کاشف اسرار احمد
محفلین
جزاک اللہ
استاد محترم یہ تلخی مجھے عزیز تر ہے۔
اللہ مجھے اس شفقت کا سزاوار ہمیشہ رکھے ۔ آمین۔
بحر ہزج مثمن سالم میں تازہ کلام اصلاح اور تنقید کے لیے
- صاحب لڑی کاشف اسرار احمد
- تاریخ ابتداء
استاد محترم یہ تلخی مجھے عزیز تر ہے۔
اللہ مجھے اس شفقت کا سزاوار ہمیشہ رکھے ۔ آمین۔
محمد یعقوب آسی
محفلین
جزاک اللہ
استاد محترم یہ تلخی مجھے عزیز تر ہے۔
اللہ مجھے اس شفقت کا سزاوار ہمیشہ رکھے ۔ آمین۔
ع: کہ شکستہ ہو تو عزیز تر ہے نگاہِ آئنہ ساز میں ۔۔۔ (اقبال)
محمد یعقوب آسی
محفلین
بہت شکریہ ۔۔ اور ۔۔ وہی ایک بہت بار کی بات: جلدی نہ کیجئے گا، شاعری میں جلدی کیسی!
کاشف اسرار احمد
محفلین
السلام عليكم
استاد محترم جناب محمد یعقوب آسی صاحب
استاد محترم جناب الف عین صاحب
مرمت کے بعد غزل لے کر حاضر ہوا ہوں.
کچھ اشعار کے مضامین میں تبدیلی بھی کی ہے یا پھر دوبارہ موزوں کیے ہیں
-------------
جمال ِ خوبرو ہے ، حسن کا شعلہ مچلتا ہے
انہی جلووں کی حدت سے ، چمن ہر دل کا جلتا ہے
اسے جب دیکھتا ہوں ، بس یہ حالت دل کی ہوتی ہے
یہ اک معصوم بچے کی طرح، گرتا، سنبھلتا ہے
تری چاہت کے برسیں رنگ، سادہ پر کشش، مجھ پر
کبھی بےکیف تھے دن رات ، اب سرگم سا ڈھلتا ہے
چھماچھم بارشوں میں جوں نہاتے دوڑتے بچے
تری قربت کی رم جھم میں، مرا دل یوں مچلتا ہے
"تری ہوں بس"، مرے کانوں میں جھک کر پیار سے کہنا
جھکی قوس ِ قزح سے جیسے دریا مل کے چلتا ہے
وہ میرا اشکِ خوں، یعنی وہ تیرے پیار کا موتی
خموشی سے ٹپک کر، دل کے زنداں سے نکلتا ہے
زمانے، خاک اب کر دے مرا گلشن، کہ میں چاہوں
نیا باغِ تمنّا ہو، یہ موسم گر بدلتا ہے
کئی انداز سے سوچا ، کئی آہنگ میں پرکھا
وہ اک امکان کاشف، دل میں رہتا ہے نہ ڈھلتا ہے
شکریہ ...
استاد محترم جناب محمد یعقوب آسی صاحب
استاد محترم جناب الف عین صاحب
مرمت کے بعد غزل لے کر حاضر ہوا ہوں.
کچھ اشعار کے مضامین میں تبدیلی بھی کی ہے یا پھر دوبارہ موزوں کیے ہیں
-------------
جمال ِ خوبرو ہے ، حسن کا شعلہ مچلتا ہے
انہی جلووں کی حدت سے ، چمن ہر دل کا جلتا ہے
اسے جب دیکھتا ہوں ، بس یہ حالت دل کی ہوتی ہے
یہ اک معصوم بچے کی طرح، گرتا، سنبھلتا ہے
تری چاہت کے برسیں رنگ، سادہ پر کشش، مجھ پر
کبھی بےکیف تھے دن رات ، اب سرگم سا ڈھلتا ہے
چھماچھم بارشوں میں جوں نہاتے دوڑتے بچے
تری قربت کی رم جھم میں، مرا دل یوں مچلتا ہے
"تری ہوں بس"، مرے کانوں میں جھک کر پیار سے کہنا
جھکی قوس ِ قزح سے جیسے دریا مل کے چلتا ہے
وہ میرا اشکِ خوں، یعنی وہ تیرے پیار کا موتی
خموشی سے ٹپک کر، دل کے زنداں سے نکلتا ہے
زمانے، خاک اب کر دے مرا گلشن، کہ میں چاہوں
نیا باغِ تمنّا ہو، یہ موسم گر بدلتا ہے
کئی انداز سے سوچا ، کئی آہنگ میں پرکھا
وہ اک امکان کاشف، دل میں رہتا ہے نہ ڈھلتا ہے
شکریہ ...
