انٹرویو انٹرویو وِد ظفری

[ظفری]

سب سے پہلے تو " تعبیر " ۔۔۔ آپ کا شکریہ کہ آپ نے اس انٹرویو کے مدفن لفافوں کو دوبارہ باہر نکالا کہ سب اس کے مزار پر فاتحہ پڑھ کر صبر کرکے بیٹھے ہوئے تھے ۔
اور سب سے دلچسپ بات یہ ہے کہ ان مدفن انٹرویوز کے لفافوں میں ۔۔۔ سب سے پہلے میرا لفافہ باہر نکلا ۔
شروعات مجھ سے کی ہے تو ذرا ثابت قدم بھی رہیئے گا ۔ کہ اکثر میرے جوابات میں سوال کرنے والے کے لیئے بھی سوالات ہوتے ہیں ۔
آپ نے جو سوالات اور جو تصیحات پوچھیں ہیں ۔ میں ان کا تفصیلی پوسٹ مارٹم اپنے اگلی پوسٹ میں کرتا ہوں ۔

 

[ظفری]

انٹرویو پڑھنے کے بعد مجھے ذرا بھی نہیں لگا کہ آپ مشکل ہیں بلکہ آپ کو کھلی کتاب کہا جائے تو غلط نہ ہو گا۔ گو کہ یہاں personality analysis نہیں ہو رہا پر میں نے یہ سب پڑھنے کے بعد آپ کو جتنا سمجھا ہے دل کر رہا کہ آپ کو بتاؤں اور آپ اس کی تصدیق یا تردید کریں کہ میں کس حد تک صحیح ہوں۔ تاکہ میں جان سکوں کہ آیا مجھ میں یہ صلاحیت ہے کہ میں لوگوں کو جان/پہچان سکتی ہوں یا نہیں۔اگر اجازت دینگے تو یہ ضرور بتائے گا کہ میں یہاں لکھوں یا آپ سے ذپ میں پوچھوں۔ اب کچھ آپ کے انٹرویو کے بارے میں۔

میری لیئے یہ بڑی حیرت کی بات ہے کہ میں کسی کے لیئے " کھلی کتاب " کی مانند ہوں ۔ کیونکہ میں اکثر خود کے لیئے بھی معمہ بن جاتا ہوں ۔ اس لیئے میری یہ انتہائی خواہش ہوگی کہ آپ نے مجھے جو سوچا ہے ، سمجھا ہے ۔ وہ آپ کسی دقت اور مروت کے بغیر یہاں اس انٹرویو کے ٹاپک پر یا پھر ذپ میں ، جہاں آپ کو آسانی ہو ، اسے ضرور بیان کریں ۔ اور آپ کی جتنی باتیں صحیح ہونگیں ۔ میں اس کی ضرور تائید کروں گا ۔

آپ نے جو موڈ تھریڈ کا لنک دیا ہے وہ لنک اب open نہیں ہو رہا۔ پلیز میرے لیے وہ لنک دوبارہ پوسٹ کر دیں بلکے اور بھی ایسے ٹوپکس جو آپ چاہتے ہیں کہ پڑھے جانے چاہیئیں۔ان کا بھی لنک ضرور دیجیے گا۔

اس کا لنک یہ رہا : آپ کا موڈ

اس کے علاوہ ایک لنک یہ بھی ہے ۔ محفل پر دو سال ۔
جو وارث بھائی نے میری اردو محفل پر دو سالہ تقریب کے موقع پر لکھا تھا ۔ ۔۔ اس میں کئی اور لنک بھی مل جائیں گے ۔
یہ میرے بلاگ کا لنک ہے : میرا بلاگ ۔
یہاں آپ کو وہ تحریریں مل جائیں گی جو میں سب کے ساتھ شئیر کرنا چاہتا ہوں ۔

page 8 پر آپ نے سبوتاش کا لفظ استعمال کیا ہے۔اسکا مطلب بتا دیں پلیز۔

اصل میں صحیح لفظ " سبوتاژ " ہے ۔ جس کا مطلب تباہ کرنا ، برباد کرنے کے ہیں ۔ مجھ سے وہاں غلط لکھا گیا ہے ۔
:

مجھے آپ کے یہ جملے خاصہ مزا دے گئے :grin

جملوں کی پسندیدگی کے لیئے شکریہ ۔

آپ ہی کے انٹرویو سے کچھ سوالات
***غالب آپ کو اس لیے تو نہیں پسند کہ اسکی شاعری میں شدت پسندی پائی جاتی ہے؟کیا آپ بھی شدت پسند ہو۔اگر ہاں تو کس معاملے میں؟
میں نہیں سمجھتا کہ غالب کی شاعری میں کسی قسم کی شدت پائی جاتی ہے ۔ ہاں عموماً ہر آدمی میں وقت اور حالات کی مناسب سے تبدیلیاں آجاتیں ہیں ۔ اور یہ حالات کی شدت پر منحصر ہے کہ آدمی اس وقت کیا رویہ اختیار کرتا ہے ۔ ہوسکتا ہے کہ غالب کی شاعری میں کہیں کہیں ایسا رویہ ظاہر ہوگیا ہو ۔ مگر مجموعی طور پر ایسا نہیں ہے ۔


