فیض غم بہ دل، شکر بہ لب، مست و غزل خواں چلیے ۔ فیض احمد فیض

[فرخ منظور]

غم بہ دل، شکر بہ لب، مست و غزل خواں چلیے​

جب تلک ساتھ ترے عمرِ گریزاں چلیے​

​

رحمتِ حق سے جو اس سَمت کبھی راہ ملے​

سوئے جنّت بھی براہِ رہِ جاناں چلیے​

​

نذر مانگے جو گلستاں سے خداوندِ جہاں​

ساغرِ مے میں لیے خونِ بہاراں چلیے​

​

جب ستانے لگے بے رنگیِ دیوارِ جہاں​

نقش کرنے کوئی تصویرِ حسیناں چلیے​

​

کچھ بھی ہو آئینۂ دل کو مصفّا رکھیے​

جو بھی گزرے، مثلِ خسروِ دوراں چلیے​

​

امتحاں جب بھی ہو منظور جگر داروں کا​

محفلِ یار میں ہمراہِ رقیباں چلیے​

​

(فیض احمد فیض)​

 

[باباجی]

بہت شکریہ سر جی اتنا خوبصورت کلام شیئر کرنے کے لیئے

کچھ بھی ہو آئینۂ دل کو مصفّا رکھیے​

جو بھی گزرے، مثلِ خسروِ دوراں چلیے​

 

[فرخ منظور]

بہت شکریہ سر جی اتنا خوبصورت کلام شیئر کرنے کے لیئے

کچھ بھی ہو آئینۂ دل کو مصفّا رکھیے​

جو بھی گزرے، مثلِ خسروِ دوراں چلیے​

بہت عنایت فراز صاحب!