64 بٹ اور 32 بٹ اور ریپڈ شیئر

ہمسفر

محفلین
اسلام و علیکم
میں‌روزانہ ریپید شیئر سے کئی فائلز ڈائونلوڈ کرتا ہوں
اور وہ آسانی سے ہو بھی جاتی ہیں کیونکہ میرے پاس وطین 512ہے اور آئی پی کا پرابلم نہیں‌ہے

مگر جب میں‌کبھی بڑے سوفٹ ویئر ڈائونلوڈ کرتا ہوں کئی مرتبہ لائٹ جانے کی وجہ سے میری محنت ضائع ہو چکی ہے

میں یہ چاہتا ہوں کہ یہ لنک کسی طرح ریسیوم سپورٹ والے ڈائونلوڈ مینجر پر آجائے
میں گاربر بھی استعمال کر چکا ہوں مگر کوئی افاقہ نہیں‌ہوا ہے

دوسرا یہ 64 اور 32 بٹ میں‌کیا فرق ہے بعض سائٹ پر اس طرح لکھا ہوتا ہے خصوصا سوفٹ وائیرز کی ڈائونلوڈنگ کے وقت


شکریہ
 

قیصرانی

لائبریرین
ریپڈ شئیر کے لئے آپ ان کا پریمئم اکاؤنٹ لے لیں۔ پاکستان میں بھی مل جاتے ہیں اس کے اکاؤنٹ، پیسے بھرنے ہوتے ہیں لیکن

بتیس اور چونسٹھ دراصل بٹس کو ظاہر کرتا ہے کہ آپریٹنگ سسٹم بتیس بٹ ہے یا کہ چونسٹھ۔ دونوں ایک دوسرے سے فرق ہوتے ہیں
 

رند

محفلین
قیصرانی بھائی یہ کس طرح پتہ چلتا ہے کہ آپریٹنگ سسٹم بتیس بٹ ہے یا چونسٹھ بٹ ؟ اور ونڈوز آٹھانوے ، می ، دوہزار اور ایکس پی یہ کون کون سے بٹ ہیں ؟
اور محس بھائی آپ یہ بتائیں کہ وطین پہ کتنا خرچہ آتا ہے اور یہ ہے کیا یعنی کیا یہ وی وائرلس کی طرح ہے ؟ یا موبائل کی کوئی سم ہے وغیرہ ہے شکریہ
 

نصیرحیدر

محفلین
بٹ بائینری ڈجٹ کا محفف ہے ،یہ دراصل ظاہر کرتا ہے کہ کمپیوٹر کس طرح ڈیٹا محفوظ کرتا ہے اور کس طرح میوری سے دوبارہ رسائی حاصل کرتا ہے ۔بٹ کی قیمت ایک یا صفر ہوتی ہے اور تمام بائینری کوڈ ایک یا صفر کی ایک سلسلہ پر مشتعمل ہوتا ہے جیسے 1000100111 ۔اب اگر آپ 32 بٹ پروسیسر استعمال کر رہے ہیں‌تو اس کا مطلب کہ آپ کا پروسیسر 0 سے لے کر 4,294,967,295تک جبکہ 64 بٹ کی صورت میں صفر سے لے کر 18,446,744,073,709,551,615 نمبر کا حساب کرنے کا اہل ہے ۔64 بٹ پربروسیسر چھوٹے نمبر زیادہ آسانی سے پروسیڈ کر سکتا ہے ۔
کیا آپ کو معلوم ہے کہ کمپیوٹر میں بسیں ہوتی ہیں؟ جی ہاں ، کمپیوٹر میں‌بسیں ڈیٹا منتقلی کا عمل سر انجام دیتی ہیں۔یہ کمپیوٹر میموری کا تمام حصوں بشمول پروسیسر سے رابطہ کا زریعہ ہیں۔32 بٹ سسٹم میں بس 32 بٹس کی جبکہ 64 بٹ میں اس سے دگنی ہوتی ہے جس کا مطلب ہےکہ سسٹم دگنی رفتار سے ڈیٹا ارسال کر سکتا ہے ۔چناچہ 32 بٹ سسٹم کے مقابلہ میں 64 بٹ سسٹم تیز رفتار ہو گا۔عام حالات میں‌شاید آپ کو دونوں سسٹمز میں فرق محسوس نہ ہو لیکن اگر آپ کورل یا فوٹو شاپ کا استعمال کرتے ہیں‌تو فرق واضح ہو جائے گا۔32 بٹس سافٹ وئیر تقریبآ تمام 64 بٹ سسٹم پر چل جاتے ہیں،لیکن 64 بٹ کی اصل صلاحیت سے استفادہ کے لیے 64 بٹ آپریٹنگ سسٹم اور 64 بٹ سپورٹڈ سافٹ وئیر درکار ہوتے ہیں ،تاہم زیادہ تر 64 بٹ سافٹ بشمول ونڈوز ایکس پی 64 بٹ سٹبل نہیں‌ہ ہیں۔:(
 

