آپ کے پسندیدہ اشعار!

[طارق شاہ]

اُن کی ہم لعْن کبھی طَعْن سے ہی پھرتے تھے
ہم کب آواز سُنے بن بھی، کبھی پھرتے تھے


شفیق خلش

 

[عندلیب]

حوصلہ ہے تو سمندر میں اتر کر دیکھ لے
یوں لب ساحل ہی گہرائی کا اندازہ نہ کر

 

[x boy]

سمندر کا میں کیوں احساس سہونگا
نہیں کیا سیل اشک اس پر بہونگا

 

[عبدالقیوم چوہدری]

دھاپا پو آتوں : چھت پر آتا ہوں
بھرکاتوں بنڈے: پتھر پھینکتا ہوں
سندوری : سرخ
سانداں : ایک قسم کا جال ،پھندا
تو آنکھیاں کو نئیں دستی کرکو روتوں : آنکھوں پر رومال رکھ کے روتا ہوں
اپنیچ :خود ہی
چھلے کا کنکر ؟ ہوتا ہے : جی ہوتا ہے ۔ انگھوٹھی کا نگینہ
اندھارے کی چمنی: روشنی کے لیے لگائی جاتی ہے ۔

بہت شکریہ
چھلا ، میرے خیال کے مطابق کچھ ایسا ہوتا ہے۔ اس لیے اس کی بابت پوچھا تھا۔

 

[طارق شاہ]

گو نہیں جُز ترکِ حسرت دردِ ہستی کا عِلاج
آہ وہ بیمار جو آزردۂ پرہیز ہے

فانی بدایونی

 

[عندلیب]

ذہنوں میں جھانکنے کی ہے فرصت یہاں کسے
خوش پو شیوں سے اپنی نفاست جتائیے

 

[ادب دوست]

کیا نفاست مزاج کی کہیئے
ستھری اتنی کہ دیکھ ہی رہیئے

 

[عندلیب]

جانے کب حبس کا ماحول مہک بن جائے
ذہن کے گوشوں کو یادوں سے معطر رکھنا

 

[ادب دوست]

یادِ ماضی عذاب ہے یارب
چھین لے مجھ سے حافظہ میرا

 

[عندلیب]

اک صدائے بے کراں ہے زندگی اور اس کے بعد
خامشی ہی خامشی ہی خامشی رہ جائے گی

 

[فاروق احمد بھٹی]

ہر نئی تعمیر کو لازم ہے تخریب تمام
ہے اسی میں مشکلاتِ زندگانی کی کشود
علامہ اقبال

 

[ادب دوست]

موت اک ماندگی کا وقفہ ہے
یعنی آگے چلیں گے دم لے کہ

 

[عندلیب]

رات آنکھوں میں کاٹنے والو
اک تم ہی جانتے ہو، کیا ہے ،رات

 

[عندلیب]

دل مرا سوزِ نہاں سے بے مُحابا جل گیا
آتشِ خاموش کے مانند گویا جل گیا

 

[عندلیب]

بزمِ شاہنشاہ میں، اشعار کا دفتر کھلا
رکھیو یا رب! یہ درِ گنجینہء گوہر کھلا

 

[عندلیب]

شب کہ برقِ سوزِ دل سے زَہرہء ابر آب تھا
شعلہء جوالہ، ہر یک حلقہء گرداب تھا

 

[عندلیب]

نالہء دل میں شب اندازِ اثر نایاب تھا
تھا سپندِ بزمِ وصلِ غیر، گو بیتاب تھا

 

[ادب دوست]

کبھی بساط سے باہر شبِ الم نہ ہوئی
جگر تو خون ہوا ہے پر آنکھ نم نہ ہوئی

 

[عبدالقیوم چوہدری]

تھا سپندِ بزمِ وصلِ غیر، گو بیتاب تھا

یہ آسان الفاظ کا ذرا مشکل سا مطلب بھی بتاتی جائیں۔

 

[عبدالقیوم چوہدری]

سوزِ نہاں سے بے مُحابا

درِ گنجینہء گوہر کھلا

شب کہ برقِ سوزِ دل سے زَہرہء ابر آب تھا
شعلہء جوالہ، ہر یک حلقہء گرداب تھا

یہ کچھ رہ گئے تھے