آخری تدوین:
محمد یعقوب آسی
محفلین
فی الحال، صرف ایک بات ۔۔۔
جمال ِ خوبرو کی تاب ہے، شعلہ سا جلتا ہے
انہی جلووں کی حدت سے ، چمن ہر دل کا جلتا ہے
مطلع میں آپ نے قافیہ اور ردیف "جلتا ہے" کا اعلان کر دیا؟۔ اگر "سا" اور "کا" کو قافیہ جانیں تو "جلتا ہے ردیف ٹھہری؟
ساری غزل میں دیکھیں تو قوافی ہیں: ڈھلتا، بدلتا، ملتا، مچلتا (حرف مفتوح ماقبل لام ساکن اور "تا ہے")؛ مناسب تر یہ ہے کہ مطلع میں ایک قافیہ بدل دیجئے۔ اور ہاں! گھُلتا، کھِلتا، مِلتا وغیرہ اس غزل کے قوافی میں نہیں آ سکیں گے (گھُلتا میں حرف ماقبل لام مضموم اور کھِلتا میں مکسور ہے)۔
جمال ِ خوبرو کی تاب ہے، شعلہ سا جلتا ہے
انہی جلووں کی حدت سے ، چمن ہر دل کا جلتا ہے
مطلع میں آپ نے قافیہ اور ردیف "جلتا ہے" کا اعلان کر دیا؟۔ اگر "سا" اور "کا" کو قافیہ جانیں تو "جلتا ہے ردیف ٹھہری؟
ساری غزل میں دیکھیں تو قوافی ہیں: ڈھلتا، بدلتا، ملتا، مچلتا (حرف مفتوح ماقبل لام ساکن اور "تا ہے")؛ مناسب تر یہ ہے کہ مطلع میں ایک قافیہ بدل دیجئے۔ اور ہاں! گھُلتا، کھِلتا، مِلتا وغیرہ اس غزل کے قوافی میں نہیں آ سکیں گے (گھُلتا میں حرف ماقبل لام مضموم اور کھِلتا میں مکسور ہے)۔
محمد یعقوب آسی
محفلین
مزید گفتگو شاید ہفتہ بھر کے بعد ممکن ہو۔ یہاں سالانہ مشاعرے کی تیاریاں چل رہیں ہیں۔
دعاؤں میں یاد رکھئے گا۔
دعاؤں میں یاد رکھئے گا۔
آخری تدوین:
کاشف اسرار احمد
محفلین
بہت بہت شکریہ استاد محترم ۔ جزاک اللہ ۔
میں تصحیح کے بعد حاضر ہوتا ہوں۔
ان شا اللہ ۔
میں تصحیح کے بعد حاضر ہوتا ہوں۔
ان شا اللہ ۔
کاشف اسرار احمد
محفلین
استاد محترم جناب محمد یعقوب آسی صاحب
استاد محترم جناب الف عین صاحب
حکم کے مطابق غزل کی اصلاح کر دی ہے۔
آپ کی پر شفقت توجہ کا طالب ہوں۔
شکریہ۔
استاد محترم جناب الف عین صاحب
حکم کے مطابق غزل کی اصلاح کر دی ہے۔
آپ کی پر شفقت توجہ کا طالب ہوں۔
شکریہ۔
محمد یعقوب آسی
محفلین
جمالِ خوبرو ہے، حسن کا شعلہ مچلتا ہے
انہی جلووں کی حدت سے ، چمن ہر دل کا جلتا ہے
خاصا بہتر ہو گیا۔ خوبروئی، جمال، مچلنا، حدت، جلوہ؛ یہ جلانے والی باتیں تو نہیں، یہ تو لبھانے والی باتیں ہیں۔ چمن کا جلنا؟ اگر آتشِ گل مراد ہے تو اس کی طرف کوئی اشارہ ہوتا۔ چمن کی جگہ ارمان وغیرہ لا کر دیکھئے کہ "ہر ارمان جلتا ہے" یا جیسے آپ بہتر سمجھیں۔
