شعر و شاعر (اشعار اور خالق)

[طارق شاہ]

مُنتطر ہے کسی مخصُوص سی آہٹ کے لیے
زندگی، بیٹھی ہے دہلیز پہ بِرہن کی طرح

مرتضٰی برلاس بیگ

 

[طارق شاہ]

ذات کے خَول میں ہر شخص مُقیّد ہے یہاں
کیا کہیں اِس کو، اگر عرصۂ محشر نہ کہیں

مُرتضٰی برلاس

 

[طارق شاہ]

دُکھ اَوڑھتے نہیں کبھی جشنِ طرب میں ہم
ملبُوس دِل کو تن کا لِبادہ نہیں کیا

پروین شاکر

 

[طارق شاہ]

تصوير جاناں
؛---------؛
ایک بادشاہ کے سامنے چار آدمی بیٹھے تھے.
(١) اندھا (٢) فقیر (٣) عالم (۴) عاشق.
بادشاہ نے یہ مصرعہ کہہ دیا
" اس لیے تصویر ِجاناں ہم نے بنوائی نہیں"
اور سب کو حکم دیا کہ اس پر مصرعہ لگا کر مطلع بنائیں

(١) اندھے نے یوں کہا :
اِس میں گویائی نہیں اور ہم میں بینائی نہیں !
'اِس لیے تصویرِ جاناں ہم نے بنوائی نہیں'

(٢) اورفقیر نے کچھ یُوں کہ :
مانگتا پیسے مصوّر جیب میں پائی نہیں
اِس لیے تصویرِ جاناں ہم نے بنوائی نہیں

(٣) عالم نے یُوں باندھا کہ :
بُت پرستی دین ِاحمؐد میں کبھی آئی نہیں
'اِس لیے تصویر ِجاناں ہم نے بنوائی نہیں'

(۴) اور عاشق صاحب نے یوںگرہ لگائی ،کہ... :

ایک سے جب دو ہُوئے تو لُطف ِیکتائی نہیں
'اِس لیے تصویرِ جاناں ہم نے بنوائی نہیں'

*****
بشکریہ: ابوہریرہ، لکھنؤ-انڈیا

 

[طارق شاہ]

خوف زدہ عاشق :
ایک دن کہلا نہ بھیجا ، "آئیں گھر بھائی نہیں"
'اِس لیے تصویرِ جاناں ہم نے بنوائی نہیں'

خود اعتمادی کا فقدان :
وہ مُصوّر کے مُقابل تو کبھی آئی نہیں
'اِس لیے تصویرِ جاناں ہم نے بنوائی نہیں'

بری الذّمہ :
جب مِلا موقع ، بُلانے پر تو وہ آئی نہیں
'اِس لیے تصویرِ جاناں ہم نے بنوائی نہیں'

رد کردہ عاشق :
بے حجابی میں ہمیں اِک آنکھ وہ بھائی نہیں
'اِس لیے تصویرِ جاناں ہم نے بنوائی نہیں'

محتاط عاشق:
ہم سے ملنے وہ اکیلی تو کبھی آئی نہیں
'اِس لیے تصویرِ جاناں ہم نے بنوائی نہیں'

حسا س :
اِس نہج پر دوستانہ وہ کبھی لائی نہیں !
'اِس لیے تصویرِ جاناں ہم نے بنوائی نہیں'

 

[طارق شاہ]

حاصلِ کُن ہے یہ جہانِ خراب
یہی ممکن تھا اِتنی عُجلت میں

جون ایلیا

 

[لاریب مرزا]

رات یوں دل میں تیری کھوئی ہوئی یاد آئی
جیسے ویرانے میں چپکے سے بہار آجائے
جیسے صحراؤں میں ہولے سے چلے بادِ نسیم
جیسے بیمار کو بے وجہ قرار آ جائے

(فیض احمد فیض)

 

[طارق شاہ]

تھا اب تک معرکہ باہر کا درپیش !
ابھی تو گھر بھی جانا ہے یہاں سے

جون ایلیا

 

[طارق شاہ]

