فارسی شاعری بر تربتِ خواہر - نعیم فراشری (شاعرِ ملیِ البانیہ)

[حسان خان]

البانیہ کے قومی شاعر نعیم فراشری اپنی مادری زبان البانوی کے علاوہ فارسی زبان کے بھی شاعر تھے اور اُن کا سب سے پہلا شعری مجموعہ 'تخیلات' کے نام سے فارسی ہی میں استانبول سے شائع ہوا تھا۔ اُن کی ایک فارسی نظم اردو ترجمے کے ساتھ پیشِ خدمت ہے:

(بر تربتِ خواهر)
نزدِ گورت باز می‌آیم کنون
با دلِ بیمار و بیزار و زبون
از تو اینجا می‌نیابم یادگار
ای دریغا! جز بدین خاکِ مزار
لیک از هجر و فراقِ هشت سال
می‌شمارم این زیارت را وصال!
بعد از آن کز تو شدم مهجور و دور
گشته بودم دور نیز از خاکِ گور
می‌شناسی خواهرا! من کیستم؟
من ترا آخر برادر نیستم؟
چونکه از هجرت دلم گشتست زار
آمدم بهرِ تسلی بر مزار!
آه اگر لفظی ز تو بشنیدمی!
مر ترا گر بارِ دیگر دیدمی!
نیست آواه! رسم و راهی در جهان
در میانِ مردگان و زندگان!
اندرونم آتش است از اشتیاق
از غم و اندوه و اکدارِ فراق
پرِ جان از مرگ خواهم، تا پرم
تا بیایم نزدِ تو، ای خواهرم!
تا بیابم مر ترا اندر سما
در میانِ نور، نزدیکِ خدا
(نعیم فراشری)
۱۲۹۶ هجری
​

ترجمہ: (بہن کی قبر پر) میں بیمار، بیزار اور زبوں دل کے ساتھ اب دوبارہ تمہاری قبر کے پاس آ رہا ہوں۔۔۔ افسوس! اس خاکِ مزار کے سوا یہاں تمہاری کوئی یادگار نہیں پاتا۔۔۔ لیکن پھر بھی آٹھ سال کے ہجر و فراق کے بعد میں اس زیارت کو وصال کی طرح شمار کر رہا ہوں۔۔۔ تم سے جدا اور دور ہونے کے بعد میں تمہاری قبر کی خاک سے بھی دور ہو گیا تھا۔۔۔ اے بہن! پہچانتی ہو میں کون ہوں؟ آخر میں تمہارا بھائی نہیں ہوں؟ چونکہ تمہارے ہجر سے میرا دل بدحال ہو گیا ہے اس لیے تمہارے مزار پر تسلی کے لیے آیا ہوں۔۔۔ آہ اگر ایک لفظ تم سے سن پاتا! آہ اگر تمہیں ایک بار پھر دیکھ پاتا!۔۔۔ افسوس! اس جہاں میں مُردوں اور زندوں کے بیچ رسم و راہ نہیں ہوا کرتی۔۔۔ میرے اندر شوق، غم، اندوہ اور فراق کی تاریکی کے سبب آگ لگی ہوئی ہے۔۔۔ اے میری بہن! میں موت سے زندگی کے پر چاہتا ہوں، تاکہ اڑ کر تمہارے پاس آ سکوں، اور تمہیں آسمان میں خدا کے پاس اور نور کے درمیان دیکھ سکوں۔۔۔​

 

[mohsin ali razvi]

ترجمه اعلا از فارسی به اردو نموداید جناب حسان خان
مردمان گویند فارسی شکر است عامل این گوید اردو قند و عسل است
عامل شیرازی

 

[زبیر مرزا]

جزاک اللہ حسان -

 

[mohsin ali razvi]

یےجو اردو ھے زبان لشکر مثل قند ھے مثال امرت
عاملا لیکھ تو اردو میں کلامھو تو جائگی مثال اختر
عامل شیرازی

 

[محمد خلیل الرحمٰن]

نظم اس قدر خوبصورت اور دل کو چھوجانے والی تھی،بھائی حسان خان آپ کا ترجمہ اس طور دلکش اور سادہ تھا کہ دل کے تار جھنجھنا اُٹھے۔ یہ ترجمہ آپ کی نذر ہے۔