***شادی اپ کی نظر میں؟سمجھوتہ،ضرورت یا مجبوری یا کچھ اور؟

ضرورت ہے ۔۔۔ جو سمجھتوں ، اور مجبوریوں سے منسلک ہوتیں ہیں ۔

*** آپ نے مروت کی بات کی۔تھوڑی بہت بامروت میں بھی ہوں۔کبھی کبھی ایسی جگہ بھی چپ/لحاظ کر جاتی ہوں جہاں نہیں کرنا چاہیے۔مجھے ایسا لگتا ہے جیسے یہ خوداعتمادی کی کمی ہو۔کیا یہ دونوں الگ الگ چیزیں ہیں؟فرق کیسے کیا جائے؟

اس میں واقعی خود اعتمادی کی کمی کا دخل ہوتا ہے ۔ مگر کبھی کبھی تہذیبی روایت بھی ایسا کرنے پر مجبور کردیتیں ہیں ۔ جو ماحول کے تناؤ میں ہوتیں ہیں ۔ یعنی دونوں چیزیں اس میں کارفرما ہوتیں ہیں ۔

***دیس سے پردیس کا سفر یا تو فرار ہوتا ہے یا پھر شاندار مستقبل۔آپ کا اس بارے میں کیا کہنا ہے۔آپ کا شمار ان دونوں میں سے کہاں کیا جائے؟

میں ایک اچھے مستقبل کی تلاش میں یہاں آیا تھا ۔ اور فرار سے آپ کی کیا مراد ہے ۔ کچھ وضاحت کریں ۔

***یہاں سے پتہ چلا کہ محب اور رضوان آپ کے اچھے دوست ہیں۔جبکہ محفل میں تو کافی اور لوگ بھی ہیں پھر یہی کیوں؟ان میں ایسی کیا بات/خصوصیت/انفرادیت ہے جو آپ نے انہیں دوست بنا لیا۔دونوں کو تین الفاظ میں بیان کریں؟

میں جب محفل ہر آیا تو یہ دو ہی سب سے پہلے میرے گلے پڑے ۔ ۔۔۔ مزاجوں میں کافی حد تک ہم آہنگی کے باعث دوستی جلد ہی ہوگئی ۔ پھر مخلتف مضوعات پر گفتگو کرنے سے یہ احساس ہوا کہ خیالات بھی کافی حد تک ملتے جلتے ہیں ۔ ۔۔۔ یہ بلکل اوائل کی بات ہے پھر اس کے بعد شمشاد بھائی سے بھی اسی نوعیت کی دوستی ہوگئی ۔ اور اب اس دوستی کے دائرے میں میرے کافی دوست و احباب داخل ہوگئے ہیں ۔ جن سے میری بہت بنتی ہے ۔

ملنسار ، مددگار ، خوش مزاج

***فرض کریں کہ آپ تینوں دوست titanic مین سفر کرتے۔تیرنا صرف آپ کو ہی آتا تو سب سے پہلے آپ کس کو بچاتے۔محب یا رضوان یا صرف خود کی پرواہ کرتے؟
ظاہر ہے پہلے خود کو بچاؤں گا تو پھر ہی ان کے بچنے کی تدبیر پیدا ہوسکے گی ۔



ابھی کے لیے اتنا ہی۔ آپ جوابات اپنی سہولت/فرصت کے مطابق دے سکتے ہیں۔پر نظراندازی کی کوئی گنجائش نہیں۔ ہاں چاہیں تو کوئی بھی سوال skip کر سکتے ہیں

میرے پاس آج کل بہت وقت ہے ۔ لہذا سہولت کا پیشِ نظر رکھنے کا کوئی جواز نہیں بنتا ۔
اگر کوئی سوال نظرانداز کرنے والا ہوا تو ضرور کروں گا ۔

 

[تعبیر]

اسلام و علیکم!شکریہ اور بحث،کمنٹس بعد میں دونگی۔ ابھی نئے سوال آپ کے کہنے پر پوسٹ کر رہی ہوں۔بتائیے گا ضرور کہ آپ کس قسم کے سوالات میں دلچسپی رکھتے ہیں۔مین نے آپ کا انٹرویو پڑھا ہے حفظ نہیں کیا سو اگر سوال repeat ہوا ہو تو سوری۔ہو سکتا ہے کہ میرا بھی کوئی سوال دو دفعہ ہو تو دوبارہ سوری


*~*~ روزمرہ زندگی کے وہ 3 کام جنہیں کرنے میں آپ کو بہت مزا آتا ہے۔

~*~*~*~ زندگی آپ کی نظر میں


~*~*~*~(یہ سوال چوری کیا ہے ڈائجست سے) انسان اور جانور میں بہت سی صفات مشترکہ ہوتی ہیں۔آپ نے کسی جانور سے کوٰئی سبق سیکھا؟


~*~*~*~آپ کی پسندیدہ اور ناپسندیدہ سواری

~*~*~*~چوبیس گھنٹوں میں آپ کا پسندیدہ وقت


~*~*~*~آپ کے اندر کی تین نمایاں خصوصیات۔


~*~*~*~محفل کے علاوہ آپ کی مصروفیات اور مشاغل


~*~*~*~ پسندیدہ تاریخی شخصیت اور کیوں


~*~*~*~آپ کی سب سے بڑی خوبی


~*~*~*~آپ کی سب سے بڑی خامی

*~*~*غصہ کب اور کن کن باتوں پہ آتا ہے۔

*~*~* وہ کونسی بات/چیز ہے جہاں آپ کی مروت لحاظ بھی جواب دے جاتا ہے۔یعنی کچھ ایسا جسے آپ برداشت نہیں کر سکتے کسی صورت بھی

