عظیم بھیا، میں انٹرنیٹ کی دنیا میں بہت زیادہ ٹیکنیکل انسان نہیں ہوں۔ میری فیلڈ بائیوتکنیکیات ہے اور مجھے اسی کی کچھ know-how ہے۔ لیکن جوجذباتی وابستگی ہوتی ہے کسی شے سے اس کے بارے میں میرا بہت unpopular-opinion ہے کہ کسی شے کو سب کچھ بھی دے دو، اسے جانے سے روک نہیں سکتے۔ ہر شے نے جدا ہونا ہے، جلد یا بدیر۔ میں اس میں صرف یہ کوشش کرتی ہوں کہ میرا کردار مثبت رہے اس ہم آہنگی میں بھی اور پھر جدائی میں بھی اگر یہ ضروری ہے تو۔ محفل کے لیے بھی وہی کر رہی ہوں۔ مجھے یہ گوارا نہیں کہ کسی کوزیادہ کہوں کہ اپنا فیصلہ بدلے، انہیں بھی ہماری اتنی ہی قدر ہونی چاہیے جتنی ہمیں ان کی ہے! اگر نہیں ہے اور بہت ضروری ہے جانا تو خوشی سے جائیں، ہم جب تک یہ تعلق ہے تب تک اسے یادگار بناتے رہیں گے اور جب یہ ختم ہوگیا تو بھی اپنی شمعیں اٹھا کر اس جگہ لے جائیں گے جسے ہماری شمعوں کی قدر ہو اور سب سے زیادہ قدردان تو اپنا آپ ہی ہونا چاہیے، دنیا تو ایک دن میں ہیرو اور دوسرے دن میں زیرو بنا کے پیش کرتی ہی رہتی ہے۔ سو اس سے فرق نہیں پڑتا کہ یہاں کتنا ہی اچھا وقت گزرا اور کتنی ہی بہترین رفاقتیں ہم راہ ہوئیں، پھر بھی میں اس پہ نہ ڈیپینڈ کروں گی ، نہ ابتدائی اطلاع پر ایک بار صبر کرنے کے بعد بار بار غم کھاؤں گی اور نہ ہی کسی سے کچھ مانگوں گی۔ بہت شکریہ ان سب نے جتنا پہلے دے دیا۔ سراپا سپاس گزار!
