گوگل اردو ٹرانسلٹریشن کے لیے بک مارکلٹ (Bookmarklet)

[نبیل]

السلام علیکم،
میں اس بلاگ پر گوگل کی ٹرانسلٹریشن اے پی آئی کا ذکر کر چکا ہوں۔ اب گوگل نے ایک بکمارکلٹ (Bookmarklet) بھی فراہم کر دیا ہے جس کے ذریعے اب کسی بھی ویب سائٹ کے کسی بھی ٹیکسٹ ایریا میں ٹرانسلٹریشن کے ذریعے یونیکوڈ اردو لکھنا ممکن ہو گیا ہے۔ بکمارکلٹ اگرچہ ویب براؤزر کے فیورٹس میں ایک یو آر ایل کی طرح ہی محفوظ ہوتا ہے لیکن اس میں کسی ویب سائٹ کے پتے کی بجائے کچھ جاوا سکرپٹ کوڈ چھپا ہوتا جو اس فیورٹ کو منتخب کرنے پر رن ہوتا ہے۔ فی الوقت یہ بکمارکلٹ انٹرنیٹ ایکسپلورر، فائرفاکس، سفاری اور کروم ویب براؤزرز کے لیے دستیاب ہے۔ اس بکمارکلٹ کو اپنے مطلوبہ ویب براؤزر کے لیے سیٹ اپ کرنے کی ہدایات اس ربط پر موجود ہیں۔ ذیل کی تصویر میں اس بکمارکلٹ کو انٹرنیٹ ایکسپلورر کی فیورٹس بار پر دکھایا گیا ہے۔

ایک مرتبہ گوگل اردو ٹرانسلٹریشن کا بکمارکلٹ آپ کے مطلوبہ ویب براؤزر کے لیے سیٹ اپ ہو جائے تو اس کے بعد کسی بھی ٹیکسٹ ایریا میں کرسر رکھ کر اس بکمارکلٹ کو کلک کیا جائے تو اس ٹیکسٹ ایریا میں اردو ٹرانسلٹریشن فعال ہو جائے گی جس کے اردو لکھنا آسان ہو جائے گا۔ ذیل کی تصویر میں گوگل کے صفحے پر اسی بکمارکلٹ کا استعمال دکھایا گیا ہے۔

 

[محمدصابر]

زبردست خبر ہے۔ شکریہ نبیل بھائی

 

[الف عین]

شکریہ پہلے گوگل کا، پھر نبیل کا۔

 

[دوست]

یہ بہت اچھی خبر ہے۔ اس سے بلاگر پر ہمارے تبصرہ کرنے والے دوست باآسانی اردو میں تبصرہ کرسکیں گے۔

 

[الف عین]

لیکن شاکر اگر ان کو اس بک مارکلیٹ کا معلوم ہو تو۔۔۔۔، ہر بلاگ پر کومنٹ کی جگہ اس بک مارک لیٹ کا لنک دہا جائے تو لوگ اس کو انسٹال کر سکیں۔

 

[دوست]

جی یہ شامل کرنا پڑے گا۔ کاش گوگل بلاگر کے تبصرہ خانے کو کسٹمائز کرنے پر پابندی نا لگاتا۔ پرانے بلاگر میں اچھا تھا۔
اس کو ایسے ہی لگانا پڑے گا جیسے کچھ احباب اردو ویب پیڈ تبصرے کے خانے کے اوپر ایک اور ٹیکسٹ خانہ بنا کر ڈال دیتے ہیں۔ کاپی پیسٹ کرو۔

 

[اشتیاق علی]

بہت اچھی خبر ہے ۔سب سے پہلے گوگل کا شکریہ اور نبیل بھائی آپ کا بھی اس اچھی خبر شئیر کرنے کا بہت شکریہ۔
بہت اچھی خبر ہے ۔

 

[عین لام میم]

ززززززززززززززززززززبردست۔۔۔۔۔!
یہ بہت کمال کا ہے۔ ۔۔ ۔ شکریہ نبیل بھائی۔

 

[عین لام میم]

میرے لئے تو یہ ایک حیران کن بات ہے کیوںکہ اس سے اردو ٹائپ کرنا آسان ہو جائے گا ان لوگوں کیلئے جو ابھی انٹرنیٹ پہ اردو کی موجودگی اور استعمال سے نا آشنا ہیں۔ ۔ ۔۔ (اور کم از کم میرے اپنے حلقہ احباب میں ایسے لوگوں کی کمی نہیں ہے!)۔ ۔۔ ۔ ۔۔
ایس ایم ایس کی بدولت لوگ رومن میں ٹائپ کرنے کے خاصے ماہر ہوتے ہیں اور فیس بک، آرکٹ اور مختلف سائیٹس پہ بھی رومن ہی چلتی ہے بے دریغ۔ ۔
شائد یہ اصل اردو (یعنی مخصوص اردو رسم الخط کی ٹائیپنگ )کیلئے اتنا اچھا ثابت نہ ہو ،لیکن اس سے اردو کو ترویج ملنے کے خاصے امکان ہیں۔

 

[عین لام میم]

چلو جی! ایک مسئلہ مل گیا ہے نبیل بھائی اور دیگر معاون حضرات کیلئے۔ ۔ ۔ ۔
یہ بکمارکلٹ میرے بلاگ کے اوریجنل تبصرہ خانے میں کام نہیں کر رہا۔ جبکہ اردو پیڈ والے خانے میں اس کا نشان بنا ہوا آ جاتا ہے۔ اور اردو پیڈ کا مسئلہ جو میں نے زمانہ قدیم میں بیان کیا تھا، تا حال حل نہیں ہو سکا ہے۔ ۔ ( خیر فی الحال مسئلہ سادہ تبصرہ خانے والا ہے۔)

 

[arifkarim]

اچھی کاوش ہے!

 

[نبیل]

چلو جی! ایک مسئلہ مل گیا ہے نبیل بھائی اور دیگر معاون حضرات کیلئے۔ ۔ ۔ ۔
یہ بکمارکلٹ میرے بلاگ کے اوریجنل تبصرہ خانے میں کام نہیں کر رہا۔ جبکہ اردو پیڈ والے خانے میں اس کا نشان بنا ہوا آ جاتا ہے۔ اور اردو پیڈ کا مسئلہ جو میں نے زمانہ قدیم میں بیان کیا تھا، تا حال حل نہیں ہو سکا ہے۔ ۔ ( خیر فی الحال مسئلہ سادہ تبصرہ خانے والا ہے۔)

یہ بکمارکلٹ بلاگر کے تبصروں کے خانے میں کام نہیں کر رہا ہے۔ اس کی وجہ بھی غالباً کراس ڈومین سکرپٹنگ کی پابندیاں ہیں۔ فی الحال تو مجھے اس صورتحال کا کوئی حل معلوم نہیں ہے۔ گوگل کو خود اس جانب توجہ کرنی چاہیے کیونکہ بلاگر بھی اسی کے زیر انتظام چلتا ہے۔ میں کوشش کروں گا کہ متعلقہ گوگل گروپ وغیرہ پر اس بارے میں پوسٹ کروں۔