غدیر زھرا

لائبریرین
جُتّی قصُوری

جُتّی قصُوری پَیریں نہ پُوری
ہائے ربّا سانوں ٹُرنا پیا
جنہاں وَاٹاں دی مَیں سار نہ جاناں
اوہنیں واٹیں مینوں ٹُرنا پیا

باغ لوانی آں بغیچے لوانی آں
وِچ لوانی آن توریاں وے
نِکّا جیہا مُنڈا سانوں اکھّیاں مارے
نیونہہ نہ لگدا اے زوریاں دے


جُتّی قصُوری پَیریں نہ پُوری
ہائے ربّا سانوں ٹُرنا پیا

باغ لوانی آں بغیچے لوانی آں
وِچ لوانی آں بیریاں
کونتاں والیاں سیس گُنداون
کُھلیاں زُلفاں میریاں وے

جُتّی قصُوری پَیریں نہ پُوری
ہائے ربّا وے سانوں ٹُرنا پیا


—————

اُچّے بُرج لاہور دے

اُچیاں لمّیاں ٹاہلیاں وِچ گُجری دی پِینگھ وے ماہیا
پِینگھ جُھٹیندے دو جَنے وے عاشق تے معشوق وے ماہیا
پِینگھ سی پتلی عاشق سی بھارا ماجھے دی جٹی ملوک وے ماہیا
پِینگھ جُھٹیندے ڈھے پئے تے ہو گئے چکنا چُور وے ماہیا
سَسّی تے پُنّوں دونویں سُتے مُکھ تے لے کے رومال وے ماہیا
سَسّی جو پاسا موڑیا وے، پُنّوں تے ہے نہیں نال وے ماہیا
اُچے بُرج لَہور دے واری، ہیٹھ وَگے دریا وے ماہیا
مَل مَل نہاؤن کواریاں تے لے سجناں دا ناں وے ماہیا

—————
 
آخری تدوین:

غدیر زھرا

لائبریرین
اُچیاں لمّیاں ٹاہلیاں نی

اُچیاں لمّیاں ٹاہلیاں نی وِچ گُجری دی پِینگھ وے ماہیا
پِینگھ جُھٹیندے دو جَنے وے عاشق تے معشوق وے ماہیا
پِینگھ جُھٹیندے ڈِگ پئے تے ہو گئے چکنا چُور وے ماہیا
کوٹھے اُتّے کوٹھڑا نی، ہیٹھ وَگے دَریا وے ماہیا
مَیں پانی دی مچھلی تُوں بگلا بَن کے آ وے ماہیا
کوٹھے اُتے کھوٹھڑا نی کوٹھے سُک دی ریت وے ماہیا
مَیں گُندانی آں مِیڈھیاں کِسے بہانے ویکھ وے ماہیا
کوٹھے اُتے کوٹھڑا نی کوٹھے تے تنُور وے ماہیا
گِن گِن لاواں روٹیاں نی بَھر بَھر لاواں پُور وے ماہیا
سَسّ دے جائے کھا گئے میری امّاں جائے دُور وے ماہیا

—————
 

غدیر زھرا

لائبریرین
جھُوٹھا جوگی

ویہڑے تے سَاڈے ہری پھلاہی
موڑ گھوڑا چھَانویں بَہہ جائیے
چَھانویں دِی بَہہ گیا گلاں وِی کر گیا
جُھوٹھا جوگی سَانوں چَھل گیا ای

مُونہہ دیا مِٹھیا تے دِلاں دیا کھوٹیا
تیرے ڈیرے بندی آ رہی آوے

ویہڑے تے ساڈے کچّی کُھوہی
موڑ گھوڑا پانی پی لے وے
پانی وی پی گیا، گلاں وی کر گیا
جُھوٹھا جوگی سَانوں چَھل گیا ای

مُونہہ دیا مِٹھیّا تے دِل دیا کھوٹیا
تیرے باہجوں جِیا ڈولیا ای

ویہڑے تے ساڈے سیج وَچھائی
موڑ گھوڑا سیج بَیٹھئے وے
سیجے وی بَہہ گیا، گلاں وی کر گیا
جَھوٹھا جوگی سَانوں چَھل گیا ای

