خوبصورت ٹائپوگرافی

سعادت

تکنیکی معاون
تقریباً نو سال پہلے کی بات ہے: میرے فِیڈ رِیڈر میں مشہور بلاگ، آئی لَو ٹائپوگرافی، کی ایک پوسٹ ظاہر ہوئی۔ وہ پوسٹ ایک نئے ٹائپ‌فیس، کیلونا، کے بارے میں تھی، جو مجھے بہت پسند آیا۔ اس کا ریگولر وزن مفت دستیاب تھا (اور ہے)، تو فوراً ڈاؤنلوڈ بھی کر لیا، اور کئی دنوں تک اس کے ساتھ کھیلتا رہا۔ (دو سال بعد جب میری شادی ہوئی تو دعوت ناموں کے ڈیزائن میں اِسی ٹائپ‌فیس کو استعمال کیا تھا۔ :) )

اُس بلاگ پوسٹ کے آخر میں کیلونا کے پی‌ڈی‌ایف نمونے کا ربط بھی موجود تھا، اور جب اسے کھول کر دیکھا تو حیران بھی ہوا اور متاثر بھی۔ خصوصاً اس نمونے میں موجود چارلس ڈکنز کی نظم، The Ivy Green، کی یہ سادہ لیکن خوبصورت ٹائپ‌سیٹنگ بہت پسند آئی:

28846157157_86967cb686_o.png

اس لڑی کا مقصد یہ ہے کہ ٹائپوگرافی کے خوبصورت اور دلچسپ نمونے آپ سب کے ساتھ شیئر کیے جائیں۔ میں اپنی کلیکشن میں سے مختلف چیزیں یہاں پوسٹ کرتا رہوں گا۔ آپ بھی حصہ لیجیے: ہو سکتا ہے کہ کیلونا کی طرح کسی اور ٹائپ‌فیس کے نمونے میں کوئی چیز آپ کو اچھی لگی ہو، یا کسی کتاب کی ٹائپ‌سیٹنگ آپ کو پسند آئی ہو، یا کسی پوسٹر میں فونٹس کے تخلیقی استعمال نے آپ کو متاثر کیا ہو۔ سکرپٹ اور زبان کی کوئی قید نہیں، بس ٹائپوگرافی ہونی چاہیے۔ :)
 

سعادت

تکنیکی معاون
ڈیکوٹائپ نستعلیق۔ ذیل میں وہ شاندار نمونہ ہے جس نے 2009 میں ATypI کے Letter.2 مقابلے میں ڈیکوٹائپ نستعلیق کے لیے انعام جیتا تھا۔

اس نمونے کا صحیح لطف اٹھانے کے لیے ڈیکو‌ٹائپ کی ویب‌سائٹ سے اس کی پی‌ڈی‌ایف فائل ڈاؤنلوڈ کیجیے اور پھر زُوم اِن کر کے تفصیلات کا جائزہ لیجیے۔ :)

43752092542_6053ddfc99_o.png
 

محمد وارث

لائبریرین
(دو سال بعد جب میری شادی ہوئی تو دعوت ناموں کے ڈیزائن میں اِسی ٹائپ‌فیس کو استعمال کیا تھا۔ :) )
واقعی یہ انتہائی خوبصورت فانٹ ہے اور آپ نے بالکل صحیح موقعے کے لیے اس کا انتخاب کیا۔ مجھے اتنا اچھا لگ رہا ہے کہ میں بھی اس کو استعمال کرنے کے بارے میں سوچ رہا ہوں، لیکن میرا رسک "ذرا" زیادہ ہے! :)
 

سعادت

تکنیکی معاون

شکیب

محفلین
یہ تو نیا فانٹ ہے. اب تک اردو کے کتنے فانٹس کرننگ کی سپورٹ کے ساتھ موجود ہیں؟ اور کیا ان فانٹس کو ویب امبیڈنگ میں استعمال کیا جا سکتا ہے؟
ڈیکوٹائپ نستعلیق۔ ذیل میں وہ شاندار نمونہ ہے جس نے 2009 میں ATypI کے Letter.2 مقابلے میں ڈیکوٹائپ نستعلیق کے لیے انعام جیتا تھا۔

اس نمونے کا صحیح لطف اٹھانے کے لیے ڈیکو‌ٹائپ کی ویب‌سائٹ سے اس کی پی‌ڈی‌ایف فائل ڈاؤنلوڈ کیجیے اور پھر زُوم اِن کر کے تفصیلات کا جائزہ لیجیے۔ :)

