روشن صبح

ایران نے امریکی چارٹرڈ طیارے کو فضائی حدود کی خلاف ورزی پر زبردستی اتار لیا
07 ستمبر 2014
واشنگٹن(اے پی پی+نمائندہ خصوصی) ایران نے افغانستان سے پرواز کرنے والے امریکی چارٹرڈ طیارے کو فضائی حدود کی خلاف ورزی پر زبردستی اتار لیا۔ طیارے میں امریکیوں سمیت 100افراد سوار تھے ۔ امریکی محکمہ خارجہ نے کہا ہے کہ طیارہ بگرام ایئر بیس سے دبئی جارہا تھا۔ تاہم کئی گھنٹوں کے بعد جہاز کو جانے کی اجازت دی گئی۔
http://www.nawaiwaqt.com.pk/international/07-Sep-2014/327341
عنوان سے غیر متعلقہ
 

جاسمن

لائبریرین
لیبیا میں پھنسے مزید 260 پاکستانی وطن پہنچ گئے، دفتر خارجہ
متین حیدر 10 ستمبر, 2014

54101dd9eb971.jpg

لاہور: لیبیا کے شہر طرابلس سے مزید 260 پاکستانیوں کو خصوصی پرواز کے ذریعے لاہور پہنچا دیا گیا ہے۔
دفتر خارجہ کی ترجمان تسنیم اسلم کا کہنا ہے کہ 13 اگست کے بعد سے یہ ساتویں خصوصی پرواز ہے جو حکومت پاکستان کی جانب سے لیبیا میں پھنسے ہوئے پاکستانیوں کو نکالنے کے لیے چلائی گئی ہے۔
دفتر خارجہ کے مطابق خصوصی پروازوں کے ذریعے لیبیا سے وطن واپس پہنچنے والے پاکستانیوں کی مجموعی تعداد 1987 ہو گئی ہے جب کہ تقریباً پندرہ سو پاکستانی اس وقت بھی طرابلس میں پاکستانی سفارت خانے کی جانب سے قائم کیے گئے ریلیف کیمپوں میں موجود ہیں۔
ترجمان کا کہنا ہے کہ وزیراعظم کی ہدایات کے مطابق آئندہ ہفتے مزید خصوصی فلائٹس بھی چلائی جائیں گی ، تاکہ تمام پاکستانیوں کو وطن واپس پہنچایا جا سکے۔
دفتر خارجہ نے بتایا کہ لیبیا میں مقیم 1800 پاکستانیوں میں سے تقریباً 800 افراد پر تشدد کارروائیوں کے نتیجے میں بری طرح متاثر ہوئے ہیں۔
ان کا کہنا تھا کہ 2700 پاکستانیوں کو لیبیا کے پڑوسی ممالک میں منتقل کرکے بعد میں پاکستان بھیجا گیا جبکہ دو ہزار پاکستانیوں کو حکومتی خرچے پر خصوصی پروازوں کے ذریعے پاکستان منتقل کیا گیا۔
ترجمان کا کہنا تھا کہ یہ آپریشن اُس وقت تک جاری رہے گا جب تک ریلیف کیمپوں میں موجود تمام پاکستانی وطن واپس نہیں پہنچ جاتے۔

