کعنان
محفلین
سر کے ان حصوں میں درد کا کیا مطلب ہوتا ہے؟ ہرگز معمولی نہ سمجھئے، جانئے اور بڑی مشکل سے بچیں
13 اکتوبر 2016
لندن (نیوزڈیسک) سر میں درد ہونے کی صورت میں گولی کھا کر اس سے چھٹکارا حاصل کر لیتے ہیں لیکن کچھ سر درد ایسے بھی ہوتے ہیں جن کو نہایت سنجیدگی سے لینا چاہیے کیونکہ یہ کسی بڑی بیماری کا پیش خیمہ ہو سکتے ہیں۔ ماہر نیورولوجسٹ ڈاکٹر ثاقب قریشی کا کہنا ہے کہ سر میں ہونے والے کچھ درد جو تصویر میں بتائے گئے ہیں کو سنجیدگی سے لیں اور فوری طور پر گولی کھانے کی بجائے دیگر چیزوں کو بھی چیک کریں۔ اس کا کہنا ہے کہ سردرد کی چار اقسام ایسی ہیں جو ہمارے جسم کے ساتھ منسلک ہوتی ہیں اوران کا علاج دوائی سے کرنے کی بجائے کچھ قدرتی طریقے اپنائیں۔
سائی نس سر درد
سائی نس ایک ایسا مرض ہوتا ہے جسمیں بلغم کی وجہ سے ناک بند ہو جاتی ہے اور ساتھ سر پر دباﺅ پڑتا ہے۔ اگر انفیکشن کی وجہ سے سائی نس تیز ہو جائے تو ہماری گالوں پر دباﺅ بڑھ جائے گا، آنکھ اور ماتھے میں درد ہو گا اور ساتھ بخار بھی تیز ہو جائے گا۔ ایسی صورت میں بہت زیادہ پانی پئیں اور کوشش کریں کہ نیم گرم پانی کا استعمال کیا جائے، پانی کے ساتھ وٹامن سی والی غذاﺅں کا استعمال کریں۔ ادرک ملا گرم سوپ بھی آپ کو بہت سکون دے گا۔ مالٹا، سبز چائے، لیموں اور امرود کا استعمال کریں۔ اس میں موجود انٹی آکسیڈینٹس کی وجہ سے انفیکشن کم ہو گی اور آپ کے درد میں کمی آئے گی۔
ذہنی تناﺅسے درد
یہ ایک بہت ہی عام پایا جاے والا درد ہے جس میں سر، گردن اور کنپٹیوںپر دباﺅ کی وجہ سے درد رہتا ہے۔ اس درد کی وجہ سے آنکھوں کے نیچے درد کے ساتھ قے بھی ہو جاتی ہے۔ ذہنی تناﺅ کی وجہ سے سر اور گردن میں درد رہنے لگتی ہے ۔ ایسی صورت میں آپ کو چاہیے ادرک والی چائے میں منٹ کے تیل کے چند قطرے ملائیں اور پی لیں۔ آپ چاہیں تو منٹ آئل کے چند قطرے ماتھے پر لگالیں، اس سے آپ کو کافی سکون ملے گا۔
کلسٹر سردرد
یہ درد زیادہ تر خواتین میں ایک آنکھ کے اوپر ہوتا ہے۔ یہ یکدم ہوتا ہے جس میں آنکھ کے اوپر شدید درد ہوتا ہے اور ساتھ ہی ناک بند ہو جاتا ہے یا ناک بہنے لگتا ہے۔ ایسی کریم جس میں capsaicin cayenne پایا جاتا ہے کو ناک کے پاس اور درد والی جگہ لگانے سے کافی ریلیف ملے گا۔
میگرین (آدھے سر کا درد)
آدھے سر کے درد کو میگرین کہا جاتا ہے اور یہ 25 سے 55 سال کے درمیان کے افراد میں ہو سکتا ہے۔ یہ عام سردرد سے بہت زیادہ خطرناک ہوتا ہے جس کی وجہ نیورومسائل بتائی جاتی ہے۔ ایک تہائی افراد میں یہ درد وقفے سے سر کے آدھے حصے میں ہوتی ہے۔ اس کے علاوہ جی متلانا، قے آنا، روشنی کی چبھن اور دیگر تکالیف بھی ہوتی ہیں۔ اس درد کا شکار ہونے والے کئی افراد کو وٹامن بی 12، میگنیشیم اور اومیگا تھری فیٹی ایسڈ سے کافی سکون ملتا ہے۔
ح
