“ وفا “

[شمشاد]

یہ اداء بے نیازی تجھے بے وفا مبارک
مگر ایسی بے رخی کیا کہ سلام تک نہ پہنچے
(شکیل بدایونی)

 

[عمر سیف]

کرے گا کون تیری بےوفائیوں کا گلہ
یہی ہے رسمِ زمانہ تو ہم بھی اب کے گئے

 

[سارہ خان]

کسی بے وفا کی خاطر، یہ جنوں فراز کب تک
جو تمہیں بُھلا چُکا ہو، تم اُس کو بھول جاؤ

 

[عمر سیف]

وفا کے خواب محبت کا آسرا لے جا
اگر چلا ہے تو جو کچھ مجھے دیا لے جا

 

[شمشاد]

گلے فضول تھے عہد و وفا کے ہوتے ہوئے
سو چپ رہے ستمِ ناروا کے ہوتے ہوئے
(احمد فراز)

 

[عمر سیف]

جاؤں گا کہاں توڑ کے زنجيرِ وفا کو
ہر سو میری جانب نگراں ہيں تیری آنکھيں

 

[سارہ خان]

سکوں محال ہے امجد وفا کے رستے میں
کبھی چراغ جلے ہیں ہَوا کے رستے میں ؟

 

[عمر سیف]

مل گیا ہم کو وفا و عشقِ اُلفت کا صلہ
بندہ پرور آپ کی بس یادگاری چاہیے

 

[شمشاد]

دامن تہِ سنگ آمدہ احرامِ وفا ہے
سر رشتۂ بے تابئیِ دل در گرہِ عجز
(غالب)

 

[سارہ خان]

اُمید ہی بندھ جاتی ، تسکین ہی ہو جاتی
وعدہ نہ وفا کرتے ، وعدہ تو کِیا ہوتا

 

[حجاب]

وفا کے شیش محل میں سجا لیا میں نے
وہ اک دل جسے پتھر بنا لیا میں نے۔۔۔۔

 

[حجاب]

وفا کے شیش محل میں سجا لیا میں نے
وہ اک دل جسے پتھر بنا لیا میں نے۔۔۔۔

 

[شمشاد]

جنوں فسردۂ تمکیں ہے کاش عہدِ وفا
گدازِ حوصلہ کو پاسِ آبرو جانے
(غالب)

 

[سارہ خان]

نہیں امجد کوئی قیمت وفا کی
یہ سودا اَب یہاں بِکتا نہیں ہے

 

[عمر سیف]

فرصتِ شوق نہ دی کربِ وفا نے ورنہ
کوئی اعجاز تو ہم نے بھی دکھایا ہوتا

 

[شمشاد]

سارہ اور ضبط، بہت اچھے شعر ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہے وہ غرورِ حُسن سے بیگانۂ وفا
ہر چند اُس کے پاس دلِ حق شناس ہے
(غالب)

 

[سارہ خان]

شکریہ شمشاد بھائی ۔۔

تخلص الوفا ہے جب سے رکھا بےوفاؤں نے
بدل ڈالے ہیں پیمانے محبت و وفاؤں کے

 

[عمر سیف]

شکریہ شمشاد

ایسی مشکل تو نہیں دشتِ وفا کی تسخیر
سر میں سودا بھی تو ہو، دل میں ارادہ بھی تو ہو

 

[شمشاد]

حیرت ہمہ اسرار پہ مجبورِ خموشی
ہستی نہیں جز بستنِ پیمانِ وفا ہیچ
(غالب)

 

[سارہ خان]

کوئی بھی لمحہ کبھی لوٹ کر نہیں آتا

وہ شخص ایسا گیا پھر نظر نہیں آیا

وفا کے دشت میں رستہ نہیں ملا کوئی

سوائے گرد سفرہم سفر نہیں آیا
(امجد اسلام امجد)