http://urdu.dawn.com/news/1009414/
 

جاسمن

لائبریرین
جرات: سیلاب سے بے گھر ہونے والے معمر جوڑے نے شادی کرلی
12 ستمبر 2014

news-1410483948-2424.jpg

گجرات (نامہ نگار) سیلاب نے ایک طرف کئی گھرانوں کو غم دئیے تو دوسری طرف کئی گھرانوں کیلئے سیلاب خوشیاں بھی لے آیا۔ گزشتہ روز سیلاب سے بے گھر ہونے والے معمر جوڑے نے شادی کرلی۔ ٹانڈہ کے نواحی گائوں کرُی شریف کے رہائشی 80 سالہ خادم حسین اور 75 سالہ عاصمہ کی شادی میں گائوں کے لوگوں نے ڈھول کی تھاپ پر رقص کیا اور بارات لیکر سیالکوٹ کی رہائشی بیوہ عاصمہ کو بیاہ کر لے آئے۔ بارات کے موقع پر لوگوں نے دولہا پر نوٹ بھی نچھاور کئے جبکہ بارات لیکر گھر پہنچنے پر دادا خادم حسین اور اُسکی دلہن کے آگے آگے گائوں کے بچے ڈھول کی تھاپ پر بھنگڑے ڈالتے رہے۔ باباخادم حسین نے کہا کہ جب اسے عاصمہ سے شادی کیلئے کہا گیا تو اس نے چٹ منگنی پٹ بیاہ کو ترجیح دی اُدھر دلہن عاصمہ نے کہا وہ اپنے جیون ساتھی کی صورت میں سہارا مل جانے پر خوش ہے۔ نوائے وقت رپورٹ کے مطابق گجرات کے نواحی گائوں کری شریف کے 80 سالہ خادم حسین اور سیالکوٹ کی رہائشی 75 سالہ عاصمہ کا سب کچھ سیلاب کی نظر ہوکر بہہ گیا تھا۔ اداس گائوں میں ہر طرف خوشیوں کے شادیانے بج اٹھے۔ این این آئی کے مطابق معمر خاتون عاصمہ نے بے سہارا ہونے کے بعد اپنے رشتہ داروں کے ہاں رہائش اختیار کررکھی تھی۔ دکھ کی اِس گھڑی میں بزرگ جوڑے نے دربدری سے بچنے کیلئے ایک ہونے کا فیصلہ کیا ، بات پکی ہوئی تو دونوں نے چٹ منگنی پٹ بیاہ کر لیا۔سیلاب کے باعث جہاں گائوں میں ہرطرف اداسی تھی اس شادی سے خوشیوں کے شادیانے بج اٹھے۔ بابا خادم کی بارات واپس گاں پہنچی تو خواتین نے چھتوں پر چڑھ کر دلہا دلہن کا استقبال کیا۔
http://www.nawaiwaqt.com.pk/national/12-Sep-2014/328320
 

جاسمن

لائبریرین
چیمپیئنز لیگ: لاہور لائنز اہم میچ میں فتح یاب
منگل 16 ستمبر 2014

140907123353_lahore_lions_team_304x171_thenewstribe.jpg

لاہور لائنز پاکستان کی ٹی20 چیمپیئن ٹیم ہے
بھارت میں جاری ٹی20 چیمپیئنز لیگ کے کوالیفائنگ مرحلے میں پاکستان کی ٹیم لاہور لائنز نے اپنے تیسرے اور اہم میچ میں سری لنکا کی ٹیم سدرن ایکسپریس کو 55 رنز سے شکست دے دی ہے۔
منگل کو رائے پور میں کھیلے جانے والے میچ میں لاہور لائنز نے پہلے کھیلتے ہوئے کپتان محمد حفیظ کی عمدہ نصف سنچری کی بدولت مقررہ 20 اوورز میں چھ وکٹوں پر 164 رنز بنائے۔
http://www.bbc.co.uk/urdu/sport/2014/09/140916_lahore_lions_champs_league_win_zs.shtml
 

جاسمن

لائبریرین
لاہور لائنز کی ممبئی انڈینز کو شکست
اتوار 14 ستمبر 2014

120218135154_umer_akmal304.jpg

عمر اکمل نے 38 رنز بنائے اور ناٹ آؤٹ رہے:( فائل فوٹو)
بھارت میں جاری ٹی ٹوئنٹی چیمپیئنز لیگ کے کوالیفائنگ مرحلے میں پاکستان کی ٹیم لاہور لائنز نے ممبئی انڈینز کو چھ وکٹوں سے شکست دے دی ہے۔
لاہور لائنز پاکستان کی ٹی ٹوئنٹی چیمپیئن ہے اور اس کی قیادت ٹیسٹ کرکٹر محمد حفیظ کر رہے ہیں۔
http://www.bbc.co.uk/urdu/sport/2014/09/140913_lahore_lions_wins_mumbai_indians_zz.shtml
 

