شو کمار بٹالوی شِو کمار بٹالوی: برہا دا سلطان

[زبیر مرزا]

عمراں دے سرور​

عمراں دے سرور ​

ساہواں دا پانی ​

گیتا وے چنج بھریں ​

بھلکے نہ رہنے ​

پیڑاں دے چانن ​

ہاواں وے ہنس سریں ​

گیتا وے چنج بھریں​

گیتاوے​

عمراں دے سرور چھلیے ​

پل چھن بھر سک جاندے ​

ساہواں دے پانی ​

پی لے وے اڑیا ​

ان چاہیاں پھٹ جاندے ​

بھلکے نہ سانوں دئیں الانبھڑا ​

بھلکے نہ روس کریں ​

گیتاوے چنج بھریں ​

ہاواں دے ہنس ​

سنیندے وے لوبھی ​

دل مرداتاں گاندے ​

ایہ برہوں رت ہنجو پگدے ​

چگدے تے اڈ جاندے ​

ایسے اڈدے مار اڈاری ​

مڑنہ آؤن گھریں ​

گیتاوے چنج بھریں​

گیتا وے چنج بھریں تاں تیری ​

سونے چنج مڑھاواں ​

میں چندری تیری بردی تھیواں ​

نال تھئے پرچھاواں ​

ہاڑا ای وے ​

نہ توں تریہایا ​

میرے وانگ مریں ​

گیتا وے چنج بھریں ​

عمراں دے سرور ​

ساہواں دا پانی ​

گیتاوے چنج بھریں ​

بھلکے نہ رہنے ​

پیڑاں دے چانن ​

ہاواں دے ہنس سریں ​

گیتاوے چنج بھریں​

​

 

[زبیر مرزا]

چنبے دا پھل​

اج اک چنبے دا پھل مویا ​

اج اک چنبے دا پھل مویا ​

گل پوناں دے پاکے باہیں ​

گورا چیتر چھم چھم رویا ​

اج اک چنبے دا پھل مویا ​

​

چیتر دے بل نیلے نیلے ​

مکھڑا وانگ وساراں ہویا ​

نینیں لکھ ماتمی چھلے ​

گلھ وچ پے پے جاوے ٹویا ​

اج اک چنبے دا پھل مویا ​

ادھیں راتیں رووے چیتر ​

پوناں دا دل زخمی ہویا ​

ڈونگھے وین بڑے دردیلے​

سن کے سارا عالم رویا ​

اج اک چنبے دا پھل مویا ​

 

[فلک شیر]

التباس صاحب بڑی مہربانی ایڈا سوہنا دھاگہ بنان لئی

زبیر مرزا صاحب....تہاڈی محبت....دھنوادی آں....

 

[فلک شیر]

چنبے دا پھل​

اج اک چنبے دا پھل مویا ​

اج اک چنبے دا پھل مویا ​

گل پوناں دے پاکے باہیں ​

گورا چیتر چھم چھم رویا ​

اج اک چنبے دا پھل مویا ​

​

چیتر دے بل نیلے نیلے ​

مکھڑا وانگ وساراں ہویا ​

نینیں لکھ ماتمی چھلے ​

گلھ وچ پے پے جاوے ٹویا ​

اج اک چنبے دا پھل مویا ​

ادھیں راتیں رووے چیتر ​

پوناں دا دل زخمی ہویا ​

ڈونگھے وین بڑے دردیلے​

سن کے سارا عالم رویا ​

اج اک چنبے دا پھل مویا ​

سبحان اللہ....

 

[فلک شیر]

گربھ دتی

عورت تاں اک اوہ پنچھی ہے
جس نوں سونے دے پنجرے وچ
مٹھ ساری بس کنگنی پاکے
ٹنگ دتا ہے جاندا
اولھے کندھیاں

پر ایہ فروی بھولا پنچھی
کھا کنگنی دے اک دو دانے
چنجھ بھرپی کے ٹھنڈا پانی
رہے دعاواں دیندا
عمروں لمبیاں

ہے آدم دے کامی پترو
یاں ایہ پنچھی مار مکاؤ
یاں اس پنچھی دا کجھ سوچو
چھڈدیوایہنوں کھلاوو
وچ جھنگیاں

 

[تلمیذ]