استادِ محترم محمد وارث صاحب ، سید عاطف علی بھائی محمد ریحان قریشی بھائی سے خصوصی توجہ اور نظرِ ثانی کی درخواست کے ساتھ پیشِ خدمت ہے۔واضح رہے کہ ایک چھوٹی سی تبدیلی بھی کی ہے۔ اپنے میلانِ طبعی کے لحاظ سے ماں کے نام ترجمہ کیا ہے۔

ماں کی لحد پر
ترجمہ محمد خلیل الرحمٰن

قبر پر تیری میں لوٹ آیا تو ہوں
با دلِ بیمار اور خوار و زبوں

میں یہاں پاتا نہیں کچھ یادگار
اے مری ماں! جُز تری خاکِ مزار

گرچہ دوری کے یہ گُزرے آٹھ سال
اس زیارت کو میں گنتا ہوں وصال

دور اور مہجور تجھ سے جوں ہوا
دور اِس خاکِ لحد سے بھی رہا

مجھ کو تو پہچانتی ہے ناں ! مری
میں ترا بیٹا ہوں آخر ماں مری!

دِل شکستہ ہجر میں تیرے ہوا
اور تسلی کے لیے یاں آگیا

آہ ! گر اک لفظ ہی تمُ سے سنوں
ایک پل کے واسطے ہی دیکھ لوں

اِس جہاں میں رسم و راہِ دل کہاں
مردگاں اور زندگاں کے درمیاں

میرے اندر جل رہا ہے اشتیاق
اک غم و اندوہ کی صورت فراق

کاش! پر لگ جائیں مجھ کو اور اُڑوں
تُم سے ملنے کے لیے میں آسکوں

اور تُم سے مل سکوں میں اک ذرا
درمیانِ نور، نزدیکِ خدا
۔۔۔۔۔

​

 

[محمد تابش صدیقی]

بہت عمدہ ترجمہ خلیل بھائی.
لاجواب

مجھ کو تو پہچانتی ہے ناں ! مری

بس یہ ناں کچھ سمجھ نہیں آ رہا.

 

[حسان خان]

منظوم ترجمہ بہت خوب ہے، کوئی شک نہیں۔

مجھ کو تو پہچانتی ہے ناں ! مری
میں ترا بیٹا ہوں آخر ماں مری!

اگر اِس بیت کے مصرعِ اول پر نظرِ ثانی ہو جائے تو ترجمہ مزید خوب ہو جائے گا۔ مجھے یہاں 'مری' بے جا معلوم ہو رہا ہے۔

 

[حسان خان]

البانیہ کے ایک نقدی ورق پر نعیم فراشری کی تصویر:

ایران نے بھی نعیم فراشری کی یاد میں ایک یادگاری ٹکٹ جاری کیا تھا:

 

[حسان خان]

نعیم فراشری کی سب سے پہلی کتاب کا نام 'قواعدِ فارسیه بر طرزِ نوین' (تُرکی) تھا، جو ۱۸۷۱ء میں استانبول سے شائع ہوئی تھی۔
اّن کا فارسی شعری مجموعہ 'تخیّلات' ۱۸۸۴ء میں شائع ہوا تھا۔

 

[سیدہ شگفتہ]

از تو اینجا می نیابم یادگار
ای دریغا! جز بدیں خاکِ مزار

پرِ جاں از مرگ خواھم تا پرم
تا بیایم نزدِ تو، ای خواھرم!

 

[سیدہ شگفتہ]

نظم اس قدر خوبصورت اور دل کو چھوجانے والی تھی،بھائی حسان خان آپ کا ترجمہ اس طور دلکش اور سادہ تھا کہ دل کے تار جھنجھنا اُٹھے۔ یہ ترجمہ آپ کی نذر ہے۔

استادِ محترم محمد وارث صاحب ، سید عاطف علی بھائی محمد ریحان قریشی بھائی سے خصوصی توجہ اور نظرِ ثانی کی درخواست کے ساتھ پیشِ خدمت ہے۔واضح رہے کہ ایک چھوٹی سی تبدیلی بھی کی ہے۔ اپنے میلانِ طبعی کے لحاظ سے ماں کے نام ترجمہ کیا ہے۔

ماں کی لحد پر
ترجمہ محمد خلیل الرحمٰن

قبر پر تیری میں لوٹ آیا تو ہوں
با دلِ بیمار اور خوار و زبوں

میں یہاں پاتا نہیں کچھ یادگار
اے مری ماں! جُز تری خاکِ مزار

گرچہ دوری کے یہ گُزرے آٹھ سال
اس زیارت کو میں گنتا ہوں وصال

دور اور مہجور تجھ سے جوں ہوا
دور اِس خاکِ لحد سے بھی رہا

مجھ کو تو پہچانتی ہے ناں ! مری
میں ترا بیٹا ہوں آخر ماں مری!

