سراج الدین ظفر مجھ کو شراب دے انہیں آب حیات دے (سراج الدین ظفر )

یا رب سراب اہل ہوس سے نجات دے
مجھ کو شراب دے انہیں آب حیات دے

آ ہم بھی رقص شوق کریں رقص مل کے ساتھ
اے گردش زماں میرے ہاتھوں میں ہات دے

اپناسبو بھی آئنہ جم سے کم نہیں
رکھیں جو رو بہ رو خبر شش جہات دے

اے دست راز مرکب دوراں ہے سست رو
لا میرے ہاتھ میں رسن کائنات دے

کچھ تو کھلے کہ کیا ہے پس پردۂ حیات
کوئی پتا تو آئنہ حسن ِذات دے

اے دوست اس زمان و مکاں کے عذاب میں
دشمن ہے جو کسی کو دعائے حیات دے


اٹھ رہ گزر سے اے در مے خانہ کے گدا
مسند پہ بیٹھ فیصلۂ کائنات دے

اس موجۂ سرور کی ہے آرزو ظفرؔ
جو طبع کو روانیٔ نیل و فرات دے​
 

طارق شاہ

محفلین
غزل
سِراج الدین ظفؔر

یا رب سرابِ اہلِ ہَوَس سے نِجات دے
مجھ کو شراب دے اُنھیں آب ِحیات دے

آ ہم بھی رقصِ شوق کریں، رقصِ مُل کے ساتھ
اے گردشِ زماں ! مِرےہاتھوں میں ہات دے

اپناسبُو بھی آئنۂ جم سے کم نہیں
رکّھیں جو رُو بہ رُو خبرِشش جہات دے

اے دست راز! مرکَبِ دَوراں ہے سُست رَو
لا میرے ہاتھ میں رَسَنِ کائنات دے

کُچھ تو کُھلے ، کہ کیا ہے پَسِ پردۂ حیات
کوئی پتا تو ،آئنۂ حُسن ِذات دے

اے دوست! اِس زمان و مکاں کے عذاب میں
دُشمن ہے، جو کسی کو دُعائے حیات دے

اُٹھ رہ گُزر سے اے دَر ِ میخانہ کے گدا
مسند پہ بیٹھ، فیصلۂ کائنات دے

اُس موجۂ سرُور کی ہے آرزُو، ظفرؔ
جو طبع کو روانیِ نِیل و فرات دے

سراج الدین ظفرؔ


بہت اچھی غزل، تشکّر شیئر کرنے پر :)
 
Top