بات

[عیشل]

اِک ذرا سی بات پر برسوں کے یارانے گئے
لیکن اتنا تو ہوا کچھ لوگ پہچانے گئے

 

[عمر سیف]

ذرا سی بات پہ دامن چھڑا لیا ہم نے
تمام عمر کی وابستگی کو بھول گئے

 

[عیشل]

یارب!وہ نہ سمجھے ہیں نہ سمجھیں گے میری بات
دے اور دل انکو جو نہ دے مجھ کو زباں اور

 

[عمر سیف]

باتوں کے لیے شکوہِ موسم ہی بہت ہے
کچھ اور کسی سے کہا کر نہ سنا کر

 

[نوید ملک]

ہے ایک طرفہ تماشہ طبیعتِ عشاق!
کبھی فراق میں باتیں کبھی وصال میں چپ

 

[عمر سیف]

دل کی بات زباں تک لانا کتنا مشکل ہے
حالِ دل اوروں کو سنانا کتنا مشکل ہے

 

[عیشل]

ٹوٹ جائے دل تو ہو جاتی ہے بزمِ شوق گرم
غم کا شیرازہ بکھر جائے تو بن جاتی ہے بات

 

[عمر سیف]

بات یہ تیرے سوا اور بتا کس سے کریں
تو جفاکار ہوا ہے تو وفا کس سے کریں
آئینہ سامنے رکھیں تو نظر تو آئے
تجھ سے جو بات چھپانی ہو، کہا کس سے کریں؟

 

[نوید ملک]

احساس اگر ہے تو محبت کرو محسوس
ہر بات کا اظہار ضروری نہیں لب سے

 

[عمر سیف]

بھلا بیٹھے ہیں وہ ہر بات اس گزرے زمانے کی
مگر قصے کچھ اس موسم کے ان کو یاد بھی ہونگے

 

[نوید ملک]

پہلی پہلی محبتوں کا خمار
باتوں باتوں میں رات ڈھل جائے

 

[عمر سیف]

زہر ہیں میری باتیں، تیرا لہجہ
اور اس کے درمیاں کچھ بھی نہیں ہے

 

[عیشل]

وہ بھی شہر کے لوگوں میں ڈھلتا جاتا ہے
کہ اسکی بات کا لہجہ بدلتا جاتا ہے
اسے بھی دکھ ہے تعلق کے ٹوٹ جانے کا
وہ جا رہا ہے مگر ہاتھ ملتا جاتا ہے

 

[عمر سیف]

اس بات پہ دُنیا سے میری بنتی ہی نہیں ہے
کہتی ہے کہ تلوار اُٹھا اور قلم رکھ

 

[نوید ملک]

عجیب تھی وہ عجب طرح چاہتا تھا میں
وہ بات کرتی تھی اور خواب دیکھتا تھا میں‌

 

[عمر سیف]

دل کی باتیں پوچھنے کی ضد ہے آخر کس لئے ؟
دل ہی دل میں خود سمجھ لو، جو ہمارے دل میں‌ ہے

 

[نوید ملک]

تو جو نہ ہو تو جیسے سب کو چپ لگ جاتی ہے
آپس میں کیا باتیں کرتے رات ، دیا اور میں

 

[عمر سیف]

ذراسی بات پہ دامن چھڑا لیا ہم سے
تمام عمر کی وابستگی کو بھول گئے

 

[نوید ملک]

تم اپنے رنگ نہاؤ میں اپنی موج اُڑوں
وہ بات بھول بھی جاؤ جو آنی جانی ہوئی

 

[عمر سیف]

وہ جس گھمنڈ سے بچھڑا، گلا تو اس کا ہے
کہ ساری بات محبت میں رکھ رکھاؤ کی تھی