نصیرحیدر

محفلین
قیصرانی بھائی یہ کس طرح پتہ چلتا ہے کہ آپریٹنگ سسٹم بتیس بٹ ہے یا چونسٹھ بٹ ؟ اور ونڈوز آٹھانوے ، می ، دوہزار اور ایکس پی یہ کون کون سے بٹ ہیں ؟
اور محس بھائی آپ یہ بتائیں کہ وطین پہ کتنا خرچہ آتا ہے اور یہ ہے کیا یعنی کیا یہ وی وائرلس کی طرح ہے ؟ یا موبائل کی کوئی سم ہے وغیرہ ہے شکریہ
سی ڈی پر لکھا ہوتا ہے کہ آپریٹنگ سسٹم 32 بٹ ہے یا 64 بٹ،اور اگر اس پر کچھ بھی نہیں لکھا تو پھر بھی یہ 32 بٹ ہی شمار کیا جائے گا۔وندوز 98 ،2000 ،32 بٹ ہی ہیں‌لیکن ایکس پی 64 میں‌بھی دستیاب ہے ،اگر آپ کا سسٹم سپورٹ کرتا ہے تو بسم اللہ کریں۔
وطین کا ابتدئی خرچہ شاید 19500 ہے جس میں 8500 کا وائرلیس روٹر شامل ہے جبکہ باقی پیکج کی قیمت ہے جس میں‌آپ کو 512 کا چینل ایک سال کے لیے مل جاتا ہے لیکن ہر ماہ ڈوان لوڈنگ لمٹ 10 جی بی ہوتی ہے ۔
 

ساجداقبال

محفلین
ریپڈشئیر اگر مفتے والا استعمال کر رہے ہیں تو اس کے لئے کوئی ڈاؤن لوڈ مینیجر کام نہیں آئیگا۔ اگر آپ پریمیم لینگے تو کئی ایک ڈاؤنلوڈ مینجر میں چل جا ئیگا، بمع Resume سپورٹ۔ زیادہ تفصیلات میں نہ جائیں تو 64 بٹ ایپلیکیشنز کیلیے 64 بٹ سپورٹ والا ہارڈوئیر خاص کر پراسیسر درکار ہوگا۔ عام یوزرز 32 بٹ ہی استعمال کرتےہیں۔
 

قیصرانی

لائبریرین
شکریہ نصیر حیدر

بتیس بٹ اور چونسٹھ بٹ ہارڈ وئیر میں پروسیسر، ریم اور مدر بورڈ کے لئے الگ الگ ٹرمز ہیں اور اسی طرح سافٹ‌ وئیر میں آپریٹنگ سسٹم کے لئے الگ ٹرم ہے

اگر آپ لوگ چاہیں تو میں اس سلسلے میں کچھ ٹیکنیکل معلومات دے سکتا ہوں۔ لیکن وہ معلومات عام یوزر کے لئے شاید بیکار ہی ثابت ہوں
 

رند

محفلین
نصیر حیدر ، ساجد اقبال اور قیصرانی میں تینوں صاحباں کا مشکور ہوں جو اس قدر مشکل اور اہم معلومات فراہم کیں دوسرے وطین کی اس قدر گراں قیمت کا جان کر دکھ ہوا میری پہنچ سے باہر کی چیز ہے ہمیں ڈائل اپ پہ ہی گزارہ کرنا ہوگا ویسے پی ٹی سی ایل والوں کو چائیے کہ وہ اب ڈائل اپ سروس کو فری ہی کردیں
 

محمد سعد

محفلین
شکریہ نصیر حیدر

بتیس بٹ اور چونسٹھ بٹ ہارڈ وئیر میں پروسیسر، ریم اور مدر بورڈ کے لئے الگ الگ ٹرمز ہیں اور اسی طرح سافٹ‌ وئیر میں آپریٹنگ سسٹم کے لئے الگ ٹرم ہے