جاسمن

لائبریرین
سیلاب میں پھنسے ملائیشینز کو جھنڈے نے بچا لیا
جمعرات 18 ستمبر 2014

140918110256_kashmir_floods_304x171_afp_nocredit.jpg

سیلاب کے دو ہفتے بعد بھی بھارت کے زیرِ انتظام کشمیر میں ہزاروں افراد امداد کے منتظر ہیں
اطلاعات کے مطابق بھارت کے زیرِ انتظام کشمیر میں آنے والے سیلاب میں پھنس جانے والے ملائیشین شہریوں نے اپنی پناہ گاہ کی چھت پر ملائیشیا کا جھنڈا بنا کر مدد حاصل کی۔
ملائیشیا کے اخبار ’سٹار‘ کے مطابق 23 سالہ فارش علینہ عبدالحنیف اور ان کے 14 دوست سری نگر میں فارش کی بہن کی شادی کے لیے جمع تھے کہ شدید بارشوں کی وجہ سے قریبی ڈیم ٹوٹنے سے ان کا ہوٹل زیرِ آب آگیا۔

فارش کا کہنا ہے کہ ’ہم تیز لہروں کا مقابلہ کرتے ہوئے جان بچانے کے لیے چھت پر پہنچے لیکن جلد ہی پانی وہاں تک بھی پہنچ گیا۔‘
اس موقع پر فارش اور ان کے ساتھیوں نے مدد حاصل کرنے کے لیے سوچ بچار کی اور پھر اپنی قمیضوں، ایک تولیے اور کچھ چٹنی کی مدد سے ایک امدادی بینر بنانے کا فیصلہ کیا۔
بینر کے لیے انھوں نے تولیے پر چٹنی کی مدد سے لفظ ’ملائیشیا‘ تحریر کیا اور جھنڈے پر موجود سرخ اور سفید پٹیاں دکھانے کے لیے قمیصیں استعمال کیں۔
اس بینر کی مدد سے وہ سیلاب میں پھنسے افراد کی تلاش میں مصروف امدادی ٹیموں کی توجہ حاصل کرنے میں کامیاب رہے اور انھیں ایک کشتی کی مدد سے نکال لیا گیا۔
فارش عبدالحنیف کا کہنا ہے کہ انھیں تو مدد مل گئی لیکن سیلاب کے دو ہفتے بعد بھی بھارت کے زیرِ انتظام کشمیر میں ہزاروں افراد امداد کے منتظر ہیں اور سری نگر میں صورتحال سب سے زیادہ خراب ہے۔
http://www.bbc.co.uk/urdu/regional/2014/09/140918_srinagar_flood_victims_homemade_flag_zs.shtml
 

جاسمن

لائبریرین
28جنوری 2015

سرگودھا کے باغات رس بھرے کینو سے بھر گئے




........رس بھر ے پھل کینوکا نام آتے ہی منہ میں پانی بھر آتاہے۔ان دنوں کھٹے میٹھے کینو بازاروں میں ہرطرف اپنے رنگ اورخوشبوبکھیر رہے ہیں۔ کینو کے شہر سرگودھا میں باغات خوش ذائقہ پھل سے بھرے ہوئے ہیں۔ سرگودھا کا شمار پاکستان کے ان اضلا ع میں ہوتا ہے جہا ں کینو کی مجموعی پیداوار کا60 سے 70فیصد پھل پیدا ہوتا ہے۔
http://urdu.co/news/taza-tareen/geo-news-173337/
 

