فارسی شاعری خوبصورت فارسی اشعار مع اردو ترجمہ
- صاحب لڑی محمد وارث
- تاریخ ابتداء
حسان خان
لائبریرین
غُبارِ عَجزِ من و دامنِ خطِ تسلیم
ز پا فُتادگی از جاده سر نمیتابد
(بیدل دهلوی)
میری ناتوانی کا غبار ہے اور جادۂ تسلیم کا دامن ہے۔۔۔۔ خستگی و واماندگی راہ سے سر نہیں موڑتی۔
تشریح: میری ناتوانی کا غُبار ہمیشہ تسلیم کی راہ کے دامن پر رہتا ہے، یعنی غُبار جیسا مَیں ناتواں شخص ہمیشہ تسلیم و اطاعت کی راہ اپنائے رکھتا ہوں۔ یہی میری راہ ہے اور میں اِس راہ سے سر نہیں موڑوں گا، کیونکہ زمین پر گِرا ہونا اور خستگی و ماندگی و ضَعف و ناتوانی اپنی مُعیّن راہ سے سرتابی نہیں کرتی۔ یعنی جو شخص زمین پر اُفتادہ ہو اور خستہ و ماندہ و ضعیف ہو وہ جادے (راہ) کو تَرک نہیں کرتا۔
ز پا فُتادگی از جاده سر نمیتابد
(بیدل دهلوی)
میری ناتوانی کا غبار ہے اور جادۂ تسلیم کا دامن ہے۔۔۔۔ خستگی و واماندگی راہ سے سر نہیں موڑتی۔
تشریح: میری ناتوانی کا غُبار ہمیشہ تسلیم کی راہ کے دامن پر رہتا ہے، یعنی غُبار جیسا مَیں ناتواں شخص ہمیشہ تسلیم و اطاعت کی راہ اپنائے رکھتا ہوں۔ یہی میری راہ ہے اور میں اِس راہ سے سر نہیں موڑوں گا، کیونکہ زمین پر گِرا ہونا اور خستگی و ماندگی و ضَعف و ناتوانی اپنی مُعیّن راہ سے سرتابی نہیں کرتی۔ یعنی جو شخص زمین پر اُفتادہ ہو اور خستہ و ماندہ و ضعیف ہو وہ جادے (راہ) کو تَرک نہیں کرتا۔
حسان خان
لائبریرین
درایِ محملِ فُرصت خُروشِ صُور گرفت
هنوز گوشِ منِ بیخبر نمیتابد
(بیدل دهلوی)
محملِ فُرصت کی درا نے صُورِ [قیامت] کا خُروش اپنا لیا۔۔۔ لیکن ہنوز مجھ بے خبر کا کان نہیں مُڑتا [اور توجُّہ نہیں کرتا]۔
× درا = گھنٹی
× بیتِ ہٰذا میں 'فُرصت' شاید 'وقت' کے معنی میں استعمال ہوا ہے۔
هنوز گوشِ منِ بیخبر نمیتابد
(بیدل دهلوی)
محملِ فُرصت کی درا نے صُورِ [قیامت] کا خُروش اپنا لیا۔۔۔ لیکن ہنوز مجھ بے خبر کا کان نہیں مُڑتا [اور توجُّہ نہیں کرتا]۔
× درا = گھنٹی
× بیتِ ہٰذا میں 'فُرصت' شاید 'وقت' کے معنی میں استعمال ہوا ہے۔
آخری تدوین:
حسان خان
لائبریرین
قرنِ بیستُم کے عثمانی شاعر 'توفیق فکرت' کے ایک قطعے کا منظوم فارسی ترجمہ:
من ندارم انتظارِ بال و بر از هیچ کس
در فضا و آسمانِ خویشتن پر میزنم
شاعری هستم رها، عرفان و افکارم رها
نیست از بندِ اِسارت حلقهای بر گردنم
(توفیق فکرت)
مترجم: جلال خسروشاهی
میں کسی بھی شخص سے بال و پر کی توقع نہیں رکھتا۔۔۔ میں خود [ہی] کی فضا و آسمان میں پرواز کرتا ہوں۔۔۔ میں ایک آزاد شاعر ہوں، میرا عرفان و میرے افکار آزاد ہیں۔۔۔ میری گردن پر زنجیرِ اسیری کا کوئی حلقہ نہیں ہے۔
آخری تدوین:
حسان خان
لائبریرین
فطرت از رُویِ ادب اظهارِ نادانی کند
ورنه یونان بُردهاند خاکسترِ درواز را
(فطرت دروازی)
'فطرت' از رُوئے ادب اظہارِ نادانی کرتا ہے، ورنہ درواز کی خاکِستر کو [بھی] یُونان لے جایا گیا ہے۔
تشریح: 'درواز' حالیہ تاجِکستان کے ایک خِطّے کا نام ہے، جہاں سے 'فطرت دروازی' کا تعلق تھا۔ جبکہ کِشورِ یُونان کو دانائی و حِکمت کا دیار مانا جاتا تھا۔ شاعر اِس افتخار آمیز بیت میں کہہ رہا ہے کہ اگر میں اظہارِ نادانی کرتا ہوں تو وہ صرف دیگروں کے ادب و احترام کے باعث ہے، ورنہ میرا تعلق جس خِطّے سے ہے وہاں کی تو خاکِستر (راکھ) کو بھی یہ شرَف حاصل ہے کہ اُس کو تبرُّکاً یُونان لے جایا جاتا رہا ہے۔ جب خاکِسترِ درواز ہی اِتنی مُحترم و بُلند قدر ہے تو شاعرِ درواز کی دانائی کا عالَم کیا ہو گا؟
