شعر جو ضرب المثل بنے

[محمد وارث]

ذوق کا یہ شعر

رندِ خراب حال کو زاہد نہ چھیڑ تُو
تجھ کو پرائی کیا پڑی، اپنی نبیڑ تُو

 

[محمد وارث]

شاہ نصیر کا یہ شعر

خیالِ زلفِ دو تا میں نصیر پیٹا کر
گیا ہے سانپ نکل اب لکیر پیٹا کر

 

[محمد وارث]

انشا اللہ خان انشا کا یہ شعر

اس زلف پہ پھبتی شبِ دیجور کی سوجھی
اندھے کو اندھیرے میں بہت دور کی سوجھی

 

[محمد وارث]

سودا کا یہ شعر

کیفیتِ چشم اسکی مجھے یاد ہے سودا
ساغر کو مرے ہاتھ سے لینا کہ چلا میں

 

[محمد وارث]

میر حسن کی مثنوی سحر البیان کا یہ شعر

برس پندرہ یا کہ سولہ کا سِن
جوانی کی راتیں مرادوں کے دن

 

[محمد وارث]

داغ کا یہ شعر

رنج کی جب گفتگو ہونے لگی
آپ سے تم، تم سے تُو ہونے لگی

 

[محمد وارث]

سلامت علی دبیر کا یہ شعر

کس شیر کی آمد ہے کہ رن کانپ رہا ہے
رن ایک طرف، چرخِ کہن کانپ رہا ہے

 

[سید ابرار]

جو چپ رہے گی زبان خنجر لھو پکارے گا آستین کا
یہ کافی مشھور مصرعہ ہے ؛ اس کے دوسرے مصرعہ کے بارے میں مجھے علم نھیں ہے ؛اگر کسی کو علم ہو تو بتادیں ، نیز شاعر کا نام بھی بتادیں

 

[فاتح]

جو چُپ رہے گی زبانِ خنجر

جو چپ رہے گی زبان خنجر لھو پکارے گا آستین کا
یہ کافی مشھور مصرعہ ہے ؛ اس کے دوسرے مصرعہ کے بارے میں مجھے علم نھیں ہے ؛اگر کسی کو علم ہو تو بتادیں ، نیز شاعر کا نام بھی بتادیں

یہ امیر مینائی کا شعر ہے

قریب ہے یارو روزِ مَحشر چُھپے گا کُشتوں کا خون کیوں کر
جو چُپ رہے گی زبانِ خنجر۔۔۔ لہو پکارے گا آستیں کا​

 

[فاتح]

اچھا خاصا بیٹھے بیٹھے گُم ہو جاتا ہوں
اب میں اکثر میں نہیں رہتا تُم ہو جاتا ہوں​

انور شعور

 

[فاتح]

ہم جب سے ترے عشق کے چک۔ر میں پڑے ہیں
بیٹھے ہیں تو بیٹھے ہیں، کھڑے ہیں تو کھڑے ہیں​

(شاعر کا نام معلوم نہیں، اگر کسی کے علم میں تو ضرور بتائیں۔ شکریہ)

 

[فاتح]

سُن تو سہی جہاں میں ہے تیرا فسانہ کیا
کہتی ہے تجھ کو خلقِ خدا غائبانہ کیا
آتش​

 

[فاتح]

نزاکت نازنینوں کے بنائے سے نہیں بنتی
خدا جب حسن دیتا ہے نزاکت آ ہی جاتی ہے​

 

[فاتح]

انداز بياں گرچہ مرا شوخ نہیں ہے
شاید کہ ترے دل ميں اتر جائے مرى بات​

 

[فاتح]

ایک اور شعر ہے جس کا مصرع ثانی بہت مشہور ہے لیکن مصرعِ اولٰی کی صحت پر مجھے شک ہے۔ لہٰذا اگر کوئی اس کی درستگی فرمانا چاہے تو بسر و چشم:

اُلفت میں ہر اک نقشہ اُلٹا نظر آتا ہے
مجنوں نظر آتی ہے، لیلٰی نظر آتا ہے​

(نیز اس شعر کے خالق کا نام بھی اگر کسی کو معلوم ہو تو ضرور بتائیں۔ شکریہ)

 

[فاتح]

پیامبر نہ میسر ہُوا تو خوب ہُوا
زبان غیر سے کیا شرحِ آرزو کرتے​

آتش

 

[فاتح]

ہر شب شبِ برات ہے ہر روز روزِ عید
سوتا ہوں ہاتھ گردنِ مینامیں ڈال کے​

آتش

 

[فاتح]

خدا نے آج تک اُس قوم کی حالت نہیں بدلی
نہ ہو جس کو خیال آپ اپنی حالت کے بدلنے کا​

اقبال

 

[فاتح]

کوئی کیوں کسی سے لگائے دل، کوئی کیوں کسی کا لُبھائے دل
وہ جو بیچتے تھے دوائے دل، وہ دُکان اپنی بڑھا گئے​

بہادر شاہ ظفر

 

[فاتح]

اس عاشقی میں عزت سادات بھی گئی

شاید اسی دھاگے کے پہلے یا دوسرے صفحہ پر جناب وہاب صاحب نے میر کا ایک مصرع لکھا تھا "اس عاشقی میں عزت سعادت بھی گئی" جو میرے ناقص علم کے مطابق کچھ یوں ہے:
پھرتے ہیں میر خوار کوئی پوچھتا نہیں
اس عاشقی میں عزت "سادات" بھی گئی
میر
(سادات بمعنیء قومِ سیّد)