جاسمن

لائبریرین
]
گرین لائن، جدید سہولتوں والی جدید ٹرین
اسلام آباد کے مارگلہ ریلوے اسٹیشن سے کراچی کینٹ اسٹیشن تک سفر کے لئے اب جدید سہولتوں والی جدید ٹرین سروس شروع ہوگئی ہے۔ یہ اے سی بزنس کلاس ٹرین ہے جس میں ایک سے بڑھ کر ایک سہولتیں موجود ہیں مثال کے طور پر:مفت کھانا،ناشتہ،معدنی پانی،وائی فائی،ٹی وی،صبح کا اخبار،بستر۔۔۔۔۔


http://www.urduvoa.com/media/photogallery/greenline-railway/2776287.html
http://www.urduwire.com/news/newsdetailimage.aspx?id=1566437
 
آخری تدوین:

جاسمن

لائبریرین
9 مئی 2015

لاہور،نرم و گداز پھولوں سے بنے گھونگھٹ،انوکھی ا چھوتی نمائشi
۔لاہور میں پھولوں کی نمائش سجی تو عنوان رکھا گیا۔گھونگٹ، یعنی چلمن،پردہ، اہتما م کیا تھا لاہور فلورل آرٹ سوسائٹی نے۔ آرٹسٹ خواتین نے پھولوں،پتوں اور پودوں کی ٹہنیوں کوکچھ ایسا روپ دیاکہ جیسے خوش رنگ پھول، رنگیں گھونگٹ کی اوٹ سے جھانک رہے ہوں
http://urdu.co/news/dilchasp-khabrain/geo-news-184222/
 
28جنوری 2015

سرگودھا کے باغات رس بھرے کینو سے بھر گئے



........رس بھر ے پھل کینوکا نام آتے ہی منہ میں پانی بھر آتاہے۔ان دنوں کھٹے میٹھے کینو بازاروں میں ہرطرف اپنے رنگ اورخوشبوبکھیر رہے ہیں۔ کینو کے شہر سرگودھا میں باغات خوش ذائقہ پھل سے بھرے ہوئے ہیں۔ سرگودھا کا شمار پاکستان کے ان اضلا ع میں ہوتا ہے جہا ں کینو کی مجموعی پیداوار کا60 سے 70فیصد پھل پیدا ہوتا ہے۔
http://urdu.co/news/taza-tareen/geo-news-173337/
پوسٹ لکھنے سے پہلے 3، 4 بار سوچا کہ واقعی مئی اختتام پذیر ہو رہا یا جنوری۔ یقین نہیں آیا ، کیلنڈر دیکھا، پھر سیل فون پر نظر دوڑائی :)
نہیں۔۔۔۔واقعی مئی ختم ہونے کو ہے۔۔۔ تو کینو :thinking:
 

جاسمن

لائبریرین
امریکا:اسکارف پہننے والی مسلم خاتون کے حق میں فیصلہ
3 جون 2015
امریکی عدالت نے اسکارف پہننے کی وجہ سے ملازمت نہ دینے پر مسلمان خاتون کے حق میں فیصلہ دے دیا ہے ۔
واشنگٹن(این این آئی) امریکی عدالت نے اسکارف پہننے کی وجہ سے ملازمت نہ دینے پر مسلمان خاتون کے حق میں فیصلہ دے دیا ہے ۔امریکی میڈیا کے مطابق ریاست اوکلوہاما کی رہائشی سمنتھا ایلاوف نے 2008 میں مقامی فیشن ڈیزائنر کمپنی ایبرکرومبے اینڈ فِچ میں ملازمت کیلئے انٹرویو دیا تھا تاہم کمپنی نے سمنتھا کو اس کے اسکارف پہننے کی وجہ سے ملازمت دینے سے انکار کردیا تھا۔ سمنتھا نے ہار نہ مانی اور وہ یہ معاملہ عدالت میں لے کر آئی۔ 8سالہ عدالتی جنگ کے بعد 9ججوں پر مشتمل عدالتی جیوری نے اپنے فیصلے میں کمپنی کو شہری قوانین کی خلاف ورزی کا مرتکب قرار دیتے ہوئے سمانتھا کے حق میں فیصلہ دیدیا۔

- See more at: http://dunya.com.pk/index.php/dunya-meray-aagay/2015-06-03/577240#.VW-_sc-qqko
 

