بات میری تسلی کی نہیں ، بلکہ اس قاعدہ اور قانون کی ہے جس کی بحالی کا دعوی کپتان کرتا تھا اور خود ہی اس کی دھجیاں بکھیر گیا۔ کیا ہم ابھی اداروں کی تباہی سے سیر نہیں ہوئے جو مزید تباہی کا سلسلہ شروع کر رہے ہیں؟۔
عمران اور شوکت خانم ہسپتال
- صاحب لڑی ساجد
- تاریخ ابتداء
محمداحمد
لائبریرین
یعنی آپ کے خیال میں عمران خان اگر کسی اور ہسپتال میں ہوتے تو وہ بستر اور علاج کی سہولتیں کسی مستحق مریض کو مل جاتیں۔ بات آپ کی اچھی ہے بہتر جواب عمران خان ہی دے سکتے ہیں کہ اُن کے پیشِ نظر کیا تھا۔
محمداحمد
لائبریرین
آپ کچھ "جارح" ہو رہے ہیں شوکت خانم ہسپتال خود عمران خان کی کوششوں سے ہی بنا ہے وہ یقیناً اس ادارے کی تباہی کبھی نہیں چاہے گا۔
ممکن ہے کہ یہاں اس سے غلطی ہوئی ہو لیکن ایسا نہیں ہے کہ وہ خود ہی شوکت خانم ہسپتال کی تباہی پر کمر بستہ ہو جائے گا۔
احمد بھائی صرف بہتر علاج کا معاملہ نہین۔ پورے لاہور میں کینسر کا ایک ہی ہسپتال ہے اور اس پر بھی پورے پنجاب سے رش لگتا ہے مریضوں کا۔ ایسے میں ایک ایک بیڈ کی اہمیت مسلم ہے۔ لیکن یہاں تو پورا ایک کمرہ ہی ایک وی ائی پی کے استعمال میں رہا جبکہ اسے یہ سہولت کسی بھی جنرل ہسپتال میں دستیاب ہو سکتی تھی۔
خدا نخواستہ عمران کو کینسر نہیں تھا۔ شوکت خانم ہسپتال کی سہولیات کینسر کے علاج کے لئے مہیا کی گئی ہیں نا کہ زخمیوں کے علاج کے لئے۔
چاہنے یا نہ چاہنے سے کچھ نہیں ہوتا ، عمل سے ثابت کرنا ہوتا ہے کہ ہماری کہنی اور کرنی میں کہیں تضاد تو نہیں۔
میں جارح نہیں ہو رہا بلکہ آئینے پر پڑی گرد میں نے تھوڑی سی ہٹائی ہے جس میں کچھ ایسے عکس صاف نطر انے لگے ہیں جن پر پردہ ڈلا ہوا تھا۔ ایک عمران ہی نہیں کوئی بھی ہوتا تو میں ایسا ہی "جارح" ہوتا اور اگر میں ابھی بھی تحریک انصاف کا ممبر ہوتا تو عمران کے صحت مند ہونے کا بھی انتظار نہ کرتا یہ معاملہ اٹھانے کے لئے۔ یہ آپ دوستوں کا احساس ہی ہے جس نے مجھے عمران کے صحت مند ہونے تک روکے رکھا۔
یہاں میں ایک وضاحت دے دوں کہ میرا تعلق عوام سے ہے اور ہر اس وی آئی پی اور اشرافیہ کے فرد کی دھونس اور عوامی حق پر ڈاکے پر آواز اٹھاتا ہوں جو اپنے لئے عوام سے ہٹ کر سوچتا اور چاہتا ہے۔ پرانے محفلین جانتے ہیں کہ میں نے جو لکھا سیاسی پس منظر سے بالا تر ہو کر لکھا ۔ لہذا آپ بھی عوام بن کر سوچئے کہ ہم اپنے لیڈروں کے تضاد کو کب تک اور کس قیمت تک بھگتیں گے؟۔
سید ذیشان
محفلین