انہی جلووں کی حدت سے ، چمن ہر دل کا جلتا ہے
خاصا بہتر ہو گیا۔ خوبروئی، جمال، مچلنا، حدت، جلوہ؛ یہ جلانے والی باتیں تو نہیں، یہ تو لبھانے والی باتیں ہیں۔ چمن کا جلنا؟ اگر آتشِ گل مراد ہے تو اس کی طرف کوئی اشارہ ہوتا۔ چمن کی جگہ ارمان وغیرہ لا کر دیکھئے کہ "ہر ارمان جلتا ہے" یا جیسے آپ بہتر سمجھیں۔
محمد یعقوب آسی
محفلین
اسے جب دیکھتا ہوں ، بس یہ حالت دل کی ہوتی ہے
یہ اک معصوم بچے کی طرح، گرتا، سنبھلتا ہے
بہتری یہاں بھی آئی ہے، "میں" کو ہٹانے سے میرا مقصد تو تھا کہ مضمون میں وسعت کے لئے جگہ بنائی جائے۔ وہاں "بس" لگا دیا کچھ فرق نہیں پڑا، بہر حال یہ بھی قابلِ قبول ہے۔
یہ اک معصوم بچے کی طرح، گرتا، سنبھلتا ہے
بہتری یہاں بھی آئی ہے، "میں" کو ہٹانے سے میرا مقصد تو تھا کہ مضمون میں وسعت کے لئے جگہ بنائی جائے۔ وہاں "بس" لگا دیا کچھ فرق نہیں پڑا، بہر حال یہ بھی قابلِ قبول ہے۔
محمد یعقوب آسی
محفلین
تری چاہت کے برسیں رنگ، سادہ پر کشش، مجھ پر
کبھی بےکیف تھے دن رات ، اب سرگم سا ڈھلتا ہے
"سرگم ڈھلنا" مجھے نہیں معلوم کہ درست ہے یا نہیں۔ سُر میں ڈھلنا بہتر ہو گا۔ سماں اب سر میں ڈھلتا ہے؟ اگر اوزان اجازت دیں تو! پہلے مصرعے پر بھی توجہ دیجئے گا۔
کبھی بےکیف تھے دن رات ، اب سرگم سا ڈھلتا ہے
"سرگم ڈھلنا" مجھے نہیں معلوم کہ درست ہے یا نہیں۔ سُر میں ڈھلنا بہتر ہو گا۔ سماں اب سر میں ڈھلتا ہے؟ اگر اوزان اجازت دیں تو! پہلے مصرعے پر بھی توجہ دیجئے گا۔
محمد یعقوب آسی
محفلین
چھماچھم بارشوں میں جوں نہاتے دوڑتے بچے
تری قربت کی رم جھم میں، مرا دل یوں مچلتا ہے
کافی بہتر ہو گیا ہے۔
تری قربت کی رم جھم میں، مرا دل یوں مچلتا ہے
کافی بہتر ہو گیا ہے۔
محمد یعقوب آسی
محفلین
تری ہوں بس"، مرے کانوں میں جھک کر پیار سے کہنا
جھکی قوس ِ قزح سے جیسے دریا مل کے چلتا ہے
پہلا مصرع مجھے اچھا نہیں لگا، پسند اپنی اپنی، مزاج اپنا اپنا۔
جھکی قوس ِ قزح سے جیسے دریا مل کے چلتا ہے
پہلا مصرع مجھے اچھا نہیں لگا، پسند اپنی اپنی، مزاج اپنا اپنا۔
محمد یعقوب آسی
محفلین
وہ میرا اشکِ خوں، یعنی وہ تیرے پیار کا موتی
خموشی سے ٹپک کر، دل کے زنداں سے نکلتا ہے
زندان والی بات ذرا ہٹی ہوئی ہے۔ غم، پیار وغیرہ دل میں قید تو نہیں ہوتے نا، وہ تو بستے ہیں۔ آنسو بھی کہیں قید نہیں ہوتے، ایک بات اور کہ ٹپک کر نکلنا کیا ہوا؟ آنسو کا کا جواز بنائیے مثلاً وہ تیرے ہجر کا حاصل، مثالِ دودِ بے آواز جو دل سے نکلتا ہے؛ یا کچھ ایسی فضا بنائیے۔