—————
 
آخری تدوین:

غدیر زھرا

لائبریرین
حال وے رَبّا

حال وے رَبّا لُٹی ہِیر دِلاں دی
حال وے رَبّا، ماری تیریاں غماں دی

سَسڑئیے، تیرے پنج پُتر دو دیور تے دو جیٹھ
جیہڑا میرے ہان دا اوہ گیا پَردیس
سَسڑئیے تیرے پنج پُتر، دو بھنگی دو شرابی
جیہڑا میرے ہان دا اوہ پُھل گُلابی

حال وے رَبّا، لُٹی ہِیر دِلاں دی
حال وے رَبّا، ماری تیریاں غماں دی

بابلا وَر اوہ کیہ ڈِٹھا کالا، کال کلوٹا
چڑھ کوٹھے مَیں ویکھاں دُوروں نھیرا ٹُریا آوے
کالا مَیں نہ بھاوے

بابلا وَر ایہہ کیہ ڈِٹھا مَدھرا مَدھرا مَیں نہ بھاوے
چڑھ کوٹھے مَیں ویکھن لگی کِھدو رِڑھدا آوے

حال وے رَبّا، لُٹی ہِیر دِلاں دی
حال وے رَبّا، ماری تیریاں غماں دی

—————
 
جتی قصوری جو سریندر کور نے گایا ہے ، اس میں شاید ایک دو بند اور بھی ہیں۔ سوہرے پنڈ دیاں لمیاں واٹاں اور پیراں دے وچ پے گئے چھالے وغیرہ
لاجواب شئیرنگ ہے:)
 

غدیر زھرا

لائبریرین
جتی قصوری جو سریندر کور نے گایا ہے ، اس میں شاید ایک دو بند اور بھی ہیں۔ سوہرے پنڈ دیاں لمیاں واٹاں اور پیراں دے وچ پے گئے چھالے وغیرہ
لاجواب شئیرنگ ہے:)
بہنا میں اگر گیت سن کر ٹائپ کرتی تو یوں ہی کرتی تمام بند شامل کرتی..سوریندر جی نے اسے بہت خوبصورتی سے گایا ہے بلکہ میرا ایک کیفیت نامہ بھی اسی پر تھا ایک ماہ پہلے :)

سوہرے پنڈ دیاں لمیاں واٹاں، بڑا پواڑا پے گیا
یکہ دا پاڑا کوئی نہ کیتا ماہیا پیدل لے گیا

لیکن میں یہ تمام گیت مقصود ناصر چودھری صاحب کی کتاب سے شامل کر رہی ہوں اور ان میں تبدیلی کرنے کے حق میں نہیں ہوں :)
بہت شکریہ :)
 
بہنا میں اگر گیت سن کر ٹائپ کرتی تو یوں ہی کرتی تمام بند شامل کرتی..سوریندر جی نے اسے بہت خوبصورتی سے گایا ہے :)
گائے ہوئے گانے جتی قصوری کی شہرت زیادہ ہے تو لامحالہ خیال اسی طرف جاتا ہے اور کمی بیشی پر بھی نظر پڑے گی
لیکن میں یہ تمام گیت مقصود ناصر چودھری صاحب کی کتاب سے شامل کر رہی ہوں اور ان میں تبدیلی کرنے کے حق میں نہیں ہوں :)
مناسب بات ہے۔ کتاب کا حوالہ شامل کر دیجیے
 

غدیر زھرا

لائبریرین
کاہنوں پوائیاں بیٹھکاں

کاہنُوں پوائیاں بیٹھکاں وے کاہنُوں رکھیا ای ویہڑا
تُوں ٹُر چلیوں نوکری وے ایتھے وَسّے گا کیہڑا

وَسّنے نُوں پائیاں بیٹھکاں گورئیے تیرے کَتنے نُوں ویہڑا
مَیں ٹُر چلیا نوکری گورئیے وِیر وَسوُ گا میرا

وِیر تیرا تے نوکرا وے، کیہ لگدا اے میرا
باہر تے کڈھوُ گا ٹبر نوں وے گل گُھٹو گا میرا
بُوہے تے ماراں گی جندرے وے پیکے لاواں گی ڈیرا
وِیراں دا ڈھوواں گی بَھتڑا وے مینوں رِزق بتھیرا
بھابھیاں دا کڈھوں کسیدڑا وے میرا قدر وَدھیرا
بَیٹھاں گی وچ سہیلیاں وے چَیتا بُھل جاؤ گا تیرا