43752092542_6053ddfc99_o.png
 

سعادت

تکنیکی معاون
یہ تو نیا فانٹ ہے. اب تک اردو کے کتنے فانٹس کرننگ کی سپورٹ کے ساتھ موجود ہیں؟ اور کیا ان فانٹس کو ویب امبیڈنگ میں استعمال کیا جا سکتا ہے؟
یہ ڈیکوٹائپ کے فونٹس ہیں جو ڈیکوٹائپ ہی کے پروپرائٹری انجن، ACE، پر چلتے ہیں۔ اڈوب اِن‌ڈیزائن کے لیے ایک پلگ‌اِن، تصمیم، دستیاب ہے جس کے ذریعے ڈیکوٹائپ کے فونٹس کو اِن‌ڈیزائن میں استعمال کیا جا سکتا ہے؛ اس پلگ‌اِن کے علاوہ میرے علم میں ایسا کوئی سوفٹویئر (بشمول ویب براؤزرز) نہیں ہے جس میں ACE کی سپّورٹ موجود ہو۔
 

نبیل

تکنیکی معاون
یہ ڈیکوٹائپ کے فونٹس ہیں جو ڈیکوٹائپ ہی کے پروپرائٹری انجن، ACE، پر چلتے ہیں۔ اڈوب اِن‌ڈیزائن کے لیے ایک پلگ‌اِن، تصمیم، دستیاب ہے جس کے ذریعے ڈیکوٹائپ کے فونٹس کو اِن‌ڈیزائن میں استعمال کیا جا سکتا ہے؛ اس پلگ‌اِن کے علاوہ میرے علم میں ایسا کوئی سوفٹویئر (بشمول ویب براؤزرز) نہیں ہے جس میں ACE کی سپّورٹ موجود ہو۔

اس سوفٹویر پیکج کی قیمت کیا ہے انڈیزائن سمیت؟
اور کیا اس بارے میں معلومات مل سکتی ہیں کہ آیا کوئی پبلشنگ یا پرنٹنگ کمپنی اس سوفٹویر کا استعمال کر رہی ہے؟
 

سعادت

تکنیکی معاون
اس سوفٹویر پیکج کی قیمت کیا ہے انڈیزائن سمیت؟
قیمت تو اچھی خاصی ہے۔ :)

اڈوب کی ایپس سبسکرپشن ماڈل پر منتقل ہو چکی ہیں: کوئی بھی اکلوتی ایپ 20.99 ڈالرز ماہانہ، جبکہ تمام ایپس 52.99 ڈالرز ماہانہ۔ مزید پلانز بھی دستیاب ہیں۔

تصمیم بھی سال کی سبسکرپشن کے تحت دستیاب ہے: ایجوکیشن پلان کی قیمت 199.50 ڈالرز سالانہ، جبکہ فُل پلان کی قیمت 399 ڈالرز سالانہ۔

اور کیا اس بارے میں معلومات مل سکتی ہیں کہ آیا کوئی پبلشنگ یا پرنٹنگ کمپنی اس سوفٹویر کا استعمال کر رہی ہے؟
پاکستانی پبلشرز کے بارے میں تو علم نہیں، البتہ کئی مغربی پبلشرز تصمیم کو استعمال کرتے ہیں۔ ڈیکوٹائپ کی ویب‌سائٹ پر Sample Tasmeem projects کے ذیل میں KIT پبلشرز (ایمسٹرڈیم)، میج پبلشرز (واشنگٹن)، Archetype پبلیکیشنز (کیمبرج)، اور Kunstkamera میوزیم (روس) کے نام درج ہیں۔ (وہاں موجود روابط فیس‌بُک گیلریز کے ہیں جہاں ان پراجیکٹس میں تصمیم اور ڈیکوٹائپ فونٹس کے استعمال کو دیکھا جا سکتا ہے؛ حسبِ توقع شاندار ٹائپوگرافی ہے۔)

سکالرلی پبلشنگ کے مشہور ادارے، برل (Brill)، نے بھی اپنی کئی مطبوعات میں تصمیم کو استعمال کیا ہے۔ اس بارے میں ٹائٹس نیمتھ کی ویب‌سائٹ پر یہ صفحہ دیکھیے (تفصیلات پڑھنے کے لیے ’+‘ کے نشان پر کلک کیجیے گا)۔
 