اگر آپ لوگ چاہیں تو میں اس سلسلے میں کچھ ٹیکنیکل معلومات دے سکتا ہوں۔ لیکن وہ معلومات عام یوزر کے لئے شاید بیکار ہی ثابت ہوں
علم کو چھپانا نہیں چاہیے۔ کسی کا تو فائدہ ہو ہی جائے گا۔
 

قیصرانی

لائبریرین
علم کو چھپانا نہیں چاہیے۔ کسی کا تو فائدہ ہو ہی جائے گا۔

اگر نان ٹیکنیکل افراد کو ٹیکنیکل معلومات دینا شروع کریں تو وہ الٹا ان کے لئے مسئلہ بن جاتا ہے، اس لئے کہا تھا۔ اگر آپ دلچسپی رکھتے ہیں تو بتائیں
 

قیصرانی

لائبریرین
چونسٹھ بٹ کے پروسیسر سے شروع کرتے ہیں

چونسٹھ بٹ پروسیسر سے مراد ایک ایسا پروسیسر ہوتا ہے جس میں اے ایل یو یعنی ارتھمیٹک اینڈ لاجک یونٹ، رجسٹرز اور ڈیٹا بس، تمام کے تمام چونسٹھ بٹس چوڑے ہوں۔ یعنی ایک وقت چونسٹھ بٹ کا ڈیٹا سٹور کر سکیں یا اگر بس ہو تو چونسٹھ بٹس ایک وقت میں گذار سکیں

اے ایل یو یعنی ارتھمیٹک اینڈ لاجک یونٹ اگر چونسٹھ بٹس کا ہو تو وہ ایک وقت میں چونسٹھ بٹس کو پروسیس کر سکے گا۔ اگر اے ایل یو بتیس بٹ کا ہوا تو بتیس بٹ کی پروسیسنگ ایک وقت میں ممکن ہوگی۔ بظاہر ہم کہہ سکتے ہیں کہ چونسٹھ بٹ کا پروسیسر جتنا ڈیٹا ایک وقت میں پروسیس کر سکتا ہے، اس کا نصف ڈیٹا بتیس بٹ کا پروسیسر اتنی ہی دیر میں پروسیس کرے گا۔ تاہم یہ زیادہ سے زیادہ ڈیٹا کی مقدار کے حوالے سے ہے۔ اگر ڈیٹا کی مقدار اتنی ہو کہ جو بتیس بٹ کا پروسیسر ایک وقت میں پروسیس کر سکے تو بظاہر بتیس اور چونسٹھ بٹ کے پروسیسر میں کوئی خاص فرق نہیں دکھائی دے گا

اس مثال کو یوں سمجھیں کہ جیسے ایک کار کی حد رفتار 120 کلومیٹر فی گھنٹہ ہے اور دوسری کار کی حد رفتار بھی 120کلومیٹر فی گھنٹہ۔ لیکن پہلی کار میں 10 افراد بیٹھ سکتے ہیں اور دوسری میں صرف پانچ۔ جب کل پانچ یا اس سے کم افراد نے ایک وقت میں کار استعمال کرنی ہو تو دونوں کاروں میں کوئی فرق نہیں ہوگا چاہے جونسی کار استعمال ہو۔ البتہ جب افراد کی تعداد پانچ سے بڑھ جائے، چھ ہو جائے یا چاہے دس، تو پھر دونوں کاروں کے افراد کو منزل مقصود تک پہنچانے کے وقت میں واضح فرق ہوگا۔ یعنی پہلی کار ایک ہی چکر میں کام پورا کر لے گی جبکہ دوسری کار کو دو چکر لگانے ہوں گے


فی الوقت ہمارے گھریلو کمپیوٹرز پر زیادہ سے زیادہ ریم دو سو چھپن ایم بی سے لے کر تین گیگا بائٹس تک ہے۔ بتیس بٹ کے پروسیسر ایک وقت میں دو گیگا بائٹس سے لے کر چار گیگا بائٹس تک ریم کو ایڈریس کر سکتے ہیں۔ بظاہر بتیس بٹ پروسیسر ہمارے لئے کافی ہے۔ لیکن سرور کمپیوٹر پر یا مستقبل قریب میں ہمیں یہ لمٹ بہت تنگ کر سکتی ہے۔ جیسا کہ موجودہ دور کی تھری ڈی گیمز ہیں، ایک وقت میں ڈھیر ساری ایپلیکیشنز کو استعمال کرنا ہے تو اس کے لئے ہمیں زیادہ سے زیادہ ریم کی ضرورت پڑتی ہے۔ جب ہم دو گیگا یا چار گیگا بائٹ سے زیادہ کی ریم استعمال کرنا چاہیں تو ہمارے لئے بتیس بٹ کا موجودہ پروسیسر بیکار ہو جاتا ہے۔ چونسٹھ بٹ پروسیسر میں ریم کو ایڈریس کرنے کی صلاحیت دو کی طاقت چونسٹھ ہے۔ یعنی دو کی طاقت اگر بتیس ہو تو وہ چار گیگا بائٹس بنتا ہے۔ لیکن جب دو کی طاقت چونسٹھ کو دیکھیں تو وہ کچھ یہ بنتا ہے

18446744073709551616

یعنی تقریباً 18446744073 گیگا بائٹس۔ ہو سکتا ہے کہ یہ فگر تھوڑا سا کم یا زیادہ ہو۔ لیکن آپ اس سے اندازہ لگا سکتے ہیں کہ چونسٹھ بٹس کا پروسیسر کتنے مستقبل بعید کی ضروریات کے لئے کافی ہے

یہاں یہ بات بھی یاد رہے کہ شروع شروع میں بتیس بٹ کمپیوٹر کے لئے ریم کلو بائٹس میں استعمال ہوتی تھی اور اس وقت گیگا بائٹس میں ریم کا تصور اتنا ہی مشکل اور عجیب تھا جتنا کہ ہمیں آج 18446744073 گیگا بائٹس کا تصور لگ رہا ہے

ہم یہ کہہ سکتے ہیں کہ چونسٹھ بٹ کے پروسیسر سے ہم وڈیو ایڈیٹنگ، بہت بڑی تصاویر کی ایڈیٹنگ، تھری ڈی گیمز وغیرہ کو بہت آسانی اور تیز رفتاری سے استعمال کر سکتے ہیں

اگر ایک عام یوزر آفس کو استعمال کرے یا انٹر نیٹ وغیرہ، تو اس کے لئے بتیس بٹ کا پروسیسر اور چونسٹھ بٹ کا پروسیسر یکساں رہیں گے

اس مضمون کو لکھنے میں how stuff works نامی ویب سائٹ سے مدد لی گئی ہے
 

قیصرانی

لائبریرین
ضروری نوٹ: مندرجہ بالا مضمون ہر لحاظ‌ سے مکمل نہیں ہے۔ اگر کوئی پہلو تشنہ محسوس ہو تو براہ کرم پوچھ لیں۔ اسی طرح اگر کوئی چیز سمجھ نہ آئے تو بھی بلا جھجھک اسی وقت پوچھ سکتے ہیں۔ جتنا ہو سکا میں اس موضوع کو پورا کروں‌گا، کل شام سے لے کر پیر کی شام تک میں شاید غائب رہوں کہ ملک سے باہر جانا ہے۔ جو باقی رہا، وہ انشاء اللہ واپسی پر پورا کر دوں گا
 

ہمسفر

محفلین
نصیر حیدر ، ساجد اقبال اور قیصرانی میں تینوں صاحباں کا مشکور ہوں جو اس قدر مشکل اور اہم معلومات فراہم کیں دوسرے وطین کی اس قدر گراں قیمت کا جان کر دکھ ہوا میری پہنچ سے باہر کی چیز ہے ہمیں ڈائل اپ پہ ہی گزارہ کرنا ہوگا ویسے پی ٹی سی ایل والوں کو چائیے کہ وہ اب ڈائل اپ سروس کو فری ہی کردیں

اسلالم و علیکم
رند بھائی معذرت خواہ ہوں کیونکہ کہ کچھ وجوہات کی بنا پر محفل کا وزٹ نہیں‌کر پایا

وطین 512 کے بی سپیڈ کےلئے میں نے 4000 روپے کی ڈیوائس لی ہے

1200 روپے منتھلی ہیں 10 جی بی بینڈ وڈھتھ کے ساتھ
اور اگر 10 سے زیادہ کی بینڈ وڈتھ استعمال کریں گے تو 200 روپے پر جی بی کے حساب سے پیسے چارج ہوں گے

ناراضگی کےلئے دوبارہ معذرت
 
Top