پسندیدہ اقوال زرّیں، سنہری باتیں۔۔سید لبید غزنوی

[سید لبید غزنوی]

باصلاحیت انسانوں کی قدردانی اجتماعی کامیابی کا اصل راز ہے ۔​

 

[سید لبید غزنوی]

اچھا انسان اچھا ہی ہوتاہے مگر جب انسان برائی کرتاہے تو بہتر بننے کا اہل ہوجاتاہے ۔​

 

[سید لبید غزنوی]

نادان شخص غلطی کرتاہے اور بھول جاتاہے ۔عقلمند بھی غلطی کرتاہے مگر اسے یاد رکھتاہے۔​

 

[سید لبید غزنوی]

انسان کا اصل المیہ یہ ہے کہ بڑے بڑے حادثات کامقابلہ وہ بڑے حوصلے سے کرتاہے مگر چھوٹے چھوٹے مسائل کے ہاتھوں اپنی صحت اور سکون گنوا دیتا ہے ۔​

 

[سید لبید غزنوی]

سخت روزے کے بعد افطار کی نعمت دنیا کی زندگی کے بعد جنت کی پر لذت زندگی کا ایسا تعارف ہے جو صرف روزے دار کو نصیب ہوتا ہے ۔​

 

[سید لبید غزنوی]

خوبصورت لوگ ہمیشہ اعلیٰ اخلاق کے حامل نہیں ہوتے لیکن اعلیٰ اخلاق سے مزین لوگ ہمیشہ خوبصورت ہوتے ہیں۔​

 

[سید لبید غزنوی]

مخالف کو جنگ اور دلیل کے میدان میں شکست دینا بھی کامیابی ہے مگر اخلاق کے میدان میں شکست دینا زیادہ بڑی کامیابی ہے ۔​

 

[سید لبید غزنوی]

اگر آپ حق پر کھٹر ے ہیں تو آپ کو چلا کر بات کرنے کی ضرورت نہیں اور اگر آپ حق پر نہیں تو چلاکر بات کر نے کا کوئی فائدہ نہیں۔
​

 

[سید لبید غزنوی]

جس طرح باہر کا اندھیرا انسان سے اس کے دیکھنے کی صلاحیت کو چھین لیتا ہے اسی طرح دل کے اندر موجود تعصب کا اندھیرا بھی انسان کو حقائق دیکھنے سے روک دیتا ہے ۔​

 

[سید لبید غزنوی]

زیادہ زہین اور کم محنتی افراد کی کامیابی کا امکان جتنا کم ہوتاہے ۔کم زہین اور زیادہ محنتی افراد کی کامیابی کا امکان اتنا ہی زیادہ ہوتاہے ۔​

 

[سید لبید غزنوی]

جس طرح دنیاکی تجارت بداخلاقی کے ساتھ نہیں کی جاسکتی ۔اسی طرح جنت کی تجارت بداخلاقی سے نہیں کی جاسکتی ۔​

 

[سید لبید غزنوی]

جو انسان چیزوں کو ملکیت بنانا اپنی زندگی بنا لیتاہے کچھ عرصے میں زندگی خود اسے چیزوں کی ملکیت بنا دیتی ہے ۔​

 

[سید لبید غزنوی]

حکمت یہ نہیں ہے کہ کسی بھی قیمت پر مسئلہ حل کیا جائے حکمت یہ ہے کہ مسئلہ کم سے کم قیمت پر حل کیا جائے ۔​

 

[سید لبید غزنوی]

لاکھوں روپے کمانے والے سے زیادہ خوش وہ شخص رہتاہے جو نہ ملی ہوئی چیزوں کی بجائے ملی ہوئی نعمتوں کو یاد رکھتاہے ۔​

 

[سید لبید غزنوی]

وقت کے زیاں کا ایک اہم ذریعہ ان لوگوں کے ساتھ بحث ومباحثہ ہے جن کا علم اور سمجھ بہت کم اور اعتماد زیادہ ہوتاہے ۔​

 

[سید لبید غزنوی]

انسان کو ہمیشہ اس کی تقدیر ملتی ہے مگر اس تقدیر تک انسان کو چل کر جانا پڑتاہے ۔​

 

[سید لبید غزنوی]

پریشانی کی بات یہ نہیں ہے کہ آپ کے ارد گرد ناکامی کا اندھیرا چھا جائے ۔پریشانی کی بات یہ ہے کہ آپ کے اندر مایوسی کا اندھیرا چھا جائے ۔​

 

[سید لبید غزنوی]

زندگی میں پیش آنے والے ناگوار حالات روزے دار کے سخت کی دن کی طرح آخر کار گزر جاتے ہیں۔​

 

[سید لبید غزنوی]

قانون بگڑے ہوئے افراد کے لیے ہوتاہے بگڑی ہوئی قوم کے لیے نہیں۔ بگڑی ہوئی قوم کی اصلاح صرف دعوت و تربیت سے ہوتی ہے ۔​

 

[سید لبید غزنوی]

انسان کی جہالت اصل مسئلہ نہیں ہوتی اصل مسئلہ جہالت کے باوجود اپنی بات پر اعتماد ہوتاہے ۔​