہ غصے میں کہا ہے یا مذاق میں ؟؟؟

لیکن کوئٹہ میں کوئی دریا نہیں‌ اگر یہی سبق میں سیکھنا چاہوں تو اس پر کیسے عمل کرسکتا ہوں

کوئٹہ میں ایک جھیل ہے تو سہی اسکا نام بھول گیا ہے مجھے اپ اس میں ڈال دیجئے گا

پتہ نہیں کیا غلطی ہوگئی کہ زیک کے بلاک پر پہنچ گیا

ہوووووووووووووووووووو!

صرف ایک سیکشن میں گیا تھا۔ وہی اتنا طویل ثابت ہوا کہ پسینے چھوٹ‌ گئے

لگتا ہے وہیں سب کچھ بول کر آجاتے ہیں کہ یہاں کے لیے کچھ بچتا ہی نہیں

مہمان کی اتنی دہشت توبہ توبہ۔۔۔میزبان ہی سرے سےغائب

زینب جبکہ میں الٹا کہنے والی تھی کہ میزبان تو خاطر داری میں لگے ہوئے ہیں پر مہمان کا کوئی اتہ پتہ ہی نہیں
مہمان جی یہاں تشریف لائیں اور کچھ تو کہیں خواہ دو بول ہی

 

[زین]

ادھر مارواء کے دھاگے میں‌بھی مہمان یعنی کہ م ۔ م مغل صاحب غائب ہیں

کوئٹہ میں ایک جھیل ہے تو سہی اسکا نام بھول گیا ہے مجھے اپ اس میں ڈال دیجئے گا

ہنہ جھیل ہے ۔ نیٹ پر سرچ کرنے سے آپ کو اس جھیل کی بہت خوبصورت تصاویر مل سکتی ہیں۔

 

[تعبیر]

میں نے وہ جھیل دیکھی ہوئی ہے اور میری اپنی تصویریں بھی ہیں وہاں کی

 

[زیک]

میں ایک بار پھر ایک نئی اور جانی پہچانی شخصیت کے ساتھ

ہماری یہ مہمان شخصیت کافی ذہین، معلوماتی ہیں پر اسکے باوجود کم کم بولتے ہیں اور محفل میں حصہ لیتے ہیں ۔ اسکی کیا وجہ ہو سکتی ہے؟؟؟ یہ تو ہم انہی سے معلوم کرینگے ۔ لیکن انہوں نے جب بھی اپنی خاموشی کو توڑا آگے سے واہ واہ ہی ملی اور چھا گئے جسکا ثبوت انکا شروع کردہ ایک سلسہ تھا جس پر انہیں محفل کی طرف سے ایوارڈ بھی ملا اور ایک اور ایوارڈ ملا بہترین معلوماتی رکن کا بھی۔ہماری یہ مہمان شخصیت محفل کے منتظم اعلٰی بھی ہیں ۔ جی وہ جانی پہچانی شخصیت ہیں

بہت شکریہ تعبیر۔

نوٹ: آپ کے اس بہترین سلسلے کی تمام تھریڈز ڈھونڈنے میں آسانی پیدا کرنے کے لئے ہر تھریڈ پر "اس ہفتے کا مہمان" کا ٹیگ لگا رہا ہوں۔

میں تو زیک بھائی کو زیادہ نہیں جانتا اور نہ ہی کبھی بات چیت ہوئی ہے
ابھی تک یہی تاثر قائم کیا ہے کہ بہت کم گو اور موقع پر بولنے والے آدمی ہیں ، یہی بات ان کی مجھے پسند ہے ۔

آپ کے تاثر کو قائم رکھنے کے لئے یہاں بھی زیادہ نہیں بولوں گا۔

ابھی میں اتنا پہلے تو آیا نہیں ہوں کہ جگہ مَل لینے والا کام کروں اس لیے پہلی قسط ہی میں لکھے دیتا ہوں۔

یہ پلیس‌ہولڈر پوسٹ والا معاملہ مجھے کبھی سمجھ نہیں آیا۔ اس کا کیا فائدہ ہے کہ اگر رکن وہاں بعد میں ایڈٹ کر کے پوسٹ کرے تو کوئ بھی نہیں پڑھے گا۔