جاسمن

لائبریرین
پوسٹ لکھنے سے پہلے 3، 4 بار سوچا کہ واقعی مئی اختتام پذیر ہو رہا یا جنوری۔ یقین نہیں آیا ، کیلنڈر دیکھا، پھر سیل فون پر نظر دوڑائی :)
نہیں۔۔۔۔واقعی مئی ختم ہونے کو ہے۔۔۔ تو کینو :thinking:
پاکستان کی روشن صبح 14 اگست 1947 کی ہو یا جنوری 2015 کی یا جون 2015 کی ہمیں ۔۔۔ہم سب کو خوشی دیتی ہے۔ اِس دھاگے کا مقصد یہی ہے کہ مسلم دنیا کی صبحوں کا احوال اِک دوجے کو بتائیں اور اِس قدر دُکھ بھری فضاؤں میں کچھ لمحے کے لئےکسی قدر اطمینان،سکون،چین اور خوشی حاصل کریں۔۔۔۔۔
 

جاسمن

لائبریرین
دنیا کی پہلی مسلم خاتون پائلٹ – حجاب امتیازعلی

کراچی ( ویب ڈیسک) – ایمیلیا ایئرہارٹ نامی پہلی خاتون ہوا باز کے نام سے تو سب ہی واقف ہوں گے لیکن کیا آپ جانتے ہیں کہ دنیا کی پہلی مسلم خاتون ہوا بازکون تھیں۔

آئیے آج ہم آپ کا تعارف کراتے ہیں حجاب امتیازعلی سے جو کہ دنیا کی پہلی ہوا باز خاتون اورپاکستان کی صفِ اول کی مصنفہ ہیں۔

حجاب امتیاز نے ہوا بازی کا آغاز انگلینڈ میں کیا اوراکتوبر1936 میں انہوں نے باضابطہ ہوا بازی کا لائسنس بھی حاصل کیا۔

حجاب نے 1930 کے اوائل میں نامور صحافی اورافسانہ نگار امتیاز علی تاج سے شادی کی۔

امتیاز علی تاج ہی کی طرح حجاب عباسی کا شماربھی پاکستان کی صفِ اول کے مصنفین میں ہوتا ہے۔

حجاب ہوا بازی کی شوقین تھی اوروہ اکثرلاہورفلائنگ کلب میں ہونے والے مقابلوں میں حصہ لیتی رہیں تھیں۔




ایک نامور مصنف نے اپنی سرنوشت میں لکھا ہے کہ ’’ایک مرتبہ وہ امتیاز علی تاج کے گھر کے لان میں تشریف فرما تھے کہ حجاب تشریف لائیں اور کہا کہ وہ تھوڑی دیر میں آتی ہیں، تھوڑی دیر بعد ایک چھوٹا جہاز ان کے لان کے اوپر چکر لگانے لگا اور حجاب اس سے ہاتھ باہر نکال کر ہوا میں اپنا رومال لہرا رہیں تھیں‘‘۔

حجاب امتیاز نے فنِ تحریر کی دنیا میں قدم رکھا تو آپ کے ناول شہرت کی بلندیوں کو چھونے لگے جن میں لیل ونہار، صنوبر کے سائے میں، تصویرِ بتاں اورمیری ناتمام محبت شامل ہیں
http://www.arynews.tv/ud/archives/90852
 

جاسمن

لائبریرین
روزہ خطرناک بیماریوں سے بچاتا ہے ، امریکی ماہرین
23 جون 2015 جیو صحت و سائنس

