کتاب : اردو کیسے لکھیں

عثمان رضا

عثمان رضا

محفلین
فاتح

فاتح

لائبریرین
بہت شکریہ عثمان رضا صاحب۔ میں نے بھی تقریباً ایک ماہ قبل یہیں سے ڈاؤن لوڈ کر کے ان چھ پی ڈی ایف فائلوں کو اکٹھا کر کے ایک فائل کی شکل دی تھی کہ ایک فائل کو سنبھالنا آسان ہوتا ہے۔
یہ رشید حسن خان کی لکھی ہوئی کتاب "اردو کیسے لکھیں (صحیح املا)" ہے اور اسی کتاب کا ایک حصہ، جو "ہمزہ" کے درست استعمال کے متعلق تھا، جویریہ صاحبہ نے ٹائپ کر کے محفل پر ارسال کیا تھا۔
اس کتاب کو انڈین منسٹری آف کمیونیکیشن اینڈ انفارمیشن ٹیکنالوجی کے زیر اہتمام چلنے والے ادارے C-DAC (سینٹر فار ڈیویلوپمنٹ آف ایڈوانسڈ کمپیوٹنگ) کے ذیلی پراجیکٹ PRAC (ریسورس سینٹر برائے اردو، سندھی، کشمیری و عربی) نے برقیایا ہے۔ شاید اعجاز اختر صاحب ان سے رابطہ کر کے اس کتاب کی ان پیج فائلیں حاصل کرنے میں معاون ثابت ہوں تا کہ اس مفید کتاب کو یونی کوڈ شکل میں انٹرنیٹ پر رکھا جا سکے یا کم از کم اس ادارے کو اس بات پر ہی آمادہ کر سکیں کہ وہ خود اپنی ویب سائٹ پر ہی اسے یونی کوڈ میں رکھ دیں کہ کسی لفظ کی درست املا کے لیے براہ راست تلاش کی جا سکے۔
اس کتاب کے علاوہ بھی کچھ کتب انہوں نے شاید ان پیج میں ہی لکھ کر پی ڈی ایف کی شکل میں اپنی سائٹ پر ڈاؤن لوڈ کے لیے مہیا کی ہوئی ہیں۔ ان بای کتب کے ممتعلق بھی اس ادارے سے یہی درخواست کی جا سکتی ہے کہ فلاحِ عامہ کے لیے انہیں یونی کوڈ میں پیش کریں۔
 
الف عین

الف عین

لائبریرین
فاتح، یہ کتابیں صفحہ ساز یا ناشر میں بنائی گئی ہیں۔ میں نے اردو کمپیوٹنگ گروہ میں پیغام تو دیا تھا کہ اس ویب سائٹ کے منتظمین ربط پیدا کریں، میری ای میل کا کوئی جواب نہیں آیا۔ پھر میں نے بھی سوچا کہ ایک ایک صفحے کا کنورٹر دستیاب ہے، بلکہ یہ فائلیں ایک ایک صفحہ کر کے ہی کاپی پیست ہوتی ہیں تو اس برائے نام کنورٹر سے بہت محنت لگے گی، اس سے تو شمشاد جیسے جن جلدی مکمل ٹائپ کر سکتے ہیں۔
 
ارمان خان

ارمان خان

محفلین
مجھے جاننا ہے کہ میں بھی یہاں کیسے اپنی بات کہوں ؟
مجھے ابھی تک سمجھ نہیں آیا کہ کوئی چیز یہاں پوسٹ کیسے کریں؟
 
محمد خلیل الرحمٰن

محمد خلیل الرحمٰن

محفلین
ارمان خان نے کہا:
مجھے جاننا ہے کہ میں بھی یہاں کیسے اپنی بات کہوں ؟
مجھے ابھی تک سمجھ نہیں آیا کہ کوئی چیز یہاں پوسٹ کیسے کریں؟
مزید نمائش کے لیے کلک کریں۔۔۔
ارمان بیٹا اردو محفل فورم میں خوش آمدید۔ جس طرح آپ نے یہاں لکھا ہے اسی طرح کسی بھی موضوع پر جاری گفتگو کے آخر میں ایڈیٹر ونڈو نظر آئے گی۔ وہاں اپنی رائے لکھ دیجیے۔

نیا موضوع شروع کرنے کے لیے "فورم " کے ٹیب پر کلک کیجیے۔ گروہ بندی میں سے اپنی فیلڈ چن کر اس پر کلک کریں۔ صفحے کی بائیں جانب اوپر ایک ٹیب" نئی لڑی بنائیں" نظر آئے گا۔ اس پر کلک کرکے موضوع اور متن لکھیے اور پوسٹ کردیجیے۔
 
جواب دینے کے لیے داخل ہوں یا شمولیت اختیار کریں۔
Top