شاعری، بعد از مرگ!

[علی وقار]

میں پوچھنے لگا ہوں سبب اپنے قتل کا
میں حد سے بڑھ گیا ہوں مجھے مار دیجئے

 

[علی وقار]

وعدہ کیا تھا پھر بھی نہ آئے مزار پر
ہم نے تو جان دی تھی اسی اعتبار پر

 

[علی وقار]

مہرباں یہ مزار فانیؔ ہے
آپ کا جاں نثار تھا نہ رہا

 

[محمد وارث]

کششے کہ عشق دارد نہ گزاردت بدینساں
بجنازہ گر نیائی بہ مزار خواہی آمد
امیر خسرو
عشق میں جو کشش ہے وہ تجھے اسطرح زندگی بسر کرنے نہیں دے گی، تو اگر میرے جنازے پر نہیں آیا تو مزار پر ضرور آئے گا۔

 

[محمد وارث]

تو طفل سادہ دل و ہمنشیں بد آموزست
جنازہ گر نہ تواں دید بر مزار بیا
غالب
تو ایک بھولے بھالے بچے کی طرح ہے اور رقیب تجھے الٹی سیدھی پٹیاں پڑھا رہا ہے، سو اگر تو ہمارا جنازہ نہیں دیکھ سکا تو کم از کم ہمارے مزار پر ہی آ جا۔

منظوم پنجابی ترجمہ از صوفی تبسم
تُو سادہ تے تیرا دل سادہ ،تینوں ایویں رقیب کُراہ پایا
جے تو میرے جنازے تے نیں آیا، راہ تکدا اے تیری مزار آ جا

 

[فہد اشرف]

اور بعد از مرگ فیض صاحب کی فرمائشیں سنیے
کرو کج جبیں پہ سرِ کفن ، مرے قاتلوں کو گماں نہ ہو
کہ غرورِ عشق کا بانکپن ، پسِ مرگ ہم نے بھلا دیا

 

[گُلِ یاسمیں]

ذوق کی جانب سے بعد از مرگ اطلاع

ڈھانپا کفن نے داغ عیوب برہنگی
میں ورنہ ہر لباس میں ننگ وجود تھا

 

[محمد عبدالرؤوف]

میر سے منسوب ایک شعر جو شاید کسی غافل تخلص رکھنے والے شاعر کا ہے۔

بعد مرنے کے مری قبر پہ آیا غافل
یاد آئی مرے عیسٰی کو دوا میرے بعد

 

[علی وقار]

میں پوچھنے لگا ہوں سبب اپنے قتل کا
میں حد سے بڑھ گیا ہوں مجھے مار دیجئے

یہ واقعی مقتول شاعر کا حد سے بڑھا ہوا تقاضا ہے۔

 

[فہد اشرف]

لاؤ تو قتل نامہ مرا میں بھی دیکھ لوں
کس کس کی مہر ہے سر محضرلگی ہوئی

 

[محمد عبدالرؤوف]

لاؤ تو قتل نامہ مرا میں بھی دیکھ لوں
کس کس کی مہر ہے سر محضرلگی ہوئی

علی وقار ، یہ شاعر تو اپنی حد میں ہے نا!!

 

[علی وقار]

علی وقار ، یہ شاعر تو اپنی حد میں ہے نا!!

مقتول و مدفون شعرائے کرام سے متعلق کچھ کہتے ہوئے خوف بھی آتا ہے۔

 

[محمد عبدالرؤوف]

مقتول و مدفون شعرائے کرام سے متعلق کچھ کہتے ہوئے خوف بھی آتا ہے۔

اب باتیں نہ بنائیں، خوف ہوتا تو اس طرح لڑی کھول لیتے کیا 🙂

 

[فہد اشرف]

علی وقار ، یہ شاعر تو اپنی حد میں ہے نا!!

شاید شاعر کو احساس تھا کہ وہ حد سے تجاوز کر رہا ہے اس لیے اپنی پہچان ظاہر نہیں کی۔

 

[محمد عبدالرؤوف]

بعد مرنے کے بھی آرام نہیں میرؔ مجھے
اس کے کوچے میں ہے پامال مری خاک ہنوز

 

[سعادت]

مصطفیٰ زیدی کا مشہور شعر:

؎ میں کس کے ہاتھ پہ اپنا لہو تلاش کروں
تمام شہر نے پہنے ہوئے ہیں دستانے

 

[محمد عبدالرؤوف]

میں نے چاہا تھا کہ اندوہِ وفا سے چھوٹوں
وہ ستمگر مرے مرنے پہ بھی راضی نہ ہوا

مرزا غالب

 

[فہد اشرف]

میں نے چاہا تھا کہ اندوہِ وفا سے چھوٹوں
وہ ستمگر مرے مرنے پہ بھی راضی نہ ہوا

مرزا غالب

یہ تو قبل از خود کشی کا شعر ہے۔

 

[سید عاطف علی]

پشیماں لاش پہ آئے ہیں وہ اب
تجھے اے زندگی لاؤں کہاں سے

 

[علی وقار]

نہ ہوئی گر مرے مرنے سے تسلی نہ سہی
امتحاں اور بھی باقی ہو تو یہ بھی نہ سہی