التباس صاحب،
اردو محفل دےپنجابی فورم تے شو کمار بٹالوی تے اک لڑی دی ڈاہڈی لوڑ سی۔ تساں ایہہ شروع کر کےبوہت ودھیا کم کیتا اے۔ ایس زمانے دے شاعراں وچہ برہا تے وچھوڑے نوں شو کمار وانگوں گھٹ شاعراں نے ای لکھیا اے۔ تے نالے جنی ٹھیٹ پنجابی اونہاں دے کلام وچ ہوندی اے اوہ فی زمانہ گھٹ ای پڑھن وچ آؤندی اے۔

میرے ولوں شکریہ قبول کرو، سرکار!!

 

[فلک شیر]

التباس صاحب،
اردو محفل دےپنجابی فورم تے شو کمار بٹالوی تے اک لڑی دی ڈاہڈی لوڑ سی۔ تساں ایہہ شروع کر کےبوہت ودھیا کم کیتا اے۔ ایس زمانے دے شاعراں وچہ برہا تے وچھوڑے نوں شو کمار وانگوں گھٹ شاعراں نے ای لکھیا اے۔ تے نالے جنی ٹھیٹ پنجابی اونہاں دے کلام وچ ہوندی اے اوہ فی زمانہ گھٹ ای پڑھن وچ آؤندی اے۔

میرے ولوں شکریہ قبول کرو، سرکار!!

تلمیذ صاحب.....مان ودھان لئی تے اینی محبت نال دھاگے دا چرچا کرن لئی میں تہاڈا بہوتا شکرگزار آں.....شو دے بارے جو تساں آکھیا، حق آکھیا....شو دا اداسی تے برہا دا بیان نرا بیان نہیں.....ایہہ تے اک سچے شاعر....دہرانا واں "سچے شاعر" دی کائنا ت تے انسان دے درمیان لُکن میٹی تے رائے وے.......تسی اپنا حصہ پانا نہ بھلیا جے....اک واری فیر دھنوادی آں.......

 

[فلک شیر]

سیدہ شگفتہ قرۃالعین اعوان ناعمہ عزیز مقدس نیلم سیماب مس بھٹی مدیحہ گیلانی مہ جبین .....تے دیگر بیبیاں، جنہاں دے ناں نہیں لکھ سکیا..... شو کمار بٹالوی دی ایہہ کویتا میں دہری واری چھاپنا پیاں.....ایس لئی کہ نویں پنجابی ادب اچ عورت دی اوکھ تے چنگیائی ، دوہاں نوں گھٹ ای کسے انج خراج پیش کیتا اے.......خوبصورت کویتا تہاڈے سب دی نذر.....(شو دا تھوڑا جیہا درشن اُتے دتا اے)

گربھ دتی

عورت تاں اک اوہ پنچھی ہے
جس نوں سونے دے پنجرے وچ
مٹھ ساری بس کنگنی پاکے
ٹنگ دتا ہے جاندا
اولھے کندھیاں

پر ایہ فروی بھولا پنچھی
کھا کنگنی دے اک دو دانے
چنجھ بھرپی کے ٹھنڈا پانی
رہے دعاواں دیندا
عمروں لمبیاں

ہے آدم دے کامی پترو
یاں ایہ پنچھی مار مکاؤ
یاں اس پنچھی دا کجھ سوچو
چھڈدیوایہنوں کھلاوو
وچ جھنگیاں
کنگنی: دانہ

 

[ناعمہ عزیز]

عورت تاں اک اوہ پنچھی ہے
جس نوں سونے دے پنجرے وچ
مٹھ ساری بس کنگنی پاکے
ٹنگ دتا ہے جاندا


بوہت خوب آکھیا جے ۔ بوہتی ساری داد وصول کرو۔

 

[نیلم]

پر ایہ فروی بھولا پنچھی
کھا کنگنی دے اک دو دانے
چنجھ بھرپی کے ٹھنڈا پانی
رہے دعاواں دیندا
عمروں لمبیاں
،،،بہتی سوہنالکھیانےبہت ساری داد وصول کرو،،،تےبہتی شکریہ اس مہربانی دا،،،

 

[فلک شیر]

شکرا

مائے! نی مائے!
میں اک شکرا یار بنایا
اوہدے سر تے کلغی
تے اوہدے پیریں جھانجھر
تے اوہ چوگ چگیندا آیا
نی میں واری جاں!

اک اوہدے روپ دی
دھپ تکھیری
دوجا مہکاں دا ترہایا
تیجا اوہدا رنگ گلابی
کسے گوری ماں دا جایا
نی میں واری جاں!

نینیں اوہدے
چیت دی آتھن
اتے زلفیں ساون چھایا
ہو ٹھاں دے وچ کتیں دا
کوئی دیہوں چڑھنے آیا
نی میں واری جاں!

ساہواں دے وچ پھل سویا ں دے
کسے باغ چنن دا لایا
دیہیں دے وچ کھیڈے چیتر
عطراں نال نہایا
نی میں واری جاں!

بولاں دے وچ
پون پرے دی
نی اوہ کوئلاں دے ہمسایا
چٹے دند جیوں دھانوں بگلا
تاڑی مار اڑایا
نی نیں واری جاں!

عشفے دا
اک پلنگھ نواری
اساں چاننیاں وچ ڈاہیا
تن دی چادر ہو گئی میلی
اس پیر جاں پلنگھے پایا
نی میں واری جاں!

دکھن میرے
نیناں دے کوئے
وچ ہڑ ہنجوواں دا آیا
ساری رات گئی وچ سوچاں
اس ایہ کیہ ظلم کمایا
نی میں واری جاں !

صبح سویرے
لے نی وٹنا
اساں مل مل اوس نہایا
دیہی وچوں نکلن چنگاں
تے ساڈا ہتھ گیا کملایا
نی میں واری جاں

چوری کٹاں!
تے اوہ کھاندا ناہیں
اوہنوں دل دا ماس کھوایا
اک اڈاری ایسی ماری
اوہ مڑو طنیں نہیں آیا
نی میں واری جاں!

مائے نی مائے!
میں اک شکرا یار بنایا
اوہدے سر تے کلغی
تے اوہدے پیریں جھانجھر
تے چوگ چگیندا آیا
نی میں واری جاں !

 

[قرۃالعین اعوان]

بؤں خوبصورت انتخاب کیتا اے تساں

پر ایہ فروی بھولا پنچھی​

کھا کنگنی دے اک دو دانے​

چنجھ بھرپی کے ٹھنڈا پانی​

رہے دعاواں دیندا​

عمروں لمبیاں​

بوں سواد آیا اے پڑھ کے
شکریہ!

 

[فلک شیر]

بؤں خوبصورت انتخاب کیتا اے تساں

پر ایہ فروی بھولا پنچھی​

کھا کنگنی دے اک دو دانے​

چنجھ بھرپی کے ٹھنڈا پانی​

رہے دعاواں دیندا​

عمروں لمبیاں​

بوں سواد آیا اے پڑھ کے
شکریہ!

قرۃالعین اعوان صاحبہ ...مان ودھان لئی شکریہ....بہوں سارا

 

[قرۃالعین اعوان]

قرۃالعین اعوان صاحبہ ...مان ودھان لئی شکریہ....بہوں سارا

بھیا آپ کونسی جگہ سے ہیں؟

 

[تلمیذ]

پنجابی سائٹ 'اپنا آرگ' تے شِو کمار بٹالوی دا ڈھیر سارا کلام پیا ہویا اے۔

 

[فلک شیر]

بھیا آپ کونسی جگہ سے ہیں؟

قرۃالعین اعوان صاحبہ.....چناب دے کنڈے اک نکے جیہے دیہات اچوں....

 

[قرۃالعین اعوان]

قرۃالعین اعوان صاحبہ.....چناب دے کنڈے اک نکے جیہے دیہات اچوں....

خوشی ہوئی بھیا!
شکریہ!

 

[سیماب]

اففففف پنجابی

 

[تلمیذ]

خیر، ایہہ اینی اوکھی بولی وی نئیں ہیگی۔ (خیر، یہ اتنی مشکل زبان بھی نہیں ہے)! سیماب!!

 

[سیماب]

خیر، ایہہ اینی اوکھی بولی وی نئیں ہیگی۔ (خیر، یہ اتنی مشکل زبان بھی نہیں ہے)! سیماب!!

پر مجھے سمجھ نہیں آتی