خموشی سے ٹپک کر، دل کے زنداں سے نکلتا ہے
زندان والی بات ذرا ہٹی ہوئی ہے۔ غم، پیار وغیرہ دل میں قید تو نہیں ہوتے نا، وہ تو بستے ہیں۔ آنسو بھی کہیں قید نہیں ہوتے، ایک بات اور کہ ٹپک کر نکلنا کیا ہوا؟ آنسو کا کا جواز بنائیے مثلاً وہ تیرے ہجر کا حاصل، مثالِ دودِ بے آواز جو دل سے نکلتا ہے؛ یا کچھ ایسی فضا بنائیے۔
محمد یعقوب آسی
محفلین
کئی انداز سے سوچا ، کئی آہنگ میں پرکھا
وہ اک امکان کاشف، دل میں رہتا ہے نہ ڈھلتا ہے
امکان کا ڈھلنا؟ یا دل میں رہنا؟ مجھ پر نہیں کھلا، آپ جانئے۔
وہ اک امکان کاشف، دل میں رہتا ہے نہ ڈھلتا ہے
امکان کا ڈھلنا؟ یا دل میں رہنا؟ مجھ پر نہیں کھلا، آپ جانئے۔
محمد یعقوب آسی
محفلین
زمانے، خاک اب کر دے مرا گلشن، کہ میں چاہوں
نیا باغِ تمنّا ہو، یہ موسم گر بدلتا ہے
یہ شعر غالباً نیا شامل کیا گیا ہے۔ یہاں اب شاید پاسنگ ڈالا ہے؟ مجھے ڈر ہے زمانہ میرے گلشن کو مٹادے گا۔ دوسرے مصرعے کو بھی اس کے مطابق کسی موزوں انداز میں باندھ لیں۔
نیا باغِ تمنّا ہو، یہ موسم گر بدلتا ہے
یہ شعر غالباً نیا شامل کیا گیا ہے۔ یہاں اب شاید پاسنگ ڈالا ہے؟ مجھے ڈر ہے زمانہ میرے گلشن کو مٹادے گا۔ دوسرے مصرعے کو بھی اس کے مطابق کسی موزوں انداز میں باندھ لیں۔
محمد یعقوب آسی
محفلین
میں مقدور بھر عرض کر چکا۔ اس پر کچھ اضافہ نہیں کر سکوں گا۔
پروفیسر انور مسعود نے ایک بار بہت خاص بات کہی (پہلے بھی بیان کر چکا ہوں):
شعر وہ ہے جو آپ کو چھیڑ دے اور آپ کا ذہن اس کے پیچھے یوں دوڑے جیسے بچہ تتلی کے پیچھے لپکتا ہے۔
پروفیسر انور مسعود نے ایک بار بہت خاص بات کہی (پہلے بھی بیان کر چکا ہوں):
شعر وہ ہے جو آپ کو چھیڑ دے اور آپ کا ذہن اس کے پیچھے یوں دوڑے جیسے بچہ تتلی کے پیچھے لپکتا ہے۔
آخری تدوین:
کاشف اسرار احمد
محفلین
جزاک اللہ استاد محترم ۔
آپ کے ایک ایک مشورہ میرے لیئے ایک نایاب موتی کی طرح ہے۔ گویا آپ نے آج پھر ایک خزانہ میرے نام کر دیا ہے۔
میں ان شا اللہ دوبارہ اس غزل پر کام کرتا ہوں۔ آپ کی دعاؤں کا طالب ہوں۔
جمالِ خوبرو کے بارے میں کیا ارشاد فرماتے ہیں محترم ؟
جب اُس کو دیکھتا ہوں تب یہ حالت دل کی ہوتی ہے
کہ اک معصوم بچے کی طرح گرتا سنبھلتا ہے
یوں کیسا رہے گا ؟