دِل کی گنتی نہ یگانوں میں نہ بیگانوں میں !
لیکن اُس جلوہ گہ ِناز سے اُٹھتا بھی نہیں

فِراق گورکھپوری

 

[طارق شاہ]

راز عرفانِ محبّت کا نہ سمجھے ہم لوگ !
اپنے دِل اپنے ہی ہاتھوں بہ تجاہُل ٹُوٹے

احساؔن علیم

 

[طارق شاہ]

اُن سے احساؔن ! نہ چُھوٹا کبھی شکوے کا جواز
ظُلم ہر بار بہ اندازِ تغافُل ٹُوٹے

احساؔن علیم

 

[طارق شاہ]

خواب سے جاگ، کہ زنجیرِ تساہُل ٹُوٹے
دستِ تدبیر بڑھے سِحْرِ غَمِ کُل ٹُوٹے

احساؔن علیم

 

[طارق شاہ]

ہُوں منتظر میں کسی ایسے معجزے کا خلؔش
جو میرے خواب کو تعبیر تک رسائی دے

شفیق خلش

 

[طارق شاہ]

اِتنا آساں نہیں غم کہنے پہ ہی ٹل جائے
ہے وہ رسّی ، کہ نہ جل کر بھی کبھی بل جائے

رات لگتی نہیں ایسی کہ کبھی ڈھل جائے
کاش اِک روز قضا سر سے مِری ٹل جائے

شفیق خلؔش

 

[طارق شاہ]

اِتنے جھنجھٹ ہیں کہ مِلتی نہیں اب تو فُرصت
رسمِ دلجوئی، ہو جیسے بھی اُٹھا دی جائے

ایک ہی طرح دھڑکتا ہے خِزاں ہو کہ بہار !
دِل کو اِس سال کوئی سخت سزا دی جائے

اسلام عظمؔی

 

[طارق شاہ]

سِحرِ خاموشی! کسی طرح تو ٹُوٹے عظمیؔ
اِک صدا نام پہ اپنے ہی، لگا دی جائے

اسلام عظمؔی

 

[طارق شاہ]

خُدا بچائے تِری مست مست آنکھوں سے
فرشتہ ہو تو بہک جائے ،آدمی کیا ہے

خماؔر بارہ بنکوی

 

[طارق شاہ]

اِس انجمن میں دیکھیے اہلِ وفا کے ظرف
کوئی ادا شناس ہے، کوئی ادا شکار

مجید امجد

 

[فاخر رضا]

تصوير جاناں
؛---------؛
ایک بادشاہ کے سامنے چار آدمی بیٹھے تھے.
(١) اندھا (٢) فقیر (٣) عالم (۴) عاشق.
بادشاہ نے یہ مصرعہ کہہ دیا
" اس لیے تصویر ِجاناں ہم نے بنوائی نہیں"
اور سب کو حکم دیا کہ اس پر مصرعہ لگا کر مطلع بنائیں

(١) اندھے نے یوں کہا :
اِس میں گویائی نہیں اور ہم میں بینائی نہیں !
'اِس لیے تصویرِ جاناں ہم نے بنوائی نہیں'

(٢) اورفقیر نے کچھ یُوں کہ :
مانگتا پیسے مصوّر جیب میں پائی نہیں
اِس لیے تصویرِ جاناں ہم نے بنوائی نہیں

(٣) عالم نے یُوں باندھا کہ :
بُت پرستی دین ِاحمؐد میں کبھی آئی نہیں
'اِس لیے تصویر ِجاناں ہم نے بنوائی نہیں'

(۴) اور عاشق صاحب نے یوںگرہ لگائی ،کہ... :

ایک سے جب دو ہُوئے تو لُطف ِیکتائی نہیں
'اِس لیے تصویرِ جاناں ہم نے بنوائی نہیں'

*****
بشکریہ: ابوہریرہ، لکھنؤ-انڈیا

دل کے آئینے میں ہے تصویر یار
جب ذرا گردن جھکائی دیکھ لی

 

[طارق شاہ]

کیا حشر دیکھئے ہو اب اِس اعتدال کا !
سُنتے ہیں عِشق درپئے آزارِ جاں نہیں
.
فِراق گورکھپُوری