پہلے تاثر اور اب کے تاثر میں زمین آسمان کا فرق ہے۔۔۔ اول اول جب میں یہاں آیا تھا تو زیک ایک تو کم گو اوپر سے ان کا رعب۔۔۔ افف خدایا۔۔۔ پھر ایک دو جگہ تلخی بھی ہوگئی تھی۔۔۔ :lll: لیکن جب انہوں نے گپ شپ کے دھاگوں میں دوبارہ آنا شروع کیا اور پھر میں نے پرانے تھریڈز کھنگالتے ہوئے ان کو پڑھا تو تاثر یکسر تبدیل ہوگیا۔۔۔ میرے خیال میں زیک کافی فرینڈلی طبیعت کے ہیں۔۔۔ بس ذرا نئے نئے لوگوں کو رعب میں رکھتے ہیں شروع میں۔

یہ رعب والی بات آج تک میری سمجھ میں نہیں آئ۔ کئ ارکان کو محفل پر کوئ مسئلہ ہوتا ہے تو وہ مجھ سے رابطہ نہیں کرتے اگرچہ معاملہ مجھ تک ہی پہنچتا ہے حل کے لئے۔

[quote[میں ان کی معلومات سے بہت متاثر ہوں۔۔۔ جیسے عمرو عیار کی زنبیل میں دنیا بھر کا سامان بھرا ہوتا تھا نا، ویسے ہی ان کا دماغ ہے جس میں دنیا بھر کی معلومات بھری ہوئی ہے۔[/quote]

گوگل زندہ‌باد

سوالات تو بہت سارے ہوسکتے ہیں۔ لیکن فی الحال ایک سوال کہ پاکستانی قوم کی ایک پسندیدہ اور ایک ناپسندیدہ عادت بتائیں۔

عادتیں قوموں کی نہیں لوگوں کی ہوتی ہیں۔

اور مشورہ کہ غصہ نہیں کیا کریں۔

مشورے پر عمل کی کوشش کروں گا۔

"زیک" ایک مشکل موضوع ہے تعبیر

انسان ہے ہی ایک مشکل موضوع۔ ہجوم البتہ کافی آسان موضوع ہے۔

جب میں محفل کا رکن بنا تو اس وقت شاید زیک چار پانچ ہزار پوسٹس کر چکے تھے اور شاید اسی لیے کم کم بولتے تھے اور پہلا تاثر ایک 'مغرور' شخص کا سا تھا لیکن صد شکر کہ میری یہ غلط فہمی ہمیشہ کیلیئے دور ہو چکی ہے۔

واقعی شکر ہے۔

زیک سے میری پہلی با ضابطہ دو بدو بات چیت سیالکوٹ کے حوالے سے ایک تھریڈ میں ہوئی تھی۔

بالکل۔

مجھے ہمیشہ سے علم دوست، اصول پسند اور نظم و ضبط کے پابند افراد اچھے لگتے ہیں اور زیک ان میں سے ایک ہیں۔ زیک کی 'فوری مدد' کو پہنچنا ایک ایسی خاص بات ہے کہ جس کا میں بھی قتیل ہوں۔

بہت شکریہ۔ پلیز قتیل کے معنی بھی بتا دیں کہ میں نے لغت دیکھی تو سمجھ نہیں آئ کہ آپ نے کن معنوں میں استعمال کیا ہے۔

'اردو' سے محبت، انکی ایک اور خوبی ہے، زیک نیٹ پر اردو کے مستقبل سے لاکھ نا امید ہوں لیکن انکی اردو بلاگنگ اور اس اردو محفل کی محبت سے ہمیں بھی محبت ہے، دلیل اس دعوے پر یہ ہے کہ اردو محفل کو ذرا سی تکلیف ہو جائے، زیک کسی ماں کی طرح فوری بے چین ہو جاتے ہیں اور جب تک اردو محفل کی تکلیف رفع نہ ہو جائے ان کو چین نہیں پڑتا، کون کر سکتا ہے اسکی تردید

ہاہاہاہاہا

آج سے کوئی پانچ برس قبل جب میں نیٹ پر اردو سے متعلقہ معلومات کی تلاش میں مارا مارا پھرتا تھا تو اس وقت بار بار گوگل پر زیک کے بلاگ کا ربط نظر آ جاتا تھا۔ اس وقت تو میں ان کی ہپیوں جیسی تصویریں دیکھ کر وحشت زدہ ہو گیا