طمیم

محفلین
مریم سافٹ ویئر والوں نے بھی مختلف فونٹس تیار کئے ہوئے ہیں ۔ ویب سائٹ سے چند نمونے پیش خدمت ہیں ۔ ان فونٹس کو قلم برتر پروگرام کے ذریعہ استعمال میں لایا جاسکتا ہے ۔ یعنی قلم برتر پروگرام بھی خریدنا پڑتا ہے اور اس کے بعد مطلوبہ فونٹ بھی اوریہ فونٹ آپ کے پروگرام کے ساتھ ہی چلتا ہے۔
احمد گرافکس کی ویب سائٹ سے معلومات ذیل میں درج ہیں۔
چاہے آپ ڈیزائنرہوں یا پبلشر یا آپ بہت زیادہ اردو، عربی یا فارسی زبانوں میں کام کر رہے ہو، آپ کا پسندیدہ سافٹ وئیر یہی ہے۔ قلم برتر منفرد تکنیکوں کو استعمال کرتے ہوئےآپ کے متن کو سب سے خوبصورت شکل میں پیش کرتا ہے۔

عام فانٹ استعمال کرنے کے بجائے، آپ کو اعلی فانٹ استعمال کرنا چاہئے اور اپنی اشاعتوں کو حیرت انگیز حد تک بہترین کرنا چاہئے۔ اس کے علاوہ، اس کے ٹول آپ کو ایسی سہولیات فراہم کرتے ہیں جن سے آپ اپنی اشاعتوں کو اپنی مرضی کے مطابق تبدیل کر سکتے ہیں۔

ان فونٹس کی کچھ خصوصیات درج ذیل ہیں:

واضح اور بہتر آؤٹ لائن حروف
حروف اور الفاظ کے درمیان صحیح وقفہ
واضح اور مکمل اعراب
تمام فارسی، عربی، اردو اور کردش زبانوں کی سپورٹ
صلی اللہ علیہ وسلم، رضی اللہ عنہ اور دیگر اسلامی سمبلز کے آسان اندراج کی سہولت
مناسب لاطینی خطوط
کم جگہ پر زیادہ الفاظ، کاغذ کی بچت
عمدہ ٹائپو گرافی
مختلف اور فعال فونٹس
خطاطی اور قرآن کریم کے فونٹس
ونڈوز اور میک ورژن
سپورٹ: مائیکرو سافٹ آفس، ان ڈیزائن، السٹریٹر، فوٹوشاپ

wm_Shekasteh-96-TBN-400x70.png



Mirza-Jali01-02.png



Mirza-thumbnail%20FontShop.png


Mirza-thumbnail-Packag.png
 
مریم سافٹ ویئر والوں نے بھی مختلف فونٹس تیار کئے ہوئے ہیں ۔ ویب سائٹ سے چند نمونے پیش خدمت ہیں ۔ ان فونٹس کو قلم برتر پروگرام کے ذریعہ استعمال میں لایا جاسکتا ہے ۔ یعنی قلم برتر پروگرام بھی خریدنا پڑتا ہے اور اس کے بعد مطلوبہ فونٹ بھی اوریہ فونٹ آپ کے پروگرام کے ساتھ ہی چلتا ہے۔
احمد گرافکس کی ویب سائٹ سے معلومات ذیل میں درج ہیں۔
چاہے آپ ڈیزائنرہوں یا پبلشر یا آپ بہت زیادہ اردو، عربی یا فارسی زبانوں میں کام کر رہے ہو، آپ کا پسندیدہ سافٹ وئیر یہی ہے۔ قلم برتر منفرد تکنیکوں کو استعمال کرتے ہوئےآپ کے متن کو سب سے خوبصورت شکل میں پیش کرتا ہے۔

عام فانٹ استعمال کرنے کے بجائے، آپ کو اعلی فانٹ استعمال کرنا چاہئے اور اپنی اشاعتوں کو حیرت انگیز حد تک بہترین کرنا چاہئے۔ اس کے علاوہ، اس کے ٹول آپ کو ایسی سہولیات فراہم کرتے ہیں جن سے آپ اپنی اشاعتوں کو اپنی مرضی کے مطابق تبدیل کر سکتے ہیں۔

ان فونٹس کی کچھ خصوصیات درج ذیل ہیں:

واضح اور بہتر آؤٹ لائن حروف
حروف اور الفاظ کے درمیان صحیح وقفہ
واضح اور مکمل اعراب
تمام فارسی، عربی، اردو اور کردش زبانوں کی سپورٹ
صلی اللہ علیہ وسلم، رضی اللہ عنہ اور دیگر اسلامی سمبلز کے آسان اندراج کی سہولت
مناسب لاطینی خطوط
کم جگہ پر زیادہ الفاظ، کاغذ کی بچت
عمدہ ٹائپو گرافی
مختلف اور فعال فونٹس
خطاطی اور قرآن کریم کے فونٹس
ونڈوز اور میک ورژن
سپورٹ: مائیکرو سافٹ آفس، ان ڈیزائن، السٹریٹر، فوٹوشاپ

wm_Shekasteh-96-TBN-400x70.png



Mirza-Jali01-02.png



Mirza-thumbnail%20FontShop.png


Mirza-thumbnail-Packag.png
ان فونٹس اور قلم برتر کی کیا قیمت رکھی گئی ہے؟
 

سعادت

تکنیکی معاون
آجکل تو ٹائپ‌فیسز اور فونٹس کے نمونے ویب‌سائٹس اور پی‌ڈی‌ایف فائلز میں مل جاتے ہیں۔ دھاتی ٹائپ کے زمانے میں فونٹ فونڈریز (foundries) اپنے فونٹس کے لیے ضخیم کیٹلاگز تیار کیا کرتی تھیں۔ ان کیٹلاگز میں فونٹس کے نمونے تو ہوتے ہی تھے، ٹائپوگرافِک آرٹ کی بھی خوبصورت مثالیں موجود ہوتی تھیں۔

ان کیٹلاگز کی ایک مثال Specimen book and catalogue, 1923: dedicated to the typographic art ہے، جسے امیریکن ٹائپ فاؤنڈرز کمپنی (اے‌ٹی‌ایف) نے شائع کیا تھا۔ یہ پورا کیٹلاگ (اور اے‌ٹی‌ایف کے دیگر کیٹلاگز بھی) اس وقت پبلک ڈومین میں ہے اور دیے گئے ربط پر دیکھا جا سکتا ہے۔ ذیل میں اس کیٹلاگ کا ٹائٹل صفحہ ملاحظہ کیجیے:

42913042395_a2754020f5_o.jpg
 

سعادت

تکنیکی معاون
اسی کیٹلاگ کا ایک اور صفحہ، جس میں ’اے‌ٹی‌ایف گیرامانڈ‘ کی نمائش کی گئی ہے۔ اس نمونے میں بالخصوص swashes (اٹالِک الفاظ کے پہلے uppercase حروف) کو دیکھیے۔

42913201185_bab5985c03_o.jpg
 

سعادت

تکنیکی معاون
شادی کارڈ کو بطور ٹیمپلیٹ افادہ عام کے لیے پیش کر دیں تو ہر ایسی خانہ آبادی کا ثواب آپ کو بھی ملے گا۔ :)

دیکھتا ہوں، شاید اس کا سورس کسی پرانی ہارڈ ڈِسک میں محفوظ ہو۔ :)
وہ سورس تو ابھی نہیں ملا، لیکن اے‌ٹی‌ایف کے 1923 کے کیٹلاگ میں سے ’اے‌ٹی‌ایف ٹائپو سکرپٹ‘ میں لکھا گیا یہ دعوت نامہ ملاحظہ کیجیے: :)

29947415578_a08563229f_o.jpg
 

سعادت

تکنیکی معاون
With Our Own Hands/با دستانِ خود/Бо Дастони Худسلسلۂ کوہِ پامیر میں رہنے والے افراد کے کھانوں، ثقافت، اور زندگی پر مبنی ایک کتاب ہے۔ جیسا کہ اس کے نام سے ظاہر ہے، یہ تین زبانوں (انگریزی، دری، اور تاجک) میں لکھی گئی ہے؛ اور دری زبان کے لیے ڈیکوٹائپ کے فونٹس (ڈیکوٹائپ نستعلیق پریس، اور غالباً ڈیکوٹائپ نسخ) استعمال کیے گئے ہیں۔ کتاب کی ٹائپوگرافی غضب کی ہے اور اس کے عمومی ڈیزائن کی خوبصورتی کی تعریف کئی جگہوں پر پڑھ چکا ہوں۔ کتاب کے پبلشرز نے اس کے کچھ صفحات آنلائن بھی دستیاب کر رکھے ہیں، سو ان میں سے کچھ میرے پسندیدہ پیش ہیں:

43769452392_7bcc0da2cc_o.jpg
 
آخری تدوین:
Top