نیویارک………امریکی ماہرین کی تحقیق کے مطابق روزہ نہ صرف خطرناک بیماریوں سے بچاتا ہے بلکہ عمر میں اضافے کا سبب بھی بنتا ہے۔یونی ورسٹی آف سدرن کیلی فورنیا کے ماہرین نے ایک تحقیق کے بعد انکشاف کیا کہ روزہ رکھنے سے کئی چھوٹے بڑے امراض سے بچا جاسکتا ہے ۔ ماہرین کے مطابق اگر ایک ماہ میں پانچ مرتبہ جسم کو دی جانے والی کیلوریز کی مقدار نصف کردی جائے تو کینسر، ذیابیطس اور امراضِ قلب کے خطرے میں نمایاں کمی ہوتی ہے۔رپورٹ کے مطابق روزے سےدماغ میں بی ڈی این ایف نامی ایک پروٹین کی مقدار بڑھنے سے دماغی افعال میں بھی بہتری پیدا ہوجاتی ہے۔
 

جاسمن

لائبریرین
پاکستانی سائنسدان نےخوشخبری دےدی
ایمز ٹی وی(سائنس)بوسٹن یونی ورسٹی میں بائیو میڈیکل انجینئر کے فرائض انجام دینے والے پاکستانی سائنسدان محمد زمان نے جعلی ادویات کی شناخت کرنے والی حیرت انگیز مشین ایجاد کرلی ہے۔ ذرائع کےمطابق پاکستانی نژاد سائنسدان کی حیرت انگیز ایجاد ایک سوٹ کیس کے سائز کی ہے اور اس کانام فارما چیک ہے جس میں گولی کو مقررہ جگہ پر رکھنے سے پتہ چل جاتا ہے کہ آیایہ ٹیبلٹ اصلی ہے یا نقلی۔ڈاکٹر زمان نے اپنی اس حیرت انگیز ایجاد کو واشنگٹن ڈی سی میں ہونے والی ایک ڈیولپمنت ایکسچنج کانفرنس میں روشناس کرایاہے جس پر انہیں 2 ملین امریکی ڈالر کی رقم مہیا کی گئی ہے تاکہ اس مشین کو کمرشل مقاصد میں استعمال ہونے کے قابل بنایا جاسکے۔ محمد زمان کا کہنا تھا کہ اس مشین کا آئیڈیا انتہائی سادہ ہے اس سے کسی بھی دوا کی پوٹینسی جانچ کر جانا جاتا ہے کہ آیا دوا اصلی ہے یا نہیں۔
http://aimstv.tv/news.php?news_id=1649&cat_id=2
 

جاسمن

لائبریرین
نو بیاہتا جوڑے کا عظیم پیغام

ایمزٹی وی(انٹرنیشنل)ترکی میں ایک نوبیاہتا جوڑے نے اپنے ولیمے کے لیے جمع کی گئی تمام رقم شامی مہاجرین کو کھانا کھلانے کے لیے خیرات کردی ہےترک دولھا "فتح اللہ عزمچو اوغلو" کی حال ہی میں "ایسریٰ پولاط" سے شادی ہوئی ہے، انھوں نے اس موقع پر اپنے رشتے داروں اور عزیز واقارب کے لیے لمبی چوڑی دعوت کرنے کے بجائے ترکی کے جنوبی وسطی شہر کیلس میں پناہ گزین کیمپ میں مقیم چار ہزار شامی مہاجرین کے لیے کھانے کا اہتمام کیا ہے۔ شامی مہاجرین کے لیے کھانے کی دعوت کی تجویز دُولھا کے والد نے دی تھی، وہ اس تنظیم کے ایک فعال رضا کار ہیں۔ خاتون ترجمان کا کہنا ہے کہ انھوں نے سوچا کہ جب ان کے پڑوس میں موجود لوگوں کو کھانے کے لیے دو وقت کی روٹی میسر نہیں ہے تو ایسے میں ولیمے کی دعوت کا اہتمام غیر ضروری ہے۔
http://aimstv.tv/news.php?news_id=1582&cat_id=2
 