*~*~*آپ کی نظر میں سب سے بڑی نیکی

*~*~*رشتے دو طرح کے ہوتے ہیں ایک وہ جو خون کے ہیں اور دوسرے جو خون کے نہیں ہوتے۔زیادہ اسودگی کن رشتوں سے ملتی ہے اور کیوں؟

*~*~*نیٹ سے باہر آپ کم گو ہیں یا باتونی

*~*~*آپ محفل کے دلدادہ ہیں یا تنہائی پسند

*~*~*آپ کو کیا چیز نشےکی /جنون کی حد تک پسند ہے۔

*~*~*آدھی رات کو آنکھ کھل جائے تو آپ کیا کرتے ہیں

*~*~*کوئی ایسا شعر،غزل،گانا جو آپ کو لگتا ہو کہ یہ تو میرے حسب حال
ہے۔جو آپ کی عکاسی کرتا ہو۔

*~*~* کیا آپ وہمی ہیں اگر ہاں تو کو معاملے میں

*~*~*کیا بچپن میں کسی بات پر مار کھائی۔کس سے اور کیوں

*~*~*آگر آپ کو یہ موقعہ دیا جائے کہ دنیا میں کوئی چیز تبدیل یا ختم کریں تو اپ کیا کرنا چاہیں گے

*~*~* کس قسم کی کمپنی انجوائے کرتے ہیں اور کس قسم کے لوگوں میں اٹھنا بیٹھا بلکل پسند نہیں

*~*~*ہر کا م سوچ سمجھ کر کرتے ہیں یا جلدباز ہیں

*~*~*آپ کی نظر میں جذبات کے اظہار کا بہترین ذریعہ

*~*~*اگر حکو مت کوئی عہدہ دینا چاہے تو کیا پسند کرینگے اور کیوں؟

*~*~کیا آپ کے پاس کوئی collection ہے۔وہ کیا ہے۔

*~*~کیا چیز آپ کو بہت FASINATE کرتی ہے۔

*~*~آپکی نظر میں کائنات کی خوبصورت چیز۔ایسا آپ کو کیوں لگتا ہے

*~*~*کیا چیز آپ کے دل کو بےساختہ چھو جاتی ہے((what touches u most)

 

[ظفری]

اُف ۔۔۔ اتنے سارے سوالات ۔ ان کے جوابات تو اب گھر جا کر ہی دے سکوں گا ۔

 

[تعبیر]

اُف ۔۔۔ اتنے سارے سوالات ۔ ان کے جوابات تو اب گھر جا کر ہی دے سکوں گا ۔

ذرا اوپر دیکھیں یہ کس نے کہا تھا

میرے پاس آج کل بہت وقت ہے ۔ لہذا سہولت کا پیشِ نظر رکھنے کا کوئی جواز نہیں بنتا

میں نے اچھے بچوں کی طرح فوراً اپ کا کہنا مان کر اتنی محنت سے سب ٹاٰئپ کیا تھا میری محنت کا یہ صلہ۔اگر ناراض ہو گئی نا تو یہاں کبھی جھانکوں گی بھی نہیں۔سوچ لیں

 

[تعبیر]

فکر نہ کرو ۔۔۔ میرا انٹرویو بس اب شروع ہی ہوا چاہتا ہے ۔

کیسے بچوں کی طرح خوش ہو ریے ہیں۔دیکھ لیں وہ قبولیت کی گھڑی تھی ادھر اپ نے کہا اور میں نے اسے شروع بھی کر دیا

 

[شمشاد]

یہ تو لگتا ہے امن کی بہن آ گئی ہیں اور وہ بھی بڑی والی۔ بہت خوب تعبیر، بس اب جاری رکھئے گا۔

 

[تعبیر]

سب سے پہلے تو " تعبیر " ۔۔۔ آپ کا شکریہ کہ آپ نے اس انٹرویو کے مدفن لفافوں کو دوبارہ باہر نکالا کہ سب اس کے مزار پر فاتحہ پڑھ کر صبر کرکے بیٹھے ہوئے تھے ۔
اور سب سے دلچسپ بات یہ ہے کہ ان مدفن انٹرویوز کے لفافوں میں ۔۔۔ سب سے پہلے میرا لفافہ باہر نکلا ۔
شروعات مجھ سے کی ہے تو ذرا ثابت قدم بھی رہیئے گا ۔ کہ اکثر میرے جوابات میں سوال کرنے والے کے لیئے بھی سوالات ہوتے ہیں ۔
آپ نے جو سوالات اور جو تصیحات پوچھیں ہیں ۔ میں ان کا تفصیلی پوسٹ مارٹم اپنے اگلی پوسٹ میں کرتا ہوں ۔

