پسندیدہ اقوال زرّیں، سنہری باتیں۔۔سید لبید غزنوی

[سید لبید غزنوی]

اس شخص کو کبھی موت نہیں آتی جو علم کو زندگی بخشتا ہے ۔​

 

[سید لبید غزنوی]

دو طرح سے چیزیں دیکھنے میں چھوٹی نظر آتی ہیں ایک دور سے دوسرا غرور سے۔​

 

[سید لبید غزنوی]

کسی کو اس کی ذات اور لباس کی وجہ سے حقیر نہ سمجھنا کیونکہ تمہیں دینے والا اور اسے دینے والا ایک ہی ہے اللہ ۔ وہ یہ اُسے عطاکر سکتا ہے اور آپ سے واپس بھی لے سکتا ہے ۔​

 

[سید لبید غزنوی]

دوست کو دولت کی نگاہ سے مت دیکھو ، وفا کرنے والے دوست اکثر غریب ہوتے ہیں ۔​

 

[سید لبید غزنوی]

پریشانی حالات سے نہیں خیالات سے پیدا ہوتی ہے ۔​

 

[سید لبید غزنوی]

بہترین آنکھ وہ ہے جو حقیقت کا سامنا کرے ۔​

 

[سید لبید غزنوی]

دنیا میں سب سے مشکل کام اپنی اصلاح کرنا اور سب سے آسان کام دوسروں پر تنقید کرنا ہے ۔​

 

[سید لبید غزنوی]

نفرت دل کا پاگل پن ہے ۔​

 

[سید لبید غزنوی]

انسان زندگی سے مایوس ہوتو کامیابی بھی ناکامی نظر آتی ہے ۔​

 

[سید لبید غزنوی]

اگر کوئی تم کو صرف اپنی ضرورت کے وقت یاد کرتا ہے تو پریشان مت ہونا بلکہ فخر کرنا کے اُس کو اندھیروں میں روشنی کی ضرورت ہے اور وہ روشنی تم ہو ۔​

 

[سید لبید غزنوی]

وقت ایک ایسا گھوڑا ہے جس نے بھی وقت کے گھوڑے کی لگام صیح وقت اور صیح جگہ پر تھام لی تو یہ وقت کا گھوڑا اُس کو منزل کی طرف لیکر گامزن ہو جاتا ہے۔
اور جس سے چوک ہو جاتی ہے وہ منزل کا نشان کھو بیٹھتے ہیں میرے دوستو!یہ وقت ہی ہوتا ہے جو دروازے پر دستک دے رہا ہوتا ہے جو جاگ جاتے ہیں وہ وہ سوار ہو جاتے ہیں اور جو سستی کی وجہ سے سوئے رہتے ہیں تو وقت اگلے پڑاؤ کی طرف چل پڑتا ہے۔ جب ہی کہتے ہیں کہ نصیب یا قسمت دروازے پر ایک دفع دستک دیتی ہے اور نصیب یا قسمت اپنے ساتھ وقت کے گھوڑے کو ساتھ لاتی ہے تاکہ اُس پر آپ کو سوار کروا سکے۔۔۔۔۔۔​

 

[سید لبید غزنوی]

شیخ سعدی سے کسی نے دوست اور بھائی کے بارے میں دریافت کیا تو آپ نے فرمایا
اِن میں وہی فرق ہیں جو ہیرے اور سونے میں ہوتا ہے ۔دوست ہیرے کی مانند اوربھائی سونے کی مانند ہوتا ہے"
وہ شخص بہت حیران ہوا،اور کہنے لگا یا حضرت بھائی جیسے حقیقی رشتے کو آپ کم قیمت چیز یعنی سونے منسوب کر رہے ہے اس میں کیا حکمت ہے۔
شیخ سعدی نے فرمایا" سونا اگرچہ کم قیمت ہے لیکن اگر ٹوٹ جائے تو پگھلا کر اصل شکل دی جا سکتی ہے۔مگر اگر ہیرا ٹوٹ جائے تو اُس کو اصل شکل نہیں دی جا سکتی بھایئوں میں وقتی چپقلش ہو جائے تو وہ دور ہو جاتی ہے لیکن دوستی کے رشتے میں دراڑۃ آجائے تو اُسے دور نہیں کیا جا سکتا ۔"وہ شخص شیخ سعدی کے حکمت سے بھر پور جواب سے سحر زدہ رہ گیا۔​

 

[سید لبید غزنوی]

سچ ہمیشہ حقیقت سے زیادہ اہم ہوتا ہے ۔​

 

[سید لبید غزنوی]

جستجو
دُنیا میں جستجو نہ ہوتی اگر سب کی قسمت خوشیاں ہوتی۔
امید کون کرتا۔حسرتیں کس کی ادھوری رہتی۔
کوشش کا مقام نہ ہوتا۔
اگر سب مکمل ہوتے تو ادھورا کون ہوتا۔
قدرت کا نظام بھلا کیسے چلتا۔
اﷲ سبحان تعالی نے انسان کو پیدا کیا تاکہ انسان اﷲ سبحان تعالی کو کھوجے۔یہ کھوج ایسی ہے جو حضرت انسان کو ہمیشہ پکار پکار کر کہتی ہے آؤ تلاش کرو۔ اِس کھوج میں کوئی معراج کو پہنچتا ہے تو کوئی سرگردہ سرگردہ رہتا ہے۔یہ روشنی جو ہر سو پھیلی ہوئی ہے انسان کو اﷲ سبحان تعالی اِسی کھوج میں لگا رکھا ہے۔جن کےمن سچے ہوتے ہیں وہ پا لیتے ہیں منزل کو اور وہ نیکی کے پیرو کار بن جاتے ہیں۔اور جو نشان منزل کھوہ بیٹھتے ہیں وہ بھٹک جاتے ہیں۔​

 

[سید لبید غزنوی]

علم کی طلب سے شرم نہ کرو کیونکہ جہالت زیادہ باعث شرم ہے۔​

 

[سید لبید غزنوی]

دین سے اِس طرح محبت کرو جس طرح دُنیا دار دُنیا سے محبت کرتا ہے۔​

 

[سید لبید غزنوی]

چلتے وقت خیال رکھو کہ تمھارے پاؤں سے اٹھنے والی دھول کسی کی انکھوں میں جاکر اُس کی منزل کے نشان نہ چھین لے۔​

 

[سید لبید غزنوی]

تم نے اپنے اللہ کو پہنچان تو لیا مگر اس کا حق ادا نہیں کیا ۔​

 

[سید لبید غزنوی]

تم نے قرآن کریم تو پڑھا مگر اس پر عمل نہیں کیا ۔​

 

[سید لبید غزنوی]

تم نے شیطان سے دشمنی و عداوت کا دعوی تو کیا مگر اس کی اطاعت و پیروی اور موافقت و مرضی پر چلے۔​