شوکت خانم کا ریڈئولوجی ڈیپارٹمنٹ ملک کے کسی بھی ہسپتال سے بہتر ہے۔ اور عمران کو سر اور کمر کی چوٹوں کی نوعیت کے باعث ایم ار آئی وغیرہ کی فوری ضرورت تھی۔ اس کیساتھ ساتھ اعتماد بھی کوئی چیز ہوتی ہے۔ عمران نے چونکہ وہ ادارہ خود بنایا ہے اس لئے ان کو وہاں کے ڈاکٹروں پر اعتماد تھا۔ ایسے ہی منہ اٹھا کر کسی ہسپتال میں نہیں جا سکتا خاص طور پر جب انسان کی اپنی جان پر بنی ہو۔
یہ تو ایسے ہی ہے کہ پنجاب اسمبلی کی عمارت کے کمرے یہ کہہ کر کرائے پر دے دئیے جائیں کہ یہاں بہتر رہائشی سہولتیں میسر ہیں یا پھر قومی اسمبلی کی عمارت کو شادی ہال کے طور پر استعمال کرنے کی وجہ اس کا ائر کنڈیشنڈ اور کشادہ ہونا قرار دے دیا جائے۔
میرے بھائی ، یہ غلط روش ہے اور ہمیں یہ قبول نہیں کرنا چاہئیے کہ کسی سہولت یا ادارے کا غلط استعمال ہو۔ عمران سے بھی کافی
امیر لوگ ہیں لاہور میں تو کیا ہر روز کوئی نہ کوئی ان سپسشل ہسپتالوں میں جا کر لیٹ جائے بہتر علاج کے بہانے۔ اور بعد میں بل ادا کر کے کہے کہ میں نے پیسے سے علاج کروایا ہے۔ ہاں اگر کوئی کینسر کا مریض ہو تو تسلیم کہ وہ غریب ہو یا امیر یہاں آئے علاج کے لئے۔
سید ذیشان
محفلین
کیا آپ کو یہ معلوم ہے کہ عمران کو ائی سی یو میں رکھا گیا تھا؟ کیا ائی سی یو میں معمولی زخمیوں کو رکھا جاتا ہے؟
جناب آئی سی یو میں رکھا جائے یا سی سی یو میں ۔ جبکہ وہ ہسپتال بنایا ہی کینسر کے علاج کے لئے گیا ہے تو ائی سی یو کاکیا چکر؟۔ جبکہ ایک عام پاکستانی مہینوں منتظر رہےکینسر کے علاج کا تو ایک ایسے مریض کو وہاں داخل کرنے کی یا منطق ہے جو کینسر زدہ ہی نہیں۔ عمران خان کا علاج بہت سارے دیگر ہسپتالوں میں بھی اتنی ہی مہارت کے ساتھ ممکن تھا جیسا کہ شوکت خانم کینسر ہسپتال میں۔
سید ذیشان
محفلین
ایمرجنسی ڈیپارٹمنٹ تو شائد ہر ہسپتال میں ہوتا ہے؟ ایمرجنسی کیسز کو تو کہیں پر بھی مہینوں انتظار نہیں کرایا جاتا۔ آوٹ پیشنٹ کی بات الگ ہے، اور اس کی وجہ یہ ہے کہ ہسپتال کے پاس ریسورسز محدود ہیں اور اس کی آمدنی بھی محدود ہے۔
ذیشان بھائی ، یہاں ایک سوال پیدا ہوتا ہے کہ ہم عوام کی جان عمران خان سے کم قیمتی سمجھتے ہیں آپ؟یا پھر عام کینسر زدہ پاکستانی شوق سے ہسپتال کا رخ کرتا ہے؟۔ جو کینسر کے مریض ہوتے ہیں ان کی جان پر ایک عام زخمی سے زیادہ بنی ہوتی ہے۔ جبکہ عمران کو یہاں ایک پرائیویٹ ہسپتال میں ابتدائی طبی امداد کے بعد بہت بہتر حالت میں لایا گیا ۔
آبی ٹوکول
محفلین
اصل میں ساجد بھائی کو اور کوئی موضوع نہیں مل رہا تھا عمران کو جھاڑنے کے لیے ،
بھائی تھوڑی دھیرج رکھیئے مستقبل قریب میں عمران خان کو لتاڑنے کے لیے بڑا مواد میسر آنے والا ہے کیونکہ کے پی کے میں انکی حکومت بننےو الی ہے اور مرکز میں انکا ایک زمہ دار اپوزیشن کا رول سامنے آنا والا ہے سو ایسے میں آپکو اس قسم کے سطحی اعتراضات کرنے کی ضرورت نہیں پڑے گی بڑا سولڈ مواد میسر آئے گا دل کا بخار رکھنے کے لیے مگر فقط دھیرج درکار ہے ۔۔والسلام