آپ کا بھی شکریہ کہ آپ نے بھی اسے اگے بڑھایا۔ہممممممم یعنی دوسرے لفظوں مین اپ یہ کہنا چاہتے ہیں کہ مجھے گڑے مردے اکھاڑنے کی عادت ہے۔ صبر کا پھل میٹھا۔میں نے سرسری نظر تو ڈالی تھی پر مجھے پتہ نہیں لگا کہ کونسے ابھی ادھورے ہیں۔ہے تو مشکل کسی اور کا
انٹرویو آگے چلاناکہ اس سے تسلسل نہیں رہتا اور سوال دوہرایے جانے کا بھی اندیشہ رہتا ہےخیر دیکھیں کیا ہوتا ہے۔
میری ثابت قدمی آپ کی دلچسپی پر منحصر ہے۔مصروفیت نہ رہی تو سلسلہ چلتا رہے گا ۔ مجھے صرف سوال کرنے آتے ہیں۔جواب دینے نہیں آپ تفصیلی پوسٹ مارٹم کرچکے اب جوابی کاروائی کا وقت یے

 

[تعبیر]

یہ تو لگتا ہے امن کی بہن آ گئی ہیں اور وہ بھی بڑی والی۔ بہت خوب تعبیر، بس اب جاری رکھئے گا۔

امن کی بہن آپ نی کیوں کہا؟کیا اس کی کاپی کر رہی ہوں؟مجھے copy cat کہلوانا بلکل پسند نہیں

شکریہ کہ آپ یہاں آئے تو۔انشاءاللہ بس اپ کا ساتھ اور مدد ہونی چاہیے۔اپ کی ہی وجہ سے تو یہاں ہوں

 

[شمشاد]

ہائے اوئے میرے اللہ،
میں نے یہ کہا ہے کہ امن کی بہن آ گئی ہے اور وہ بھی بڑی والی، یہ تھوڑا ہی کہا ہے کہ امن کی کاپی آ گئی ہے۔

میرا مطلب تھا کہ اس کام کو آگے بڑھانے والی آ گئی ہے۔

کیا کھا کے آتی ہیں محفل میں؟

ویسے ایک بات ہے، کیوں نہ آپ کو اس انٹرویو والے زمرے کی ناظمہ میرا مطلب ہے موڈیریٹر بنا دیا جائے۔

 

[شمشاد]

ذرا اوپر دیکھیں یہ کس نے کہا تھا

میں نے اچھے بچوں کی طرح فوراً اپ کا کہنا مان کر اتنی محنت سے سب ٹاٰئپ کیا تھا میری محنت کا یہ صلہ۔اگر ناراض ہو گئی نا تو یہاں کبھی جھانکوں گی بھی نہیں۔سوچ لیں

ظفری بھائی ادھر انٹرویو چالو ہوا ادھر ساتھ ہی دھمکیاں بھی شروع۔ اور میرا تو آپ کو پتہ ہی ہے دوستی اپنی جگہ لیکن اس معاملے میں پہلے میں امن کا ساتھ دیتا تھا اب تعبیر کا دوں گا۔

 

[تعبیر]

شکریہ سمشاد آپ کا۔ناظمہ اور میں۔مجھے تو کچھ بھی نہیں آتا آج تو سچوی کچھ نہیں کھایا۔یہیں ٹائم لگایا۔سوال سوچتی،لکھتی اور ڈھونڈتی رہی۔یونہی میرا ساتھ دیتے رہیے گا پلیز

 

[تعبیر]

میری لیئے یہ بڑی حیرت کی بات ہے کہ میں کسی کے لیئے " کھلی کتاب " کی مانند ہوں ۔ کیونکہ میں اکثر خود کے لیئے بھی معمہ بن جاتا ہوں ۔ اس لیئے میری یہ انتہائی خواہش ہوگی کہ آپ نے مجھے جو سوچا ہے ، سمجھا ہے ۔ وہ آپ کسی دقت اور مروت کے بغیر یہاں اس انٹرویو کے ٹاپک پر یا پھر ذپ میں ، جہاں آپ کو آسانی ہو ، اسے ضرور بیان کریں ۔ اور آپ کی جتنی باتیں صحیح ہونگیں ۔ میں اس کی ضرور تائید کروں گا ۔

ضرور۔جلد ہی آپ کو بتاؤں گی۔ایک عجیب بات بتاؤں آپ کی کافی باتیں مجھے میرے جیسی لگتی ہیں خاص کر معمہ والی۔شاید یہی بات ہو کہ مجھے آپ اپنے اپنے سے لگے۔

اس کا لنک یہ رہا : آپ کا موڈ

اس کے علاوہ ایک لنک یہ بھی ہے ۔ محفل پر دو سال ۔
جو وارث بھائی نے میری اردو محفل پر دو سالہ تقریب کے موقع پر لکھا تھا ۔ ۔۔ اس میں کئی اور لنک بھی مل جائیں گے ۔
یہ میرے بلاگ کا لنک ہے : میرا بلاگ ۔
یہاں آپ کو وہ تحریریں مل جائیں گی جو میں سب کے ساتھ شئیر کرنا چاہتا ہوں ۔

