بات

[نوید ملک]

ہم جان سے جائیں گے تبھی بات بنے گی
تم سے تو کوئی راہ نکالی نہیں جاتی

(وصی شاہ)

 

[عمر سیف]

یاد تو ہونگی وہ باتیں تجھے اب بھی لیکن
شلیف میں رکھی ہوئی بند کتابوں کی طرح

 

[نوید ملک]

کچھ اور بھی تجھے اے داغ بات آتی ہے
وہی بتوں کی شکايت وہی گلہ دل کا

 

[عمر سیف]

یہ الگ بات کہ غم راس ہے اب
اس میں اندیشہ جاں تھا پہلے

 

[نوید ملک]

اے ہوا میں نے تو بس اس کا پتا پوچھا تھا
اب کہانی تو نہ ہر بات کی بن جایا کرے

 

[عمر سیف]

ساقی سے بس نگاہ ملانے کی دیر تھی
عالم کو میکدہ نہ بنا دوں تو بات کیا

 

[نوید ملک]

بات تو کچھ بھی نہیں تھی مگر اسکا ایک دم
ہاتھ کو ہونٹوں پہ رکھ کر روکنا اچھا لگا

 

[عمر سیف]

نہ پوچھ کیوں میری آنکھوں میں آگئے آنسو
جو تیرے دل میں ہے اس بات پر نہیں آئے

 

[نوید ملک]

لفظ تو سب کے اِک جیسے ہیں کیسے بات کھلے
دنیا داری کتنی ہے اور چاہت کتنی ہے

 

[عمر سیف]

جب دل میں نہ ہو خلوص تو قربت کی بات کیا
اتنا ملو کہ مل کے بھی کچھ فاصلہ رہے

 

[نوید ملک]

عمل کی سوکھتی رگ میں ذرا سا خون شامل کر
مرے ہمدم فقط باتیں بنا کر کچھ نہیں ملتا

 

[عمر سیف]

سیف اندازِ بیاں رنگ بدل دیتا ہے
ورنہ دنیا میں کوئی بات نئی بات نہیں

 

[نوید ملک]

میں بولا ! مجھ سے بات کرو، وہ بولا! پاگل اۤوارہ
پھر میں نے خود کو دیر تلک تک خود لکھا پاگل اۤوارہ
وہ ٹھہرا ٹھہرا سا پانی وہ سلجھا سلجھا سا موسم
میں الجھا الجھا سا شاعر ، میں ٹھہرا پاگل اۤوارہ

 

[عمر سیف]

اب کہ یوں دل کو سزا دی ہم نے
اس کی ہر بات بھلا دی ہم نے
آج پھر یاد بہت آیا وہ
آج پھر اس کو دعا دی ہم نے

 

[نوید ملک]

یوں چپ رہنا ٹھیک نہیں‌ کوئی میٹھی بات کرو
مور چکور پپیہا کوئل سب کو مات کرو

 

[عمر سیف]

بھلا دو رنج کی باتوں میں کیا ہے
ادھر دیکھو میری آنکھوں میں کیا ہے

 

[نوید ملک]

کر کے کوئی ایک ذرا سی بات سنہری
کر جاتا ہے میری ساری رات سنہری

 

[عمر سیف]

یہ جدائیوں کے راستے بڑی دور تک گئے ہیں
جو گیا پھر نہ آیا میری بات مان جاؤ

 

[نوید ملک]

جو بات بھولنے کی ہے یاد آئے گی تجھے
رکھنا ہے جس کو یاد اسے بھول جائے گا

 

[عمر سیف]

چلی یاں تو بات تھی عشق کی مرا راز راز رہا نہیں
میں رہا ہوں ازل سے نامراد کبھی سرفراز رہا نہیں