بات

[عبدالجبار]

کل اُن کو بات بات پر سو سو دیئے جواب
مجھے آپ اپنی ذات سے ایسا گماں نہ تھا​

 

[نوید ملک]

بس یہی بات کہ لوگوں کو نہ چاہو دل سے
تجربے اس کے سوا عمر کو کیا دیتے ہیں؟
(ن م راشد)

 

[عبدالجبار]

کوئی ایسی بات اگر ہوئی جو تمہارے جی کو بُری لگی
تو بیاں سے پہلے ہی بھولنا ، تمہیں یاد ہو کہ نہ یاد ہو​

 

[عمر سیف]

واقعہ یہ ہے کہ بدنام ہوئے
بات اتنی تھی کہ آنسو نکلا

 

[نوید ملک]

بات کچھ سوجھی نہیں ہے تجھ سے کہنے کیلئے
یہ تحیر بھی بہت ہے زندہ رہنے کیلئے
آؤ بے سوچے زمانے بھر کی باتیں کریں ہم
عمر تو ساری پڑی ہے کچھ نہ کہنے کیلئے

(ن م راشد)

 

[عبدالجبار]

اندوہِ عشق ایک زمانے کی بات ہے
یہ بات کیا کسی سے چھپانے کی بات ہے

دل کو جلانے، دل کو ستانے کی بات ہے
اچھا تمہی کہو ، یہ ٹھکانے کی بات ہے؟

لہجے میں آنچ، حرف میں حدت، نَفَس میں‌سوز
ہر بات اُن کی دل کو جلانے کی بات ہے

تم بے وفا نہیں‌ہو تو اچھا ہم ہمیں سہی
ایسی بھی کیا یہ بات بڑھانے کی بات ہے

ناراض ہیں جو وہ تم منا لیں گے اُن کو ہم
بس ایک بار آنکھ ملانے کی بات ہے
وہ دل کا حال سُنتے رہے پہلے اور پھر
ہنس کر کہا یہ گزرے زمانے کی بات ہے

ناکامئِ وفا پہ اُڑاتے ہو تم ہنسی
اے دوستو! یہ رونے رلانے کی بات ہے​

 

[عمر سیف]

یوں تو اے ہم سخنو بات نہیں کہنے کی
بات رہ جائے گی یہ رات نہیں کہنے کی

 

[عبدالجبار]

وہ آنکھوں آنکھوں میں کرتے ہیں اِس طرح باتیں
کہ کانوں کان کسی کو خبر نہیں ہوتی​

 

[عمر سیف]

کچھ تو ہوا بھی سرد تھی، کچھ تھا ترا خیال بھی
دل کو خوشی کے ساتھ ساتھ ہوتا رہا ملال بھی
بات وہ آدھی رات کی، رات وہ پورے چاند کی
چاند بھی عین چیت کا اس پر تیرا جمال بھی
( پروین شاکر )

 

[تیشہ]

تیرے بدن میں دھڑکنے لگا ہوں دل کی طرح
یہ اور بات کہ اب بھی تجھے سنائی نہ دوں

 

[عمر سیف]

اسے بھی ڈھنگ نہ آئے گا بات کرنے کا
مجھے بھی عرضِ ہنر کا کہاں سلیقہ ہے

 

[پاکستانی]

آشفتگی سے اُس کی اُس کو برا نا جان
عادت کی بات اور ہے دل کا برا نہیں

 

[عمر سیف]

بے سبب بات بڑھانے کی ضرورت کیا ہے
ہم خفا کب تھے منانے کی ضرورت کیا ہے

 

[پاکستانی]

تم پوچھو اور میں نہ بتاؤں ، ایسے تو حالات نہیں
ایک ذرا سا دل ٹوٹا ھے ، اور تو کوئی بات نہیں

 

[عمر سیف]

باقی میرے حصے کی اب دو ہی باتیں ہیں
جینے کی دعا دینا مرنے کی دعا کرنا

 

[پاکستانی]

کوئی بات دل میں وہ ٹھان کے نہ اُلجھ پڑے تری شان سے
وہ نیازمند جو کہ سر بہ خم، کئی دن سے تیرے حضور ہے

 

[عمر سیف]

اہلِ وفا سے بات نہ کرنا، ہوگا تیرا اصول میاں
ہم کیوں چھوڑیں ان گلیوں کے پھیروں کا معمول میاں

 

[پاکستانی]

http://www.urduweb.org/mehfil/viewtopic.

بات یہ تیرے سوا اور بھلا کس سے کریں
تو جفا کار ہوا ہے تو وفا کس سے کریں

 

[پاکستانی]

چند کلیاں نشاط کی چن کر
مدتوں محو یاس رہتا ہوں
تیرا ملنا خوشی کی بات سہی
تجھ سے مل کر اداس رہتا ہوں

 

[نوید ملک]

چند کلیاں نشاط کی چن کر
مدتوں محو یاس رہتا ہوں
تیرا ملنا خوشی کی بات سہی
تجھ سے مل کر اداس رہتا ہوں

اس میں بات کہاں تھی