-----------------------------------------------------------------------------------------------
بہت شکریہ ۔ابھی تک visit نہیں کیا وہاں۔اگر ایسا کیا تو محفل کی چھٹی
اچھا یہ بتائیں کہ بلاگ کو پڑھنےکے بعد میں کیسے repond کرتے ہیں؟کسی بزرگ کے مزار کی طرح فاتحہ پڑھ کر خاموشی سے نکل جاتے ہیں یا کسی جلسے جلوس کی طرح نعرے بازی کی بھی گنجائش ہوتی ہے
بلاگ مطلب نیٹ پر ڈائری۔کیا وجہ ہے کہ real life میں تو کوئی اپنی personal diary کسی سے share نہیں کرتا جب کہ بلاگز پر comments ہوتے ہیں اور اسے کسی سے چھپایا نہیں جاتا۔

اصل میں صحیح لفظ " سبوتاژ " ہے ۔ جس کا مطلب تباہ کرنا ، برباد کرنے کے ہیں ۔ مجھ سے وہاں غلط لکھا گیا ہے ۔

میں سمجھی کہ کوئی الف لیلوی کردار ہے۔ شکریہ نیا لفظ سکھانے کا
------

جملوں کی پسندیدگی کے لیئے شکریہ ۔

آپ کا بھی شکریہ مسکراہٹیں دینے کے لیے۔
-----

آپ ہی کے انٹرویو سے کچھ سوالات
***غالب آپ کو اس لیے تو نہیں پسند کہ اسکی شاعری میں شدت پسندی پائی جاتی ہے؟کیا آپ بھی شدت پسند ہو۔اگر ہاں تو کس معاملے میں؟
میں نہیں سمجھتا کہ غالب کی شاعری میں کسی قسم کی شدت پائی جاتی ہے ۔ ہاں عموماً ہر آدمی میں وقت اور حالات کی مناسب سے تبدیلیاں آجاتیں ہیں ۔ اور یہ حالات کی شدت پر منحصر ہے کہ آدمی اس وقت کیا رویہ اختیار کرتا ہے ۔ ہوسکتا ہے کہ غالب کی شاعری میں کہیں کہیں ایسا رویہ ظاہر ہوگیا ہو ۔ مگر مجموعی طور پر ایسا نہیں ہے ۔

اس سوال کا باقی کا حصہ آپ سے over look ہو گیا یا اسے میں عقلمند کے لیے اشارہ سمجھ کر خاموش ہو جاؤں
------

***شادی اپ کی نظر میں؟سمجھوتہ،ضرورت یا مجبوری یا کچھ اور؟

ضرورت ہے ۔۔۔ جو سمجھتوں ، اور مجبوریوں سے منسلک ہوتیں ہیں ۔

آپ نے مجھے لاجواب کر دیا۔خوبصورت جواب ہے


باقی کے جوابات بعد میں دونگی۔انشاءاللہ

 

[یونس رضا]

ظفری یار یہ انٹرویو کب ہوا تھا۔۔۔۔ خاصا دلچسپ ہے۔۔۔۔۔

 

[ظفری]

ذرا اوپر دیکھیں یہ کس نے کہا تھا

میں نے اچھے بچوں کی طرح فوراً اپ کا کہنا مان کر اتنی محنت سے سب ٹاٰئپ کیا تھا میری محنت کا یہ صلہ۔اگر ناراض ہو گئی نا تو یہاں کبھی جھانکوں گی بھی نہیں۔سوچ لیں

میں نےسوچا کہ اس سے پہلے آپ کے سوالات کا جواب دوں کیوں ناں پہلے آپ کی اس پوسٹ کا جواب دیدوں ۔ کیونکہ اگر آپ ناراض ہوگئیں تو یہ لفافے کی کشتی پھر ڈوب جائے گی ۔ اللہ اللہ کرکے میرے انٹرویو کی ناؤ تو ساحل کی طرف بڑھنے لگی ہے ۔

 

[ظفری]

آپ کا بھی شکریہ کہ آپ نے بھی اسے اگے بڑھایا۔ہممممممم یعنی دوسرے لفظوں مین اپ یہ کہنا چاہتے ہیں کہ مجھے گڑے مردے اکھاڑنے کی عادت ہے۔ صبر کا پھل میٹھا۔میں نے سرسری نظر تو ڈالی تھی پر مجھے پتہ نہیں لگا کہ کونسے ابھی ادھورے ہیں۔ہے تو مشکل کسی اور کا
انٹرویو آگے چلاناکہ اس سے تسلسل نہیں رہتا اور سوال دوہرایے جانے کا بھی اندیشہ رہتا ہےخیر دیکھیں کیا ہوتا ہے۔
میری ثابت قدمی آپ کی دلچسپی پر منحصر ہے۔مصروفیت نہ رہی تو سلسلہ چلتا رہے گا ۔ مجھے صرف سوال کرنے آتے ہیں۔جواب دینے نہیں آپ تفصیلی پوسٹ مارٹم کرچکے اب جوابی کاروائی کا وقت یے

انٹرویو میں صرف سوالات کرنے اور اس کے جوابات دینے میں ‌تب تک مز انہیں آتا جب تک ان پر مزے دار کمنٹس نہ ہوں ۔ اور اس سے نہ صرف انٹرویوز کا تسلسل قائم رہتا ہے بلکہ اس میں دلچسپی کا عنصر بھی موجود رہے گا ۔ رہی میری دلچسپی کی بات تو مجھے تو بات کرنے کی بہت عادت ہے ۔۔۔۔ لہذا فکر نہ کجیئے ، انٹرویوز میں اتنا بڑا بحران آنے کے بعد میری بھی قیصرانی جیسی کیفیت ہوگئی ہے کہ ۔۔۔ وہ اپنے انٹرویو میں سب سوالات کے جوابات دینے کے بعد امن سے یہی کہتا تھا کہ ۔۔ پوچھو ۔۔ پوچھو ۔۔۔۔ اور سوالات پوچھو ناں ۔
سو بے فکر رہیئے جب تک آپ کی دلچسپی برقرار ہے ۔ میں‌ بھی یہاں ‌موجود رہوں گا ۔

