“ وفا “

[عبدالجبار]

وفا ، اخلاص ، قربانی ، محبت
اب اِن لفظوں کا پیچھا کیوں‌کریں ہم
یہی کافی ہے ہم دُشمن نہیں‌ ہیں
وفاداری کا دعوٰی کیوں کریں ہم​

 

[الف نظامی]

جفا کی تیغ سے گردن وفا شعاروں کی
کٹی ہے بر سر میداں مگر جھکی تو نہیں

 

[عبدالجبار]

‌وفا شعار ہیں لاکھوں کوئی حسیں بھی تو ہو
چلو پھر آج اُسی بے وفا کی بات کریں​

 

[نوید ملک]

تری وفا پہ بہت اعتبار ان کو رہا
تمام رات جو آنکھوں میں کاٹ آئے ہیں

 

[عیشل]

کیا مصلحت شناس تھا وہ آدمی قتیل
مجبوریوں کا جس نے وفا نام رکھ دیا

 

[نوید ملک]

میرا جنونِ عشق وہ عرضِ وفا کے بعد
وہ شانِ احتیاط تری ، ہر ادا کے بعد

 

[عمر سیف]

اِک شہرِ وفا کے بند دریچے آنکھیں میچے سوچتے ہیں
کب قافلہ ہائے خندہءِ گل کو ان راہوں سے گزرنا ہے

 

[نوید ملک]

جاؤں گا کہاں توڑ کے زنجيرِ وفا کو
ہر سو مری جانب نگراں ہيں تری آنکھيں

 

[عمر سیف]

بے وفا کہ کر تمہیں ہم خود بھی پچھتائے مگر
بےرخی حد سے سِوا ہو جائے تو ہم کیا کریں

 

[نوید ملک]

چاہت کا رنگ تھا نہ وفا کی لکیر تھی
قاتل کے ہاتھ میں تو حنا کی لکیر تھی

 

[عمر سیف]

بے وفا با وفا نہیں ہوتا
ختم یہ فاصلہ نہیں ہوتا
کچھ تو مجبوریاں رہی ہونگی
یوں کوئی بےوفا نہیں ہوتا

 

[نوید ملک]

بڑی عمر ہم نے گزار دی کسی بے وفا سے نباہ میں
نہ اذتیوں کی شکائتیں نہ ہے ہوش حالِ تباہ میں‌

 

[عمر سیف]

یہ عہر وہ ہے کہ میری وفا کے قصوں میں
تیری جفا کی حکایات بھی بیاں ہونگی

 

[نوید ملک]

دوستوں سے وفا کیا امیدیں
کس زمانے کے آدمی تم ہو

 

[عمر سیف]

اپنے اپنے بے وفاؤں نے ہمیں یکجا کیا
ورنہ میں تیرا نہیں تھا اور تو میرا نہ تھا

 

[ظفری]

محبت میں وفا داری سے بچیئے
جہاں تک ہو ، اداکاری سے بچیئے​

 

[عمر سیف]

وہ تردیدِ وفا تو کر رہا تھا
مگر اس شخص کی حالت عجیب تھی

 

[شمشاد]

آرزو ہے وفا کرئے کوئی
جی نہ چاہے تو کیا کرئے کوئی

گر مرض ہو دوا کرئے کوئی
مرنے والے کا کیا کرئے کوئی
(داغ دہلوی)

 

[عمر سیف]

صدمے جھیلوں، جان پہ کھیلوں، اس سے مجھے انکار نہیں
لیکن میرے پاس وفا کا کوئی بھی معیار نہیں

 

[سارہ خان]

کیا مصلحت شناس تھا وہ آدمی قتیل
مجبوریوں کا جس نے وفا نام رکھ دیا