محفل متراں دی

[یوسف سلطان]

لو 22 ایتھے تاں رونق لگی پیی آ

اسی اواں گ جی کیؤں نی جی

جی آیاں نوں

 

[توقیر عالم]

تسی ناں وی کرو تاں کیرا اسی آنا نئی

 

[یوسف سلطان]

غصے وچ نہ آیا کر
ٹھنڈا کرکے کھایا کر

دن تیرے وی پھر جان گے
اینویں نہ گھبرایا کر

ڈِھڈ دا بالن لے کے توں
دن ڈُوبے گھر جایا کر

پیاردے ایسے بُوٹے لا
سارے پِنڈ تے سایہ کر

اپنے اندروں جھوٹ مُکا
سچ دا ڈھول وجایا کر

رُکھی سکھی کھا کے توں
سجدے وچ ٹُر جایا کر

من اندر توں جھاڑو دے
اندر باہر صفایا کر

نہ کر جھولی لوکاں اگے
رب اگے کُرلایا کر​

 

[عبدالقیوم چوہدری]

لے مرشد ، اساں توڑ نبھائی، جان دِتی راہ تیرے
حشر دیہاڑے شرماں رکھ لئیں، پردے کج لئیں میرے​

 

[عبدالقیوم چوہدری]

ایہہ پچھوبئی کیہ کیہ پکان توں رہ گیا اے۔: بچیاں لئی سکولے لے جان آسطے کچھ شامی "لُکا"کے رکھے نیں جیہڑے کل پرسوں تیکر مک جان گے۔ لحیم لئی تھوڑا جیہا گوشت بھُن کے رکھیا میرے ویہلے ہون دی اُڈیک پیا کردا اے۔ نیانیاں دے امتحان نہ ہوندے تے ایہہ دوجی واری لحیم بنان دا کم وی مُک جانا سی۔
پلاؤ،بریانی، تِکے،چپل کباب،شامی کباب،لحیم،کلیجی،سری پائے،چانپاں،نرگسی کوفتے،سادہ کوفتے،اوجھڑی،نمکین گوشت،ساگ گوشت،۔۔لو جی گوشت مُک گیا۔

ایس واری کی کی بنایا جے ؟

 

[جاسمن]

پلاؤ،کڑاہی،سیخ کباب،چپل کباب،شامی کباب،اوجھڑی،سادہ کوفتے،کلیجی،دال گوشت،۔۔۔ہلے رہندا اے۔

 

[عبدالقیوم چوہدری]

پلاؤ،کڑاہی،سیخ کباب،چپل کباب،شامی کباب،اوجھڑی،سادہ کوفتے،کلیجی،دال گوشت،۔۔۔ہلے رہندا اے۔

ہلا۔
رنگین کوفتے وی ہوندے نیں ؟

 

[جاسمن]

ہلا۔
رنگین کوفتے وی ہوندے نیں ؟

نرگسی تے ہوندے نیں۔۔۔۔

 

[عبدالقیوم چوہدری]

نرگسی تے ہوندے نیں۔۔۔۔

نرگسی
ہلا مینوں نہیں پتا۔ اناں اچ کی نویکلا ہوندا اے ؟

 

[جاسمن]

نرگسی
ہلا مینوں نہیں پتا۔ اناں اچ کی نویکلا ہوندا اے ؟

ایہناں وچ ابلے انڈے ہوندے نیں۔

 

[عبدالقیوم چوہدری]

ایہناں وچ ابلے انڈے ہوندے نیں۔

اوہ۔۔۔۔۔
لبھ گئے نیں۔

 

[عبدالقیوم چوہدری]

دل نوں دلاسے دین لئی جھگیاں دے شہنشاہ
پتراں نوں راجے آکھدے دھیاں نوں رانیاں​

 

[عبدالقیوم چوہدری]

ساڈی زندگی وانگ کبوتراں دے
لوکی ہتهاں تے چوگ چگاندے نے
پہلاں اپنا بنا کے رکهدے نے
فیر تاڑیاں مار اڈاندے نے​

 

[عبدالقیوم چوہدری]

دل منگ پووی تاں لنگھ آوویں ، میڈے گھر دا سوکھا راہ اے
ہاں واسی ڈکھ دے صوبے دا، ضلع غم، تحصیل جفا اے​

 

[عبدالقیوم چوہدری]

ہر بستی دیاں اپنڑیاں رِیتاں، اپنڑے طور اطوار
پر ہِک رِیت سب دی سانجھی، توڑ نہ چڑھدے پیار​

 

[عبدالقیوم چوہدری]

جیہڑا اکھیاں لا کے پھیر لووے
اوہدی گَل دا شِکوہ کیہ کرنا

گَل اَج دی کرئیے اَج دے نال
گئی کل دا شِکوہ کیہ کرنا

جَد عشق دے اوکھےرستے تے
اکھاں مِیٹ کے پیر وَدھا لئیے

فیر سَڑدی ریت دا رونا کیہ
فیر تَھل دا شِکوہ کیہ کرنا​

 

[عبدالقیوم چوہدری]

آ سوہنڑیاں وے جگّ جیوُندیاں دے میلے
زندگی توں لمّے تیرے جھگّڑے جھمیلے​

 

[عبدالقیوم چوہدری]

اسی لّکھ نمازاں نیتیاں اسی سجدے کیتے لکھ
اسی پکّھو وچھڑے ڈار دے اسی اپنے آپ تو وکھ​

 

[عبدالقیوم چوہدری]

میں نچیا روٹی دی بُھکھ پیچھے
سَد بُلھے نوں میری دھمال ویکھے​

 

[جاسمن]

دھاگہ دے بنان والے کدھر ٹُر گئے نیں؟