 

[ظفری]

ظفری بھائی ادھر انٹرویو چالو ہوا ادھر ساتھ ہی دھمکیاں بھی شروع۔ اور میرا تو آپ کو پتہ ہی ہے دوستی اپنی جگہ لیکن اس معاملے میں پہلے میں امن کا ساتھ دیتا تھا اب تعبیر کا دوں گا۔

مجھے معلوم تھا کہ ہمارا بھی یہی حشر ہوگا کہ :
؂ دیکھا جو تیر کھا کر کمیں گاہ کی طرف ۔۔۔۔

ویسے شمشاد بھائی ۔۔۔ اس بار آپ کا کسی کا ساتھ دینے میں میرا بھی تھوڑا بہت فائدہ ہے ۔

 

[ظفری]

ظفری یار یہ انٹرویو کب ہوا تھا۔۔۔۔ خاصا دلچسپ ہے۔۔۔۔۔

یونس بھائی ۔۔۔شکریہ ، نوازش ، کہ آپ یہاں تشریف لائے ۔ ابھی تو آگے آگے دیکھئے ہوتا ہے کیا ۔ دلچسپی صرف سوالوں پر منحصر ہے سو آپ بھی کچھ پوچھ ڈالیئے ۔

 

[ظفری]

ضرور۔جلد ہی آپ کو بتاؤں گی۔ایک عجیب بات بتاؤں آپ کی کافی باتیں مجھے میرے جیسی لگتی ہیں خاص کر معمہ والی۔شاید یہی بات ہو کہ مجھے آپ اپنے اپنے سے لگے۔

جن کیساتھ معموں والی صورتحال ہوتی ہے ۔ انہیں ہر بات اپنی جیسے لگتی ہے ۔ کیونکہ یہ بھی تو ایک معممہ ہوا ناں ۔
رہی بات اپنے اپنے سے لگنے پر تو اس پر میں اپنا کمنٹس محفوظ رکھتا ہوں کہ یہاں‌ تو مجھے سب ہی جانتے ہیں کہ میں ہر بات میں مزاح کا پہلو نکال لیتا ہوں ۔ مگر میرا یہاں‌کوئی سنجیدہ پہلو نکالنے کا موڈ ہورہا تھا اس لیئے کوئی کمنٹس دینے سے قاصر ہوں کہ نہ جانے آپ کیا سمجھیں ۔ ورنہ یہاں سب کو میری عادت کا پتا ہے ۔ اس لیئے کوئی میری باتوں کو یہاں کوئی اہمیت بھی نہیں دیتا ۔

بہت شکریہ ۔ابھی تک visit نہیں کیا وہاں۔اگر ایسا کیا تو محفل کی چھٹی

جیسے آپ کو سہولت ہو ، اسی مناسبت سے ان دھاگوں اور بلاگ کا وزٹ کرلجیئے گا ۔

اچھا یہ بتائیں کہ بلاگ کو پڑھنےکے بعد میں کیسے repond کرتے ہیں؟کسی بزرگ کے مزار کی طرح فاتحہ پڑھ کر خاموشی سے نکل جاتے ہیں یا کسی جلسے جلوس کی طرح نعرے بازی کی بھی گنجائش ہوتی ہے

جی بلکل اپنے رائے یا تبصرے کی وہاں گنجائش ہوتی ہے ۔ مگر یہ تبصرے پہلے ایڈمن کے سسنر بورڈ سے ہوکر گذرتے ہیں اگر ان میں‌ کوئی ایسا مواد نہیں ہوتا جو ناقابلِ اشاعت نہ ہو ۔ تو وہ Approved کے بعد بلاگ پر نظر آجاتا ہے ۔ لہذا فوری طور پر اپنا ریپلائی دیکھنے کا موقع نہیں ملتا ۔ اگر ایڈمن نےApproved والا آپشن متحرک نہیں کیا ہو تو آپ اپنا Reply فوراً بھی دیکھ سکتیں ہیں‌۔

بلاگ مطلب نیٹ پر ڈائری۔کیا وجہ ہے کہ real life میں تو کوئی اپنی personal diary کسی سے share نہیں کرتا جب کہ بلاگز پر comments ہوتے ہیں اور اسے کسی سے چھپایا نہیں جاتا۔

ڈائریوں میں لکھنے کے لیئے یہ ضروری نہیں ہوتا کہ صرف ذاتیات سے متعلق ہی لکھا جائے ۔ آپ کئی ایسے امور اور موضوعات پر بھی لکھ سکتے ہیں جوآپ کے مشاہدات ، تجزیات ، تجربات اور کسی حد تک ذاتیات کی گرفت میں بھی آتے ہوں ۔ انسان کی زندگی میں کچھ ایسی بھی چیزیں ہوتیں ہیں جو ذاتیات سے تعلق رکھنے کے باوجود ہر کسی کیساتھ شئیر کی جاسکتی ہیں‌ ۔ اور جو آپ سمجھتے ہیں کہ یہ ذاتی چیزیں منظرِعام پر نہیں آنا چاہیئں ۔ انہیں‌ قابلِ اشاعت نہ بنائیں ۔