بھائی تھوڑی دھیرج رکھیئے مستقبل قریب میں عمران خان کو لتاڑنے کے لیے بڑا مواد میسر آنے والا ہے کیونکہ کے پی کے میں انکی حکومت بننےو الی ہے اور مرکز میں انکا ایک زمہ دار اپوزیشن کا رول سامنے آنا والا ہے سو ایسے میں آپکو اس قسم کے سطحی اعتراضات کرنے کی ضرورت نہیں پڑے گی بڑا سولڈ مواد میسر آئے گا دل کا بخار رکھنے کے لیے مگر فقط دھیرج درکار ہے ۔۔والسلام
سید ذیشان
محفلین
میرے یا آپ کے سمجھنے سے کیا ہوتا ہے؟ دنیا میں ایسا ہی چلتا ہے۔ جس کے پاس پیسہ ہے وہی علاج معالجے کے چونچلے برداشت کر سکتا ہے۔ ورنہ ہمارے ملک میں ہزاروں لوگ روز ہی مرتے ہیں۔ افریقہ میں تو ملیریا سے لاکھوں لوگ سال میں مرتے ہیں جب کہ ہمارے اور آپ کے لئے ملیریا جیسی بیماری کی کوئی خاص اہمیت نہیں ہے۔
یا تو آپ مکمل سوشلسٹ بن جائیں تو پھر ایسی باتیں کر سکتے ہیں۔ لیکن جہاں پر دکانداری، تجارت اور اس طرح کی چیزوں کو برداشت کرتے ہیں تو امیر غریب کا فرق بھی برداشت کرنا پڑے گا۔
انیس الرحمن
محفلین
شوکت خانم میں کینسر کے علاوہ کئی شعبے ہیں۔ "نیورولوجی" کا شعبہ بھی ہے۔
میرے خیال میں عمران کے ساتھ نیورولوجی کا ہی مسئلہ تھا۔
اچھا ہے عمران نے جانچ بھی لیا ہوگا کہ اسپتال کا یہ شعبہ کیسا کام کر رہا ہے۔ اگر اس میں بہتری کی ضرورت محسوس کرے گا تو اس میں خاطر خواہ تبدیلی لائے گا۔
میرے خیال میں عمران کے ساتھ نیورولوجی کا ہی مسئلہ تھا۔
اچھا ہے عمران نے جانچ بھی لیا ہوگا کہ اسپتال کا یہ شعبہ کیسا کام کر رہا ہے۔ اگر اس میں بہتری کی ضرورت محسوس کرے گا تو اس میں خاطر خواہ تبدیلی لائے گا۔
امجد میانداد
محفلین
ساجد بھائی کیوں دل کے چھالے پھوڑتے ہو،
ابھی چٹکیاں بجاتے کتنے جواب آ گئے اور آئیں گے لیکن سب اپنے اپنے نقطہءِ نظر سے۔ اور جواب دینے والے یا تو کوشش کریں گے کہ ان کے جواب سے عمران خان کا عمل درست ثابت ہو جائے اور مخالف کوشش کریں گے کہ ان کی دلیلوں سے کسی طرح عمران خان کی ایک خامی اجاگر ہو جائے۔
اصل مدعا بیچ میں ہی لٹکا رہے گا اور اس لیول تک کوئی پہنچنے کی کوشش ہی نہیں کرتا کہ سوال کسی کی خامی یا خوبی اجاگر کرنے کے لیے نہیں بلکہ دل کی تشفی کے لیے بھی پوچھے جاتے ہیں۔
امجد میانداد
محفلین
انیس بھائی مجھے آپ کے جواب سے خوشی ہوئی۔ بہت شکریہ۔ ہمیں کبھی کبھی اسی طرح فراغ دلی کا مظاہرہ کرتے ہوئے اپنے مخالفین سے بھی کچھ اچھاکرنے کی امید کرنی چاہیے۔