ورنه یونان بُردهاند خاکسترِ درواز را
(فطرت دروازی)
'فطرت' از رُوئے ادب اظہارِ نادانی کرتا ہے، ورنہ درواز کی خاکِستر کو [بھی] یُونان لے جایا گیا ہے۔
تشریح: 'درواز' حالیہ تاجِکستان کے ایک خِطّے کا نام ہے، جہاں سے 'فطرت دروازی' کا تعلق تھا۔ جبکہ کِشورِ یُونان کو دانائی و حِکمت کا دیار مانا جاتا تھا۔ شاعر اِس افتخار آمیز بیت میں کہہ رہا ہے کہ اگر میں اظہارِ نادانی کرتا ہوں تو وہ صرف دیگروں کے ادب و احترام کے باعث ہے، ورنہ میرا تعلق جس خِطّے سے ہے وہاں کی تو خاکِستر (راکھ) کو بھی یہ شرَف حاصل ہے کہ اُس کو تبرُّکاً یُونان لے جایا جاتا رہا ہے۔ جب خاکِسترِ درواز ہی اِتنی مُحترم و بُلند قدر ہے تو شاعرِ درواز کی دانائی کا عالَم کیا ہو گا؟
حسان خان
لائبریرین
سرکش اور رعونت پسند انسان کی صحبت میں بیٹھنے والے فرد کو ذہنی و جسمانی گھاٹے کے سوا کچھ بھی ہاتھ نہیں آتا۔ اس کی دلیل یہ ہے کہ وہ موم جو شعلہ کے ساتھ وقت گذارتی ہے، وہ ہمیشہ روتی ہے۔
مفہومِ شعر یہ ہے کہ سرکش اور متکبر انسان کی دوستی و رفاقت سے بچنا چاہیے۔ اس لیے کہ اس کی صحبت کے مضر اثرات انسان کے ذہن اور جسم و جان پر پڑتے ہیں، مگر کمزور ہونے کی وجہ سے وہ اس کی سرکشی کا جواب نہ دے سکنے کے سبب اندر ہی اندر کڑھتا اور گھلتا رہتا ہے۔ جس طرح موم بتی کا موم نرم ہونے کے باعث اور آگ کے شعلے کا مقابلہ اور تاب نہ لا سکنے کی بنا پر آنسوؤں کی طرح گر گر کر اپنے وجود کا خاتمہ کر دیتا ہے، اسی طرح جس شخص میں سرکشوں کے ساتھ مقابلہ کرنے کی طاقت نہ ہو، اسے چاہیے کہ وہ ان کی صحبت اور قرب سے گریز کرے اور اپنی جان بچا کر رکھے۔
(مترجم و شارح: نصیرالدین نصیر گولڑوی)
حسان خان
لائبریرین
مُغل پادشاہ ابوالمُظفّر شہاب الدین محمد شاہجہاں کی مدح میں کہے گئے قصیدے کی ایک بیت میں ابوطالب کلیم کاشانی کہتے ہیں:
رواجِ شرع به حدّی که در قلمروِ هند
زمینِ تشنه نخورْد آب را به ماهِ صیام
(ابوطالب کلیم کاشانی)
[عہدِ شاہجہاں میں] شریعت کا رواج اِس حد تک [ہے] کہ قلمروِ ہند میں زمینِ تشنہ نے [بھی] ماہِ صِیام میں آب نہ پیا۔
رواجِ شرع به حدّی که در قلمروِ هند
زمینِ تشنه نخورْد آب را به ماهِ صیام
(ابوطالب کلیم کاشانی)
[عہدِ شاہجہاں میں] شریعت کا رواج اِس حد تک [ہے] کہ قلمروِ ہند میں زمینِ تشنہ نے [بھی] ماہِ صِیام میں آب نہ پیا۔
حسان خان
لائبریرین
مُغل پادشاہ ابوالمُظفّر شہاب الدین محمد شاہجہاں کی مدح میں کہے گئے قصیدے کی ایک بیت میں ابوطالب کلیم کاشانی کہتے ہیں:
ز سربرهنگیِ آفتاب روشن شد
که بسته بهرِ طوافِ حریمِ او اِحرام
(ابوطالب کلیم کاشانی)
[بہ روزِ نوروز] خورشید کی سر برہنگی (یعنی تابندگی و درخشندگی کے ساتھ از نو طلوع) سے آشکار ہوا کہ اُس نے [پادشاہ] کی حریم کے طواف کے لیے اِحرام باندھا ہے۔ (حالتِ اِحرام میں سر کو برہنہ رکھا جاتا ہے۔)
ز سربرهنگیِ آفتاب روشن شد
که بسته بهرِ طوافِ حریمِ او اِحرام
(ابوطالب کلیم کاشانی)
[بہ روزِ نوروز] خورشید کی سر برہنگی (یعنی تابندگی و درخشندگی کے ساتھ از نو طلوع) سے آشکار ہوا کہ اُس نے [پادشاہ] کی حریم کے طواف کے لیے اِحرام باندھا ہے۔ (حالتِ اِحرام میں سر کو برہنہ رکھا جاتا ہے۔)
آخری تدوین: