اُمید افزا اور ہمت بڑھانے والے اشعار

[جاسمن]

انقلاب صبح کی کچھ کم نہیں یہ بھی دلیل
پتھروں کو دے رہے ہیں آئنے کھل کر جواب
حنیف ساجد

 

[جاسمن]

موجوں کی سیاست سے مایوس نہ ہو فانیؔ
گرداب کی ہر تہہ میں ساحل نظر آتا ہے
فانی بدایونی

 

[جاسمن]

اتنے مایوس تو حالات نہیں
لوگ کس واسطے گھبرائے ہیں
جاں نثار اختر

 

[جاسمن]

شاخیں رہیں تو پھول بھی پتے بھی آئیں گے
یہ دن اگر برے ہیں تو اچھے بھی آئیں گے

 

[جاسمن]

مرے جنوں کا نتیجہ ضرور نکلے گا
اسی سیاہ سمندر سے نور نکلے گا
امیر قزلباش

 

[جاسمن]

اگر کچے گھڑے پرحوصلےکے ہاتھ پڑ جائیں
تو دریا کو بھی مٹی کی کہانی یاد رہتی ہے

منور جمیل قریشی

 

[جاسمن]

جگمگاتا رہا گلشن سے گلی تک رستہ
کل مجھے چھوڑنے جگنو مرے گھر تک آئے
اعتبار ساجد

 

[جاسمن]

چلتے رہنا کبھی نہیں رکنا
حوصلہ کچھ تھکان میں رکھنا
خالد اصغر

 

[جاسمن]

دستِ مزدور جھٹکنے سے نہیں جھک سکتا
اجر مانگا ہے ، کوئی ہاتھ نہیں جوڑے ہیں

 

[جاسمن]

ہم اس فضا میں چپ نہ رہے جس میں دم بخود
سب سوچتے تھے اور کوئی ابتداء کرے!!!!
اعتبار ساجد

 

[سیما علی]

موت کے سامنے بھی لہرا کر
ہم نے گائے ہیں زندگی کے گیت

جس کا دُکھ درد تم نہ بانٹ سکے
بُھول بھی جاؤ اُس کوی کے گیت

گونجتے ہیں، شکیبؔ، خوابوں میں
آنے والی کسی صدی کے گیت
شکیب جلالی