دِل شکستہ ہجر میں تیرے ہوا
اور تسلی کے لیے یاں آگیا

آہ ! گر اک لفظ ہی تمُ سے سنوں
ایک پل کے واسطے ہی دیکھ لوں

اِس جہاں میں رسم و راہِ دل کہاں
مردگاں اور زندگاں کے درمیاں

میرے اندر جل رہا ہے اشتیاق
اک غم و اندوہ کی صورت فراق

کاش! پر لگ جائیں مجھ کو اور اُڑوں
تُم سے ملنے کے لیے میں آسکوں

اور تُم سے مل سکوں میں اک ذرا
درمیانِ نور، نزدیکِ خدا
۔۔۔۔۔
​

بہت عمدہ!

 

[سیدہ شگفتہ]

نعیم فراشری کی سب سے پہلی کتاب کا نام 'قواعدِ فارسیه در طرزِ نوین' (تُرکی) تھا، جو ۱۸۷۱ء میں استانبول سے شائع ہوئی تھی۔
۔

کیا یہ دستیاب ہے؟

 

[حسان خان]

کیا یہ دستیاب ہے؟

فی الحال تو نہیں۔

 

[امجد علی راجا]

نظم اس قدر خوبصورت اور دل کو چھوجانے والی تھی،بھائی حسان خان آپ کا ترجمہ اس طور دلکش اور سادہ تھا کہ دل کے تار جھنجھنا اُٹھے۔ یہ ترجمہ آپ کی نذر ہے۔

استادِ محترم محمد وارث صاحب ، سید عاطف علی بھائی محمد ریحان قریشی بھائی سے خصوصی توجہ اور نظرِ ثانی کی درخواست کے ساتھ پیشِ خدمت ہے۔واضح رہے کہ ایک چھوٹی سی تبدیلی بھی کی ہے۔ اپنے میلانِ طبعی کے لحاظ سے ماں کے نام ترجمہ کیا ہے۔

ماں کی لحد پر
ترجمہ محمد خلیل الرحمٰن

قبر پر تیری میں لوٹ آیا تو ہوں
با دلِ بیمار اور خوار و زبوں

میں یہاں پاتا نہیں کچھ یادگار
اے مری ماں! جُز تری خاکِ مزار

گرچہ دوری کے یہ گُزرے آٹھ سال
اس زیارت کو میں گنتا ہوں وصال

دور اور مہجور تجھ سے جوں ہوا
دور اِس خاکِ لحد سے بھی رہا

مجھ کو تو پہچانتی ہے ناں ! مری
میں ترا بیٹا ہوں آخر ماں مری!

دِل شکستہ ہجر میں تیرے ہوا
اور تسلی کے لیے یاں آگیا

آہ ! گر اک لفظ ہی تمُ سے سنوں
ایک پل کے واسطے ہی دیکھ لوں

اِس جہاں میں رسم و راہِ دل کہاں
مردگاں اور زندگاں کے درمیاں

میرے اندر جل رہا ہے اشتیاق
اک غم و اندوہ کی صورت فراق

کاش! پر لگ جائیں مجھ کو اور اُڑوں
تُم سے ملنے کے لیے میں آسکوں

اور تُم سے مل سکوں میں اک ذرا
درمیانِ نور، نزدیکِ خدا
۔۔۔۔۔

​

واہ واہ واہ سبحان اللہ۔
بہت عمدہ خلیل الرحمن بھیا، سلامت رہیں۔ ماں سے محبت اور عقیدت کا بھرپور اظہار۔

 

[ظہیراحمدظہیر]

بہت خوب خلیل بھائی ! اچھا ترجمہ کیا ہے ، معنوی طور پر آزاد لیکن ہیئتی اعتبار سے منظوم !
آپ کے حسبِ حکم ایک دو تجاویز پیش کرتا ہوں ۔ شاید آ پ کو بہتر لگیں ۔

