arifkarim
معطل
یہ پاکستان جیسے اسلامی معاشرہ میں ممکن ہی نہیں ہے۔ ہمارے ہاں اسلام مکمل ضابطہ حیات ہے۔ مثال کے طور پر آپ وہاں مسجد جائیں تو مولوی کہتا ہے کہ اس کائنات کا خالق حقیقی واحد خدائے مطلق ہے۔ حضرت انسان کی پیدائش اسنے آدم اور حوا کے بطن مبارک سے کی ہے۔ یوں آج کل کی تمام کھرب ہا نفوس پر مشتمل انسانی آبادی آپس میں بہن بھائی ہوگئے۔ اور یوں سائنسی نظریہ ارتقاء اور نظریہ بگ بینگ کی اسی وقت بینڈ بج جاتی ہے!
اسکے علاوہ اور بہت سے غیر سائنسی نظریات ہماری عوام میں عام ہیں اور ہمارے مشترکہ جذبہ ایمانی کا حصہ ہیں۔ جیسے جنات کو کوئی غیرمرئی مخلوق تصور کرنا، جنات کی حاضری، جنات کا مسلمان ہو جانا، جنات کا انسانی اجسام کو چمٹ جانا وغیرہ۔
ایسے حالات میں خود سوچیں کہ وہاں سائنسی علوم کیسے عام ہوں گے؟ سائنسی علوم سیکھنے، سمجھنے کیلئے قدیم مذہبی تقلیدی عقائد اور ایمانیات سے نکلنا بہت ضروری ہے۔ ہونا تو یہ چاہئے کہ پہلے عقلی اور معقول دلیل دی جائے اور پھر جذبہ ایمانی پیدا ہو، یہاں صدیوں سے اُلٹ ہو رہا ہے۔
مذہب اور سائنس بالکل الگ موضوعات ہیں۔ سائنسی علوم قدرت کے بارہ میں ہیں جبکہ مذہبی علوم انسانی اخلاقیات و معاشریات کے بارہ میں۔
کونسی متعین حدود؟ یاد رہے کہ علم کی تو کوئی حدود نہیں ہوتیں کہ یہ علم اتنا سیکھنا جائز ہے یا نہیں۔ اگر جادو ٹونا حقیقتاً کوئی علم ہوتا تو کبھی بھی اس کے سیکھنے پر کوئی پابندی نہ لگتی۔ البتہ اس کا استعمال قانوناً جرم ہے۔ جیسے کلوننگ کا علم سیکھنے پر کوئی حدود نہیں ہیں لیکن اگر آپ اس سائنسی علم کو انسانی معاشرتی حدود سے باہر استعمال کرتے ہیں تو پھر آپ یقیناً سنگین مجرم اور گناہگار کہلائیں گے!
آجکل کے جدید دور میں سب سے ضروری اور کارآمد سائنس اور ٹیکنالوجی سے وابستہ علوم ہیں۔ اگر یہی علوم ہمارے معاشرے میں دوسرے ممالک کے مقابلہ میں کئی سو سال پیچھے ہوں تو کیا اس پر بحث و مباحثہ نہ کیا جائے؟ یا شاید آپ برطانیہ کے معروف شہر برمنگھم میں جاری" اسلامی" سائنس پر مبنی نظام تعلیم کا نفاذ پاکستان میں چاہتے ہیں؟سائنس کی بنیادی تعریفات وغیرہ کی بحثیں پڑھ لیں کافی ہیں ۔ اس دھاگے کا موضوع نظام تعلیم پر غور و خوض ہے وہ کہیں اور مڑ جائے گا۔
http://www.urduweb.org/mehfil/threads/73691/