پیکے وَسّن کوارِیاں نی پیکے کم کیہ تیرا
بَیٹھیں وِچ شریکے نی چَیتا آ جاؤُ گا میرا

—————
 

غدیر زھرا

لائبریرین
پُوڑے نُوں چِت کردا

پُوڑے نُوں چِت کرے تے آٹا گھولیا
آٹا گھولیا

جے پہلا پُوڑا پایا گوانڈھن پُچھدی
گوانڈھن پُچھدی

جے دُوجا پُوڑا پایا تاں سسّو جھاکدی
سَسّو جھاکدی

جے گوڈے ہیٹھ لکوواں تاں گوڈا سڑ گیا
گوڈا سڑ گیا

جے پِیڑھی ہیٹھ لکوواں تاں پِیڑھی سَسّ دی
پِیڑھی سَسّ دی

جے مَنجے ہیٹھ لکوواں تاں مَنجا جیٹھ دا
مَنجا جیٹھ دا

جے کوٹھی ہیٹھ لکوواں تاں چُوہے جھاکدے
چُوہے جھاکدے

جے پَوڑی لے کے چڑھی تاں ٹَمبا مُڑ گیا
ٹَمبا مُڑ گیا

جے کوٹھے لے کے چڑھی تاں اِلّاں بَھوندیاں
اِلّاں بَھوندیاں

جے لے چُبارے وَڑی تاں ماہی آ گیا
ماہی آ گیا

ہتھ وچ اَلھیاں چھمکاں تے سانُوں ماردا
سانُوں ماردا

سَسّو دے مَن وچ چا کہ نونہہ نُوں کُٹیا
نونہہ نُوں کُٹیا

مَر جاؤ پرائی دِھی جائیں گا پُٹیا!
جائیں گا پُٹیا!

—————
 

غدیر زھرا

لائبریرین

غدیر زھرا

لائبریرین
پَکھی گُھنگُھرواں والی

وے لَے دے پَکھی گُھنگُھرواں والی تے ٹِپ ٹِپ چووے مُڑھکا
اَگ سینے وِچ گرمی نے بالی تے ٹِپ ٹِپ چووے مُڑھکا
لوواں تَتّیاں سَڑے میرے انگ وے، پِھکا پَے گیا مُکھڑے دا رنگ وے
میریاں گلھاں توں اُڈ گئی لالی وے ٹِپ ٹِپ چووے مُڑھکا
کندھاں کوٹھیاں دا سیک پیا مارے دُکھ جِندڑی نوں زور و زوری کھاوے
کَمھلا گئی میری ترنجناں دی ڈالی وے ٹِپ ٹِپ چووے مُڑھکا
وے لے دے پَکھی گُھنگُھرواں والی تے ٹِپ ٹِپ چووے مُڑھکا

—————
 

غدیر زھرا

لائبریرین
اَنھی ہوئی راہ بُھل گئی

اَنّھی ہوئی راہ بُھل گئی سِدّھی سڑک مُربعّیاں نوں جاوے
داتری نُوں لَوا دے گُھنگُھرو ہاڑی وَڈھاں گی نال مَیں تیرے

کھٹنے نُوں گیا کھٹ کے لیاندے بٹیرے
پنچھی اُڈ گے سُنجے رہن گے چُبارے تیرے

کھٹنے نوں گیا کھٹ کے لیاندی تَکڑی
ماپیاں نے لاڈلی رکھی اگوں سَسّ بگھیاڑی ٹکری

—————
 
اے خورے بلش آن آلی لالی ہووے گی :پ
بلش آن ۔۔۔؟
ویسے تتّی لو پون نال جیہڑا مڑھکا اوندا اے اوہدے نال لالیاں کاں سب اڈ جاندے :پ
اچھااااااااا۔ :p
تے لالیاں ہوون نال جہیڑے لکھاں دے ہوش اڈدے، اودے بارے اچ کی فرماندے او:battingeyelashes:
 
Top