میں سمجھی کہ کوئی الف لیلوی کردار ہے۔ شکریہ نیا لفظ سکھانے کا

صحیح کہا آپ نے ۔ ۔۔ کیونکہ میری غلطی کی وجہ سے وہ لفظ کسی مہ جبیں‌ کا لقب لگ رہا تھا

اس سوال کا باقی کا حصہ آپ سے over look ہو گیا یا اسے میں عقلمند کے لیے اشارہ سمجھ کر خاموش ہو جاؤں

میں دیکھتا ہوں وہ حصہ ، شاید عجلت میں نظر انداز ہوگیا ہے ۔

آپ نے مجھے لاجواب کر دیا۔خوبصورت جواب ہے

کوئی بات نہیں ، ہمارے لیئے اکثر ہر چیز " لا " ہی رہتی ہے ۔
ویسے اس جواب میں ایک تصیح کرنا چاہوں گا ۔ لہذا تصیح کے بعد وہ جملہ یوں پڑھا جائے ۔
" ضرورت ہے ۔۔۔۔۔ جو سمجھتوں اور مجبوریوں سے (مشروط ) ہوتیں ہیں ۔ "

باقی کے جوابات بعد میں دونگی۔انشاءاللہ

مجھے انتظار رہے گا ۔

 

[ظفری]

اسلام و علیکم!شکریہ اور بحث،کمنٹس بعد میں دونگی۔ ابھی نئے سوال آپ کے کہنے پر پوسٹ کر رہی ہوں۔بتائیے گا ضرور کہ آپ کس قسم کے سوالات میں دلچسپی رکھتے ہیں۔مین نے آپ کا انٹرویو پڑھا ہے حفظ نہیں کیا سو اگر سوال repeat ہوا ہو تو سوری۔ہو سکتا ہے کہ میرا بھی کوئی سوال دو دفعہ ہو تو دوبارہ سوری

ارشاد ۔۔۔

]*~*~ روزمرہ زندگی کے وہ 3 کام جنہیں کرنے میں آپ کو بہت مزا آتا ہے۔
ڈرائیونگ ، جاب پر لیٹ جانا ، اردو محفل پر وقت بِتانا ۔

~*~*~*~ زندگی آپ کی نظر میں
موت کا انتظار

~*~*~*~(یہ سوال چوری کیا ہے ڈائجست سے) انسان اور جانور میں بہت سی صفات مشترکہ ہوتی ہیں۔آپ نے کسی جانور سے کوٰئی سبق سیکھا؟
جی ہاں ۔۔ گدھے سے ، کہ فرمابرداری اور سادگی بھی کبھی کبھی عمر بھر کا روگ بن جاتی ہے ۔

~*~*~*~آپ کی پسندیدہ اور ناپسندیدہ سواری
پسند تو کوئی خاص نہیں ، البتہ رکشے کی سواری ناپسند ہے ۔

~*~*~*~چوبیس گھنٹوں میں آپ کا پسندیدہ وقت
شام کا
~*~*~*~آپ کے اندر کی تین نمایاں خصوصیات۔

درگذری ، مفاہمت پسندی ، خوش مزاجی

~*~*~*~محفل کے علاوہ آپ کی مصروفیات اور مشاغل
کچھ عرصہ ہوا جاب کے علاوہ ایک چھوٹا موٹا بزنس لیا ہوا ہے ۔ جاب کے بعد اکثر وقت وہیں گذرتا ہے ۔

~*~*~*~ پسندیدہ تاریخی شخصیت اور کیوں

قائدِ اعظم ۔ مستقل مزاجی ، اور بروقت فیصلے کی صلاحیت سے مالا مال

~*~*~*~آپ کی سب سے بڑی خوبی
میری خامی ۔


~*~*~*~آپ کی سب سے بڑی خامی

میری خوبی ۔

*~*~*غصہ کب اور کن کن باتوں پہ آتا ہے۔
کسی کا آسان اور سیدھی سی بات کو نہ سمجھنے پر غصہ آتا ہے ۔ عیارانہ اور خود غرضی میں لپٹی ہوئی باتوں پر ۔

*~*~* وہ کونسی بات/چیز ہے جہاں آپ کی مروت لحاظ بھی جواب دے جاتا ہے۔یعنی کچھ ایسا جسے آپ برداشت نہیں کر سکتے کسی صورت بھی
یہ تو ماحول اور حالات سے پیدا ہونے والی صورتحال پر منحصر ہے کہ آپ کو کون لوگ ، اور کیا کہہ رہے ہیں ۔ اور اگر وہ چیز ماحول اور حالات سے مطابقت نہیں رکھتی تو میں پھر جواب دینے سے گریز نہیں کرتا ۔