بیچارا نبیل۔

لیکن بعد میں پتا چلا کہ انہوں نے اردو بلاگرز کا رنگ بھی قائم کیا ہوا ہے۔ یہ زیک ہی تھے جنہوں نے آصف کے ساتھ مل کر اردو بلاگنگ کے لیے معلومات اکٹھی کرنے کا منصوبہ بنایا تھا۔ آصف نے اپنے بلاگ پر اس سلسلے میں ایک پوسٹ لکھی تھی اور اسی پر تبصروں کے ذریعے گفتگو جاری تھی۔ آصف کے بلاگ پر یہی پوسٹ تھی جس نے میری زندگی کو تہہ و بالا کر دیا۔ پھر میں نے خاموش قاری کا رول چھوڑ کر اس گفتگو میں شرکت اختیار کی اور آصف کو ایک وکی سیٹ اپ کرنے کا مشورہ دیا۔ دوسری جانب زیک نے اسی مقصد کے لیے ایک بلاگ سیٹ اپ کر لیا، اور یوں ہمارے مشن کا آغاز ہوا۔

اور پھر نبیل چھا گیا۔

میری زیک سے صرف ایک مرتبہ فون پر بات ہوئی ہے جب میں نے فورم کو اپگریڈ‌ کیا تھا اور کچھ گڑبڑ ہو گئی تھی۔ زیک بیچارے ہڑبڑا کر نیند سے اٹھے اور انہوں نے آکر معاملات درست کیے۔

وہ فون کال مجھے یاد ہے اور اس پر کچھ شرمندہ بھی ہوں‌کہ کچھ روکھے انداز میں بات کی تھی۔

اردو ویب نے گزشتہ کئی سالوں میں اردو کمپیوٹنگ کے کئی سنگ میل عبور کیے ہیں اور ایک ممتاز مقام حاصل کیا ہے اور یہ زیک کی مدد اور تکنیکی رہنمائی کی بدولت ہی ممکن ہوا ہے۔ میری دعا ہے کہ وہ اپنی ذاتی زندگی میں خوش رہیں اور اپنی پیشہ ورانہ زندگی میں ترقی کی منازل طے کریں اور اسی طرح اس مشن کو آگے بڑھاتے رہیں۔

بہت شکریہ نبیل۔

 

[جہانزیب]

وہ رات تین بجے والی کال آپ نے اٹھائی تھی ۔۔

 

[محمد وارث]

بہت شکریہ۔ پلیز قتیل کے معنی بھی بتا دیں کہ میں نے لغت دیکھی تو سمجھ نہیں آئ کہ آپ نے کن معنوں میں استعمال کیا ہے۔

ان سبھی معنوں میں، مجھے جو کوئی بھی اچھا لگتا ہے میں اس کا قتیل ہو جاتا ہوں، اس پر مر مٹتا ہوں، اس کی راہ کی خاک ہو جاتا ہوں، اس کو اپنا 'قاتل' سمجھتا ہوں وغیرہ وغیرہ

دُور بیٹھا غبارِ میر اس سے
عشق بن یہ ادب نہیں آتا

 

[زیک]

کسی غلطی پر زکریا نے تصحیح کی ہو گی ، مقام یاد نہیں ۔۔

ہاہاہاہا

کم مگر مکمل اور جامع بات کرتے ہیں ثبوتوں کے ساتھ (عموماََ)

ٹھیک ٹھیک اور درست بات کرنی چاہیے

شکریہ طالوت۔

تھوڑا سا وقت نکال کر کسی اچھی کتاب کا ترجمہ کر دیں ۔۔ شروع کریں بے شک سال دو سال میں مکمل ہو ۔۔

ترجمہ بہت مشکل کام ہے اور میری اردو تو ویسے ہی ماشاءاللہ ہے۔

کافی عرصہ قبل زکریا بھائی کے اوتار میں جادوگر لکھا ہوتا تھا۔۔۔ اسوقت سے میں انہیں ''اردو'' کا جادوگر ہی سمجھتا ہوں!

شکریہ عارف۔

غصہ کب اور کہاں کرتے دیکھا تم نے؟ مجھے تو لگتا ہے کہ زکریا کو ٹھیک سے غصہ کرنے ہی نہیں آتا۔ یا اگر آتا بھی ہو تو ظاہر ہی نہیں کرواتے۔

واقعی غصہ کہاں دیکھ لیا عمار نے! صحیح غصہ تو بالمشافہ ہی دیکھا جا سکتا ہے۔

1۔مہمان شخصیت کے بارے میں پہلا تاثر کیا تھا۔کیا اب بھی وہی رائے ہے یا اب رائے بدل چکی ہے ۔
(یعنی اب تک ویسا ہی پایا جیسا پہلا تاثر تھا یا اب خیالات بدل چکے ہیں)

