بارہویں سالگرہ شعر کا جواب شعر سے دیں ۔ برائے محفل کے شعراء

[نور وجدان]

وہی محفلیں ہیں وہی سماں وہی کارگہ ہے وہی جہاں
وہی حسن ہے وہی دلبری وہی احتباسِ سوال ہے

چبھتی ہے قلبو جاں میں ستاروں کی روشنی
اے چاند ڈوب جا! طبیعت اداس ہے
جالب

 

[محمد وارث]

کیا علاقہ ادب سے ہے اس کو؟
یاں سیاست نہ لائیو استاد!

آپ اور میں ادب ہی ڈھونڈیں گے
ہو گیا سارا مُلک جب برباد

 

[نور وجدان]

ستم تو یہ ہے ظالم سخن شناس نہیں
وہ ایک شخص کہ شاعر بنا گیا مجھ کو
فراز

ہم کو اس سے نیاز ہے بھی نہیں
بے نیازی ڈبو گئ جس کی

 

[محمد عدنان اکبری نقیبی]

آپ اور میں ادب ہی ڈھونڈیں گے
ہو گیا سارا مُلک جب برباد

پاک سرزمین شادباد
کشور حسین شاد باد

 

[عباد اللہ]

آپ اور میں ادب ہی ڈھونڈیں گے
ہو گیا سارا مُلک جب برباد

"فکرِ ہر کس بہ قدرِ ہمت ہے"
بادشاہِ سخن کا ہے ارشاد
اک ذرا پست حوصلہ ہیں ہم
کچھ ذرا کم ہے اپنی استعداد
یہ تو بس اپنی اپنی ڈفلی ہے
آپ ہیں اپنی رائے میں آزاد
ہم کو خاطر ہے آپ کی منظور
پوچھتے ہیں میاں بصد فریاد
یہ جو ہیں مسئلے سیاست کے
حل ہوں کیونکر بہ تیشۂ فرہاد؟

 

[محمد وارث]

پاک سرزمین شادباد
کشور حسین شاد باد

"کشور" اگر حسین ہے تو ہم بھی ہیں جوان
دونوں ہی "شاد باد" ہوں گے جو کبھی ملے

 

[محمد تابش صدیقی]

پاک سرزمین شادباد
کشور حسین شاد باد

صرف نعروں سے کچھ نہیں ہو گا
ہونا ہو گا لٹیروں سے آزاد

 

[محمد عدنان اکبری نقیبی]

"کشور" اگر حسین ہے تو ہم بھی ہیں جوان
دونوں ہی "شاد باد" ہوں گے جو کبھی ملے

واہ کیا کہنے ہیں۔

 

[محمد تابش صدیقی]

"کشور" اگر حسین ہے تو ہم بھی ہیں جوان
دونوں ہی "شاد باد" ہوں گے جو ملے کبھی

کہہ دو اِن حسرتوں سے کہیں اور جا بسیں
اتنی جگہ کہاں ہے دلِ داغدار میں
بہادر شاہ ظفر

 

[فہد اشرف]

ہم کو اس سے نیاز ہے بھی نہیں
بے نیازی ڈبو گئ جس کی

پھر اسی بے وفا پہ مرتے ہیں
پھر وہی زندگی ہماری ہے
چچا غالب

 

[عباد اللہ]

پھر اسی بے وفا پہ مرتے ہیں
پھر وہی زندگی ہماری ہے
چچا غالب

اب کوئی اس پہ کیا گرہ باندھے؟
کیا غضب کر گئے چچا ارشاد

 

[نور وجدان]

پھر اسی بے وفا پہ مرتے ہیں
پھر وہی زندگی ہماری ہے
چچا غالب

خیال اس ہی ڈر سے ہیں جھٹک دیے سبھی
گمان میں کہیں نہ دید پھر سے ہو ہمیں

 

[عباد اللہ]

خیال اس ہی ڈر سے ہیں جھٹک دیے سبھی
گمان میں کہیں نہ دید پھر سے ہو ہمیں

رقص میں ہے جہاں کی رنگینی
اسقدر بھی نہیں بھلا اغماض

 

[نور وجدان]

رقص میں ہے جہاں کی رنگینی
اسقدر بھی نہیں بھلا اغماض

دل ہی تو ہے نہ کہ سنگ و خشت درد سے بھر نہ آئے کیوں
روئیں گے ہم ہزار بار کوئی ہمیں رلائے کیوں

غالب

 

[عباد اللہ]

دل ہی تو ہے نہ کہ سنگ و خشت درد سے بھر نہ آئے کیوں
روئیں گے ہم ہزار بار کوئی ہمیں رلائے کیوں

غالب

آشکارا ہو رازِ گریہ بھی
تب ہی مل پائے گا کوئی دمساز

 

[محمد تابش صدیقی]

دل ہی تو ہے نہ کہ سنگ و خشت درد سے بھر نہ آئے کیوں
روئیں گے ہم ہزار بار کوئی ہمیں رلائے کیوں

غالب

خار کی ہر چبھن پہ اب کرتے ہیں ہائے ہائے کیوں
کس نے کہا تھا آپ سے سیرِ چمن کو آئے کیوں
نظرؔ لکھنوی

 

[عباد اللہ]

خار کی ہر چبھن پہ اب کرتے ہیں ہائے ہائے کیوں
کس نے کہا تھا آپ سے سیرِ چمن کو آئے کیوں
نظرؔ لکھنوی

یعنی
زخم ملنے پہ واہ وا کیجے
شکر کیجے یہاں بہ ہر افتاد؟

 

[نور وجدان]

،جو سبب رونے کا زار زار پوچھا
تو لہو ہم نے اس جگر کا دکھا ڈالا
عباد اللہ

خار گل کے لیے، گل نہیں اس لیے
سیر جنت یہ رستے میں آئے ہی کیوں

محمد تابش صدیقی

 

[محمد تابش صدیقی]

یعنی
زخم ملنے پہ واہ وا کیجے
شکر کیجے یہاں بہ ہر افتاد؟

راہ میں مشکلیں بھی آئیں گی
کرتے رہیے نہ ہر قدم فریاد

 

[عباد اللہ]

راہ میں مشکلیں بھی آئیں گی
کرتے رہیے نہ ہر قدم فریاد

ہم میاں صبر ہیں ، مجسم صبر!!
کب رہی خوئے شیون و فریاد؟