*~*~*آپ کی نظر میں سب سے بڑی نیکی
کسی کا حق نہ مارنا ۔

*~*~*رشتے دو طرح کے ہوتے ہیں ایک وہ جو خون کے ہیں اور دوسرے جو خون کے نہیں ہوتے۔زیادہ اسودگی کن رشتوں سے ملتی ہے اور کیوں؟
اگر آپ قلبی آسودگی کی بات کر رہیں‌ ہیں‌ تو یہ ضروری نہیں ہے کہ ( یہ آپ کو خون سے منسلک رشتوں یا جن کا تعلق خون سے نہیں‌ ہوتا ، اسی میں نظر آئے ۔ ) ۔ جن رشتوں میں‌ بناؤٹ نہیں‌ ہوگی اور جو اپنے خالص معیاری رشتوں‌ کے تقاضوں کو پورا کریں گے ۔ وہ آپ کو آسودگی بخش دیں گے ۔ لہذا یہ ضروری نہیں ہے کہ وہ رشتہ خونی ہی ہو ۔

*~*~*نیٹ سے باہر آپ کم گو ہیں یا باتونی
باتونی ۔۔۔

*~*~*آپ محفل کے دلدادہ ہیں یا تنہائی پسند
بنیادی طور سے محفل پسند ہوں ۔ مگر مجھ پر کبھی کبھی تنہائی کا دورہ بھی پڑتا ہے ۔ جس کے نتجیے میں کچھ ادبی تخلیقات سامنے آجاتیں ہیں ۔

*~*~*آپ کو کیا چیز نشےکی /جنون کی حد تک پسند ہے۔
ایسی تو کوئی خاص چیز نہیں‌ ہے ۔

*~*~*آدھی رات کو آنکھ کھل جائے تو آپ کیا کرتے ہیں
میرے ساتھ بس یہی ایک مسئلہ ہے کہ اگر کبھی ایسا میرے ساتھ ہوجائے تو میری آنکھ فوراً دوبارہ نہیں لگتی ۔ لہذا ٹہلتا ہوں ، پانی پیتا ہوں اور کبھی کبھی ٹی وی بھی دیکھنے بیٹھ جاتا ہوں ۔

*~*~*کوئی ایسا شعر،غزل،گانا جو آپ کو لگتا ہو کہ یہ تو میرے حسب حال ہے۔جو آپ کی عکاسی کرتا ہو۔
کسی نے نہ پوچھا ، میرے شکستہ دل کا مول
کوئی ٹوٹا پیالہ لے کر ، کرتا بھی کیا

*~*~* کیا آپ وہمی ہیں اگر ہاں تو کو معاملے میں
نہیں ۔۔۔ میں اس مرض کا ابھی شکار نہیں‌ ہوا ۔

*~*~*کیا بچپن میں کسی بات پر مار کھائی۔کس سے اور کیوں
میرے خیال ہے کہ بچپن میں ، تقریبا ً ہر بات پر ہی مار کھائی ہے اب کیا کیا بتاؤں ۔

*~*~*آگر آپ کو یہ موقعہ دیا جائے کہ دنیا میں کوئی چیز تبدیل یا ختم کریں تو اپ کیا کرنا چاہیں گے
مذہبی عصبیت

*~*~* کس قسم کی کمپنی انجوائے کرتے ہیں اور کس قسم کے لوگوں میں اٹھنا بیٹھا بلکل پسند نہیں
خوش مزاج اور اخلاقی حدود کی پابندی کرنے والوں کیساتھ انجوائے کرتا ہوں ۔ اور اس کے منافی لوگوں میں اٹھتا بیٹھتا نہیں ۔

*~*~*ہر کا م سوچ سمجھ کر کرتے ہیں یا جلدباز ہیں
کچھ کام جلد بازی میں بھی ہوجاتے ہیں ۔

*~*~*آپ کی نظر میں جذبات کے اظہار کا بہترین ذریعہ
ایک بھرپور مسکراہٹ

*~*~*اگر حکو مت کوئی عہدہ دینا چاہے تو کیا پسند کرینگے اور کیوں؟
وزیرِ خارجہ ۔ وہ اس لیئے کہ ملک ملک جاکر اپنے ملک کا تشخص کا معیار بلند کرسکوں ۔

*~*~کیا آپ کے پاس کوئی collection ہے۔وہ کیا ہے۔
میرے پاس غزلوں اور گانوں کا بہت بڑا Collection ہے ۔ جس سے جب مجھے موقع ملتا ہے ۔ لطف اندوز ہوتا ہوں ۔

*~*~کیا چیز آپ کو بہت FASINATE کرتی ہے۔
مجھے خوبصورت قدرتی مناظر بہت Fascinate کرتے ہیں ۔

~*~آپکی نظر میں کائنات کی خوبصورت چیز۔ایسا آپ کو کیوں لگتا ہے
میرا اپنا وجود ۔ اگر یہ نہیں ہوتا تو میں کائنات کی خوبصورتی سے کیسے لطف اندوز ہوتا ۔

*~*~*کیا چیز آپ کے دل کو بےساختہ چھو جاتی ہے((what touches u most)
کسی کی بھی بے ساختگی میرے دل کو بے ساختہ چھو لیتی ہے ۔

دیکھئے میں‌ نے پورا وقت نکال کر آپ کے تمام سوالات کے جوابات دیدیئے ہیں ۔ امید ہیں جوابات آپ سمیت سب کو پسند آئیں گے ۔