پہلا تاثر تو یاد نہیں
البتہ رائے وقت کے ساتھ ساتھ ہمیشہ بدلتی رہی ہے
جب میں‌ نے محفل جوائن کی تو اس وقت زیک کا اوتار کچھ اس طرح تھا کہ ایک نوجوان سائیڈ‌ پوز دیے آنکھوں پر کالا چشمہ اور سر پر لال ہیٹ لگائے

یہ لال ہیٹ کونسی؟

شاید وہ اوتار اس وقت کا تھا جب ان کی عمر صرف 25 سال ہو۔

نہیں

تو میں نے اس وقت ان کو یہی سمجھا کہ ہونگے کوئی منچلے نوجوان
بعد کے حالات کیا لکھوں بس یہ سمجھ لیں کہ محاورۃً زیک پر سویٹ چن میوزک سے لے کر شارپ شوٹر تک تمام موو آزمالیے
لیکن نہ تو پن فال ہوا نہ ہی سبمیشن
اب موجودہ رائے یہ ہے کہ بہت زیادہ پڑھنے کی وجہ سے ۔۔۔۔۔۔۔۔۔۔۔۔۔۔۔۔۔۔۔۔ بس سمجھ جائیں

ایسا تو ہوتا ہے ایسے کاموں میں۔

ویسے اب میں ان کی بہت عزت کرتا ہوں۔ کیوں کے میری طرح ہی صاف دل کے انسان ہیں
بس میرے نزدیک تو یہ ناریل مانند ہوئے کہ اوپر سے کچھ اور اندر سے کچھ:

grin:

پہلی لائن کا شکریہ۔ ناریل والی بات تعریف نہیں لگی اس لئے شکریہ نہیں ادا کر رہا۔

صرف یہ کہ اس بات میں کتنے پرسنٹ سچائی ہے کہ جب اردو محفل نئی تھی تو منتظمین کچھ نئے ممبروں کی بہت آؤبھگت کی اور جب محفل مقبول ہوئی تو ان کو دودھ کی مکھی کی طرح نکال پھینکا

صفر فیصد۔

 

[زیک]

زکریا کے کم بولنے کی عادت کی وجہ سے ان کی شخصیت کے بارے میں اندازہ لگانا مشکل تھا۔ اس لیے کبھی کسی مدد کی ضرورت ہوتی تو ڈر ڈر کر ہی پی ایم کرتی تھی۔ لیکن زکریا اتنے اچھے اور دوستانہ انداز میں جواب دیتے تھے کہ وہ غصے والا امیج تو ختم ہو گیا۔ شروع سے لے کر اب تک تاثر کچھ خاص نہیں بدلا۔ زکریا اب بھی ویسے ہی ہیں، جیسے پہلے تھے۔ ہاں بس، بولنا مزید کم کر دیا ہے۔
زکریا کا رویہ میرے ساتھ ہمیشہ بہت اچھا رہا ہے، یقیناً سب کے ساتھ ہی اچھا رہا ہو گا۔ لیکن مجھے اپنا پتہ ہے، اس کے علاوہ جب جب مجھے مدد کی ضرورت ہوئی، زکریا نے بغیر منہ بنائے اسی وقت مدد کی۔

شکریہ ماوراء۔

زکریا کی یہ عادت اچھی ہے کہ حالات جو بھی ہوں، غصہ بھی چاہے تو آیا ہو۔۔۔لیکن ظاہر نہیں کرتے، اس حالت میں بھی پرسکون نظر آتے ہیں۔ ایک بار کسی بات پر زکریا کو غصہ آیا ہوا تھا۔ اور مجھے ان کی بات چیت سے کہیں سے بھی نہیں لگ رہا تھا کہ زکریا غصے میں ہیں۔ ان کے بتانے پر ہی پتہ چلا۔

یہ بتانے والا غصہ ہو گا۔

کبھی کبھی زکریا مجھے ایک بچے کی طرح لگتے ہیں۔ اپنی دنیا میں مگن۔ دوسروں کی کوئی پرواہ نہیں۔ جادوگر، جگری یار۔ وغیرہ وغیرہ

واقعی میں بچہ ہی ہوں عمر میں۔ وہ دن قریب ہے جب یہ جملہ دہرانا ہے میں نے۔

سوال یہ ہے کہ کبھی کسی کی کوئی بات بری لگے تو آپ کا ردعمل کیا ہوتا ہے؟

رد عمل کچھ بھی ہو سکتا ہے۔ غصہ بھی آ سکتا ہے، دکھ بھی ہو سکتا ہے اور کندھے اچکا کر اگنور بھی کر سکتا ہوں۔ تیسری بات کی پراببلٹی زیادہ ہے مگر I don't forgive and I don't forget۔