گرچہ دوری کے یہ گُزرے آٹھ سال
اس زیارت کو میں گنتا ہوں وصال

ملاقات کے لئے وصال کا لفظ یہاں دو اعتبار سے مناسب نہیں لگ رہا ۔ ایک تو یہ کہ زیارتِ قبر کے لئے آئے ہیں ۔ دوسرے یہ کہ وصال کا لفظ اردو شاعری میں محبوبہ کے لئے تقریبا مختص ہوچکا ہے ۔ سو یہاں اس سے پرہیز کریں ۔

دور اور مہجور تجھ سے جوں ہوا
دور اِس خاکِ لحد سے بھی رہا

جوں کو جب سے بدل دیجئے ۔

مجھ کو تو پہچانتی ہے ناں ! مری
میں ترا بیٹا ہوں آخر ماں مری!

’’ماں مری‘‘ صوتی اعتبار سے ٹھیک نہیں لگ رہا ۔ اس میں تعقید کا امکان ہے ۔ ایک تجویز جو فی البدیہہ ذہن میں آئی ہے: کیوں نہیں پہچانے گی تو مجھ کو ہاں ۔۔۔ میں ترا بیٹا ہوں آخر میری ماں

اِس جہاں میں رسم و راہِ دل کہاں
مردگاں اور زندگاں کے درمیاں

دوسرا مصرع ڈھیلا سا ہے ۔ ایک تجویز: حیف ! ممکن راہ و رسمِ دل کہاں ۔۔۔ اِس جہاں اور اُس جہاں کے درمیاں

کاش! پر لگ جائیں مجھ کو اور اُڑوں
تُم سے ملنے کے لیے میں آسکوں

یوں دیکھئے: کاش ! پر لگ جائیں مجھ کو اور اُڑوں ۔۔۔ تجھ سے ملنے آسماں تک جا سکوں

خلیل بھائی ، جلدی میں ہوں ۔ قلم برداشتہ لکھا ہے ۔ کوئی گستاخی ہوگئی ہو تو درگزر سے کام لیجئے گا ۔ اللہ آپ کو سلامت رکھے !
نیاز مند
ظہیر

 

[سید عاطف علی]

آخر کے چند اشعار میں تم سے کو تجھ سے کر دیا جائے کہ مختصر نظم ہےاور تقریبا مسلسل خطاب ہی کا سلوب نمایاں ہے سو آغازوالا اسلوب ہی چلے۔

مجھ کو تو پہچانتی ہے ناں ! مری
میں ترا بیٹا ہوں آخر ماں مری!

یہاں ماں اور ناں کو مقفی کر نا کچھ تکلف لگ رہا ہے اس کی ضرورت نہیں اسے نظم کے مضمون کی کیفیت کےموافق ہی رکھیں مثلا" ۔
مجھ کو تو پہچانتی ہے ماں بتا!
میں ترابیٹاہوں ماں آخر بتا!

 

[حسان خان]

کیا یہ دستیاب ہے؟

یہ کتاب مل گئی۔
قواعدِ فارسیه بر طرزِ نوین

پس نوشت: یہ کتاب کا حصۂ اوّل ہے۔

 

[حسان خان]

البانیہ کے قومی شاعر محمد نعیم فراشری نے اپنی اوّلین کتاب 'قواعدِ فارسیه بر طرزِ نوین' (۱۸۷۱ء) کے مقدّمے میں فارسی زبان کو 'زبانِ شَکَرفشاں' کہا ہے:
"قواعد هر لسانڭ اناختاری و سهولتله تحصیلنڭ اعظم مداری اولوب بزجه اهمیتی مسلم اولان زبان شکرفشان فارسینڭ طرز نوین اوزره قیلقلوسی بولنمدیغندن ترتیبنه عاجزانه ابتدار قلندی."
"قواعد ہر زبان کی کلید اور اُس کی سہولت کے ساتھ تحصیل کا مدارِ اعظم ہوتے ہیں۔ چونکہ زبانِ شَکَرفشانِ فارسی، کہ جس کی اہمیّت ہماری نظر میں مُسلّم ہے، کے طرزِ نو پر مرتّب کردہ عملی قواعد موجود نہیں تھے، لہٰذا اُن کی ترتیب کی غرَض سے عاجزانہ تعجیل و کوشش کی گئی ہے۔"

 

[حسان خان]

اِعادہ