میرے پسندیدہ اشعار

[شمشاد]

تیشے بغیر مر نہ سکا کوہ کن اسد
سرگشتہ خمارِ رسوم و قیود تھا

( غالب )

یہ میں نے آج ہی لکھ کر پوسٹ کیا ہے۔
افسانہ عاشق دلگیر - شریں فرہاد باتصویر

 

[شمشاد]

ہم جس پہ مر رہے ہیں وہ ہے بات ہی کچھ اور
عالم میں تجھ سے لاکھ سہی تو مگر کہاں
(الطاف حسین حالی)

 

[محمل ابراہیم]

بہت تیزی سے مغرب کے مقلد بنتے جاتے ہیں
خدایا اہلِ مشرق کی یہ نادانی نہیں جاتی



سحر

 

[سیما علی]

بہت تیزی سے مغرب کے مقلد بنتے جاتے ہیں
خدایا اہلِ مشرق کی یہ نادانی نہیں جاتی



سحر

چہکنا شام کو چڑیوں کا ماتم ہے گئے دن کا
مگر ماتم یہ ہنگامِ سحر اچّھا نہیں لگتا
ماجد صدیقی

ہنگام

 

[محمل ابراہیم]

وضو کے بعد گل غنچے عبادت رب کی کرتے ہیں
اسی خاطر فلک کی شبنم افشانی نہیں جاتی

سحر

 

[سیما علی]

شام ہو یا کہ سحر یاد انہی کی رکھنی
دن ہو یا رات ہمیں ذکر انہی کا کرنا
حسرت موہانی

ذکر

 

[شمشاد]

اس کے ہاتھ میں غبارے تھے پھر بھی بچا گم صم تھا
وہ غبارے بیچ رہا ہو ایسا بھی ہو سکتا ہے
(سید سروش آصف)

 

[شمشاد]

دنیائے تصور ہم آباد نہیں کرتے
یاد آتے ہو تم خود ہی ہم یاد نہیں کرتے
(فنا نظامی کانپوری)

 

[سیما علی]

اُڑنے دو ان پرندوں کو آزاد فضاؤں میں محسن
تمھارے ہوں گے تو لوٹ آئیں گے کسی روز

محسن نقوی

 

[شمشاد]

عین ممکن ہے کہ بینائی مجھے دھوکہ دے
یہ جو شبنم ہے شرارہ بھی تو ہو سکتا ہے
(احمد خیال)

 

[شمشاد]

کچھ غم جاناں کچھ غم دوراں دونوں میری ذات کے نام
ایک غزل منسوب ہے اس سے ایک غزل حالات کے نام
(ملک زادہ منظور احمد)

 

[شمشاد]

خدا کے واسطے اس کو نہ ٹوکو
یہی اک شہر میں قاتل رہا ہے
(مظہر مرزا جان جاناں)

 

[محمل ابراہیم]

مجھ کو گلشن میں کھلے پھول سے کچھ لاگ نہیں
میں ہوں اُس گل کی فدائی جسے خود رو پایا

سحؔر

 

[محمل ابراہیم]

زیست اپنا وقار مانگتی ہے
گوہر آب دار مانگتی ہے
کون وہ خوش نصیب ہے کہ جسے
زندگی بار بار مانگتی ہے

سحؔر

 

[شمشاد]

وہ میرے خواب لے کے سرہانے کھڑا رہا
میں سو رہی تھی اس نے جگایا نہیں مجھے
(آصفہ نشاط)

 

[محمل ابراہیم]

ہم ریت کے ذرات پہ بکھرا ہوا زر ہیں
روشن ہے جہاں ہم سے کہ ہم شمس و قمر ہیں

سحؔر

 

[شمشاد]

بعض چہرے بہت حسین سہی
پھر بھی کتنوں سے دوستی کی جائے
(آصفہ نشاط)

 

[سیما علی]

اے دوست ہم نے ترک محبت کے باوجود
محسوس کی ہے تیری ضرورت کبھی کبھی

 

[شمشاد]

عذر آنے میں بھی ہے اور بلاتے بھی نہیں
باعث ترک ملاقات بتاتے بھی نہیں
(داغؔ دہلوی)

 

[سیما علی]

کیا لکھا تھا سر محضر جسے پہچانتے ہی
پاس بیٹھا ہوا ہر دوست بہانے سے اٹھا

پروین شاکر