اللہ نے ہی آپ کو ذہین فطین پیدا کیا تھا یا انکل، آنٹی نے خاص کوئی بادام وغیرہ کھلائے تھے؟

ایک آپشن آپ بھول گئیں کہ میری اپنی محنت کا نتیجہ ہے۔

کہنا یہی چاہتی ہوں کہ آپ بہت اچھے ہیں۔ اور میں کب سے مزید بھی لکھنا چاہ رہی ہوں، لیکن الفاظ ہی نہیں مل رہے۔ لیکن ابھی ایک اور موقع آنا ہے۔۔ اس کے لیے الفاظ بچا کر رکھنے ہیں۔
تین سال کے عرصے میں میری کوئی بات بری لگی ہو تو اس کے لیے معذرت۔ اور آپ کا میں شکریہ ادا کرنا چاہوں گی۔

اتنی تعریف! ایک بار پھر شکریہ۔

اس تعبیرسسٹر کو تو پورے 3 دن کے لیے یہاں سے بین کیا جائے سزا کے طور پر۔۔۔۔۔۔۔۔توبہ اتنا خطر ناک مہمان لائی ہیں سارے میزبان مجھ سمیت بھاگ نکلیں‌گی پتلی گلی سے

کیوں بین کیا جائے تعبیر کو؟ بہتر نہیں‌کہ آپ یہ ہفتہ پتلی گلی میں گزار لو؟

ایک بات اور کہ اگر ہوسکے تو اپنی وہ ہپی حلیے والی تصاویر کے نظارے ہمیں بھی کرادیں

وہ تصویر یہیں محفل پر موجود ہے۔

ایسا نہیں کہ تم سے ملاقات نہ ہوئی
لیکن تمہی کو جان سکیں ہو نہیں سکا

زیک کے متعلق میری رائے دوں گا لیکن ابھی دماغ فیوز چل رہا ہے لہذا معذرت

فیصل خیریت ہے؟

 

[ظفری]

انتہائی بے مروت آدمی ہے ۔ امریکہ میں رہنے کے باوجود تین سال میں یہ کبھی نہیں پوچھا کہ ۔۔۔ کیسے ہو ظفری ۔۔۔ کبھی اٹلانٹا آؤ تو ملاقات کرو ۔۔۔ خیر ملاقات تو دور کی بات ۔۔۔ فون کے تبادلے کا بھی نہیں پوچھا ۔۔۔ حالانکہ میں اٹلانٹا اور ساتھ برمنگھم کئی بار گھوم آیا ہوں ۔۔۔۔
خیر یہ مذاق تھا ۔ یہاں رات بہت ہوگئی ہے ۔ انشاء اللہ تفصیل سے زکریا کے بارے میں لکھوں‌گا ۔

 

[زینب]

[


کیوں بین کیا جائے تعبیر کو؟ بہتر نہیں‌کہ آپ یہ ہفتہ پتلی گلی میں گزار لو؟

کیوں میں کوئی ڈر پوک ہوں۔۔۔۔۔۔۔۔ہماری بھی کھوپڑی کوئی سیدھی نہیں ہے۔کل آکے لکھیں‌گے اس ٹاپک پے اور دل کھول کے لکھیں گے کہ یہاں‌آپ چاہتے ہوئے بھی ڈانٹ نہیں سکتے

 

[فہیم]

یہ لال ہیٹ کونسی؟

کوئی پی کیپ تھی دماغ میں کلر تو لال ہی یاد ہے۔

ایسا تو ہوتا ہے ایسے کاموں میں۔

یعنی مجھے انٹرفئیر کے لیے بھی کسی کو رکھنا چاہیے تھا
جو پیچھے سے کرسی لے بھاگتا ہوا آتا

 

[فہیم]

وہ تصویر یہیں محفل پر موجود ہے۔

ارے اس کو چھوڑیں کل آپ کے بلاک پر ساری تصاویر دیکھ آیا ہوں
صرف ایک کو چھوڑ کر سب میں ہی لمبے بال ہیں

وہ تصویر تو خوب ہی ہے جس میں لال شرٹ پہنے اور ساتھ میں نیکر نما پینٹ اوپر سے شرٹ بھی ان کی ہوئی
پیروں میں اسپورٹس شوز

 

[فہیم]

امید ہے مائنڈ نہیں کریں گے