انتخابَ کلام الیگزنڈر ہیڈرلی آزاد

فرخ منظور

لائبریرین
انتخابِ کلام الیگزنڈر ہیڈرلی آزاد


زہے وحدت وہی دیر و حرم میں جلوہ آرا ہے
ازل سے محو ہوں جس کے جمالِ حیرت افزا کا

دوئی کو ترک کر آزاد بس معقولِ وحدت رہ
اسی پر منحصر ہے فیصلہ دنیا و عقبےٰ کا
۔۔۔۔۔۔۔۔۔۔۔۔۔۔۔

لگے گا لطمۂ موجِ فنا دریائے ہستی میں
حباب اکدم کی خاطر تو اگر نکلا تو کیا نکلا

کرے کیا کوئی عالم میں نمودِ جلوہ آرائی
رہا کیا خاک پتھر سے شرر نکلا تو کیا نکلا
۔۔۔۔۔۔۔۔۔۔۔۔۔۔۔
میری صورت سب کہے دیتی ہے میرا حالِ دل
میرے تیور دیکھ کر وہ مجھ سے بدظن ہو گیا
۔۔۔۔۔۔۔۔۔۔۔۔۔۔۔
واعظوں سے سنا کرتے تھے جنت کا بیاں
جبکہ تحقیق کیا کوچۂ جاناں نکلا

جوشِ وحشت ہے کہیں زیرِ زمیں بھی یارب
خاک سے گُل جو ہر اِک چاکِ گریباں نکلا
۔۔۔۔۔۔۔۔۔۔۔۔۔۔۔۔
 

سید زبیر

محفلین
شکریہ@فرخ منظور صاحب
زہے وحدت وہی دیر و حرم میں جلوہ آرا ہے
ازل سے محو ہوں جس کے جمالِ حیرت افزا کا

دوئی کو ترک کر آزاد بس معقولِ وحدت رہ
اسی پر منحصر ہے فیصلہ دنیا و عقبےٰ کا
 

نایاب

لائبریرین
بہت خوب شراکت محترم بھائی
لگے گا لطمۂ موجِ فنا دریائے ہستی میں​
حباب اکدم کی خاطر تو اگر نکلا تو کیا نکلا​
اس لفظ کا معنی کیا ہوگا ۔۔۔۔۔۔۔۔۔۔؟​
 

فرخ منظور

لائبریرین

فرخ منظور

لائبریرین
بہت خوب شراکت محترم بھائی

لگے گا لطمۂ موجِ فنا دریائے ہستی میں


حباب اکدم کی خاطر تو اگر نکلا تو کیا نکلا


اس لفظ کا معنی کیا ہوگا ۔۔۔ ۔۔۔ ۔۔۔ ۔؟

نایاب صاحب، یہ عربی لفظ ہے جس کا مطلب طمانچہ یا تھپّڑ ہوتا ہے۔
 

نایاب

لائبریرین
نوازش جناب، لیکن پہلے آپ سوال پوچھتے ہیں پھر متفق کا بٹن دبا دیتے ہیں۔ یہ کیا راز ہے؟ :)
محترم بھائی دراصل آپ کا جواب آنے سے پہلے ہی اک مصری دوست نے مجھے یہ بتایا تھا کہ اس لفظ کا معنی " اچانک پڑنے والا تھپڑ " ہے ۔
اس لیئے آپ کے جواب پر متفق کلک کر دیا ۔
 
Top