جاسمن

لائبریرین
یوم آزادی کےموقع پردوہری خوشیاں
ایمزٹی وی (اسپورٹس) پاکستان کی دو ٹیموں کے ورلڈ مینز اور ماسٹر ٹیم سنوکر چیمپئن شپ کے فائنل میں پہنچنے پر ملک میں 68 ویں یوم آزادی کی خوشیاں دوبالا ہو گئیں۔جمعہ کو یہاں موون پک ہوٹل میں کھیلے گئے سیمی فائنل مقابلوں میں اسجد اقبال اور شاہد آفتاب پر مشتمل پاکستان3 نے ہانگ کانگ1 (چون وائی لی-ووک وائی فونگ) کو سیدھے سیٹوں 0-4 سے ہرا دیا۔ خیا ل رہے کہ ہانگ کانگ1 نےگزشتہ سال مصر میں پاکستان 1 کی جوڑی محمد آصف اور محمد سجاد کو فائنل میں شکست دی تھی۔ آج پاکستان کیمپ کو دوسری خوشی اس وقت ملی جب محمد یوسف اور نوین پروانی نے انگلینڈ1 کو 3-4 سے ہرا کرماسٹر ٹیم ایونٹ کے فائنل میں رسائی حاصل کی۔ مینز ٹیم ایونٹ کے فائنل میں پاکستان 3 کا مقابلہ ملیشیا سے ہو گا، جس نے دوسرے سیمی فائنل میں پاکستان2 کو 1-4 سے گھر بھیجا۔ ماسٹر ایونٹ کے فائنل میں پاکستان1 کا مقابلہ انڈیا کو 3-4 سے شکست دینے والے افغانستان سے ہو گا۔ دونوں فائنل مقابلے ہفتہ کو ہوں گے۔
http://aimstv.tv/news.php?news_id=1651&cat_id=1
 

جاسمن

لائبریرین
پاکستان 2016 میں پہلی مرتبہ انٹرنیشنل کیمسٹری اولپمیاڈ کی میزبانی کرے گا
منگل 11 اگست 2015



کراچی میں ہونے والی 10 روزہ اولمپیاڈ میں 75 ممالک کے 400 نوجوان کیمیاداں اور 150 ماہرین شرکت کریں گے، فوٹو:فائل
کراچی: پاکستان کو آئندہ سال سالانہ بین الاقوامی کیمسٹری اولمپیاڈ کی میزبانی مل گئی ہے اور میزبانی کے فرائض کراچی یونیورسٹی میں واقع بین الاقوامی مرکز برائے کیمیائی و حیاتیاتی علوم ( آئی سی سی بی ایس) کرے گا۔
جامعہ کراچی میں حسین ابراہیم جمال انسٹی ٹیوٹ آف کیمسٹری میں پریس کانفرنس سے خطاب کرتے ہوئے ممتاز سائنسداں اور کیمسٹری اولپمیاڈ کے چیئرمین ڈاکٹر عطاالرحمان نے بتایا کہ 1968 سے شروع ہونے والی کیمسٹری اولمپیاڈ کا انعقاد ہر سال دنیا کے مختلف ملکوں میں ہوتا ہے تاہم 48 سال میں پہلی بار پاکستان اس کی میزبانی کرے گا۔ کراچی یونیورسٹی کے بین الاقوامی مرکز برائے کیمیائی و حیاتیاتی علوم ( آئی سی سی بی ایس) میں منعقد ہونے والی اس اولمپیاڈ میں 75 ممالک کے400 نوجوان کیمیادان اور 150 ماہرین شرکت کریں گےاور 20 سے 29 جولائی 2016 تک جاری رہنے والی اس تقریب سے دنیا بھر میں پاکستان کا مثبت تصور اجاگر ہوگا اور مقامی افراد کو بھی اپنی صلاحیتیں اور قابلیت دکھانے کا موقع ملے گا۔
واضح رہے کہ پاکستان کو بین الاقوامی کیمسٹری اولمپیاڈ کی مکمل رکنیت 2005 میں ملی تھی جب کہ رواں برس آذربائیجان کے دارالحکومت باکو میں 47 ویں بین الاقوامی کیمسٹری اولمپیاڈ میں 2 پاکستانی اسکالرز نے کانسی کا تمغہ جیتا تھا۔
http://www.express.pk/story/382796/
 
Top